24/12/2016
"Эврика! Би олчихлоо."
Архимед
Архимед эртний ертөнцийн аугаа математикч төдийгүй гарамгай инженер байлаа. Түүнд нэгэн бэрх даалгавар оногдсон нь Хаан бурхдад хүндэтгэл үзүүлэн нэгэн титэмийг урлуулахаар дарханд цэвэр алтаа нарийн сайн жигнэж хэмжиж өгчээ. Гэвч удалгүй хаан алтанд хямд металл хольж залилах юм биш байгаа гэсэн хар төрөв. Хаан үүнийг яаж батлахаа мэдэхгүй Архимедэд даалгасан нь энэ байлаа. Архимед нэгэн удаа биеэ угаахаар онгоцонд ороход гадуур нь ус хальж асгарахыг хараад эзэлхүүнийг хэмжих мэргэн санаа олжээ. Түүний бие усанд орохдоо хэсэг усыг гадагш түрэн гаргасан бөгөөд Архимед аливаа бие өөрийн эзэлхүүнтэй тэнцүү усыг түрэн гаргадгийг гэнэт ухаарсан нь тэр байв. Баярласандаа тэрээр онгоцноосоо үсэрч гараад "Эврика" гэж хашгиран чармай нүцгэн гүйсээр гэртээ орж, хувинг усаар дүүргээд утсанд бэхэлсэн титмийг хийхэд хэсэг ус асгарчээ. Дараа нь титмийг гаргаад, хувинг дүүргэхэд хэдий хэр ус хэрэгтэйг хэмжээд титмийн эзэлхүүнийг олов. Эндээс тэрээр нягтыг тооцоолоход цэвэр алтныхаас нэлээдгүй бага байжээ. Гэхдээ энэ мөрдөлтийн гол үр дүн нь юмсын эзэлхүүнийг хэмжих шинэ аргаыг олсонд оршино.
