Шинэ Монгол сургууль

2026 оны 5 сарын 14,15-ны өдрүүдэд 33-р үеийн сурагчдын “Бид сурлаа, мэдлээ, чадлаа” Амжилтын баяр амжилттай болж өндөрлөлөө.

👉 4-р ангийн сурагчид амжилтын баяраа багш нарын чиглүүлгээр өөрсдөө санаачлан, хамтран төлөвлөж, удирдан зохион байгуулсан нь энэ арга хэмжээний хамгийн том онцлог, давуу тал байлаа. Сурагчид үүрэг хариуцлагаа хуваарилан, бие биетэйгээ зөвлөлдөн ажилласнаар хамтын ажиллагаа, зохион байгуулах чадвар, өөртөө итгэх итгэл нь бодитоор хөгжсөн. Мөн өөрсдийн оролцоотой бүтээсэн баяраа чин сэтгэлээсээ хүлээн авч, амжилтаараа бахархах уур амьсгал бүрдсэн нь хүүхэд бүрийн идэвх санаачилгыг нэмэгдүүлсэн үр дүнтэй ажил боллоо. “Хүүхэд өөрөө оролцсон зүйлдээ илүү эзэн болдог” гэдгийн тод жишээ болсон утга учиртай арга хэмжээ болов.

👉"Үгсийн гайхамшиг ба бийрээр урлахуй" өртөө
Анги удирдсан багш нар болон зургийн багш Т.Соёл-Эрдэнэ чиглүүлэн явууллаа. Уг өртөөнд сурагчид байгаль дэлхийг ажиглан мэдэрч, эх хэлээрээ өөрсдийн мэдрэмж, төсөөллийг илэрхийлэн шүлэг, эх зохион бичиж, дөрвөн улирлын онцлогийг зурагт тусган зурсан мэдрэмжээ хуваалцлаа. Мөн найзынхаа бүтээлийн утга санаа, онцлогийг бусдад тайлбарлан ярилцсанаар ойлгох, харилцах, бие биенээсээ суралцах чадвар нь хөгжсөн онцлогтой байв.

👉 “Shine English mini concert ”өртөө
Бага сургуулийн англи хэлний багш Б.Чаминцэцэг, Б.Анужин, Ц.Дулмаа, М.Оюун-Эрдэнэ нар удирдан явууллаа.
Уг өртөөгөөр сурагчид англи хэлээр өөрийгөө илэрхийлэх, дуу шүлэг аялгуугаар дамжуулан зөв дуудлагатай ярих, бусдын өмнө өөртөө итгэлтэй оролцох чадвараа хөгжүүлэв. Мөн хамтран ажиллах, сонсож ойлгох чадвар нь нэмэгдсэн онцлогтой байлаа

👉"Хөгжим" өртөө
Багш Ц.Оюунчимэг, Г.Эрдэнэцэцэг нар удирдан явууллаа.
Уг өртөөн дээр сурагчид хоёр төрлийн хөгжим тоглож сурсан чадвар, дуулах чадвар, тайзан дээр биеэ авч явах чадвар, тайзны соёл зэргийг тайлагналаа.

👉" Бодъё, сэтгэе, хамтаръя " өртөө
Уг өртөөг үеийн багш нар удирдан зохион байгуулж, сурагчдын математик үйлдлийг богино хугацаанд оновчтой гүйцэтгэх чадварыг хөгжүүлэхийн зэрэгцээ цахим технологийг ухаалгаар, сонирхолтой байдлаар ашиглан бүтээлчээр сэтгэх, хамтран ажиллах чадварыг дэмжсэн үр дүнтэй ажил боллоо.

👉 “Шинжлэх ухаанч өртөө”
Уг өртөөг багш Э.Баасанцэрэн удирдан явууллаа. Сурагчид өдөр тутмын энгийн зүйлсийг ашиглан сонирхолтой туршилт хийж, үр дүнг нь ажиглан дүгнэж, эцэг эхчүүддээ тайлбарлан танилцууллаа.

