Biochemistry MNUMS

“ЭМНЭЛЗҮЙН БИОХИМИ”
номоо хүргүүлэн авах боломжтой боллоо ✨
Номын үнэ 60000 төгрөг.

Та бүхний хүргүүлэн авах байршил дараах бүсчлэлд багтаж байвал 6,000₮ нэмж төлөн өөрийн гар дээр номоо авах боломжтой.

Анхаарах зүйлс:
📍 Захиалгыг 15 цагаас өмнө өгсөн тохиолдолд хүргэлт маргаашийн 23 цагаас өмнө хүргэгдэнэ.
📍 Захиалгыг 15 цагаас хойш өгөх, ямар нэг байдлаар бараа хүлээн авах хүний хаяг, утасны дугаар алдаатай /утсаа аваагүй болон холбогдох боломжгүй/ бол 48-72 цаг болж хойшлогдоно.
📍 Бүсчлэлээс гарсан хүргэлт бол 1 км тутамд 1200 төгрөг нэмж тооцогдоно.

Хүргэлтээр захиалах бол чатаар эсвэл 80365039, 89453525 утсаар холбогдоорой.

ТӨРИЙН ДЭЭД ОДОН, САЛБАРЫН ТЭРГҮҮН, НИЙСЛЭЛИЙН ТЭРГҮҮН, НИЙСЛЭЛИЙН ХҮНДЭТ ИРГЭНЭЭР ШАГНАГДСАН БАГШ, АЖИЛТНУУДДАА БАЯР ХҮРГЭЖ АМЖИЛТ ХҮСЬЕ

"АЛТАН ГАДАС ОДОН"-ГООР:
АУ-ы доктор, профессор Ж.Мөнхцэцэг

"БОЛОВСРОЛЫН ТЭРГҮҮНИЙ АЖИЛТАН"-ААР
АУ-ы доктор Т.Буянхүү

“ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН”-ААР:
АУ-ы доктор М.Нандин-Эрдэнэ
АУ-ы доктор Р.Оюун-Эрдэнэ
АУ-ы магистр С.Тулгаа

“НИЙСЛЭЛИЙН ХҮНДЭТ ИРГЭН”-ЭЭР:
АУ-ы доктор Ч.Одгэрэл

“НИЙСЛЭЛИЙН ТЭРГҮҮНИЙ АЖИЛТАН”-ААР:
магистрант Ө.Мөнх-Эрдэнэ

ТА БҮГДДЭЭ ЦААШДЫН АЖИЛ ҮЙЛСЭД НЬ ӨНДӨР АМЖИЛТ ХҮСЭН ЕРӨӨЕ.

АШУҮИС-ийн Био-Анагаахын Сургуулийн
Биохимийн тэнхим хагас зуун жилд /1975-2025/

Send a message to learn more

ЭМНЭЛЗҮЙН БИОХИМИ

АШУҮИС-ийн Био-АС-ийн Биохимийн тэнхимийн 50 жилийн ойд зориулан хийсэн бүтээлч ажлын хүрээнд M.Murphy нарын 2024 онд зохиосон, дэлхийд бестселлер болсон "Эмнэлзүйн биохими" сурах бичгийн 7 дахь хэвлэлийг зохиогчийн эрхийн зөвшөөрөлтэйгээр эх хэлнээ орчуулан эрхэм уншигч Та бүхний хүртээл болгож байна.
Уг ном нь:
1. Эмнэлзүйн биохимийн удиртгал
2. Биохимийн үндсэн шинжилгээ
3. Дотоод шүүрэл
4. Тусгай шинжилгээ гэсэн 4 хэсэг, нийт 84 бүлэгтэй.
Энэ сурах бичиг нь биохимийн шинжилгээг хэрхэн гүйцэтгэх талаас нь гэхээсээ илүүтэй хэрхэн өвчний эмгэг жам, шинж тэмдэгтэй уялдуулан тайлж унших талаар системтэй, товч тодорхой бичигдсэн, аль ч салбарын практикийн эмч нарын ширээний ном болохуйц бүтээл юм.

Жич: уг номыг АШУҮИС-ийн төв байрны 414 тоот өрөөнд 60000 төгрөгөөр борлуулж байна.

