Сайн Иргэн-Сайн Ирээдүй Зан Чанар, Харилцааны Академи

24/09/2026

Налайх дүүргийн ЕБ-ын Эрдмийн Оргил сургуультай хамтын ажиллагааны хүрээнд сургалт зохион байгууллаа.

🎯Тус сургалтад 10 дугаар ангийн 4 бүлгийн сурагчид хамрагдаж, өсвөр үеийнхний өөрийгөө танин мэдэх, зан төлөвөө зөв төлөвшүүлэх, өөрийн давуу чанараа нээн хөгжүүлэхэд чиглэсэн агуулгаар мэдлэг, ойлголтоо нэмэгдүүллээ.

🎯Сургалтын агуулга сурагчдад өөрийн үнэт зүйлсээ тодорхойлох, ёс зүйн хэм хэмжээнд суралцах, шийдвэр сонголтдоо ухамсартай үйлдэхэд чиглэгдсэн бөгөөд өөрийн зан чанар, хандлага, гаргаж буй шийдвэрүүдээ эргэцүүлэн харах боломж олгож, зөв хандлага, зөв сонголт нь хувь хүний хөгжил болон ирээдүйдээ хэрхэн өөрийгөө бэлтгэхэд суралцлаа.

🎯Мөн хүн бүр өөрийн гэсэн давуу тал, хөгжүүлэх боломжтой зан чанартай бөгөөд тэдгээрийг зөв чиглүүлэн хөгжүүлснээр өөртөө итгэх итгэл, хариуцлага, бусдыг хүндэтгэх хандлага, зөв шийдвэр гаргах чадвар зэрэг чухал чанарууд төлөвшдөг болохыг онцоллоо.

🎯Сурагчид ёс суртахууны хэм хэмжээ нь зөвхөн дүрэм, шаардлага бус, харин өөрийгөө болон бусдыг хүндэтгэн, зөв сонголт хийж, хариуцлагатай амьдрахад чиглүүлдэг үнэт зүйл болохыг ойлгоход чиглэсэн дасгал, ярилцлага, оролцоонд суурилсан арга хэлбэрээр сургалт зохион байгуулагдлаа.

23/09/2026

Хичээлийн шинэ жилийн анхны "Эцэг эх асран хамгаалагчийн хөгжлийн сургалт"-ыг Налайх дүүргийн 307-р цэцэрлэгийн эрхлэгч С.Туяа-Эрдэнэ, бага бүлгийн багш Ц.Бямбадолгор, дунд бүлгийн багш К.Батцэцэг нартай хамтран зохион байгууллаа. 🎯Эцэг эх асран хамгаалагч яагаад суралцах шаардлагатай вэ? Сургууль, цэцэрлэг хүүхдэд мэдлэг олгодог бол гэр бүлд хүүхдийн зан чанар, харилцаа, үнэт зүйлсийн суурь бий болж төлөвшдөг.

21/09/2026

Өмнөговь аймгийн "Сайн Хүүхэд" хөтөлбөрийн багш нар маань дараагийн түвшний 2-р сурах бичгээр суралцаж заах эрхээ авлаа. Энэ хичээлийн жилд Даланзадгад хотын НЕБ - 1,4,5,6-р сургуулиудад болон Цогтцэций сумын НЕБ-н 1,2-р сургуулиуд дээр ажиллах болно. Хүүхдүүдэд чин сэтгэлээсээ, хайраар заадаг багш нараараа бахархдаг шүү.

17/09/2026

Налайх дүүргийн НЕБ-ын 160-р сургууль зан чанар харилцаа, ёс зүйн суурь боловсрол олгох "Сайн хүүхэд" төслийг 2026-2027 оны хичээлийн жилд өөрийн сургуульдаа нутагшуулан БИЕ ДААН хэрэгжүүлэх АНХДАГЧ сургууль болж БАТЛАМЖаа гардан авлаа. Хүүхэд бол нийгмийн ирээдүйг бүтээгч улс орны хөгжлийн язгуур үндэс юм. Хүүхдэд зөвхөн академик боловсрол, мэргэжлийн ур чадвар олгохоос гадна хүн төрөлхтөний зөвт мөн чанар, ёс зүйтэй хандлагыг төлөвшүүлэх нь боловсролын салбарын чухал зорилго билээ. Тийм ч учраас "Сайн иргэн сайн ирээдүй" НҮТББ нь хүүхдэд зан чанар харилцаа ёс зүйн боловсролыг системтэйгээр бага наснаас нь олгох нийгмийн хэрэгцээнд үндэслэн энэхүү төслөө амжилттай хэрэгжүүлж байна. Н.Анхбаяр захиралтай 160-р сургуулийн хамт олон хүүхдэд ёс зүйн үнэт зүйлийн боловсрол олгох энэхүү үйлст хамт олноороо нэгдэж "Сайн хүүхэд" төслийг өвлөн, үргэлжлүүлэн хэрэгжүүлэхээр боллоо. "Сайн хүүхэд" төслийн ээлжит сургалтыг бага боловсролын багш Дэлгэрмаа Г. удирдан чиглүүлнэ.Багш сурагчиддаа амжилт хүсэн ерөөе.

