What are the opening hours?

Monday 09:00 - 20:00 Tuesday 09:00 - 20:00 Wednesday 09:00 - 20:00 Thursday 09:00 - 20:00 Friday 09:00 - 20:00

https://www.facebook.com/170087023198720/

Монгол иргэдийн мэдээлэл дэмжлэгийн төв, Khan uul, Ulaanbaatar (2026)

26/10/2021

🎃HAPPY HALLOWEEN🎃
こんにちは!
みんな～✨
Удахгүй 10 сарын 31 буюу Сүнсний баяр болох гэж байгааг
тохиолдуулан холбогдох шинэ үгсийг хүргэж байна.
🎃HALLOWEEN SPECIAL DAY 🎃

02/10/2020

Өмнө нь та бүхэнд японы баяртай холбоотой мэдээлэл хүргэж байсан. Энэ удаад цувралаар японы газар зүйтэй холбоотой үг хэллэг болон мэдээллийг “読めばわかる日本地理” номоос хүргэхээр боллоо. Хамтдаа газарзүйтэй холбоотой үг цээжлэнгээ япон гэдэг ямар улс болох талаар танилцацгаая.
Өмнөд болон хойд туйлыг зааглаж байдаг шугамыг 赤道（сэкидоо）буюу экваторын шугам гэх ба экватораас хойдохыг 北半球(китаханкюү) хойд хагас бөмбөрцөг, урд хэсгийг 南半球（минамиханкюү）буюу өмнөд хагас бөмбөрцөг гэдэг. Япон бол китаханкюү буюу хойд хагас бөмбөрцөгт байрлах арлын улс юм. 太平洋（тайхэйёо）номхон далайгаар хүрээлэгдсэн баруун хэсэгтээユーラシア大陸（たいりく）евро ази хэмээх том тив байрладаг. Евро азийн захад байрлах Хятад, Солонгос, Хойд солонгос нь хөрш улс болно. Японоос хамгийн зайтай байрладаг улсууд нь Бразил, Аргентин бөгөөд японоос онгоцоор очиход нэг бүтэн өдөр болдог.
Мөн тухайн улсын байрлалыг илэрхийлэх 緯度（идо) буюу өргөрөг, 経度（кэйдо）буюу уртрагаар бол япон улс нь хойд өргөргийн 20-46 градус, зүүн уртрагийн 123-154 градуст байрладаг.

22/09/2020

Докомо дансыг тойрсон хэрэгийн талаар

Холбоо харилцаа болон IT үйлчилгээг гаргаж буй цахим төлбөр тооцооны үйлчилгээний нэг болох NTT докомогоос гаргасан “Докомо данс ” үйлчилгээгээр дамжин банкны хадгаламжаас хууль бусаар мөнгө гарсан гэх хэрэг гарчээ. Одоогоор ил болсон нь хэрэглэгчдийг анзаараагүй байхад нь докомо дансыг нээж банкны данснаас нь докомо данс руу нь мөнгө шилжүүлсэн гэх асуудал юм.
/Мэргэжилтнүүдийн санал сэтгэгдлийг хавсаргасан, 9-р сарын 17-нд шинэчилсэн мэдээллийг хүргэж байна/

-Докомо дансны талаар товч дурьдвал
NTT докомогоос гаргасан цахим төлбөрийн үйлчилгээ юм. Ерөнхийдөө “D төлөлт” гэж нэрлэгддэг ухаалаг утсаар хийх төлбөр тооцооны нэг ба банкны данснаасаа докомо данс руу мөнгө шилжүүлснээрээ худалдан авалт хийх болон бусад хүн рүү мөнгө шилжүүлэх боломжтой болдог. Докомо данс болон банкны данс холбогдсоноороо төлбөр тооцоо хийхэд илүү хялбар болдог ажээ.

NTT докомо үзүүлж буй үйлчилгээ хэдий ч өөр харилцаа холбооны хэрэглэгч ч байсан тус үйлчилгээг ашиглаж болдгоороо онцлогтой. Олон хэрэглэгчтэй болохыг зорьж буй учир, интернэтээр докомо данс нээхэд утасны дугаар шаардлагагүй болж, мэйл хаяг байхад л нэвтрэх боломжийг бий болгож өгч ээ.