Энэхүү өртөө нь сурагчдын байгалийн юмс үзэгдлийг ажиглах, турших, багаж хэрэгсэлтэй ажиллах чадварыг хөгжүүлэхийн зэрэгцээ сонирхон суралцах, бүтээлчээр сэтгэх, өөрийгөө илэрхийлэх чадварыг нэмэгдүүлсэн сонирхолтой өртөө байлаа.

2026 оны 5 сарын 12,13-ны өдрүүдэд 34-р үеийн сурагчдын Хөгжим,Биеийн тамир, Бүжиг, Технологийн хичээлээр сурсан мэдсэнээ ээж аав нартаа танилцуулсан "Амжилтын баяр" амжилттай болж өндөрлөлөө.

👉Уг "Амжилтын баяр"-ыг мэргэжлийн хичээлийн багш нар болон 34-р үеийн анги удирдсан багш нар зохион байгуулж, өртөөнүүдээ удирдан чиглүүллээ.

👉"Бүжиг" өртөө. Бүжгийн спортын ОУ-н хэмжээний мастер, багш А.Энх-Амгалан, Э.Булган нар сурагчдын сурсан бүжиг, хөдөлгөөний эвсэл, бүжгийн техникүүд, гоо зүйн мэдрэмж, сунгалт болон бие халаалтын дасгалыг хэрхэн гүйцэтгэж чадваржсаныг танилцууллаа.

👉"Биеийн тамир" өртөө.
Багш А.Бадамхатан удирдан чиглүүллээ.Энэ өртөөн дээр сурагчид биеийн хөгжил, 16,32 тоот дасгалууд, зөв бие бялдрыг хөгжүүлэх, алхах , гүйх, жагсах, өнхрөх, мөлхөх, гар дээр зогсох, шатанд авирах, трамплин дээр үсрэх зэрэг хөдөлгөөнүүдийн зөв техникийг хэрхэн эзэмшсэн чадварыг танилцууллаа.

👉"Технологи" өртөө.
Багш Э.Дэлгэрмаа удирдан явууллаа. Сурагчдын бүтээлч сэтгэхүйг хөгжүүлэх, гар дорх материал ашиглан төрөл бүрийн бүтээл хийж сурснаа үзүүллээ.

👉"Хөгжим" өртөө
Багш Э.Янжиндулам, Г.Эрдэнэцэцэг нар удирдан явууллаа.
Уг өртөөн дээр сурагчид хоёр төрлийн хөгжим тоглож сурсан чадвар, дуулах чадвар, тайзан дээр биеэ авч явах чадвар, тайзны соёл зэргийг тайлагналаа.

👉Өртөө бүрийн ажлууд дээр сурагчдын гүйцэтгэх даалгаврын хамт:
📌Багаар ажиллах чадвар
📌Аливаад хандаж буй эерэг, сөрөг хандлага
📌Асуудлыг олж илрүүлж буй чадвар
📌Шийдвэр гаргаж буй чадвар
📌Бусдадаа хүндэтгэлтэй хандаж буй эсэх
📌Бусдыгаа сонсож байгаа эсэх
📌Бие даан ажиллаж чадаж байгаа эсэх
📌Сонголт хийх чадвар
📌Харилцааны соёл
📌Манлайлах чадвар ... гэх мэт олон чадваруудыг илрүүлэн харуулсан сонирхолтой зохиомжтой, өгөөжтэй "Амжилтын баяр" болж өндөрлөлөө. Эцэг эхчүүдийн сэтгэл ханамж туйлын хангалуун байлаа.
3-р баг

Шинэ Монгол дунд сургуулийн 7-1 ангийн авьяаслаг зураач сурагч Б.Банзрагч нь 2025–2026 оны хичээлийн жилд гар зургийн улсын болон олон улсын чанартай уралдаануудад амжилттай оролцож, дараах амжилтуудыг үзүүллээ.

