Хийлийн сургалт

Эцэг эх хүн хүүхдэдээ хамгийн сайн сайхныг өгөхийг хүсдэг. Гэхдээ тэр “сайн” гэдэг ойлголт нь ихэнхдээ өөрийнх нь өнгөрсөнтэй холбоотой байдаг.

Дугуйлан секцүүд заримдаа хүүхдийн биш, харин эцэг эхийн бага насанд үлдсэн “дутуу мэдрэмж”-ийн үргэлжлэл байдаг.

Хүүхэд байхдаа төгөлдөр хуур тоглож үзээгүй хүн хүүхдээ заавал хөгжмийн дугуйланд явуулахыг хүсдэг. Спортод амжилт гаргаж чадаагүй нэг нь хүүхдээ аварга тамирчин болгохоор шамддаг.

Энэ нь буруу биш ч хүн бүр өөрийн амьдралын “биелээгүй”-г нөхөхийг хүсдэг.

Асуудал эндээс эхэлдэг:
Хүүхэд бол тэр хүний үргэлжлэл биш. Харин тусдаа хүсэл, сонирхол, мөрөөдөлтэй нэгэн.
усдаа хүсэл, сонирхол, мөрөөдөлтэй нэгэн.

Хүүхэд зураг зурах дуртай байхад түүнийг математик руу шахах, эсвэл тайван, дотогшоо зан чанартай байхад хүчээр олон нийтийн арга хэмжээнд оролцуулах нь түүний дотоод дуу хоолойг аажмаар бүдгэрүүлдэг.

Эцэг эхийн хүсэл хүчтэй байх тусам хүүхдийн хүсэл чимээгүй болж эхэлдэг.
Хамгийн эмзэг нь хүүхэд эцэг эхээ баярлуулахын тулд өөрийгөө орхиж сурдаг.

“Ээж аав баяртай байвал би зөв байна” гэдэг итгэл үнэмшил сууж, өөрийн жинхэнэ хүсэл, сонирхлоо ялгаж таних чадвар нь сулрах эрсдэлтэй. Энэ нь насанд хүрэхэд ч нөлөөлдөг: өөрийн амьдралаа бусдын хүслээр амьдрах хэв маяг тогтож болно.

Эцэг эх өөрөөсөө асуух хэрэгтэй:
“Би хүүхдээ юунд дуртай болохыг нь дэмжиж байна уу, эсвэл өөрийн мөрөөдлийг гүйцээж байна уу?”

Хүүхдийг олон зүйл туршиж үзэх боломж олгох нь зөв. Гэхдээ тэдний нүд хаашаа гэрэлтэж байгааг анзаарах нь бүр ч чухал. Хүүхэд өөрөө дуртай зүйлдээ цаг хугацаа, эрч хүчээ зориулах үед жинхэнэ хөгжиж эхэлдэг.

Хүүхэд таны мөрөөдлийг биелүүлэх ёстой биш, харин өөрийнхөө мөрөөдлийг бүтээх эрхтэй.

Хийлийн эрүүвч дээр алчуур тавих нь заавал хийх ёстой зүйл биш ч зөв хэрэглэвэл хөгжмийн зэмсгээ хамгаалах, тоглогчийн тав тухыг нэмэх чухал дадал юм.

🎻 Алчуур тавих нь:

Хөлс, тосноос хамгаална.Учир нь хүзүү, эрүү орчмоос ялгарах хөлс нь хийлийн лак (өнгө) болон модыг гэмтээх эрсдэлтэй.

Арьсны харшил, цочролоос сэргийлнэ.
Зарим хүмүүсийн арьс мод эсвэл металлд мэдрэмтгий байдаг.

Гулсахаас хамгаална.
Алчуур нь бага зэрэг барьц өгч, хийл тоглох үед тогтвортой болгодог.

Цэвэр, арчилгаа хялбар
Алчуураа салгаад угаахад л хангалттай.