-Тэгвэл яагаад хадгаламжийн данснаас хууль бусаар мөнгө гарсан бэ?
Үл мэдэх хэн нэгэн докомо данстай холбоотой хэрэглэгчийн дүр эсгэн дансыг нээж банкны данснаас докомо данс руу хууль бусаар шилжүүлэг хийж мөнгө авсан ба энэ нь хэрэглэгчдийн зүгээс харвал мэдээгүй байхад нь докомо данс руу нэвтэрч банкны данснаас нь мөнгө шилжүүлэн авсан хэрэг болж байгаа юм.
Ийм хэрэг гарсан нь докомо талаас мэйл хаяг байвал л хялбархан нэвтрэх боломжийг олгосноороо мөн эзэн нь мөн эсэхийг шалгах хяналт муу байсныг илтгэж байгаа бол банк талаас нууцлалдаа анхаарч чадаагүй гэх хоёр үндсэн шалтгааны улмаас тус хэрэг гарсан гэж үзэж байна.

Одоогын мэдэгдэж буйгаар 11 банк дээр 157 гаруй үйлдэл гарсан ба хохирлын хэмжээ 27,600,000 иен ийг даваад байна/9-р сарын 17-ний 12 цагийн байдлаар/. Сарын шилжүүлэх хязгаар нь 300,000 иен байдаг ч, энэ дунд 8-р сарын сүүлээс 9-р сарын эхэн хүртэл 600,000 иен алдсан хүн ч байгаа аж.
NTT докомо болон банк хэлэлцэн, хэрэглэгчдийн хохирлыг нөхөн олгохоор хэлэлцэж байгаа гэнэ.

Хэрхэн үйлдэгдсэн талаарх нарийн мэдээлэл байхгүй ч мэргэжилтнүүдийн зүгээс хэд хэдэн таамгийг дэвшүүлээд байна. Гадагш алдагдсан банкны данс болон пин кодыг ашиглан phishing хэмээх аргаар баталгаажуулах кодыг олж авч тус хэргийг үйлдсэн байх магадлалтай гэж ээ.
NTT докомо зүгээс 9-р сарын 10 нд хийсэн хэвлэлийн бага хурлаараа өрсөлдөгч компаниудтай өрсөлдөөн ширүүсэж данс нээх явцыг илүү хялбаршуулснаас данс эзэмшигч мөн эсэхийг баталгаажуулах хяналт суларсан ба энэ нь гэмт хэрэгтэнд боломж олгосон хэмээн тайлбар хийжээ. Бизнесийн цар хүрээгээ тэлэх гэж яарсны ард аюулгүй байдал нууцлалын тал дээр анхаарал сул байжээ.

Мөн мэргэжилтнүүд докомогоос илүү банк талаас нууцлал дээрээ анхаарч чадаагүй гэх хүмүүс ч байна. Докомо данстай холбогдож болох томоохон банкнуудаас гадна орон нутгийн банк нийлээд 35 гаруй банкны данстай холбогдон ажилах боломжтой. Энэ дунд докомо дансаа банкны данстай холбоход хэрэглэгчийг мөн гэж баталгаажуулах хоёр үндсэн шалгуурыг шалгаагүй банкнууд дээр тус халдлага илүүтэй гарсан байна.
Тэрхүү 2 арга нь холболт хийх үед утсандаа нэг удаагийн код авч баталгаажуулах, мөн картын дээд үлдэгдлийг оруулах зэрэг нэмэлт шалгуурууд байдаг аж.
-
Эх сурвалж：https://www3.nhk.or.jp/news/special/sakusakukeizai/articles/20200911.html

22/09/2020

―Японы аймшигтай сүнстэй таван газар―
👻Та бүхэнд энэ удаа японы Ranking dynamite🧨 гэх Youtube сувгаас гаргасан “Яасан ч яваад хэрэггүй японы аймшигт таван газар”-ыг орчуулан хүргэж байна.😱😱😱

