Нийслэлийн ерөнхий боловсролын 7-р сургууль

22/09/2026

📚 6-Р АНГИЙН ЭЦЭГ ЭХ, АСРАН ХАМГААЛАГЧДЫН УУЛЗАЛТ, СУРГАЛТ ЗОХИОН БАЙГУУЛЛАА

Суралцагчдын сурч хөгжих орчин, төлөвшил, аюулгүй байдалд эцэг эх, асран хамгаалагчдын оролцоог нэмэгдүүлэх, сургууль–гэр бүлийн хамтын ажиллагааг бэхжүүлэх зорилгоор 6-р ангийн эцэг эх, асран хамгаалагчдын уулзалт, сургалт зохион байгууллаа.

Уулзалтын үеэр суралцагчдын хичээл, сурлагын ахиц, зан төлөв, үе тэнгийн харилцаа, хүүхэд хамгаалал болон эцэг эх, багшийн хамтын ажиллагааны талаар мэдээлэл, зөвлөмж хүргэж, санал солилцлоо.

🧠 Мөн сургуулийн сэтгэл зүйч 6-р ангийн суралцагчдын нас, сэтгэл зүйн хөгжлийн онцлог, шилжилтийн үеийн зан төлөв, эцэг эхийн зүгээс хүүхдээ ойлгож дэмжих арга, хүүхэдтэй зөв харилцах талаар мэдээлэл, зөвлөгөө өглөө.

🤝 Энэхүү уулзалт, сургалт нь 6-р ангийн сурагчдын онцлог хэрэгцээг ойлгож, тэдний хөгжил, төлөвшил, сэтгэл зүйн сайн сайхан байдлыг дэмжихэд эцэг эх, асран хамгаалагчдын оролцоог нэмэгдүүлэхэд ач холбогдолтой боллоо.

🌱 Хүүхэд бүрийн хөгжил, хамгаалал, сайн сайхны төлөө хамтдаа!

21/09/2026

“МӨНХӨД ДУРСАГДАХ БААТРУУД” 🇲🇳
2026.09.21

“Мөнхөд дурсагдах баатрууд” сэдэвт сургалт, явуулын музей Нийслэлийн ерөнхий боловсролын 7 дугаар сургуулийн дунд ангийн суралцагчдын дунд амжилттай зохион байгуулагдлаа.

Тус үйл ажиллагааг Хан-Уул дүүргийн Засаг даргын Тамгын газрын Цэргийн штаб, Хан-Уул дүүргийн Боловсролын хэлтэс, “Мөнхөд дурсагдах баатрууд” ТББ-тай хамтран зохион байгуулсан бөгөөд тус үйл ажиллагаа нь суралцагчдад эх орныхоо түүх, өв соёл, баатарлаг уламжлалаа танин мэдэх, үндэсний үнэт зүйлсээ эрхэмлэн дээдлэх, эх оронч үзэл, иргэний хариуцлага, зөв хандлагыг төлөвшүүлэхэд чухал ач холбогдолтой үйл ажиллагаа боллоо. 🇲🇳📚

17/09/2026

2026–2027 ОНЫ ХИЧЭЭЛИЙН ЖИЛИЙН БАГШ, АЖИЛЧДЫН НЭГДСЭН ЗӨВЛӨГӨӨНИЙ ХУРЛЫГ ЗОХИОН БАЙГУУЛЛАА.

Хурлаар шинэ хичээлийн жилд хэрэгжүүлж, мөрдөж ажиллах дүрэм, журам, төлөвлөгөө болон холбогдох баримт бичгүүдийг хэлэлцэн баталлаа.
Мөн хичээлийн жилийн зорилго, зорилт, хэрэгжүүлэх үйл ажиллагааны талаар мэдээлэл өгч, цаашид хэрэгжүүлэх ажлын чиглэлээ тодорхойллоо.

Нийт багш, ажилтан та бүхэнд 2026–2027 оны хичээлийн жилд нь ажлын өндөр амжилт, бүтээлч санаачилга, үр бүтээлтэй ажиллахыг хүсэн ерөөе.

16/09/2026

📱 ЦАХИМ ОРЧИНД ЗӨВ БОЛОВСОН ХАРИЛЦЪЯ! 💬

Цахим орчинд бичсэн үг бүр, үйлдэл бүр бусдын сэтгэлд нөлөөлдөг. Тиймээс бусдыг хүндэлж, эерэг үг хэрэглэн, хувийн мэдээллийг хамгаалж, нийтлэхээсээ өмнө сайтар бодож хэвшицгээе. 🤝💙
✅ Бусдыг хүндэлж, эелдгээр харилцъя
✅ Зөв, эерэг үг хэлж, дэмжлэг үзүүлье
✅ Хувийн мэдээллээ хамгаалъя
✅ Худал мэдээлэл, цуурхал түгээхгүй байя
✅ Зөвшөөрөлгүй зураг, бичлэг нийтлэхгүй
🌱 ЗӨВ ҮГ – ЗӨВ ХАНДЛАГА – ЗӨВ ХАРИЛЦАА
💙 Цахим орчноо хамтдаа эерэг, аюулгүй болгоё!

15/09/2026

"МӨРӨӨДӨЛД ХӨТЛӨХ ЗАМ”

Монгол Улсын гавьяат жүжигчин Н.Ариунболд Нийслэлийн ерөнхий боловсролын 7 дугаар сургуулийн Ахлах, Дунд ангийн 950 суралцагчдад зориулан “МӨРӨӨДӨЛД ХӨТЛӨХ ЗАМ” сэдэвт уулзалт, ярилцлагыг зохион байгууллаа.

Уулзалтын үеэр өөрийн амьдрал, уран бүтээлийн замнал, зорилго мөрөөдөлдөө хүрэхийн төлөө тууштай хөдөлмөрлөх, ач холбогдлын талаар ярилцаж, өөртөө итгэх итгэл, зорилгоо тодорхойлох, зөв хандлага төлөвшүүлэх талаар үнэ цэнтэй зөвлөгөө, сургамж хуваалцлаа.

Суралцагчдад урам зориг, эерэг хандлага түгээсэн МУГЖ Н.Ариунболд танд уран бүтээлийн өндөр амжилт хүсэн ерөөе.🎊🎊

13/09/2026

🏆 НАМРЫН СПАРТАКИАД АМЖИЛТТАЙ БОЛЖ ӨНДӨРЛӨЛӨӨ 🏆

Тэмцээнд идэвх санаачилгатай оролцсон нийт суралцагдадаа баяр хүргэж, спортын өндөр амжилт хүсье! 👏🏅

09/09/2026

06/09/2026

06/09/2026

02/09/2026

БАЯРТАЙ МЭДЭЭ🎊

Филиппин улсын Давао хотод зохион байгуулагдсан “JKA Philippines” Олон Улсын Каратэгийн 3-р тэмцээнд
Б.Баярцэцэг багштай 7е ангийн суралцагч У.Билгүүн
Каратэ төрөлд 1-р байр, алтан медаль🥇
Күмитэ төрөлд 2-р байр, мөнгөн медаль 🥈тус тус хүртлээ. Б. Билгүүндээ халуун баяр хүргэж спортын өндөр амжилт хүсье🎊👏👏