СБД 4-р сургууль

…✅
😩Ямар ч сайн багшийг дайсан шигээ үздэг эцэг эхчүүд сургуулийн анги бүхэнд байдаг.
💕Эсрэгээрээ багшид маш их талархдаг, дэмждэг эцэг эхчүүд түүнээс ч олон байна.
Та бүгдийн хүчээр л багш үргэлжлүүлэн ажиллах тэнхээгээ алддаггүй юм.
❤️Хэрэв таны хүүхдийн багш, өөрийнхөө хүүхдийг орхин байн таны хүүхдийн төлөө зүтгэдэг тэр зүтгэлийг нь, сайхан сэтгэлийг нь , сайхан харилцааг нь жудагтай байдлыг нь ТА заавал хэлж урам өгч талархаж байгаарай.
❤️Үг асар хүчтэй.
Хямарсан сэтгэлийг нь талархлын үгс л сэргээдэг шүү.😘🥰
Багш нарын амралт эхэллээ.
Амралтыг нь урмын үгээр мялаагаарай.
Зуны амралтаа эрч хүч дүүрэн өнгөрүүлээрэй. ❤️❤️❤️❤️

Боловсролд оруулсан хөрөнгө оруулалт ирээдүйдээ оруулсан хамгийн том хөрөнгө оруулалт байдаг.
Технологийн эрин зуунтай мөр зэрэгцэн суралцах боломжийг бүрдүүлэхэд үнэтэй хувь нэмэр оруулсан НИТХ-ын төлөөлөгч Б.Дөлгөөн танд нийт багш, сурагчид, эцэг эхчүүдийнхээ өмнөөс халуун талархал илэрхийлье.

🚀 AI СУРАЛЦАХЫН ХАЖУУГААР БЭЭЖИНГЭЭР АЯЛАХАД БЭЛЭН ҮҮ? 🇨🇳🤖
Технологийн ирээдүйг тодорхойлж буй Хиймэл Оюун Ухаан (AI)-ийн ертөнцөд хөл тавьж, Бээжин хотын түүхэн дурсгалт газруудаар аялах алтан боломж гарлаа!
北方工业大学 (NCUT) их сургуулийн зуны эрчимжүүлсэн хөтөлбөр бүртгэлээ эхлүүллээ.

📅 Хэзээ: 2026 оны 6-р сарын 21 - 7-р сарын 5
📍 Хаана: Бээжин хот, БНХАУ

✨ ЯАГААД ЭНЭ ХӨТӨЛБӨРИЙГ СОНГОХ ЁСТОЙ ВЭ?
🧠 AI-ийн мэдлэг: Машин сургалт, өгөгдөл боловсруулалт болон AI ёс зүйн талаар хамгийн сүүлийн үеийн мэдээллийг практик дээр суралцана.

🏮 Соёлын аялал: Цагаан хэрэм, Хориотой хот, Зуны ордонтой танилцаж, Хятад уран зураг, кунг-фу сурна.

🤝 Олон улсын орчин: Дэлхийн өнцөг булан бүрээс ирсэн залуустай танилцаж, хүрээгээ тэлнэ.

Сургалтын төлбөр: 3.990.000 төгрөг

Энэхүү хөтөлбөр нь ирээдүйд хамгийн их эрэлттэй болох AI-ийн мэдлэг дээр нэмээд аялал, дурсамж, олон улсын туршлага хуримтлуулахыг хүсэж буй хэн бүхэнд зориулсан хөтөлбөр юм.

💳 БҮХ ЗАРДАЛ БАГТСАН (ALL-INCLUSIVE):
Та зөвхөн чемоданаа бэлдэхэд л хангалттай! Бид таны өмнөөс бүх зүйлийг зохион байгууллаа:

✈️ Нислэг: Хоёр талын тийз

🎓 Сургалт: AI-ийн цогц хөтөлбөр, багш нарын зардал

🏨 Байр: Сургуулийн хотхон доторх байр

🚗 Унаа: Нисэх буудлаас тосох, үдэх болон хот доторх бүх тээвэр

🏛️ Үзвэр: Түүхэн газруудын нэвтрэх тасалбар, хөтчийн зардал

🛡️ Даатгал: Гэнэтийн ослын иж бүрэн даатгал

🔥 Бүртгэлийн тоо хязгаартай тул та яараарай!
Холбоо барих утас: 99030864

Эрхэм хүндэт сурагчдадаа,

👍Өнөөдөр бид энэ хичээлийн жилийнхээ сүүлийн хичээлийн өдрийг хамтдаа өнгөрүүлж байна.
👍Та бүхэн нэг жилийн турш хичээл зүтгэл гаргаж, мэдлэг боловсролоо ахиулж, олон сайхан дурсамжийг бүтээлээ.

