IES. Test Prep Centre

1 сарын 6-ны оноог орууллаа. Холбоо барих дугаарт нь кодыг нь илгээсэн байгаа.

1 сарын 9-нд эхлэх SAT writing сургалтанд суухаар бүртгүүлсэн сурагчид тухайн өдрөө 16.30-д Пийс Тауэр-н 1202 тоот-д ирнэ үү.

Ахлах ангийн сурагчид, эцэг эхчүүд анхаарлаа хандуулаарай❗️

❗️Жилд ганцхан удаа элсэлт авдаг олон улсын SAT шалгалтын бэлтгэл ангийн элсэлт эхэллээ. Reading, Writing, Math тус бүрийг тухайн хичээлээр дагнасан, олон жилийн туршлагатай 3 өөр багш заана. Оноогоо ахиулахыг хүссэн, сул чадвар дээрээ салгаж суух боломжтой. Манай сурагчид сургалтанд суугаад оноо нь дундажаар 200 оноогоор ахисан байдаг.

✅Мөн SAT оноог ЭЕШ-руу дүйцүүлж болдог ба өнгөрсөн жилийн манайд сураад ЭЕШ оноогоо дүйцүүлсэн сурагчид 700-800 оноо авсан.

✅Хугацаа: 01/09-03/08 нийт 8 долоо хоног

✅Хичээлийн хуваарь:
Мягмар, Пүрэв, Баасан гараг бүр
16:30-18:30 (Reading, Writing)
16.30-19.00 (Math)

✅Төлбөр:
Writing: 01/09-01/23 хооронд 7 удаа 280,000₮
Reading: 01/25-02/09-нд 8 удаа 320,000₮
Математик: 02/20-03/08-нд 9 удаа 360,000₮

✅Бүртгүүлэх:
Хаан банк 5431075243
Утга дээр нь нэр, анги, утасны дугаараа бичнэ үү.

❗️Жич: Бүртгүүлсэн сурагчид 1.6-нд 11.00-д танхимаар ирж SAT шалгалт цаасаар өгөн гарааны оноо, түвшингээ тогтоолгоно уу.

📍Улсын их дэлгүүрээс баруун тийш Peace tower 1202

SAT 1600

👉SAT ШАЛГАЛТЫН ТУХАЙ...

✅Энэ удаа та бүхэндээ SAT шалгалтын тухай товчхон мэдээлэл бэлдлээ. 2022 оноос эхлэн ЭЕШ-н оноог SAT шалгалтын оноогоор дүйцүүлдэг болсонтой холбоотойгоор ахлах ангийн сурагчид SAT шалгалтанд ихээр бэлддэг болсон. Энэхүү шалгалт нь анх 1926 оноос хэрэгжиж эхэлсэн Америкийн их дээд сургууль, коллежид ороход гол шалгуур болдог төгсөх ангийн сурагчдад зориулсан 100 орчим жилийн түүхтэй шалгалт бөгөөд Америкийн ЭЕШ гэж ойлгож болно. SAT нь Scholastic Aptitude Test үгний товчлол ба Scholastic Assessment Test болгон нэрийг нь өөрчилж байсан бол сүүлд SAT гэсэн оноосон нэрээрээ нэрлэгддэг болсон. Энэхүү шалгалтыг College Board гэсэн хувийн, ашгийн бус байгууллага мөн ETS (Educational Testing Service) боловсролын байгууллагууд хамтран жилд 7 удаа авдаг ба 2023 оноос эхлэн дижитал хэлбэрт шилжээд байгаа юм. Уг шалгалтыг өгснөөр ЭЕШ оноогоо дүйцүүлэх, Америкруу сургуульд явах болон Засгийн газрын тэтгэлэгээс эхлээд төрөл бүрийн тэтгэлэгт тэнцэхэд SAT шалгалтыг өгсөн байвал том давуу тал болдог.

✅SAT шалгалт нь анх авагдаж эхэлснээсээ хойш олон удаа өөрчлөгдөж, шинэчлэгдсэн ба 2023 оны хавраас эхлэн дижитал болж байгаа нь өмнө нь байгаагүй маш том өөрчлөлт юм. Шалгалтын бүтцийн хувьд өмнөх нь нийт 3 цаг үргэлжилдэг байсан бол дижитал хэлбэр нь 2 цаг 14 минут (64минут Reading and Writing section, 70 минут Math section) болж богиноссон. Мөн нийт асуултын тоо нь 154 (52-Reading, 44-Writing, 58-Матн) байснаас дотроо тус бүр 2 хэсэгтэй 98(54-Reading and writing, 44-Math) асуулттай болж багассан. Дижитал SAT нь заавал өөрийнхөө тооны машиныг авчрах шаардлагагүй, хугацаа богино, хэлний хэсгийн асуултууд нь богино параграф бүхий нэг асуултаас бүрдэж байгаа нь уг шалгалтыг амжилттай өгөхөд илүү амархан болж байгаа юм.

✅SAT шалгалтыг өгөхөөр зорьж байгаа бол аль болох эрт бэлдэж эхэлвэл өндөр оноо авах боломжтой ба 11-р ангийнхан маань одоо бэлдэж эхэлвэл төгсөх ангидаа хүссэн оноогоо авч, тэтгэлэгт хөтөлбөрүүдэд хамрагдахад дөхөм болдог. Харин 12-р ангийнхан маань SAT өгч оноогоо ЭЕШ-тэй дүйцүүлэх эсвэл тэтгэлэгт хөтөлбөрт хамрагдах зорилгоор уг шалгалтыг өгдөг. Шалгалтанд бүртгүүлэхдээ www.collegeboard.org цахим хуудсаар бүртгүүлнэ.

✅2023 хичээлийн жилийн шалгалтын хуваарь:

• 3-р сарын 11
• 5-р сарын 6
• 6-р сарын 3