13/09/2026

29/05/2026

Сайн Иргэн-Сайн Ирээдүй Зан Чанар, Харилцааны Академи-ийн 2025-2026 оны хичээлийн жилээ амжилттай үдлээ."Сайн хүүхэд" хөтөлбөр 1️⃣5️⃣дахь хичээлийн жилдээ хэрэгжлээ. Нийслэлийн Налайх дүүргийн ЕБ-ын 5-р ангийн 9️⃣6️⃣0️⃣сурагч зан чанарын суурь боловсрол олгох хөтөлбөрт амжилттай хамрагдаж "Эрдмийн баяр"-ын өдрүүдэд БАТЛАМЖаа гардан авлаа. 🎯"Сайн хүүхэд"хөтөлбөрт сурагчид хамрагдснаар мэдлэгээс гадна бусадтай зөв харилцах чадвар, хувийн соёлд суралцлаа.
☑️Өөрийгөө зөв илэрхийлэх
☑️Багаар ажиллах
☑️Уурын мэдрэмжийг зохицуулах
☑️Сонсох чадварт суралцах
☑️Найз нөхөдтэйгээ зөв харилцах ☑️Сэтгэл хөдлөлөө удирдах суурь ойлголт мэдлэгийг эзэмшлээ.
Ёс зүйн боловсрол нь “юу зөв, юу буруу вэ” гэдгийг ойлгуулж, зөв сонголт хийхэд нь дэмжиж сурагчдыг чиглүүлдгээрээ онцлогтой билээ.
🎯Зан чанар, харилцаа, ёс зүйн боловсрол нь хүүхдийг зөвхөн “сайн сурагч” биш, харин зөв хандлагатай, хариуцлагатай, бусдыг хүндэлдэг, нийгэмдээ эерэг нөлөө үзүүлэх иргэн болгон төлөвшүүлэх үндэс болдог.
Энэ төрлийн боловсролыг бага наснаас нь тогтмол, нас сэтгэхүйд нь нийцүүлэн олгох нь ирээдүйн нийгмийн хөгжилд оюуны үнэт хөрөнгө юм.

07/05/2026

Нийслэлийн Налайх дүүргийн Эрдмийн Оргил сургуулийн 5-р ангийн сурагчид "Сайн хүүхэд" зан чанар, харилцаа, ёс зүйн суурь боловсрол олгох хөтөлбөрт хамрагдсан "БАТЛАМЖ"аа гардан авлаа. Сурагчид 2025-2026 оны хичээлийн жилийн 2,3-р улиралд энэхүү хөтөлбөрт хамрагдан зан чанарын суурь боловсролын анхан шатны мэдлэгтэй боллоо. Сурагчид дараах сэдвийн хүрээнд суралцлаа. 🎯Миний үнэ цэнэ 🎯Сэтгэл хөдлөлийн оюун ухаан (EQ чадвар) 🎯Уурын мэдрэмжийг зохицуулах нь 🎯Дуулгавартай зан чанар 🎯Талархалтай зан чанар 🎯Ууч зан чанар сэдвээр суралцан хувийн зан чанарын төлөвшилд суралцлаа. #Сайнзанчанар #зөвхандлага ХҮНИЙ ХӨГЖИЛ ХҮҮХДЭЭС ЭХЛЭЛТЭЙ.

05/05/2026

"Сайн Хүүхэд" хөтөлбөр Өмнөговь аймагт хэрэгжээд 3 дах жилээ үдэж байна. 2023-2026 оны хичээлийн жилүүдэд нийтдээ ерөнхий боловсролын долоон сургуулийн 91 бүлэг, 3000 гаруй хүүхэд энэхүү хөтөлбөрөөр суралцаж төгслөө. Хөтөлбөрийг "Говийн Оюу Хөгжлийг Дэмжих Сан"-аас хэрэгждэг "Боловсрол Өмнөговь" хөтөлбөрийн хүрээнд хамтран хэрэгжүүлдэг билээ. Төгсөлтийн арга хэмжээг нээж Өмнөговь аймгийн Боловсролын газрын дарга Д. Баасанхүү үг хэллээ. Мөн аймагтаа анхлан санаачлан хэрэгжүүлсэн Энэрэл хүний хөгжлийн захирал Ц. Бадамцэрэн танд талархал илэрхийлье.

28/04/2026

Австрали улсын "ЗАЛУУС ӨСӨЖ ХӨГЖИХ" хөтөлбөрийг заах эрхтэй багш нар боллоо.
Энэхүү хөтөлбөр нь өсвөрийн 14–15насны 9–10-р ангийн сурагч нарт зориулсан сэтгэцийн эрүүл мэнд, сэтгэл хөдлөлийн зөв илрэл, зан чанарын сайн сайхан байдал, харилцааны итгэлцэл, ёс суртахууны болон үнэт зүйлийн үндсэн суурийг төлөвшүүлэхэд чиглэсэн "ЗАЛУУС ӨСӨЖ ХӨГЖИХ" сэдэвт хөтөлбөр юм.
Хамтын ажиллагааны хүрээнд "Сайн Хүүхэд" хөтөлбөрийнхөө 20 гаруй багш нараа энэхүү хөтөлбөрт хамруулж, багш нарынхаа оюуны хөгжлийг дэмжиж ажиллаа.
Ийнхүү бид хөтөлбөрөө жилээс жилд шинэчлэн сайжруулж, олон мянган хүүхдэд хүрч ажилласаар байх болно оо.