Биохимийн тэнхимийн хичээлийн туслах ажилтан, магистрант Өлзий-Очир овогтой МӨНХ-ЭРДЭНЭ

Намтрын товчоон
Булган аймгийн Хутаг-Өндөр сумын нутагт төрсөн.
Суралцсан байдал:
- 2019 онд Булган аймгийн Хутаг-Өндөр сумын 10 жилийн бүрэн дунд сургууль
- 2024 онд АШУҮИС-ийн Био-Анагаахын сургуулийг Био-Анагаах судлаач мэргэжлээр “Тархины харвалттай өвчтөнүүдэд мэдрэлийн эдийн гэмтлийн биомаркер S100B уургийг судалсан дүн” сэдвээр бакалаврын диплом хамгаалсан.
- 2024 оноос АШУҮИС-д “Бодисын солилцооны хамшинжтэй хүмүүсийн гадар өөхөн эдийн талбай (SFA) болон дотор өөхний талбайг (VFA) эрүүл хүмүүстэй харьцуулан судлах нь” сэдвээр судалгааны ажил хийж гүйцэтгэж байна.
Ажилласан байдал:
- 2025 оны 12-р сараас АШУҮИС, Био-АС, Биохимийн тэнхимд туслах ажилтнаар ажиллаж байна.
Ө.Мөнх-Эрдэнэ нь дотоодын сэтгүүлд нэгдүгээр зохиогчоор 2, хамтран зохиогчоор 2 эрдэм шинжилгээний бүтээл хэвлүүлсэн, олон улсын эрдэм шинжилгээний хуралд 3, дотоодын эрдэм шинжилгээний хуралд 8 судалгааны ажлаа хэлэлцүүлсэн байна. Мөн “Хүрэлтогоот-2024” эрдэм шинжилгээний хуралд 1-р байр эзэлж амжилттай оролцож Грантын эзэн болсон бөгөөд Монгол улсын тэргүүн шадар сайд бөгөөд Эдийн засаг, хөгжлийн сайдын нэрэмжит Залуу судлаач шагнал хүртсэн.

ШУ-ы магистр Доржсүрэн овогтой БЯМБАСҮРЭН
Намтрын товчоон
Улаанбаатар хотод төрсөн.
Суралцсан байдал:
- 2003 онд Улаанбаатар хотын 34-р сургууль
- 2010 онд ЭМШУИС-ийг Уламжлалтын Их Эмч мэргэжлээр төгссөн.
Боловсролын зэрэг:
- 2012-2014 онд БНСУ-ийн “SunМoon” Их Сургуульд “Glycosylation of resveratrol with enzymatic recycling system of UDP-glucose” сэдвээр ШУ-ы магистрын зэрэг хамгаалсан.
Ажилласан байдал:
- 2014 оноос одоо хүртэл АШУҮИС, БиоАС, Биохимийн тэнхимд багшаар ажиллаж байна.
Олон улсын сэтгүүл болон дотоодын сэтгүүлд судалгааны чиглэлээр эрдэм шинжилгээний өгүүлэл- 10, оролцсон төсөлт ЭШ ажил – 4, илтгэл – 4, бакалаврын дипломын ажлын шүүмж 3-ыг бичсэн байна. Ажиллах хугацаандаа 3 дипломын ажил удирдсан. 2019 онд БШУЯ-ны жуух бичгээр шагнагдсан.