👍Амжилт гэдэг зөвхөн дүн оноо биш, харин өдөр бүр өөрийгөө хөгжүүлж, алдаанаасаа суралцаж, бусдыг хүндэтгэн зөв хүн болж төлөвших явдал юм.
👍@Та бүхэн энэ жил бүгд өөр өөрийнхөөрөө өсөж, хөгжиж чадсан гэдэгт итгэлтэй байна.
✌️Зуны амралтаа үр бүтээлтэй өнгөрүүлж, ном уншиж, спортоор хичээллэж, гэр бүлдээ туслан, шинэ зүйл сурч мэдээрэй.
✌️Мөн хамгийн чухал нь эрүүл мэнд, аюулгүй байдлаа үргэлж анхаараарай.
👍Ирэх намар илүү их хүсэл мөрөөдөл, эрч хүч, амжилттайгаар эргэн уулзахыг хүсэн ерөөе.
💕Ирэх 7 хоногт зөвхөн шалгалттай ангиуд шалгалтаа өгнө.

❤️Та бүхний ирээдүй гэрэлтэй, мөрөөдөл бүхэн тань биелэх болтугай.
❤️Сайхан амраарай, хүүхдүүд ээ! 🌷📚☀️

Нийслэлийн ерөнхий боловсролын 4 дүгээр сургуулийн захирал Б.Наранчимэг
2026.06.05

Хүүхдийн сайн сайхны төлөө хийсэн үйлс бүхэн дэлгэрэх болтугай.
12-р анги төгсөгчдийн эцэг эхчүүддээ халуун талархал илэрхийлье.
Хүүхдүүд маань үнэхээр баяртай байгаа.
Дахиад ийм ширээ хийж өгөөч гээд … ширээндээ очерлоод …

2026-2027 оны хичээлийн жилд дараах мэргэжлийн багшийг ажилд шалгаруулж авна.

🏆Амжилтаа бататгаж дахин ЦОМЫН ЭЗЭН боллоо.

“SUMMER CUP 2026” Түргэн бодолтын улирлын аварга шалгаруулах тэмцээнд Монголын Оюун Ухааны Академийн гэрээт салбарууд, хөтөлбөр хэрэгжүүлэгч сургуулийн шилдэг 128 тамирчин оролцлоо.

🇲🇳

Баруун 4 зам салбарын дэргэдэх MASTER клубын тамирчин 👦🏻Нийслэлийн 4-р сургуулийн 2а ангийн сурагч О. Мандах оролцсон бүх төрөлдөө буюу

👑Үржвэр төрөлд 1-р байр 🥇алтан медаль

👑Нийлбэр төрөлд 1-р байр 🥇алтан медаль

👑 Флаш анзан төрөлд 1-р байр 🥇алтан медаль

тус тус хүртэж насны ангилалдаа улсдаа тэргүүлж буйгаа дахин баталсанд баяр хүргэе👏🙂🤩🥰

Монголын Оюун Ухааны Академи

2026.05.30

🎉 УРАЛДААНЫ ДҮН ГАРЧ, ЯЛАГЧИД тодорлоо.
🥇 1-р байр – 300,000₮
🏆 Б.Аззаяа
🏫 4-р сургууль, 4е анги
📊 Нийт оноо: 6400

📣📣📣 Энэ уралдааныг багш, сурагч, эцэг эхчүүдийн хичээл зүтгэл хөдөлмөрийг бусдад таниулах, хүүхэд бүрийг хөгжим тоглохыг уриалах зорилготой ҮКҮЛЭЛЭ хөгжмийн
" ХӨГЖЬЕ ХӨГЖИМДЬЕ" аяны хүрээнд зохион байгуулагдлаа.

Хөөрхөн шавьдаа халуун баяр хүргэе🥰🥰🥰

Бүх эмэгтэйчүүд, хүүхдүүддээ эх үрсийн баярын мэнд хүргэж сайн сайхан бүхнийг хүсье.

