Үнэт зүйлс: ХҮН ЧАНАР, ХҮНЛЭГ ХАРИЛЦАА, ЭХ ОРОНЧ СЭТГЭЛ , ЭРҮҮЛ ЧИЙРЭГ БИЕ БЯЛДАР
Математик, гадаад хэлний гүнзгийрүүлсэн сургалттай "Оюуны нахиа" ерөнхий боловсролын сургууль.
Манай сургууль нь 1997 онд бага сургуулийн хэв шинжтэйгээр анх байгуулагдаж, 2000 онд бүрэн дунд сургууль болон үйл ажиллагаагаа өргөтгөсөн.
Манай хамт олон сурагчдаа хамгийн түрүүнд зөв хандлагатай, зөв харилцаатай, зөв дадал зуршилтай, зорьсон зөв зорилготой, хүнийг хүндэлдэг, үнэнч шударга, сайхан
сэтгэлтэй, эх орондоо хайртай, эрүүл чийрэг нэгэн болгож төлөвшүүлэхийг зорьдог. Энэ хүмүүжил, төлөвшлийн зөв суурин дээр өргөн цар хүрээтэй шинжлэх ухаанч мэдлэг, чадварыг эзэмшүүлдэг. Ингэснээр ирээдүйд Дэлхийн хүн төрөлхтний сайн сайхны төлөө хөдөлмөрлөж чаддаг, эх орныхоо нэрийг өндөрт өргөн, эх орныхоо хөгжилд үнэтэй хувь нэмэр оруулж чадах шилдэг Монгол иргэнийг бэлтгэн гаргахаар гар сэтгэл нийлэн ажиллаж байна.
Одоо 1 - 12 - р ангийн 300 гаруй сурагч, 20 гаруй мэргэжлийн багшлах боловсон хүчинтэйгээр үйл ажиллагаагаа явуулж байна.
Сурагчийн хөгжил
• Сурагчдын сэтгэхүйн хурд, сэтгэх чадвар, оюуны чадамжийг нэмэгдүүлэх зорилгоор IQ-ийн хичээлийг Оюуны хөгжил -IQ төвийн БСШУЯ –наас батлагдсан хөтөлбөрийн дагуу 7 хоногт 3 цагаар 1 – 12 дугаар ангиудад орж байна.
Оюуны хөгжил IQ /5 түвшинтэй хичээл I-V ангийн сурагчид /
Сэтгэн Бодохуй TS /4 түвшинтэй хичээл VI-X ангийн сурагчид /
Суралцах чадвар LL /2 түвшинтэй хичээл X-XI ангийн сурагчид /
• Сурагчид I ангиас эхлэн XII ангиа төгстлөө англи хэлээр унших, бичих, сонсох, ярих чадварт суралцдаг. Англи хэлний олон улсын Grapeseed, Oxford хөтөлбөр хэрэгждэг.
• Гадаад хэлний боловсролыг дээшлүүлэхэд анхаарч 6-р ангиас эхлэн 2 дахь гадаад хэлийг /япон хэл/ үзэж судалдаг.
• Ахлах ангийн сурагчдад гадаадын болон дотоодын их дээд сургуулиудад элсэн ороход зориулж, ЭЕШ, ibt-TOEFL, IELTS, SAT-ийн шалгалт, Япон хэлний түвшин тогтоох /N1-N5/ шалгалтын бэлтгэлүүд явагддаг.
- 3-5-р ангид Стем хөтөлбөр, 6-9-р ангид Кодинг хөтөлбөр, 10-12-р ангид мэдээлэлзүйн гүнзгийрүүлсэн хөтөлбөр тус тус хэрэгждэг
Сургуулийн давуу тал, онцлог:
- Анги дүүргэлт 24 - 28 сурагчтай
- Улс, хот, дүүргийн багш нарын мэргэжлийн олипиадууд болон багшлах ур чадварын уралдааны тэргүүн байруудын шагналтай, багаар ажиллах чадвартай, бүтээлч сэтгэлгээтэй, сэтгэл зорилго нэгтэй, чадварлаг туршлагатай багш нарын бүрэлдэхүүнтэй.
- Шинээр элссэн сурагчдын мэдлэг, чадварын түвшинг тогтоох, нас, сэтгэхүйн онцлогт тохирсон хөгжүүлэх болон хоцрогдол арилгах сургалтыг явуулдаг
- Сэтгэлгээний хувьд хөгжүүлэх, зөв хүн болгон төлөвшүүлэх, эх оронч сэтгэлгээгээр хүмүүжүүлэх зорилгоор.
1 - 6 - р ангид "Хүн болох багаасаа"
7 - 9 - р ангид " Миний тухай"
10 - 12 - р ангид "Харилцаа ба өөрийгөө илэрхийлэх нь" гэсэн хичээлүүдийг оруулдаг
- Сурлага, урлаг, спортын өндөр амжилт гаргасан сурагчдын сургалтын төлбөрийг сургуулийн удирдах зөвлөлийн шийдвэрээр 10% - 50% хүртэл хөнгөлж урамшуулдаг
- Сурагчдын авьяас чадварыг хөгжүүлэх зорилгоор ямаха даралтат хөгжим, хийл хөгжим, спорт өрөлт, бүжиг, морин хуур, шатар, зуун буудалт даам, рубик шоо, уран зураг ба чимэглэх урлаг, бийрэн бичлэг буюу уран бичлэг, уран уншлага, жудо, ширээний теннис зэрэг 20 орчим төрлийн дугуйлан, хөгжуулэх сургалтууд хичээллэдэг.
- Улс, хот, дүүргийн хэмжээнд зохион байгуулагддаг математик, англи хэл болон бусад хичээлийн олимпиадууд, спорт, урлагийн тэмцээнүүдэд манай багш, сурагчид жил бүр тогтмол амжилттай оролцдог
- Манай сургууль 2007 оноос хойш 14 төгсөлт хийсэн ба төгсөгчид маань гадаад дотоодын нэртэй их дээд сургуулиудад амжилттай суралцан төгсөж байна.
13/06/2026
06/06/2026
31/05/2026
29/05/2026
25/05/2026
20/05/2026
18/05/2026
12/05/2026
07/05/2026
06/05/2026