15/09/2020

Бүртгэл дуусахад 15 хоног үлдлээ!!!
🔗https://docs.google.com/forms/d/e/1FAIpQLScVbg1UFWptszXb0TKhLDVZopNEfKpJASiS32_ybErSDtaTrA/viewform
👩‍🏫ЦАГЛАШГҮЙ" Гадаад хэл сургалтын төв нь 2020 оны 10 дугаар сарын 1-ээс эхлэн "20 ХОНОГТ 1000 ҮГ ЦЭЭЖЛЭХ" Онлайн сургалтандаа бүртгэж байна. Энэхүү сургалтанд бүртгүүлсэнээр
💡Хөгжилтэй аргаар богино хугацаанд үгийн сангаа нэмэгдүүлэх
💡Японы тухай сонирхолтой видео мэдээлэл үзэх
💡Онлайн хичээл тул хаанаас ч хэзээ ч мөн давтан үзэх
💡Амжилттай суралцсанаар дараагийн шатны сургалтад хөнгөлөлттэй хамрагдах гэх мэт давуу талуудтай.
🗓Бүртгэл: 9 сарын 1-ээс 9 сарын 30 хүртэл
🧮Төлбөр: 39,900 төгрөг
📚Хичээл 10 сарын 1-ээс эхэлнэ.
☎️Холбогдох утас: 70008584
📌Бид таны бүртгүүлсэн утас болон и-мэйл хаягаар төлбөр тушаах данс болон бүртгэл баталгаажсан талаарх мэдээллийг хүргэх болно.

11/09/2020

Сайн байцгаана уу та бүхэнд энэ өдрийн мэнд хүргэе. Өнөөдөр та бүхэнд японы цаг тоололтой холбоотой мэдээлэл хүргэхээр боллоо. Япон хэл дээр мэдээ, мэдээлэл унших явцад тулгардаг асуудлуудын нэг бол японы цаг тооллыг, христийн тоолол руу шилжүүлж ойлгох тооцоолол юм. Дэлхий дахинд нийтлэг хэрэглэгддэг христийн цаг тоолол（西暦） нь Есүс Христ төрснөөс хойш хэдэн жил өнгөрснөөр тухайн жилийг тэмдэглэдэг нэгэн төрлийн цаг тооллын арга юм. Харин япон улсын хувьд өөрсдийн онцлог цаг тооны аргатай ба үүнийг япон цаг тоолол буюу Ва-рэки（和暦） гэдэг. 2020он бол японы цаг тооллоор Рэйвагийн 2 дугаар он（令和2年） юм. Рэйва гэдэг нь тухайн оны цол бөгөөд эзэн хаан солигдоход даган солигддог. Жишээ болгож хэрхэн амраар шилжүүлж ойлгохыг Мэйжи, Тайшоо, Шоова, Хэйсэй, Рэйва үеүд дээр тайлбарлая.

1. Мэйжи /1868-1912/ Мэйжи тоолол руу шилжүүлэхдээ 67-г нэмж тооцно.
Жишээ нь: Мэйжи 3 (明治3年) байвал 3+67=70 буюу 1870он болно. Энд анхаарах ёстой зүйл бол хэрвээ нийлбэрийн хариу 100-гаас дээш гарвал 1900он руу шилжүүлж ойлгоно. Жишээ нь Мэйжи 45（明治45年） бол 45+67＝112 буюу сүүлийн хоёр орон 12 учир 1912он болох юм. .
2. Тайшоо /1912-1926/ байвал 11-ийг нэмж тооцно. Тайшоо 12（大正12年） бол 11+12=23 буюу 1923он болно.
3. Шоова /1926-1989/ байвал 25-г нэмж тооцно. Шоова 64（昭和64年） бол 64+25=89 буюу 1989он болно.
4. Хэйсэй /1989-2019/ байвал 88-г нэмж тооцно. Хэйсэй 9（平成9年） бол 9+88=97 буюу 1997 болно. Хэрэв хариу 100-гаас дээш гарвал 2000 он руу шилжүүлж ойлгоно. Жишээ нь Хэйсэй 25（平成25年） бол 25+88=113 буюу 2013он болно.
5. Рэйва /2019～　/ байвал 18-г нэмж тооцно. Рэйва2（令和2年） бол 2+18=20 буюу 2020он болох юм.