АУ-ы доктор Шинэбаатар овогтой ЭРХЭМБАЯР
Намтрын товчоон
Улаанбаатар хотод төрсөн.
Суралцсан байдал:
- 2011 онд Нийслэлийн 86-р сургууль “Ирээдүй Цогцолбор”-ыг төгсөж бүрэн дунд сургууль.
- 2016 онд АШУҮИС-ийн Био-Анагаахын сургуулийг Био-Анагаах судлаач, Дархлаа судлаач мэргэжлээр төгссөн.
Боловсролын зэрэг:
- 2018 онд “Интерферон гаммагаар өдөөгдөх STAT1/iNOS уургийн идэвхжилд TLR9-ийн лигандын нөлөөг тодорхойлсон дүн” сэдвээр АУ-ы магистрын зэрэг хамгаалсан.
- 2021-2025 онд Япон улсын Токушима их сургуульд “Proteasome dysfunction in T cells causes immunodeficiency via cell cycle disruption and apoptosis” сэдвээр АУ-ы докторын зэрэг хамгаалсан.
Ажилласан байдал:
- 2016-2018 онд Геронтологийн үндэсний төвд, Настны судалгаа хариуцсан мэргэжилтэн.
- 2018 оноос одоог хүртэл АШУҮИС, БиоАС, Биохимийн тэнхимд багшаар ажиллаж байна.
АУ-ы доктор Ш.Эрхэмбаяр нь олон улсын сэтгүүлд 1, дотоодын сэтгүүлд 14 эрдэм шинжилгээний өгүүлэл хэвлүүлсэн. Хамтран зохиогчоор 1 ном, 12 гарын авлага бүтээсэн. Биохимийн тэнхимд ажиллах хугацаандаа 2 бакалаврын дипломын ажил удирдаж, 3 дипломын ажлын шүүмж бичсэн.

АУ-ы доктор Чулуун-Эрдэнэ овогтой АРИУНБОЛД

Намтрын товчоон
Дархан-Уул аймгийн Дархан хотод төрсөн.
Суралцсан байдал:
- 2007 онд Дархан хотын Оюуны-Ирээдүй Цогцолбор сургууль
- 2013 онд ЭМШУИС-ийн УАУ-ны сургуулийг Уламжлалтын Их Эмч мэргэжлээр төгссөн.
Боловсролын зэрэг:
- 2013-2015 онуудад Био-Анагаахын сургууль “Бодисын солилцооын хам шинжийн үеийн Аполипопротеин А5 генийн полиморфизмууд ба өөх тосны солилцоо” сэдвээр АУ-ы магистрын зэрэг хамгаалсан.
- 2019-2023 онд Япон улсын Жичи Анагаах Ухааны Их Сургуульд “The study of the spatio-temporal dynamics of intracellular ATP in macrophage efferocytosis” сэдвээр анагаах ухааны докторын зэрэг хамгаалсан.
Ажилласан байдал:
- 2014-2019 онуудад Биохимийн тэнхимд гэрээт, дадлагажигч багшаар тус тус ажилласан.
- 2023-одоо хүртэл Жичи Анагаах Ухааны Их Сургуулийн Bioconvergence (хуучнаар Cardiology and Metabolism) тэнхимд докторын дараах сургалтанд сурч, ажиллаж байна.
АУ-ы доктор Ч. Ариунболд нь олон улсын сэтгүүлд 8 болон дотоодын сэтгүүлд 21 эрдэм шинжилгээний бүтээл хэвлүүлсэн түүнчлэн олон улсын эрдэм шинжилгээний хуралд оролцож 12, дотоодын эрдэм шинжилгээний хуралд 32 судалгааны илтгэл хэлэлцүүлсэн байна. Хамтран зохиогчоор 1 ном, 3 гарын авлага бүтээсэн. Зохиогчийн эрхийн гэрчилгээ 6 авсан байна.
АУ-ны доктор Ч. Ариунболд нь ажиллах хугацаандаа 2 бакалаврын ажил удирдсан. 2 дипломын ажлын шүүмж тус тус хийсэн. 2014 онд Хүрэл Тогоот- гутгаар байр, МАУА-ийн Анагаахын оюутнуудын 3-р хуралд дэд байр. 2015 онд Эврика-22 эрдэм шинжилгээний хуралд тэргүүн байр тус тус эзэлж байсан.

АУ-ы магистр Сүржавхлан овогтой ТУЛГАА
Намтрын товчоон
Орхон аймгийн Баян-Өндөр суманд төрсөн.