Эх эцгээрээ ороо засуулж, ор дэрээ хураалгах нь нүгэл. Том болсон хүүхдийнхээ ор дэрийг засаж, хурааж өгдөггүй. Хэвтэх хэвтрээ хүртэл эх эцгээрээ засуулаад байхаар буяныг нь даадаггүй гэж үздэг, угаасаа тийм. Хүүхдийг 07 нас хүрэнгүүт ор дэрийг нь өөрөөр нь хураалгаж засуулж сургадаг бол 13 нас хүрмэгц эх эцгийнхээ ор дэрийг засуулж сургах учиртай. Ямар ч хүн амьдралын туршид жаргал зовлон алиныг нь ч туулдаг жамтай. Том болсон хойноо эх эцгээрээ ор дэрээ засуулаад хоол ундаа хийлгээд байвал туулах замын жаргал хомстож, бэрхшээл зовлон ихэсдэг гэж үзээд хууччуул маань үрсийнхээ урдуур орж ажил хийхийг тэвчдэг заншилтай байв. Харин хийх ажлыг нь зааж зөвлөж өгдөг. Эх эцгийнхээ хөлийг хучиж, гараас нь өргөж босгох нь буян. Тийм учраас хөгшчүүл өөрөө зүтгээд босох байлаа ч,
- Алив хүү минь татаарай! Гээд гараа өгдөг. Тэр нь баширлаж буй явдал огтоос биш, үрсийнхээ үүрэх ачаанаас ялимгүй жаахныг ч гэлээ хугаслах гэсэн, хүн өргөж асрахын наад захын жишээ нэгнээ татаж босгох ухаанд сургах гэсэн санаа юм. Түүнийг үйлдсэн жаахан хүүхдийн ой тойнд болбоос бусдыг татах өргөх далд ухаан сууж эхэлдэг.

Орчин үеийн аав ээжүүд үр хүүхдээрээ ажил хийлгэхгүй нь даанч гачлантайяа! Хүүхдүүдээ хорлож байгаагаа ойлгох хэрэгтэй! "Хүүхэд даага хоёрын тусыг хүн мэдэхгүй ч бурхан мэддэг юм аа" гэж үгтэй. Үүний цаана нэг юм хэлээд байгаа биз? Аливаа хүмүүсийн тусыг хүн мэдэхгүй ч бурханд бүртгэгдэж байдаг санж. Монголчууд ямарваа зүйлсийн ил далдын гүн ухаан хийгээд түүний ач тус, хор хохирлыг машид гүнзгий таньж мэдсэн хайхалтай ард түмэн. Та бид агуу их өвөг дээдсийн энэ мэт суу ухааныг их бага гэлтгүй амьдралын хууль журам болгох нь үндэстэн улсын иргүн хүний үүрэг мөнөөс мөн.. Би гэхэд одоо хэр нь залуу байна. Яадгаа алдаж хөгшрөөгүй хэр нь унтаж амрах ор дэрээ хүүхдээрээ засуулдаг. Үгүй ядаж нэг жаахан хажуулмаар бол,
- Аавдаа дэр аваад ир, гэж хэлээд дэрлэх дэрээ авчруулдаг. Цаашлаад нуруу өвдгөө даруулна, ядрахын цагт хөлөө хучуулах нь жам.

