Глобал Монтессори цэцэрлэг

ГЭР БҮЛИЙН ОРЧИНД БАГА НАСНЫ ХҮҮХДИЙН ХӨГЖЛИЙГ ДЭМЖИХ НЬ...

/Эцэг эх, асран хамгаалагч, харгалзан дэмжигч нарт хүргэх зөвлөмж/

🔹Хүүхэдтэйгээ тоглох нь түүний хөгжлийг дэмжих хамгийн үр дүнтэй арга...

✅Яагаад чухал вэ?
Тоглоом нь хүүхдийн оюун ухаан, сэтгэхүй, хэл яриа, нийгмийн чадварыг хөгжүүлдэг.

✅Юу хийх хэрэгтэй вэ?
“2–5 насны хүүхэд тоглоомоор дамжуулан сэтгэх, ярьж сурах, дүрэм ойлгох, бусадтай харилцах зэрэг хөгжлийн бүхий л чухал чадваруудыг эзэмшдэг.”

ЗӨВЛӨМЖ
🔹Тоглоом бол хүүхдийн хувьд ертөнцийг танин мэдэх, бие хүн болон төлөвших хамгийн чухал хэрэгсэл юм.
🔹Оюун ухаан, сэтгэл хөдлөл, нийгмийн харилцаа, хэл яриа зэрэг бүх чадвар тоглоомоор дамжин хөгждөг.
🔹“Тоглох нь хүүхдийн танин мэдэхүйн хөгжлийн үндэс тул хамтдаа тоглох үедээ энгийн утгатай яриа өрнүүлээрэй.”

Томуу, томуу төст өвчний дэгдэлт эрс нэмэгдэж байгаатай холбогдуулан дараах "ЗӨВЛӨМЖ"-ийг хүргэж байна. Үүнд:

👩‍❤️‍💋‍👨Эцэг эх, асран хамгаалагч нарт:

☝Урлаг спорт, соёл олон нийтийн зэрэг төвлөрсөн арга хэмжээнд оролцохоос аль болох татгалзахыг бага насны хүүхэдтэй эцэг эх, асран хамгаалагчдад зөвлөж байна. Учир нь та томуу, томуу төст өвчний халдвар тээгч болох ба үүнийгээ бага насны хүүхдэд халдварлуулах эрсдэл өндөр болно.

☝Гэр бүлийн орчинд гэр бүлийн гишүүн бүрийн хувийн ариун цэврийг сахиулаарай. Гараа тогтмол угаах, амаа зайлах зэрэг дадлыг хэвшүүлж, дархлаа дэмжих амин дэмээр баялаг хоол хүнсийг хэрэглэх нь томуу, томуу төст өвчнөөс урьдчилан сэргийлэх гол арга зам юм шүү.

☝Хэрэв таны хүүхдэд томуу, томуу төст өвчний шинж тэмдэг илэрсэн тохиолдолд мэргэжлийн эмч, эмнэлгийн байгууллагад яаралтай хандаарай. Таамгаар, дур мэдэн эмчилгээ хийхгүй байх нь чухал. Хүүхдийнхээ цэцэрлэг, сургуульд албан ёсоор мэдэгдэж чөлөө авах нь зүйтэй.

🏢Аж ахуй нэгж байгууллага, олон нийтэд:

☝Ач холбогдол багатай, онцын шаардлагагүй олон нийтийг хамарсан төвлөрсөн үйл ажиллагааны тоог эрс бууруулж, түүнд тавих хяналтыг сайжруулахыг нутгийн өөрөө удирдах болон төрийн захиргааны байгууллагуудад зөвлөж байна.

☝Бага насны хүүхэдтэй эцэг эх, асран хамгаалагчид томуу, томуу төст өвчлөлтэй холбоотой чөлөө хүссэн тохиолдолд цалинтай чөлөө олгох, зайнаас ажиллах боломжийг олгохыг төрийн байгууллагууд, аж ахуй нэгжийн удирдлагуудад уриалж байна.

☝Иргэн нэг бүр хүн олноор төвлөрдөг орчин, нийтийн тээврийн хэрэгсэлд амны хаалтыг заавал зүүж өөрийгөө болон бусдыг хамгаалах, томуу, томуу төст өвчний дэгдэлтийн нөхцөл байдлын мэдээ мэдээллийг тогтмол авч, мэргэжлийн байгууллагаас өгөх зөвлөгөө зааврыг дагаж мөрдөөрэй.