Суралцсан байдал:
- 2011 онд БУГС-тай 14-р сургууль,
- 2018 онд АШУҮИС-ийн Био-АС-ийг Био-Анагаах судлаач, молекул биологич мэргэжлээр “Шалтгаан тодорхойгүй эпилепсийн үед SCN1A генийн полиморфизмыг судалсан дүн” сэдэвт судалгааны ажлыг хэлэлцүүлэн бакалаврын зэрэг хамгаалсан.
- 2019-2020 онд АШУҮИС-ийн Мэргэжил дээшлүүлэх институтэд Био-Анагаахын мэргэшсэн мэргэжилтнээр,
- 2021-2022 онд АШУҮИС-ийн Мэргэжил дээшлүүлэх институтэд Анагаахын молекул биологич мэргэжлээр төрөлжсөн нарийн мэргэжил эзэмшсэн.

Боловсролын зэрэг:
- 2022 онд “Шалтгаан тодорхойгүй эпилепситэй гэр бүлд SCN1A генийн c.530G>A, SLC6A1 генийн c.863C>T мутациудыг тодорхойлсон дүн” сэдвээр АУ-ы магистрын зэрэг хамгаалсан.

Ажилласан байдал:
- 2018-2019 онд Мон-Медикал клиникийн эмнэлэгт Лабораторийн эмчээр,
- 2019-2023 онд АШУҮИС, МЯЭ-ийн Эмнэлзүйн Төв Лабораторид Био-Анагаахын мэргэжилтнээр,
- 2023 оны 2-р сараас АШУҮИС, Био-АС, Биохимийн тэнхимийн багшаар ажиллаж байна.

АУ-ы магистр С.Тулгаа нь SCOPUS-д бүртгэлтэй олон улсын сэтгүүлд 1, дотоодын сэтгүүлд 8 эрдэм шинжилгээний бүтээл хэвлүүлсэн түүнчлэн олон улсын эрдэм шинжилгээний хуралд 6, дотоодын эрдэм шинжилгээний хуралд 19 судалгааны ажлаа хэлэлцүүлэхээс гадна хамтран зохиогчоор 9 гарын авлага бүтээсэн байна. 2024 онд LANGE цувралын "Үлэмж зураглал" Анагаах ухааны биохими, 2025 онд Elsevier компанийн "Эмнэлзүйн биохими" зэрэг сурах бичгүүдийг олон улсын зохиогчийн эрхийн зөвшөөрөлтэйгээр, орчуулагчийн багийн гишүүнээр ажилласан. Багшлах хугацаандаа 2 бакалаврын дипломын ажил удирдаж, 1 бакалаврын дипломын ажлын шүүмж тус тус бичсэн байна. Түүнчлэн анагаахын оюутнуудын дунд зохион байгуулагддаг эрдэм шинжилгээний хурлуудад оюутан залуусыг удирдан 9 эрдэм шинжилгээний бүтээлийг илтгэл хэлэлцүүлсэн байна.

Төсөлт ажлын хүрээнд АБНЭУ-ын Абу-Даби дахь Нью-Йоркийн Их сургуультай хамтарсан “Genetic and Microbiome Variation Associated with Lipids and Lipid Metabolism in the Mongolian Population” олон улсын төслийн гүйцэтгэгчээр, ЭЗХЯ, ШУТС-ийн суурь судалгааны “Агаарын бохирдлын үед хүний бие чөлөөт радикал үүсэлт, антиоксидант тогтолцооны алдаглыг үнэлэх нь”, “Саркопенитэй Монгол настангуудад бодисын солилцооны зарим үзүүлэлт болон мэдрэл булчингийн биомаркеруудыг судлах нь” төсөлт ажлын гүйцэтгэгчээр, ахисан түвшний “Удамшлын шалтгаант эпилепситэй гэр бүлийг молекул генетикийн аргаар судлах нь”, “Хүүхдийн шүлсний найрлаганд агаарын бохирдлын үзүүлэх нөлөөг судлах нь” төсөлт ажлын гүйцэтгэгчээр тус тус ажиллаж байна.

