Баянзүрх дүүргийн Насан туршийн суралцахуйн төв

🚨 АНХААР! ЦАГ АГААРЫН ОНЦГОЙ СЭРЭМЖЛҮҮЛЭГ

Ойрын өдрүүдэд (04.17-19) байгалийн аюулт үзэгдэл болох эрсдэл өндөр байна. Салхины хурд 22-28 м/с хүртэл ширүүсч цасан болон шороон шуурга шуурах тул та бүхэн сонор сэрэмжтэй байна уу!

⛔️Барилгын дээвэр, фасадын бэхэлгээг шалгаж, хийсэх аюулаас сэргийлэх;
⛔️Гал түймрийн эрсдэлээс сэрэмжилж, ил задгай гал гаргахгүй байх;
⛔️Бага насны хүүхэд, өндөр настнуудыг харгалзах хүнгүй үлдээхгүй байх;
⛔️Малчид малаа бэлчээрт гаргахгүй, ойрын бэлчээрт хариулахыг анхааруулж байна

📌БАЯНЗҮРХ ДҮҮРГИЙН ОНЦГОЙ КОМИСС
📌БАЯНЗҮРХ ДҮҮРГИЙН ОНЦГОЙ БАЙДЛЫН ХЭЛТЭС
📌БАЯНЗҮРХ ДҮҮРГИЙН ГАМШГИЙН ЭРСДЭЛИЙГ БУУРУУЛАХ ОРОН НУТГИЙН ЗӨВЛӨЛ

ХЭЗЭЭ ИДВЭЛ ТАРГАЛАХГҮЙ БАЙХ ВЭ?

УЛАМЖЛАЛТ АНАГААХ УХААНААР ЭРҮҮЛ ЗӨВ ХООЛЛОЛТ ГЭЖ ЮУ ВЭ?
Уламжлалт анагаах ухаанд өдрийг 3 хуваасан 6 хэмнэл байдаг.

1. Хийн цаг: 03:40-07:40, 15:40-19:40
2. Бадганы цаг: 7:40-11:40, 19:40-23:40
3. Шарын цаг: 11:40-15:40, 23:40-03:40

🕞03:40-07:40 Хийн цагт бид өглөөний цайгаа уух хэрэгтэй. Өглөөд хийг тэгшитгэх идээ ундаа буюу:
- Сүүтэй цай
- Өрөмтэй талх, масло талх
- Өөхөн тосонд хайрсан боорцог
- Арвайн гурил шар тостой багсарах

🕢7:40-11:40 Бадганы цагт ходоодны галын илч хамгийн бага байдаг тул идэхгүй байх нь жингээ барих болон хасах хамгийн том алхам!!! Гал багатай үед идэх зүйл биедээ оруулахад тэр нь таргалалт, өөх, хаван болж хувирдаг. Пилетка 1 дээр тавьчихаад ус буцлахыг хүлээхтэй адил.

🕦11:40-15:40 Шарын цагт хүний ходоодны галын илч ихтэй байдаг тул махан хоолыг түлхүү хэрэглэхэд тохиромжтой. Гэхдээ ходоодны хэмжээгээр идэх нь чухал. Хүний ходоод 2 гарын алгыг нийлүүлсэнтэй адил хэмжээтэй.

🕞15:40-19:40 Хийн цаг: Энэ үед өдрийн идсэн хоол шингэж өлсөх мэдрэмж төрөх тул бага зэрэг хийг дарах сүүтэй цай, бантан, зутан, 2-3 ширхэг бууз идэх нь эрүүл байж галбиртай байх үндэс бий болно.

🕢19:40-23:40 Бадганы цаг: Оройн хоолыг 7 цагаас өмнө хийг тэгшитгэх хоол хүртвэл тэгээд түүнээс хойш идэхгүй дараагийн хийн цаг хүргэх нь жингээ барих, жин хасах, эрүүл байх хамгийн зөв хооллолт юм.

🕦23:40-03:40 Шарын цаг: Тунгалаг цөвийн боловсролт явагдах цаг энэ үед бид сарны хүчээр биеэ амрааж унтах нь бодисын солилцоог явуулах нь хамгийн том нөхцөл бүрдэж өдрийн идсэн хоол унд хаягдал болох нь болж өглөө гадагшилж, биед шим болж үлдэх нь биеийг тэтгэх үе учир энэ цагт хамгийн сайн нойрыг авах хэрэгтэй. Нойр ч мөн жин бууруулах үйлдэлтэй шүү 😊

✅ЗӨВӨЛГӨӨ: ЭРҮҮЛ, ГАЛБИРЛАГ БАЙЖ ЖИНГЭЭ БУУРУУЛАХЫГ ХҮСВЭЛ БАДГАНЫ ЦАГТ БИТГИЙ ХООЛЛО , ХИЙГЭЭ ТЭГШИТГЭ , ГАЛЫН ИЛЧЭЭ ХАМГААЛ!!!

Via: Dr.Ochgerel

АУТИЗМЫГ ТАНИУЛАХ ДЭЛХИЙН ӨДӨР

📍НҮБ-ын Ерөнхий Ассамблейн шийдвэрээр 2007 онд НҮБ-ын бүх гишүүн орнуудыг аутизмын хүрээний эмгэгтэй хүмүүсийг ойлгуулж таниулах арга хэмжээ авахыг уриалсан. Үүнтэй холбогдуулан жил бүрийн 04 дүгээр сарын 02-ны өдрийг “АУТИЗМЫГ ТАНИУЛАХ ДЭЛХИЙН ӨДӨР” болгон 2008 оноос тэмдэглэн ирсэн билээ.

📍Монгол улсын хэмжээнд энэ хичээлийн жилд хүүхдийн цэцэрлэгт 1008, ерөнхий боловсролын сургуульд 1275, мэргэжлийн болон техникийн сургуульд 18, насан туршийн суралцахуйн төвд 5, нийт 2306 аутизмын хүрээний эмгэгтэй суралцагч суралцаж байна.

📍Дэлхий дахинд энэ өдрөөр аутизмтай хүмүүс болон тэдний гэр бүл, асран хамгаалагчдыг илүү ойлгож, дэмжих, хүлээн зөвшөөрөх зорилгоор ээлтэй, олон нийтэд чиглэсэн үйл ажиллагаа зохион байгуулах, боловсрол, хөдөлмөр эрхлэлт, эрүүл мэндийн тусламж үйлчилгээг жигд хүртэх боломжийг сайжруулахыг уриалдаг.