Боловсролын судалгааны үндэсний хүрээлэн

Хөгжлийн бэрхшээлтэй иргэний гадаадын дээд боловсролын сургалтын байгууллагад суралцуулах буцалтгүй тусламж олгох 2026-2027 оны хичээлийн жилийн сонгон шалгаруулалтын бүртгэл явагдаж байна. https://elf.gov.mn/11623/

Гадаадын дээд боловсролын сургалтын байгууллагад суралцуулах сургалтын төлбөрийн хөнгөлөлттэй зээл олгох 2026-2027 оны хичээлийн жилийн сонгон шалгаруулалтын бүртгэл явагдаж байна. https://scholarship.elf.gov.mn/

✅Боловсролын багц хуулийн хэрэгжилт, боловсролын салбарт хэрэгжүүлэх бодлого 2026-2028 зөвлөгөөн Орхон аймагт зохион байгуулагдаж байна.
✍Зөвлөгөөнд Хөвсгөл, Булган, Орхон аймгийн 250 гаруй боловсролын салбарынхан оролцож байна.
Тус зөвлөгөөнөөр:
📌"Монгол хүүхэд, залуусыг мэдлэг, ур чадварын хоцрогдлоос чөлөөлье" бодлогын танилцуулга
📌Хойд бүсийн ерөнхий боловсролын сургуулийн бүтцийн өөрчлөлт, хотхоны бага сургууль, төрөлжсөн ахлах сургуулийн тухай
📌Боловсролын төсөв санхүүгийн бодлого, хойд бүс дэх хөрөнгө оруулалтын тухай
📌Боловсролын цахим шилжилтийн хүрээнд хэрэгжүүлэх арга хэмжээ
📌Боловсролын шинэчлэлийг орон нутагт, олон талын оролцоонд суурилан хэрэгжүүлэхэд баримтлах чиглэлүүдийг танилцуулж байна. Эх сурвалж: Боловсролын яам.

АНГЛИ ХЭЛНИЙ БАГШИЙН ЧАДАМЖИЙН ХҮРЭЭНИЙ ЭХНИЙ ТӨСЛИЙН ХЭЛЭЛЦҮҮЛЭГ БОЛЛОО
Боловсролын судалгааны үндэсний хүрээлэн болон Британийн зөвлөл (British Council) хамтран сургалтын орчны нөхцөл, багш нарын нөхцөл байдал болон бусад холбогдох судалгаанд үндэслэн “Ерөнхий боловсролын сургуулийн англи хэлний багшийн чадамжийн хүрээ”-ний төслийг боловсруулаад байна.

Хэлэлцүүлгийн зорилго: Нийслэл, орон нутгийн ерөнхий боловсролын сургуулийн англи хэлний багш нарын төлөөлөл болон боловсролын газрын мэргэжилтнүүдийн саналыг сонсох, цаашид сайжруулах зорилгоор хэлэлцүүлгийг зохион байгуулж байна.

Хэлэлцүүлэг: 2026 оны 6 дугаар сарын 09-ний өдрийн 9.00-12.30 цагт МУБИС-ийн “Ё” байрны 508 тоот танхимд боллоо.
Хэлэлцүүлгийг танхимын болон цахим хосолсон хэлбэрээр зохион байгуулж, аймаг, орон нутагт ажиллаж байгаа багш, мэргэжилтний төлөөллийг хангах зарчим баримталсан бөгөөд танхимаар 35, цахимаар 120 хүн оролцлоо.

Англи хэлний багшийн чадамжийн хүрээг боловсруулан баталснаар багш бэлтгэх болон давтан бэлтгэх, мэрэгжил дээшлүүлэх сургалтын агуулгыг тодорхойлох, багшийг ажлын байранд нь хөгжүүлэхэд дэмжлэг үзүүлэх зэрэг олон талын ач холбогдолтой юм.