Аюулгүй Ажиллагааны Сургалт

АХУЙН ХҮРЭЭН ДЭХ ОРЧНЫ АЮУЛГҮЙ БАЙДЛЫГ ХАНГАЖ, ХҮҮХДИЙГ БОЛЗОШГҮЙ ЭРСДЭЛЭЭС ХАМГААЛЪЯ...

/Эцэг эх, асран хамгаалагч, харгалзан дэмжигч нарт хүргэх зөвлөмж/
✅Аюулгүй орчин бүрдүүлэх:
🔹Тавилга, цахилгаан хэрэгсэл, химийн бодисыг хүүхдийн гар хүрэхгүй газар байршуулах.
🔹Цонхны түгжээ, шатны хаалт зэрэг хамгаалалтын хэрэгсэл ашиглах.
🔹Цонх тагтны доор тавилга, эд хогшил байршуулахаас зайлсхийх.
✅Хяналт тавих:
🔹Хүүхдийг тоглож байх үед нь анхааралтай хянах, хүүхэд тоглож дуусангуут тоглоомыг хураах.
🔹Хүүхэд эрсдэлд өртөж болзошгүй аливаа зүйлийг илрүүлж сэрэмжлүүлэх.
✅Зөвлөгөө, мэдээлэл өгөх:
🔹Хүүхдэд учирч болзошгүй осол аюулын талаар тайлбарлах.
🔹Аюулгүй байдлыг хэрхэн хангах талаар зөвлөгөө мэдээлэл өгөх.
✅Ахуйн хүрээн дэх орчны аюулгүй байдлыг хангах:
🔹Цахилгааны залгуурын хамгаалалт, шүүгээний түгжээ, халуун шингэнийг халуун тусгаарлагч саванд хадгалах...
✅АХУЙН ХҮРЭЭН ДЭХ ОСОЛ ГЭМТЛИЙН ТҮГЭЭМЭЛ ШАЛТГААНУУД:
📍Уналт: Шат, тавцан, цонх зэрэг өндөр газраас унах.
📍Түлэгдэлт: Халуун шингэн, хоол хүнс, цахилгаан хэрэгсэлд хүрэх.
📍Химийн хордлого: Эмийн бодис, цэвэрлэгээний бүтээгдэхүүнийг санамсаргүй хэрэглэх.
📍Цахилгааны осол: Залгуур, цахилгаан хэрэгсэлтэй буруу харьцах.
‼ Эцэг эх, асран хамгаалагч, харгалзан дэмжигч ТАНЫ ХАРАА ХЯНАЛТ, ХҮҮХДЭДЭЭ ТАВЬЖ БУЙ АНХААРАЛ ХАЛАМЖ ХАМГААС ЧУХАЛ.

👉Та химийн бодисууд хүний биед ямар замаар нэвтрэх талаар мэдэх үү?
👉Та өөрийгөө болон дотнын хүмүүсээ химийн бодисын хордлогод өртөх эрсдэлээс сэргийлээрэй!

ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН САЛБАРТ ТОГТОЛЦООНЫ ШИНЭЧЛЭЛИЙГ ХЭРЭГЖҮҮЛЖ БАЙНА 📍Хөдөлмөрийн аюулгүй байдал, эрүүл ахуйн тухай хууль, дүрэм, журмыг хэрэгжүүлэх үйл ажиллагааг эрчимжүүлэх, ажлын байрны эрүүл, аюулгүй орчныг бүрдүүлэх үндсэн зорилготой Хөдөлмөрийн аюулгүй байдал, эрүүл ахуйн аяны нээлт өнөөдөр /2025.04.02/ боллоо. Энэ жилийн тухайд Олон улсын Хөдөлмөрийн байгууллагаас Хөдөлмөрийн аюулгүй байдал, эрүүл мэндийн хөгжил: Хиймэл оюуны хэрэглээ ба цахимжилт уриан дор ХАБЭА-н аяныг улс орон даяар өрнүүлж байна. 📍Аяны хүрээнд 1-р улирлыг Эрчим хүчний салбарын ХАБЭА-г идэвхжүүлэх улирал болгон зарласан бөгөөд энэ сарын 4-нд Эрчим хүчний салбарын Хөдөлмөрийн аюулгүй байдал, эрүүл мэндийн салбар чуулганыг зохион байгуулна. Харин хоёр, гурав, дөрөвдүгээр улирлыг уул уурхай, барилга, зам тээврийн салбар буюу эрсдэл өндөр салбаруудын ХАБ-ыг хангах, ЭА-н стандартын хэрэгжилтийг сайжруулах чиглэлээр төлөвлөгөөт ажлууд хийгдэх юм. 📍Манай улсад 2024 онд үйлдвэрлэлийн осол, хурц хордлогод 809 хүн өртсөн нь өмнөх оноос 2 дахин өссөн үзүүлэлт юм. Үйлдвэрлэлийн осол, мэргэжлээс шалтгаалсан өвчний тохиолдол уул уурхайн салбарт өндөр байгаа бол, барилгын салбарт хүний амь нас эрсэдсэн тоо өндөр байна. Энэ нь ослын тохиолдол өссөн гэхээс илүүтэй бүртгэлийн систем сайжирсантай холбоотой юм. Иймд холбогдох байгууллагын зүгээс осол гарч байгаа шалтгаан, нөхцөлийг тогтоож, түүнээс урьдчилан сэргийлэх арга хэмжээг судалгааны түвшинд явуулах, салбарын хэмжээнд тогтолцооны шинэчлэлийг нэвтрүүлэн ажиллаж байна. 📍Энэ хүрээнд хууль, эрх зүйн орчныг сайжруулах, цахим шилжилтийг хэрэгжүүлэх, ХАБЭМ-ийн дэд бүтцийг хөгжүүлэх, тусламж, үйлчилгээг сайжруулах, эрдэм шинжилгээ, судалгаа, статистикийг хөгжүүлэх, мэргэжлийн хүний нөөцийг бэхжүүлэх, хяналтын тогтолцоог сайжруулах ажлууд хийгдэж байна. 📍Хөдөлмөрийн аюулгүй байдал, эрүүл, ахуйн аяны нээлтийн үеэр Хөдөлмөрийн аюулгүй байдал, эрүүл мэндийн тогтолцооны шинэчлэл, цахим шилжилтийн ерөнхий стратеги, хууль, эрх зүйн шинэчлэлийн талаар илтгэл хэлэлцүүлж, аж ахуйн нэгж байгууллагуудын тэргүүн туршлагыг танилцуулсан юм. ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН ТӨВ

“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН АЯН-2025” НЭЭЛТИЙН АРГА ХЭМЖЭЭНИЙ БҮРТГЭЛ ЭХЭЛЛЭЭ

📌“Хөдөлмөрийн аюулгүй байдал, эрүүл ахуйн аян-2025” Хөдөлмөрийн аюулгүй байдал, эрүүл мэндийн хөгжил: Хиймэл оюуны хэрэглээ ба цахимжилт уриан дор зохион байгуулагдана.

📌Аяны нээлтийн арга хэмжээ 2025 оны 4 дүгээр сарын 2-ны өдрийн 09.00 цагт Монголын Үндэсний Худалдаа Аж Үйлдвэрийн танхимд болно.

📌Та бүхэн дараах QR-р бүртгүүлнэ үү.

ЭРҮҮЛ, АЮУЛГҮЙ АЖЛЫН БАЙРЫГ ЭРХЭМЛЭГЧ БАЙГУУЛЛАГА -2024 БОЛЗОЛТ УРАЛДААНЫ ХУГАЦАА СУНГАГДЛАА

🔸 Аж ахуйн нэгж байгууллагуудыг "Эрүүл, аюулгүй ажлын байрыг эрхэмлэгч байгууллага - 2024"
болзолт уралдаанд оролцохыг урьж байна.

🔸 Уул уурхай, олборлолт, барилга, боловсруулах үйлдвэрлэл, эрчим хүч, зам тээврийн салбарын аж ахуйн нэгж байгууллагууд холбогдох яамдын ХАБЭА-н хороонд, Төрийн болон үйлчилгээний салбарын аж ахуйн нэгж байгууллагууд /боловсрол, эрүүл мэнд, худалдаа үйлчилгээ, батлан хамгаалах, төрийн тусгай чиг үүрэг бүхий/ харьяа аймаг, дүүргийн ХАБЭА-н зөвлөл болон Хөдөлмөр, халамжийн үйлчилгээний газар, хэлтэст 2025 оны 4 дүгээр сарын 4-ний дотор материалаа хүргүүлнэ үү.

🔸 Дэлгэрэнгүй мэдээллийг 99850240, 88023900, 99265999 дугаараас лавлана уу.

https://www.facebook.com/share/r/18Tc7RWVxe/

ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН АЯН - 2025 🌐 Энэхүү аян нь Олон улсын хөдөлмөрийн байгууллагаас гаргасан Хөдөлмөрийн аюулгүй байдал, эрүүл мэндийн хөгжил: Хиймэл оюуны хэрэглээ ба цахимжилт уриан дор явагдана. Олон улсын хөдөлмөрийн байгууллага - International Labour Organization Гэр бүл, хөдөлмөр, нийгмийн хамгааллын яам Хөдөлмөрийн аюулгүй байдал, эрүүл мэндийн төв