Оюут бага сургууль

2026-2027 оны хичээлийн жилд Оюут сургуулийн 1-5 дугаар ангид элсэн суралцах сурагчдыг бүртгэж байна.

👈 Яагаад Оюут сургуулийг сонгох ёстой вэ?
🌎 Математик өнөөдөр хэл болчихоод байна. Энэ хэлийг сурахгүйгээр үүн дээр суурилсан бусад шинжлэх ухааныг сурахад хэцүү.
✔️ Бид хүүхдүүдийг бүгдийг нь математикч болгох гээгүй. Харин хүүхэд тус бүрт түвшинд нь тохирсон математик сургалтын аргазүйг хэрэгжүүлснээр суралцагчдыг алхам алхмаар ахих ахицаар нь үнэлдэг онцлогтой. Үүний дүнд сурагчдын
🔸Логик сэтгэлгээ хөгжих
🔸Бэрхшээлийг даван туулах чадвар суух
🔸Өөртөө итгэлтэй болох
🔸Бие даан суралцах
зэрэг оюуны болон сэтгэлзүйн чадамжууд сайжирдаг.

👈 Бусад хөтөлбөрүүдийн онцлог юу вэ?
🔹Монгол хэлээ зөв сайн эзэмших "Эх хэл соёл" хөтөлбөр
🔹Ойлгон унших чадвар хөгжүүлэх "Ном" хөтөлбөр
🔹Оюуны спортоор хичээллэх "Шатар" , "Даам" хөтөлбөр
🔹Гоо зүйн боловсрол олгох "Бүжиг" хөтөлбөр
🔹Оюуны гимнастик болох "Математик сонгон" хөтөлбөр
🔹Дэлхийн гүүр " Англи хэл" хөтөлбөр

Эдгээр хөтөлбөрүүдийг эзэмшсэнээр манай сурагчид бага сургуулиа оюун ухааны хөгжил сайтай, өөртөө итгэлтэй, бие даан сурах чадвартай суралцагч болон төгссөнөөр дунд ахлах ангидаа манлайлан, амжилтаа улам улам ахиулан суралцдаг юм.
👧🏻👦🏻 Анги бүрт цөөн тооны суудал байгаа тул хүүхдийнхээ ирээдүйд оюуны зөв хөрөнгө оруулалт оруулахыг хүссэн эцэг эхчүүд манайхыг зориорой.
Бид чадварлаг багш- чанартай сургалтыг амлаж чадна.

Кенгуру -2026 олон улсын математикийн уралдаанд Benjamin (5-6 анги) төрөлд:
4а ангийн сурагч З. Тогтох хүрэл медаль, 1-р зэргийн диплом
5а ангийн сурагч Т. Ананд хүрэл медаль, 1-р зэргийн диплом
5б ангийн сурагч А. Санги-очир 2-р зэргийн диплом
5а ангийн сурагч Г. Баттулга 3-р зэргийн диплом
5а ангийн сурагч А. Болорсар 3-р зэргийн диплом
5а ангийн сурагч Б. Номуундарь 3-р зэргийн диплом
5а ангийн сурагч Ж. Түшиг 3-р зэргийн диплом
5а ангийн сурагч Э. Энэрэл 3-р зэргийн диплом
5б ангийн сурагч У. Мөнх-очир 3-р зэргийн диплом тус тус хүртэн амжилттай оролцжээ. Бүх шавь нартаа халуун баяр хүргэе.

Хөөрхөн шавь нар минь өнөөдөр дүнгийн хуралд очиж шагналаа гардаж ирлээ. Ангийнхан болон бусад ангийн дүү нар нь маш халуун дотноор баяр хүргэж, бахархал дүүрэн угтаж, харьцаж байгааг харах сайхан юм аа.
Математикийн сургуулийн тоочин хүүхдүүддээ ахин дахин халуун баяр хүргэе.
Эхлэл сургуулийн математикийн олимпиадын хүрэл медальт 5а ангийн сурагч Ч. Мөнхтөгөлдөр, тусгай байрын шагналт З.Тогтох нар

Эхлэл сургуулийн нэрэмжит Математикийн XX олимпиадад 5а ангийн сурагч Ч.Мөнхтөгөлдөр хүрэл медаль, 4а ангийн сурагч З.Тогтох тусгай байр, 4а ангийн сурагч Н.Ням-од, 3а ангийн сурагч Б. Алтжин, 2а ангийн сурагч Э.Цолмон нар өндөр оноо авч бусдыгаа манлайлан амжилттай оролцлоо.
Хичээнгүй, авьяаслаг шавь нартаа халуун баяр хүргэе. Амжилтаа улам бататган эрдмийн оргил өөд дүүлэн нисээрэй.

Жил бүр зохион байгуулдаг
"Зохиолын баатрууд амилсан нь" жүжигчилсэн тоглолтод 1-5 дугаар ангийн сурагчид маш амжилттай оролцлоо.
Урлагийн сургуулийн хүүхдүүдээс дутахааргүй дүрээ чадварлаг бүтээн тоглож буй хүүхдүүдээ хараад "Тоо боддог хүүхдүүдийн толгой сийрэг дээ" хэмээх үг өөрийн эрхгүй бодогдож суулаа. Дүрийн үгээ мартсан ч ер барьц алдалгүй өөрийн үгээр үргэлжлүүлэн тоглож буй нь өхөөрдмөөр, бахархмаар.
Анги бүр өөрийн өнгө төрхтэй, нас бүрийнхээ онцлогт тохирсон зохиолуудыг сонгожээ. Хувцаслалт, жижиг хэрэглэгдэхүүний сонголт маш сайн байлаа. Ангиа маш сайн зохион байгуулсан багш нартаа, тусалж дэмжсэн эцэг эхчүүддээ, дүрээ чадварлаг бүтээсэн сурагчдадаа баярлалаа.