👩‍🏫Боловсролын сургалтын байгууллагын удирдлагуудад:

☝Суралцагч, багш, ажилтан нэг бүр амны хаалт заавал зүүх, сургалтын байгууллагын орчинд гар угаах, ариутгах боломжийг бүрдүүлж, цэцэрлэг, бага ангийн суралцагчдын үдийн хоолыг шим тэжээлтэй, дархлаа дэмжих хүнсний бүтээгдэхүүнээр баяжуулаарай.

☝Суралцагчдын ирцийн тандалтын мэдээг тогтмолжуулж, томуу, томуу төст өвчний тархалтын нөхцөл байдалд тохируулан мэргэжлийн байгууллагуудаас өгөх зөвлөмж, зааврыг мөрдөж ажиллаарай.

☝Анги танхимын агаар сэлгэлтийг тогтмол хийж, дотоод орчны агаарын чанарыг сайжруулах ажлыг байгууллагын дотоод нөөцөд тулгуурлан зохион байгуулаарай.

☝Халдварт болон халдварт бус өвчнөөс урьдчилан сэргийлэх арга хэмжээний төлөвлөгөөгөө тодотгож, нөхцөл байдалд тохируулан хэрэгжүүлж ажиллахыг зөвлөж байна.

ХАНИАЛГАХ, НАЙТААХДАА АМАА ДАРАХАА БИТГИЙ МАРТААРАЙ…

Нэг удаа 🗣️ ярилцахад нэлээдгүй асуудлууд шийдэгдэх боломжтой. ✅

365 хоног бяцхан үрсээ анхаарч хайрлая. 🫂❤️✋🏻 #Сонсъё_Ярилцъя_Ойлгоё Боловсролын ерөнхий газар НЭГДЭЖ БАЙНА...

📌 ХҮҮХДЭЭ ХҮНТЭЙ МЭНДЭЛЖ СУРГА!!!
Хүмүүжил гэдэг нь хүнжүүлэх, хүмүүнжүүлэх, хүнээр хүн хийх, хүн шиг хүн болгох гэсэн утгатай. Хүүхдийн хүмүүжил төлөвшил нь амьдралын бүхий л үйл ажиллагаагаар олж авсан мэдлэг, чадвар, дадал, амьдралын туршлага, ерөнхий соёлын бүрэлдэхүүнээс бүрддэг. Сонирхолтой нь хүүхдийн хүмүүжлийн 70-80 хувь нь 3 нас хүрэхээс өмнө төлөвшдөг. Хүүхэд өөрийн гэнэн цагаан өртөнцөөр дамжуулан хүрээлэн буй орчин болон бусад зүйлсийн талаар сурч өдөр бүр шинэ зүйлстэй танилцаж байдаг. Тиймээс хүүхдийг зөв төлөвшүүлэхэд эцэг эх болон олон нийтийн оролцоо чухал үүрэгтэй.
Хүүхдийн хүмүүжлийн хамгийн чухал хэлбэр бол харилцаа. Тиймээс эцэг эхчүүд та бүхэн хамгийн түрүүнд хүүхдээ хүнтэй мэндэлж сургах хэрэгтэй.
Хүн гаднаас ороод ирэхэд хүүхэд дуугарахгүй, хүнтэй мэндлэхгүй хэлгүй ч юм шиг, дургүй ч юм шиг байж болохгүй. Ялангуяа ахмад настай хүмүүсийн өмнө. Багаас нь хүүхдийг бусдыг алаг үздэг, хүнийг гадна талаас нь ялгаварладаг болгож болохгүй. Энэ л хэрэгтэй хүн, тэр бол яах вэ тоох хэрэггүй гэх мэтийн буруу хандлага, саар үлгэр дууриалаар хүмүүжих нь өөрт нь муу. Хүүхэд харсан зүйлээ л дууриадаг шүү дээ.
Хүүхэд хүнтэй бусдын дохиогоор мэндэлдэг, өөрийн сэтгэлээрээ биш өрөөлийн үзлээр том хүнтэй, өөрийн үеийнхэнтэйгээ харьцдаг байж болохгүй шүү дээ. Монголчууд бид мэндлэх, хүндлэх ёсоороо олон улсад тэргүүлэхгүй ч нэлээд дээгүүрт ордог. Учир нь энэ бол бидний хамгийн үнэт зүйл. Үүнийгээ өөрийн үр хүүхдүүддээ зааж, сургахгүй байх нь “монголоо алдсан” хэрэг болно.
Хэн нэгэнтэй чин сэтгэлээсээ мэнд мэдэх, Сайн байна уу та гээд нүд рүү нь харж эелдгээр гар барих нь хүмүүст хамгийн том сэтгэгдэл үлдээдэг байна. Тиймээс та хүүхдийнхээ ирээдүйд сайн сайхныг хүсдэг л бол бусадтай чин сэтгэлээсээ мэндлүүлж заавал сургаарай.