• “Миний мөрөөдлийн машин” гар зургийн олон улсын уралдаанд амжилттай оролцож, Тусгай байр эзэлсэн.
Мөн 2025 оны 12-р сарын 13-ны өдөр Тоёота Мөнххада
компаниас өөрийнх нь зургаар хэвлэсэн даавуун тор болон гарын бэлгээр шагнагдсан байна.

• Монголын Дүрслэх Урлагийн Академи-аас жил бүр уламжлал болгон зохион байгуулдаг хүүхдийн гар зургийн “Hugo and Color” улсын уралдаанд амжилттай оролцож, Алтан медаль, 1-р байр хүртэн, шилдэг бүтээлийн каталог, батламжаар шагнагдсан.

• Баянзүрх дүүргийн Татварын хэлтэс-ээс жил бүр зохион байгуулдаг гар зургийн уралдаанд 1-р байр эзэлж, Алтан медалиар шагнагдсан байна.

Цаашдын хичээл сурлага, уран бүтээлд нь улам их амжилт хүсэн ерөөе!

2026 оны 5 дугаар сарын 07-ны өдөр бага сургуулийн 5 дугаар ангийн сурагчдын дунд зохион байгуулагдсан “SPELLING BEE-2026” англиар үсэглэх тэмцээний 2 дугаар шат амжилттай болж өндөрлөлөө.

Тус тэмцээн нь 2 үе шаттай явагддаг бөгөөд эхний шатанд бүх сурагчид группээр өрсөлдөн, групп бүрээс 5 сурагч шалгарсан юм. Харин 2 дугаар шатанд анги бүрээс шалгарсан нийт 40 сурагч оролцож, шилдэг 10 байрыг тодрууллаа.

1-р байр — 5-4 ангийн сурагч Б. Мэргэн
2-р байр — 5-4 ангийн сурагч Д. Хас-Очир
3-р байр — 5-4 ангийн сурагч Б. Ялгуун
4-р байр — 5-4 ангийн сурагч Б. Эрхэм
5-р байр — 5-3 ангийн сурагч Э. Энххүслэн
6-р байр — 5-2 ангийн сурагч Б. Цэлмүүн
7-р байр — 5-3 ангийн сурагч Э. Тавилан
8-р байр — 5-2 ангийн сурагч О. Төрбат
9-р байр — 5-4 ангийн сурагч Э. Мэргэн
10-р байр — 5-2 ангийн сурагч С. Амарболд нар тус тус шалгарлаа.

Тэмцээнд амжилттай оролцсон нийт сурагчдадаа баяр хүргэж, англи хэл сурах их үйлсэд нь улам өндөр амжилт хүсье.

Шинэ Монгол бага сургуулийн 36-р үеийн 1 дүгээр ангийн сурагчдын “Амжилт өөд алхам алхмаар” өртөөчилсөн Амжилтын баяр 5-р сарын 6, 7-ны өдрүүдэд амжилттай зохион байгуулагдаж өндөрлөлөө.
Энэ удаагийн амжилтын баяраар:
✅"Би бодож чадна" өртөө
✅"Би уншиж чадна" өртөө
✅"Би бичиж чадна" өртөө
✅"Би дуулж, хөгжимдөж чадна" өртөө
✅"Би дасгал хийж чадна" өртөө
✅"Би бүжиглэж чадна" өртөө зэрэг өртөөнүүдээр аялав.

Судлагдахуун тус бүрээр сурагчид мэдэж, сурсан зүйлсээ эцэг эхчүүддээ танилцуулж, өөрсдийн мэдлэг чадвартаа итгэх “БИ ЧАДСАН” гэсэн итгэл, урам зориг, баяр хөөр дүүрэн дурсамжийг бүтээлээ.

