Huree ICT - Албан ёсны хуудас

2026-2027 оны хичээлийн жилийн элсэлтийн бүртгэл эхэллээ.
https://elselt.huree.edu.mn/

🎓 21 дэх удаагийн төгсөлт

Инээмсэглэл, дурсамж, нөхөрлөл, амжилтаар дүүрэн нэгэн өдөр ийнхүү өнгөрлөө. ✨

21 дэх төгсөлтийн маань онцлох мөчүүдээс хуваалцаж байна.

Төгсөгчдөдөө цаашдын их үйлсэд нь өндрөөс өндөр амжилт хүсье. 🌟

Хүрээ Мэдээлэл Холбоо Технологийн Сургуулийн “Эмнэлгийн тоног төхөөрөмж
ашиглалтын инженер” мэргэжлийн төгсөгчдийн уулзалт амжилттай зохион байгуулагдлаа.
Эмнэлгийн тоног төхөөрөмж ашиглалтын тэнхимийн багш нар болон үе үеийн төгсөгчид
нэгэн дор цугларч, оюутан насны сайхан дурсамжаа хуваалцан, мэргэжлийн салбарын
хөгжил, цаашдын ажиллагааны талаар санал бодлоо солилцсон үр дүнтэй уулзалт боллоо.
Уулзалтанд урилгаар Монголын эмнэлгийн инженерчлэлийн нийгэмлэгийн тэргүүн М.Бат-
Эрдэнэ, Эм эмнэлгийн хэрэгсэл хяналт зохицуулалтын газрын мэргэжилтэн Б.Батцэнгэл,
ШУТИС-ийн Доктор, дэд профессор МУ Зөвлөх инженер Пүрэвдаш, ШУТИС-ийн Доктор,
дэд профессор Бумбат багш, АШУҮИС-ийн Докторант Энх-Үрэл нар хүрэлцэн ирж үнэтэй
цаг мөчөө хуваалцсан та бүхэндээ чин сэтгэлийн талархал илэрхийлье.
Мөн энэхүү уулзалтыг амжилттай зохион байгуулахад идэвхи санаачилгатай оролцож,
сэтгэл зүрхээрээ нэгдсэн нийт төгсөгчдөдөө гүн талархал илэрхийлье.
Уулзалтын хүрээнд тэнхимийн цаашдын тогтвортой үйл ажиллагааг дэмжих, төгсөгчдийн
хамтын ажиллагааг өргөжүүлэх зорилгоор төгсөгчдийн холбоог байгуулж, холбооны
удирдах зөвлөлийн гишүүдийг дараах байдлаар томиллоо. Нийт төгсөгчдийн оролцоо,
дэмжлэг, хамтын ажиллагаа нь төгсөгчдийн холбооны цаашдын үйл ажиллагаа, тэнхимийн
хөгжилд үнэтэй хувь нэмэр болно гэдэгт итгэлтэй байна.

ШИЛДЭГ ДИПЛОМЫН АЖЛЫН ТАНИЛЦУУЛГА-2026
Хүрээ МХТДС-ийн “Шилдэг дипломын ажлын танилцуулга-2026” үйл ажиллагаанд оюутан, залуус Та бүхнийг идэвхтэй оролцохыг урьж байна.
Энэхүү арга хэмжээ нь оюутнуудын судалгаа, бүтээлч санаачилга, мэргэжлийн ур чадварыг олон нийтэд танилцуулах зорилготой болно.

АХЛАХ АНГИЙН СУРАГЧИД, ЭЦЭГ ЭХ АСРАН ХАМГААЛАГЧИД, БАГШ НАРЫГ УРЬЖ БАЙНА.