30/03/2026
ЯЛГААТАЙ ХЭРЭГЦЭЭТЭЙ (ХӨГЖЛИЙН БЭРХШЭЭЛТЭЙ) СУРАЛЦАГЧТАЙ АЖИЛЛАЖ БУЙ БАГШ НАРЫГ ЧАДАВХЖУУЛАХ СУРГАЛТЫГ ЗОХИОН БАЙГУУЛЛАА...
✅✅✅Гэрэлт Андаган ТББ болон JCI байгууллагын Монгол Улс дахь Их хүрээ салбар хамтран ялгаатай хэрэгцээтэй (хөгжлийн бэрхшээлтэй) хүүхэдтэй ажиллаж буй багш нарт арга зүйн дэмжлэг үзүүлэх зорилготой “Итгэлийн жигүүр” төслийг хэрэгжүүлж байна.
🔸🔸Төслийн хүрээнд Боловсролын ерөнхий газрын Тэгш хамруулах боловсролын хэлтэс, Дархан-Уул аймгийн Боловсролын газартай хамтран ялгаатай хэрэгцээтэй (хөгжлийн бэрхшээлтэй) хүүхэдтэй ажиллаж буй багш, мэргэжилтнүүдэд зориулсан онол, дадлага хосолсон арга зүйн сургалтыг Дархан-Уул аймагт зохион байгууллаа.
🔹🔸🔹Сургалтад Дархан-Уул аймгийн Политехник коллеж, Насан туршийн суралцахуйн төв, ерөнхий боловсролын сургуулиудын дэмжлэгийн багийн гишүүд, хөгжлийн бэрхшээлтэй хүүхэдтэй ажиллаж буй багш нарын төлөөлөл, нийт 80 оролцогч хамрагдаж, дараах чиглэлээр мэдээлэл хүргэж, нэгдсэн ойлголттой болж, хөгжлийн бэрхшээлтэй хүүхэдтэй ажиллах дадлагад хамтран суралцлаа. Үүнд:
📌Тэгш хамруулах боловсролын хууль эрх зүйн орчин, түүнийг хэрэгжүүлэгч талуудын оролцоо, анхаарах асуудал;
📌Дэмжлэгийн багийн бүтэц үйл ажиллагаа, хамтран ажиллах чиглэл;
📌Ганцаарчилсан сургалтын төлөвлөгөөг боловсруулах аргачлал;
📌Сонсголын бэрхшээлтэй хүүхэдтэй ажиллах арга зүй
📌Дохионы хэлний анхан шатны ойлголт, харилцаанд ороход анхаарах асуудал;
📌Аутизмын хүрээний эмгэгтэй хүүхдийг хөгжүүлэх арга зүй, хэл ярианд дэмжлэг үзүүлэх;
👉🏻Тус сургалт нь хөгжлийн бэрхшээлтэй хүүхэдтэй ажиллаж буй багш нарт тулгамдаж буй арга зүйн чиглэлээр зөвлөгөө өгч хамтран ажилласан үр дүнтэй байлаа.
👧🏻🧒🏻Хүүхэд нэг бүр өөрт тохирсон сургалт, дэмжлэгт хамрагдаж өөр өөрийн өнгөөр 🩶💛💙🩷❤️🤎гэрэлтэхэд таны багахан дэмжлэг, анхаарал л хэрэгтэй. 🥰🥰🥰Хайр түгээе🥰🥰🥰