Энэхүү aмжилтын баяр нь хүүхэд бүрийн өөртөө итгэх итгэл, суралцах хүсэл тэмүүллийг нэмэгдүүлсэн үр дүнтэй, үнэ цэнтэй үйл ажиллагаа боллоо.

Хүүхэд бүрийн хичээл зүтгэл, ахиц дэвшлийг хамтдаа дэмжин оролцсон эцэг эхчүүддээ болон сэтгэл гарган ажилласан багш нартаа талархал илэрхийлье.

2025–2026 оны хичээлийн жилийн дугуйлан, секцийн үйл ажиллагаанууд өндөрлөж, сурагчид амжилт бүтээлээр дүүрэн тайлангаа тавилаа.

Бага, дунд ангийн драмын дугуйлангийн сурагчид жүжиглэх ур чадвар, багаар ажиллах чадвар, бүтээлч сэтгэлгээгээ нэгтгэн, тайзны урлагийн мэдрэмжээр дүүрэн тайлан тоглолтоо эцэг эх, багш, үе тэнгийнхэндээ толилууллаа.

Мөн сургуулийн коридор 2 долоо хоногийн турш "Урлагийн галерей" болон хувирлаа. Зураг урлал, гар урлал, техник загварчлал, канвас арт, мэдрэмж, шүрэн урлал, шигтгээ наамал, хувцас загварын дугуйлангийн 2–12-р ангийн сурагчид өөрсдийн гараар бүтээсэн гайхалтай бүтээлүүдээ дэлгэж, олон нийтийн мэлмийг баясгав.

Сурагч бүрийн хичээл зүтгэл, багш нарын чиглүүлэг, эцэг эхчүүдийн дэмжлэг дор энэхичээлийн жилийн дугуйлан, секцийн үйл ажиллагаа амжилттай өндөрлөлөө.

Нийт багш, сурагчдадаа халуун баяр хүргэж, ирэх жилийн дугуйлан секцийн үйл ажиллагаанд нь өндөр амжилт хүсье!

“Учир начир” анхдугаар олимпиад амжилттай зохион байгуулагдлаа!

Сурагчдын ойлгон унших чадвар, өгүүлбэртэй бодлого бодох ур чадвар, логик сэтгэлгээг хөгжүүлэх зорилготой “Учир начир” өгүүлбэртэй бодлогын анхдугаар олимпиадыг 1–5-р ангийн 20 бүлгийн дунд амжилттай зохион байгууллаа.

Олимпиадад нийт 615 сурагч оролцож, оюун ухаан, хичээл зүтгэлээ сорин өрсөлдсөнөөс:
✅56 сурагч – 1-р зэргийн батламж
✅79 сурагч – 2-р зэргийн батламж
✅108 сурагч – 3-р зэргийн батламж хүртлээ.

Сурагч бүрийн хичээл зүтгэл, идэвх оролцоо нь бидний бахархал байлаа.

Амжилттай оролцсон нийт сурагчдадаа халуун баяр хүргэж, цаашдын сурлага, хөгжлийн замд нь өндөр амжилт хүсье!

Дархан Гранд Кап бүжгийн спортын УАШТ энэ сарын 2–3-ны өдрүүдэд Дархан хотноо амжилттай зохион байгуулагдлаа.

2019 оноос хойш бүжгийн спортын тэмцээнд оролцох боломжгүй байсан ч 2026 оноос, 7 жилийн дараа дахин оролцож эхэлсэн нь бидний хувьд онцгой мөч байлаа.

Энэ жилийн амжилтууд:
✅Залуучууд насны стандарт бүжгийн формэйшн төрөл – Мөнгөн медаль
✅Хүүхэд насны латин бүжгийн формэйшн төрөл – Хүрэл медаль

Тэмцээнд оролцоход үнэтэй хувь нэмэр оруулж, тусалж дэмжсэн Шинэ Монгол сургуульдаа, хүндэт эцэг эхчүүддээ, Шинэ Монгол сургуулийн 27, 33, 34-р үеийн багш нартаа, мөн бүжгийн спортын Стар хамтлагийн нийт гишүүддээ чин сэтгэлийн талархал илэрхийлье.