Миний сайн таних нэгэн чинээлэг амьдралтай нөхөр эхийгээ асрамжийн газар аваачиж хаячхаад үхсэн хойно нь хөдөөлүүлсэн юмдаг. Гавьяа байгуулчихсан юм шиг ичих ч үгүй олны дунд түүнээ яриад байхыг яана! Өмнөөс нь ичмээр, бүр гол зурах шиг болсон шүү, бурхан минь! Ачит эхийнхээ ач буяныг яаж даах вэ дээ! Хаанаас үүсэж заяасан гэж тийн тэнэглэнэ вэ! Тэр хүнийг өтөлж өеөсхөд хүүхдүүд нь мөн л асрамжийн газар аваачиж хаях нь тодорхой. Яагаад вэ гэвэл, өөрөө тийм болчимгүй, буянаа барсан эрээгүй үйл хийснийхээ үйлийг эдэлнэ. Ер хүүхдээ бага балчраас нь өөртөө дасгах юу юунаас чухал. Тэгээд хэрд таарсан ажлыг нь хийлгэж сургах ёстой. "Хүн болох багаасаа, хүлэг болох унаганаасаа" гэдэг үгийн чинад агуулга мөн ч өргөн шүү дээ. Үнэхээр хүн шиг хүн мөн л бол хүн ёсыг сахих л учиртай. Биднийг багад хаа хамаагүй хэн хүний ажилд туслах нь үүрэг юм аа гэж ухааруулдаг байлаа. Одоо ямар янзтай болж байгаа билээ? Хүнд ачаа бараа дааж ядаад цахилгаан шат руу дөхөөд иртэл ажигчгүй хөдлөөд явчихдаг хүүхэд залуучууд нэг бишийг харсан шүү! Зарим нь хүн ирж буйг анзаарах сөхөөгүй утсаа маажиж байснаа яваад өгөх, товчлуур санаагаараа дарж өгөх эсэх нь нэн эргэлзээтэй. Тэд дээр дараад өгөөч гэж гуйж байж даруулна. Дарахдаа бүр нэг цаанаасаа ёозгүйг яана. Мэдээж хүүхэд залуус маань цугаараа тийм хатуу хахир болчхоогүй. Бусдад туслах наад захын санаачлагагүй хүүхэд залуусын ирээдүйн зам мөн ч бүрхэг дээ. Ээ мөн хэцүү нөхцөлтэй тулгарна даа. Хүмүүний амьдралын утга учир гэдэг чинь зөвхөн өөрийн өчүүхэн утсан чинээ хар амиа хичээхийг хэлдэггүй юм аа! Бусдын төлөө сэтгэл зүрх, цаг зав, хүч хөдөлмөр, оюун ухаанаа чилээхийг хэлнэм. Хэдий чинээ бусдыг ачилна, төдий чинээ жаргал ирдэг. За яах вэ, заримаас нь ач сэтгэл ирэх нь байтухай баахан доромжлуулах нь ч бий. Түүнийг мөн л өнөөх бурхан шүүгээд өгөхөөс цааш гомдохын хэрэг юун!

Хүүхдээ хүн шиг хүн болгохын тулд эхлээд мал амьтантай ойр өсгөх, үлгэр тууль уншиж өгөх, өөрөөр нь уншуулаад цээжлүүлэх, яриулах нь цэцэг усалж буйтай ижил буюу.. Тэгээд сонгодог уран зохиолын болоод гүн ухааны ном, уламжлалт соёлын танин мэдэхүйг багаас нь зааж уншуулж дадуулах нь таны хайртай үрсэд ус, агаар мэт чухлаас чухал.. Та нарын хүүхдүүдийн тархинд агаар салхи сэвэлзэж байх ёстой биз дээ? Хүүхдээ эрхлүүлэхийн оронд бэрхшээлд дасгах нь амьдралын турш зүдэрч ядрахаас урьдчилан сэргийлж байгаа ардын гүн ухаан. "Эрхийг сурахаар бэрхийг сур" хэмээх зүйр цэцэн үгсийг зөвхөн цээжлэх төдий атал түүний гүн ухааныг нь ойлгуулж амьдралд дадуулах нь эх эцгийн үүрэг юм. Та нарыг хүүхдээ цасан шуурганд хөөж гарга гэсэнгүй, цасан шуурга амьдралын замд нь тосоод ирнэ. Нэг бус нэжгээд олон цасан шуургатай тулгарна. Түүнийг осолгүй туулахын тулд яг одооноос ажил хийж сурга! Хамгийн наад зах нь уусан аягаа хурааж, унтсан ор дэрээ бушуухан хураачихдаг болговол зохино. Эр цэргийн албанд ор дэрээ хурааж сураагүй хөвгүүд өчнөөн ирж байгааг цэргийн дарга танил нөхөд дуу халаг тавин өгүүлэхийг олонтаа сонсов. Намайг цэргийн алба хаахад арай ч ор дэрээ хурааж засаж сураагүй цэрэг байгаагүй ээ. Цэрэг байтухай найман настай жаал сургуулийн дотуур байранд ороход ор дэрээ хурааж сураагүй хүүхэд нэн ховор байв. Яах вэ, олон дунд аанай л эрхийн тэнэгүүд мэр сэрхэн байна л.. Өглөө орондоо хоргоддог, ороо хурааж сураагүй нь олны нүдний олз болдог гэмтэй. Магадгүй зөвхөн ороо хурааж сураагүй сургуульд суусан бага жаахны явдлыг нэг насаараа ярьдаг нөхөд нь ч байдаг л юм билээ. Ээ та минь ээ! Хүүхдүүдээ ажилд сурга, ажил хийгээд сурчихсан хүүхэд бусдыг хайрлах, хүлээн зөвшөөрөх, юмсын чинад агуулгыг ялгаж таних, амьдрал туулах билэг ухаан суудаг юм шүү...!

Хумбагарын Батмэнд. 2026. 05. 27.