Мэйжи, Тайшоо, Шоова, Хэйсэй, Рэйва дарааллыг цээжилчихвэл 67-11-25-88-18 гэх тоотой харгалзуулж тооцох юм. Доорх зураг нь авиагаар өгүүлбэр зохион цээжлэх Гороавасэ гэх аргийг хэрэглэсэн жишээ болно.
Зураг эх сурвалж: https://www.youtube.com/watch?v=qDN89vBs4UQ

04/09/2020

1/7 Долоон ургамлын баяр
Хаврын долоон ургамлаар хийсэн/доорх зураг/ Нанагүса гаюүг идэж эрүүл энх байхыг билэгддэг. Хятадад тухай жилийн ажил үйлс хэр бүтэмжтэй байхаа мэргэлдэг өдөр ч гэлцдэг.
3/3 Тоорын баяр(Хина мацүри)
Эмэгтэй хүүхдийн эрүүл энх, аз жаргалыг билэгддэг. Гай зовлонг зайлуулах зорилгоор Хина хүүхэлдэйг чимэглэж тавьдгаас гадна момо цэцгээр чимэглэж, цагаан будааны гамбир, загас, ногоо зэрэгтэй хольсон чирашизүшиг хүндэтгэлийн зоог болгон барьдаг.
5/5 Хүүхдийн баяр
Эрэгтэй хүүхдийн эрүүл чийрэг өсөлтийг хүсэн тэмдэглэдэг өдөр. Муу өдөр хэмээгддэг байсан 5-р сарыг эрүүл саруул өнгөрөөхийн тулд, чимаки, цахилдаг зэргийг дэвтээсэн сакэг гай зовлонгоос холуур байг хэмээн билэгдэн үздэг байсан.
Коинобори гэх мөрөг загасны зурагтай далбааг зүүдэг нь эрэгтэй хүүхдийг аливаад тууштай, хүчтэй байгаасай гэсний билэг тэмдэг юм. Мөрөг загас нь бусдаасаа ялгаатайгаар урсгал сөрж сэлдэг загас учир ийн билэгджээ.
7/7 Танабата баяр
Бичиг үсгийн чадвар, оёдол шидэх үйл зэрэгт сайжрал, дэвшлийг хүсэн цаасыг хулсны мөчирт өлгөдөг байсан хятадын баяр өнөөдөр урт нарын цаасыг зулзаган хулсанд өлгөдөг соёлоор өөрчлөгджээ. Энэ өдөр нарын гоймон идэх нь гай зовлонг зайлуулдаг гэлцдэг.
Орихимэ ба Хикобошигийн үлгэр нь хятад, япон домог нийлснээс бий болсон бүтээл юм.
9/9 Удвал цэцгийн баяр
Удвал цэцэг чимэг болсон энэ өдөр, удвал цэцгийн үнэр шингэсэн сакэ буюу Кикүзакэг ууж урт удаан наслахыг билэгдэн тэмдэглэдэг өдөр юм. Тариаланчид “Күри но сэккү” хэмээгээд арвин ургац хураахыг билэгддэг байсан гэдэг.
Эрт цагт өргөн дэлгэр тэмдэглэдэг байсан ч өнөө үед тийм ч өргөн тэмдэглэхээ больжээ.