Таны хүүхэд таны төсөөлж байгаагаас ч илүү сурах хүсэл, эрмэлзэл, чадвартай байдаг шүү. Гагцхүү түүнд зөв чиглүүлэлт л хэрэгтэй.

Хүүхдээ багаас нь тоглоомоор, хөнгөн аргаар сургаарай. 6 насыг хүлээлгүй, бага багаар зааж сургах нь дараа нь
ээж аавад ч, хүүхдэд ч “сургуульд сурах” гэдэг ойлголтыг дарамт биш — гоё, амархан зүйл гэж мэдрүүлдэг юм шиг ээ

Миний хувьд нэг бодит жишээ бий —
Хүү минь 3 настайгаасаа үсэг цээжлэж байгаагаа ч мэдэхгүй, зүгээр л үсэрч харайж, тоглонгоо цагаан толгойн үсгээ сурч байсан. Ингэснээр сургуульд орохоосоо өмнө богино үг, өгүүлбэрийг
уншиж чаддаг болсон юм 😊

Богино хугацаанд шахаж заахаас илүү,
бага багаар, тоглуулж сургах нь үнэхээр үр дүнтэй. Өдөр болгон ажлаасаа ирээд жижиг дасгал ажлуудыг хамтдаа хийдэг байснаа нэгтгээд, дээр нь өөр сонирхолтой дасгалуудыг нэмээд 200 хуудастай, хэвлэхэд бэлэн PDF файл болгосон байгаа.
Та бүхэн энэхүү pdf файлыг хэвлэж аваад хүүхэдтэйгээ хамтран ажиллахыг хүсвэл зурвас бичээрэй. Коммент хэсэгт pdf файл бичлэг орууллаа.

👉Эцэг эх, асран хамгаалагч, харгалзан дэмжигчдэд хүргэх амралтын өдрийн зөвлөмж

✅✅✅"Амралтын өдөр бол хайраа илэрхийлэх хамгийн сайхан боломж"
👉Та хүүхдүүдтэйгээ хамтдаа:
🎨 Зураг зурж ...
📖 Ном уншиж ...
🌳 Агаарт алхаж ...
🍲 Хамтдаа хоол хийж ...
🎲 Тоглоом тоглож ...
💬 Сэтгэлээ хуваалцан ярилцаж ...
💙 Цагийг дурсамж дүүрэн өнгөрүүлээрэй.

ГЛОБАЛ ХҮҮХДИЙН ЦЭЦЭРЛЭГТ ҮЙЛЧЛЭГЧ АЖИЛД АВНА.
ХОЛБОО БАРИХ
91018833

Жил бүр уламжлал болон зохион байгуулагддаг “Алтан Намар – Амтат Хоол” өдөрлөг 2025.10.17-нд амжилттай зохион байгууллагдлаа. 🍁
Манай бяцхан сурагчид эцэг эхдээ өөрсдийн бүтээлээ танилцуулж, Эцэг эхчүүд маань цэцэрлэгийн амтат хоолтой танилцуулж, тайзны үзүүлбэрээр авьяасаа харуулан нэгэн өдрийг өнгөрөөлөө.
Эцэг эхчүүдийн идэвхтэй оролцоо, хамтран зүтгэгч багш, ажилтнуудын хичээл зүтгэлд баярлалаа. Хүүхэд бүр инээмсэглэл, эрүүл амт, дурсамжаар дүүрэн нэг өдрийг өнгөрөөв. 🧡