Монголын Залуу Эрдэмтдийн Холбоо, Анагаахын Залуу Судлаачдын Монголын Холбооны гишүүнээр (2024 оноос), Анагаахын Залуу Судлаачдын Монголын Холбооны Гүйцэтгэх захирлаар (2025 оноос), “Монголын анагаахын биохимийн нийгэмлэг”-ийн гишүүнээр (2024 оноос) ажиллах хугацаандаа “ХҮРЭЛТОГООТ-2024, 2025” ЭШХ-ын Анагаах ухааны салбар хуралдааны зохион байгуулагчаар ажилласан байна. 2022 онд ЭМЯ-ны ЖУУХ, 2025 онд БЯ-ы ЖУУХ бичгээр шагнагдаж, МЗЭХ-ны 2025 оны "АНАГААХ УХААНЫ САЛБАР"-ын шилдэг залуу судлаачаар шалгарсан.

АУ-ы доктор Чинбат овогтой ОДГЭРЭЛ
Намтрын товчоон
Говь-Алтай аймагт төрсөн.
Суралцсан байдал:
- 2000 онд 33 дунд сургууль
- 2006 онд ЭМШУИС-ийн Анагаахын сургуулийг Хүний их эмч
- 2007-2009 онд ЭМШУИС-ийн МДИ-д Дотрын эмч
- 2009 онд ЭМШУИС-ийн МДИ-д Гериатрийн эмч
- 2012 онд БНСУ-ын Самсунг нэгдсэн эмнэлэг, Гастроэнтерологи эмч,
- 2025 онд АШУҮИС-ийн Төгсөлтийн дараах сургалтын албанд Бөөр судлалын төрөлжсөн мэргэшил тус тус эзэмшсэн
Боловсролын зэрэг:
- 2010-2012 онуудад АШУҮИС-д “Ахмад настны хоол тэжээлийн дутагдлыг судалсан дүн-Хэвтэн эмчлүүлэгчийн жишээ дээр” сэдвээр Биохимийн тэнхимд АУ-ы магистрын зэрэг хамгаалсан.
- 2018-2025 онд АШУҮИС-ийн Эрдмийн сургууль “Хүнсний үйлдвэрлэлийн дагавар бүтээгдэхүүнээс богино долгионы үйлчлэлтэйгээр ялган авсан олигосахаридын биологийн зарим үйлдлийг тодорхойлсон дүн” сэдвээр Биохимийн тэнхимд анагаах ухааны докторын зэрэг хамгаалсан.
Ажилласан байдал:
- 2006-2023 онд Геронтологийн үндэсний төвд мэргэжилтэн, гериатр эмч, албаны дарга,
- 2023-2024 он Улаанбаатар мед нэгдсэн эмнэлгийн амбулторийн эрхлэгч эмч
- 2018-2024 он хүртэл АШУҮИС, БиоАС, Биохимийн тэнхимд гэрээт багш,
- 2025 оны 10-р сараас АШУҮИС, Био-АС, Биохимийн тэнхимд багшаар ажиллаж байна.
АУ-ны доктор Ч.Одгэрэл нь АШУҮИС-ийн Шинжлэх ухаан, технологийг дэмжих сангийн санхүүжилтээр “Улаан буудайн дайвар бүтээгдэхүүнээс пребиотик үйлдэлтэй олигосахарид ялгах технологи боловсруулах судалгаа” (2016/06-2022/13), “Саркопенийн маркерийн насжилттай холбон судалсан нь”, “Үйлдвэрлэлийн хаягдал бүтээгдэхүүнээс цэвэршүүлсэн ксилоолигосахаридын эмнэлзүйн болон дэвшилтэт технологид суурилсан бүтээгдэхүүн үйлдвэрлэх судалгаа” зэрэг төсөлт ажлын үндсэн гүйцэтгэгчээр ажиллаж байна. “Эрүүл монгол хүн” үндэсний хөдөлгөөний хүрээнд хэрэгжиж буй “6-7 настай хүүхдийн бие бялдарын онцлог, биохимийн зарим үзүүлэлтийг тодорхойлох нь” сэдэвт төсөлт ажлын туслан гүйцэтгэгчээр ажиллаж байна.
АУ-ны доктор Ч.Одгэрэл нь олон улсын сэтгүүлд 5 дотоодын сэтгүүлд 11 эрдэм шинжилгээний өгүүлэл хэвлүүлсэн бөгөөд олон улсын эрдэм шинжилгээний хуралд оролцож 11, дотоодын эрдэм шинжилгээний хуралд 14 судалгааны илтгэл хэлэлцүүлсэн байна. Хамтран зохиогчоор 1 ном, 12 гарын авлага туурвисан. Эмнэлзүйн 8 удирдамж, 1 стандарт боловсруулж батлуулсан байна. Ажиллах хугацаандаа 1 бакалаврын дипломын ажил удирдсан. 5 магистрын дипломын ажлын шүүмж бичсэн. Монголын Анагаахын Биохимийн Нийгэмлэг 2024 оноос, Насжилт судлал, Настны эмгэг судлалын нийгэмлэгийн гишүүн, нарийн бичгээр 2007 оноос, 2022 оноос Эрүүл мэндийн яамны дэргэдэх эмнэлгийн мэргэжилтний ёс зүйн хяналтын хорооны гишүүнээр, 2023 оноос Монголын Ахмадын Хорооны удирдах зөвлөлийн орон тооны бус гишүүнээр тус тус ажиллаж байна. 2015 онд ЭМЯ-ны Хүндэт жуух, 2020 онд онд Эрүүлийг хамгаалахын тэргүүний ажилтан, 2023 онд “Хөдөлмөрийн хүндэт медиал”-иар тус тус шагнагдсан.