Бүжгийн спортын гараагаа амжилттай эхлүүлж буй хүүхдүүддээ цаашдын их амжилтыг хүсэн ерөөе!

2025–2026 оны хичээлийн жилийн ахлах, дунд, бага ангийн сурагчдын дугуйлан, секцийн тайлант үйл ажиллагааны 5 дахь өдрөө урам зориг, авьяас чадвараар дүүрэн, амжилт бүтээлээр арвин сайхан болж өндөрлөлөө.

✅Ахлах сургууль
• Ардын бүжиг – багш Д.Номин-Эрдэнэ
• Цэнгээнт бүжиг – багш Н.Энх-Амгалан
• Хип хоп бүжиг – багш Э.Булган
✅Дунд сургууль
• Ардын бүжиг – багш Э.Булган, Д.Номин-Эрдэнэ
• Цэнгээнт бүжиг – багш Н.Энх-Амгалан, Э.Булган
• Хөгжөөн дэмжигчийн бүжиг – багш Н.Энх-Амгалан
✅ Бага сургууль
• Үкүлэлэ, пианака хөгжмийн ансамбль – багш Ц.Оюунчимэг, Г.Эрдэнэцэцэг
• Ардын бүжиг – багш Н.Энх-Амгалан
• Хөгжөөн дэмжигчийн бүжиг 2-р анги – багш Д.Номин-Эрдэнэ
• Цэнгээнт бүжиг 2-3-р анги – багш Э.Булган
• Хөгжөөн дэмжигчийн бүжиг 5-р анги – багш Э.Булган
• Цэнгээнт бүжиг 4-5-р анги – багш Н.Энх-Амгалан
• Хип хоп бүжиг – багш Э.Булган

Өөрсдийн сурч мэдсэн мэдлэг, ур чадвараа гайхалтайгаар илэрхийлж, тайлангаа амжилттай хамгаалсан нийт багш, сурагчдадаа чин сэтгэлийн халуун баяр хүргэе!

2025–2026 оны хичээлийн жилийн ахлах, дунд, бага ангийн сурагчдын дугуйлан, секцийн тайлант үйл ажиллагааны 3, 4 дэх өдрөө урам зориг, авьяас чадвар, амжилт бүтээлээр дүүрэн сайхан болж өндөрлөлөө.

4 сарын 29
Ахлах сургууль
• Ширээний теннис – багш Н.Оюунбилиг
• Агаарын теннис – багш Хонока
• Хөл бөмбөг – багш Б.Батзолбоо
• Сагсан бөмбөг (охид) – багш Б.Ганцэцэг
• Сагсан бөмбөг (хөвгүүд) – багш М.Жүгдэрнамжил
• Волейбол (охид) – багш Б.Энхмаа
• Волейбол (хөвгүүд) – багш Ц.Нэмэх

4 сарын 30
Бага сургууль
• 100 буудалт даам – багш Б.Ганзориг

Дунд сургууль
• Ятга (VI–XII анги) – багш И.Эгэлханд
• Лимбэ (VI–XII анги) – багш Б.Сэнгэжав
• Ёочин (VI–XII анги) – багш Э.Янжиндулам
• Морин хуур (VI–XII анги) – багш А.Ууганбаяр, Б.Сүхбат
• Цохиур хөгжим (VI–IX анги) – багш Б.Болортунгалаг
• Шанз (VI–IX анги) – багш Г.Эрдэнэцэцэг

Өөрсдийн сурч мэдсэн мэдлэг, ур чадвараа гайхалтайгаар илэрхийлж, тайлангаа амжилттай хамгаалсан нийт багш, сурагчдадаа чин сэтгэлийн халуун баяр хүргэе!