✅ Зөв хэрэглэх зөвлөмж:

Хэт зузаан биш байх → Дуугаралт, мэдрэмжид нөлөөлж болзошгүй

Жижиг, яг таарсан хэмжээтэй байх → Хэт том бол хөдөлгөөнд саад болно

Зөөлөн, амьсгалдаг материал сонгох (даавуу, хөвөн)

Тогтмол угааж цэвэрлэх → Эрүүл ахуй , хийл хамгаалалт

Сайн тогтоож байрлуулах → Тоглох үед гулсахгүй байх

Өөрсдөө оёод хийсэн ч болно🙂✅

✅Ингээд байхаар
хайр хүрээд байдгийн
хайр хүрээд байдгийн
хайр хүрээд байдгийн 😄🤩😍

Манай Дуу тоглож сурах ангийнхан болон Цахим хичээлийн суралцагчид🎻

“Хийлчид”

Чимээгүй орой тэнгэрийн захад
Чийрэг салхи чихэнд шивнэнэ.
Чиний гарт хийл амилж
Чимээ бүхэн нь зүрхийг минь хөдөлгөнө.

Нэг утсанд гуниг шингэж
Нэг утсанд баяр гэрэлтэнэ,
Нууцхан амьдралын аялгууг
Нэг л хөдөлгөөнөөр чи өгүүлнэ.

Хуруу чинь гал шиг бүжиж
Хөвсгөр агаар дунд мөр зурна,
Хүний үгээр хэлж чадахгүйг
Хийлийн эгшиг өөрөө тайлна.

Чи бол дуугүй яруу найрагч,
Чи бол нулимс, чи бол инээд,
Чиний аялгуу тасрах мөчид
Чимээгүй орчлон хүртэл чагнана.

Хийлчид
Сэтгэлийн гүнд ассан гал,
Хийлчид
Хэлгүй ч хүүрнэх аялгуу,
Хийлчид
Хүний зүрхийг хөглөх
Хязгааргүй ертөнц билээ.

🐱Амьтны эмнэлгүүдэд:
Зөөлөн классик хөгжим тавихад муур тайван болдог гэж тэмдэглэсэн байдаг.

Гэрийн нөхцөлд:
Зарим муур хийлийн дэргэд ирж сонсож хэвтэж, давтамж, хурд, дууны өнгө нь таарвал сонирхож тайвширдаг.
Харин хэт чанга, хурц байвал дургүйцнэ.

Сайхан аялгуунууд тоглож сурах боломж "ДУУ ТОГЛОЖ СУРАХ АНГИ"

Хаалттай групт шинээр нэмэгдлээ. ДУУ ТОГЛОЖ СУРАХ АНГИДАА элсээд сонирхолтой аргаар суралцаарай

Өглөөний давталт бол нам гүм ертөнцтэй хийдэг дотоод яриа байдаг.

Хот сэрээгүй, агаар хөдөлгөөнгүй,
чимээ шуугиан тархи сарниулаагүй тэр агшин:

хийлийн эхний аялгуу тунгалаг усанд дусал унах шиг сэтгэлд цэвэрхэн тархана.

Нум чимээгүйг зүсэхэд дуу биш, бодол хэлбэрждэг.
Хуруу бүр утсан дээр буухдаа
зөвхөн нот дарахгүй-хөгжимчин хүний дотоод сахилга, тэвчээрийг бичиж байдаг.

Өглөө бол алдаа уучилдаг цаг.
Удаан, анхааралтай давтсан нэг аялгуу
орой мянга тоглосноос илүү үнэ цэнтэй.
Яагаад гэвэл тэр агшинд:

тархи, булчин, сэтгэл гурав нэгэн хэмнэлд ордог.

Өглөөний давталт
хөгжимчний өсөлтийг дотроос нь асааж байдаг.

Тиймээс хийлээ өглөө барина гэдэг
өөрийгөө аажмаар бүтээж буй урлаг юм🥰🎻

Нэг зүйлдээ төвлөрч, системтэй, тууштай байвал хөгжинө.