АШУҮИС-д Биохимийн тэнхим үүсгэн байгуулагдсаны түүхт 50 жилийн ойн хүрээнд Витафит ХХК-тай хамтран МУ-ын Гавьяат багш, АУ-ы доктор, профессор Ц.Намсрайн нэрэмжит Биохимийн XVIII олимпиадыг 2025.12.08-12.12-ны өдрүүдэд АШУҮИС-ийн ЭМСБД II, ШТС II, НЭМС II, УАЗ II дамжааны оюутнуудын дунд онолын тест (багийн гишүүдийн дундаж оноо), багийн тэмцээн (РИЙЛ бичлэг), Quiz time гэсэн 3 үе шаттайгаар амжилттай зохион байгуулагдаж өндөрлөлөө.

ЗОХИОН БАЙГУУЛАГЧ:
- Биохимийн тэнхим
- Биохими судлаач оюутны клуб

ЕРӨНХИЙ ИВЭЭН ТЭТГЭГЧ:
- Витафит ХХК

ШАГНАЛЫН САН:
I байр: явцыг 70 оноо + Өргөмжлөл + 500,000₮
II байр: явцыг 70 оноо + Өргөмжлөл + 400,000₮
III байр: явцыг 70 оноо+Өргөмжлөл + 300,000₮
IV байр: явцыг 70 оноо+Өргөмжлөл + 200,000₮
V байр: явцыг 70 оноо+Өргөмжлөл + 150,000₮
VI-X байр: явцын 70 онооны үнэлгээн дээр 7 оноо нэмнэ + Батламж + 100,000₮

ТЭРГҮҮН БАЙР:
“The Chipmunks” баг
З.Шижирээ, Б.Дөлгөөн, Б.Түвшинзаяа

ДЭД БАЙР:
“BioForce” баг
Г.Номин-Эрдэнэ, Э.Минжинсор, М.Чинболор

ГУТГААР БАЙР:
“Star light” баг
А.Цагаанцоож, П.Цээмаа, М.Мөнх-Эрдэнэ

ТУСГАЙ БАЙР:
“Vitamins” баг
С.Анунгоо, Т.Баярмаа, А.Цэрэннадмид

ТУСГАЙ БАЙР:
“Mantra” баг
С.Энхцолмон, И.Уянга, Т.Мандухай

ШИЛДЭГ БАГУУД:
АТФ
Алхимичид
Хөх молоко
Succinyl-CoA
Eternal Power
Хан тэнгэрийн нар
Арга билэг

Олимпиадад амжилттай оролцсон оюутнууддаа баяр хүргэж, сурлага хөдөлмөрийн өндөр амжилт хүсье!

Биохимийн хичээлээр эзэмшсэн мэдлэг чинь ирээдүйд сайн мэргэжилтэн болох бат бөх суурь нь болохын ерөөл дэвшүүлье!

Биохимийн тэнхим
2025.12.12