Зураг эх сурвалж：https://pixta.jp/illustration/37078200

03/09/2020

Сайн байцгаана уу та бүхэнд энэ өдрийн мэнд хүргэе😊цаглашгүй япон хэлний сургалтын төвийн пэйж хуудаснаас мэндчилж байна🤗 Энэ өдрөөс эхлэн та бүхэнд долоо хоног болгон япон оронтой холбоотой мэдээ, мэдээлэл хүргэж байхаар боллоо🎌🇯🇵
Энэ удаад япон орны улиралтай холбоотой “Муу муухайг арилгагч” гэх улирлын онцлог шинжийг агуулсан таван баярын талаар цувралаар хүргэхээр боллоо㊗️
Госэккү/五節句/
Госсэкү гэдэг нь улирлын зааг дээр тохиох гэр бүлийн аз жаргалтай эрүүл энх байх болон ажил үйлс бүтэмжтэй байх, ургац сайн хураах зэргээр сайн сайхныг бэлгэдэж тухайн улирлын шинжтэй баярын зоогийг барьдаг баяр байжээ.
Хятадын соёлын нөлөөгөөр Нарагийн үед(710–794) японд орж ирсэн ч, Эдогийн үеэс(1603–1868) гол төлөөлөл болсон таван улирлын заагийг “Госсэкү” хэмээн шийдсэн. Өнөөдөр арга хэмжээ, баярын байдалтайгаар тэмдэглэж байна.

-1/7 Долоон ургамлын баяр
-3/3 Тоорын баяр
-5/5 Хүүхдийн баяр
-7/7 Танабата баяр
-9/9 Удвал цэцгийн баяр

Эрт цагт сондгой тоо нь билэг дэмбэрэлтэй тоо гэгддэг байсан ч хоёр сондгой тоо давхардсанаараа сайн сайхныг буцаачихдаг хэмээн үздэг байв. Тиймээс сар/өдөр сондгойгоор давхацсан өдөр муу муухайг хөөж өгөөч хэмээн бурханд залбирдаг байжээ. 1/7 ганцаараа өөр байгаагийн учир нь 1/1 шинийн нэгэн хэмээх онцгой өдөр тохиодог учир 1/7-д болгосон байдаг.

22/05/2020

Япон дахь коронавирусын халдварын талаарх сүүлийн үеийн нөхцөл байдал
Япон Улсын Ерөнхий сайд Ш.Абэ 5 дугаар сарын 21-ний өдрийн 18:11 цагийн үед Кансай бүсийн Осака, Киото, Хоёго гэсэн 3 хот, мужид тавиад буй "онц байдал"-ын дэглэмийг цуцалж, Токио хот, Хоккайдо, Сайтама, Канагава, Чиба мужид хөл хориог үргэлжлүүлнэ гэдгээ албан ёсоор илэрхийлэв.
Япон Улсын Парламентаар энэ оны 3 дугаар сарын 13-ны өдөр соёрхон баталсан “Шинэ төрлийн ханиад, томууны эсрэг тусгай арга хэмжээ авах хууль”-д заасны дагуу Кансай бүсийн гурван мужид “онц байдал”-ын дэглэмийг цуцлах шийдвэрийг гаргахын өмнө Эдийн засгийн сэргээн босголтын сайд Я.Нишимура Парламентийн дээд, доод танхимын Төрийн байгуулалтын байнгын хорооны хуралдаанд оролцож, дээрх хот мужуудад тавиад буй “онц байдал”-ыг хэсэгчлэн цуцлах тухай Мэргэжилтнүүдийн зөвлөлөөс гаргасан зөвлөмжийг танилцуулав. Тэрээр Осака, Киото, Хёого гэсэн 3 хот, мужид тавиад буй онц байдлын дэглэмийг цуцалж, харин Токио хот, Хоккайдо, Сайтама, Канагава, Чиба мужид үргэлжлүүлэх зөвлөмж, чиглэлтэй нийцэж байгааг мэдэгдэв.

Монгол иргэдийн мэдээлэл дэмжлэгийн төв

26/10/2021

02/10/2020

22/09/2020

22/09/2020

15/09/2020

11/09/2020

04/09/2020

03/09/2020

22/05/2020

Address

Opening Hours

Telephone

Website

Alerts

Contact The School

Shortcuts

Share

Listing takedown request

Monday	09:00 - 20:00
Tuesday	09:00 - 20:00
Wednesday	09:00 - 20:00
Thursday	09:00 - 20:00
Friday	09:00 - 20:00