I’m world- Mongolia

🇲🇳🇰🇷 **I’M WORLD ~ Монголын Амьдрал ба Энх Тайвны Мод төсөлтэй хамт ~** 🌱🕊️

🇲🇳🇰🇷 Байгаль орчин, энх тайвныг холбосон утга учиртай хамтын ажиллагаа

Монгол, БНСУ-ын хамтын ажиллагааны хүрээнд уур амьсгалын өөрчлөлт, цөлжилтийн асуудлыг шийдвэрлэхэд хувь нэмэр оруулах зорилготой “Амьдрал ба Энхтайваний Мод” төсөл Гордок Энхтайваний Төвд амжилттай зохион байгуулагдлаа. 🌳🕊️

Тус арга хэмжээний үеэр Налайх дүүргийн хүүхэд, оршин суугчдад зориулан:
🌱 Экологийн туршлагад суурилсан сургалт
🚁 Дрон ашиглан байгаль орчны боловсрол олгох
🌿 Ухаалаг ферм, ухаалаг хүлэмжийн туршлага
🌳 Мод тарих үйл ажиллагаа
🤝 Экологийн боловсрол, туршлага солилцох сургалт зэрэг олон талт үйл ажиллагааг зохион байгууллаа.

Энэхүү төсөл нь хүүхэд, залуучуудад байгаль орчноо хайрлан хамгаалах зөв хандлагыг төлөвшүүлэхийн зэрэгцээ STEAM боловсрол, дрон технологи, ухаалаг хөдөө аж ахуйг экологийн боловсролтой хослуулсан үнэ цэнэтэй туршлага боллоо.

🌏 Байгаль дэлхийгээ хамгаалах нь бидний хамтын хариуцлага.

Цаашид энэхүү арга хэмжээ улам өргөжин тэлж, жил бүр тогтмол зохион байгуулагдан, Монгол–Солонгосын байгаль орчны боловсрол, энх тайвны хамтын ажиллагааны сайхан гүүр болно гэдэгт итгэлтэй байна. 🇲🇳🤝🇰🇷

НИЙСЛЭЛИЙН ЦЭЦЭРЛЭГИЙН ЦАХИМ БҮРТГЭЛ 2026 ОНЫ 08 ДУГААР САРЫН 10-НЫ ӨДРӨӨС ЭХЭЛНЭ.

Нийслэлийн цэцэрлэгт хамрагдах хүсэлтийг хоёр үе шаттайгаар зохион байгуулах бөгөөд нэгдүгээр шатны бүртгэлийг 2026 оны 08 дугаар сарын 10-ны өдрөөс 2026 оны 08 дугаар сарын 23-ны өдрийг дуустал E-Mongolia платформоор дамжуулан хүлээн авна.

2026–2027 оны хичээлийн жилд улсын хэмжээнд 258,921 хүүхдийг сургуулийн өмнөх боловсролд хамруулах хэрэгцээ үүснэ. Үүний 126,827 хүүхэд нь нийслэлд хамаарна.

Нийслэлийн хүүхдийг насаар нь ангилбал:

2 настай – 27,832
3 настай – 31,303
4 настай – 32,002
5 настай – 35,690 хүүхэд байна.

Иргэд хүүхдээ цэцэрлэгт хамруулах үйлчилгээг авахдаа дараах зүйлсийг анхаарна уу.

📌 Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;

📌 Таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ "Үргэлжлүүлж явах" эсэх сонголтыг хийх;

📌 Хэрэв шилжилт хөдөлгөөн хийх бол 2026 оны 08 дугаар сарын 07-ны өдрөөс өмнө баталгаажуулсан байх.

Боловсролын яам
Боловсролын ерөнхий газар
E-Mongolia
Боловсролын мэдээллийн технологийн төв

🇲🇳🇰🇷Бүтээлчээр хөгжүүлье “NOMADIC I’M BRICK”

📚Монголын өв соёл, Ёс заншил, Боловсролын орчин, СӨБ-ын шинэчлэгдсэн хөтөлбөрийн стандартад нийцсэн шинэ бүтээлч “ NOMADIC I’M BRICK “STEAM хөтөлбөрийг бүтээх зорилгоор Монголын СӨБ-ын багш, удирдлагууд, боловсролын газрын мэргэжилтнүүдээс бүрдсэн сурах бичиг боловсруулах баг ажиллаж байна.

📕Мөн Солонгос дахь Монгол сургуулийн сурагчиддаа робот, дронуудад суурилсан нэг сарын STEAM хөтөлбөрийг бага, дунд, ахлах ангийн сурагчдад дөрвөн ангид хуваан хэрэгжүүлж байна.

“I’m world”🇰🇷🇲🇳 2026.06.22~2026.06.28

БНСУ-д зохион байгуулагдаж байгаа Олон улсын STEM хөтөлбөрийн хүрээнд хэрэгжсэн туршлага солилцох үйл ажиллагаанд оролцож, Сөүл хотын Гуанаг дүүргийн “Гүрибчоннин” цэцэрлэгт айлчлан сургалтын хөтөлбөр, суралцах орчинтой танилцаж, харилцан туршлага солилцов.

🤝Энэ үйл ажиллагааны үеээр Сөүл хотын Гуанаг дүүргийн “ Гүрибчоннин” цэцэрлэг болон УБТЗ Хүүхдийн секторын харъяа Улсын Тэргүүний "Ганзам" 179 дүгээр цэцэрлэг хамтын ажиллагааны санамж бичиг байгууллаа.

👍Уулзалтын үеэр багш солилцоо, сургалтын хэрэглэгдэхүүн болон суралцах орчныг боловсронгуй болгох чиглэлээр хамтын ажиллагааг өргөжүүлэх боломжийн талаар санал солилцож, цаашдын хамтын ажиллагааны чиглэлүүдийг хэлэлцэв.

👏 Олон улсын сургалтад оролцсон нийт багш нартаа сурлагын өндөр амжилт, ажлын их бүтээл хүсье👏

🇰🇷🇲🇳“I’m world” Олон улсын туршлага солилцох сургалт

📅2026.06.22~2026.06.28

📍СОЁЛЫН ӨДРҮҮД

Сургалтын өдрүүдээр оролцогч багш нар БНСУ-ын түүх, уламжлал, соёлын өвтэй танилцаж, үндэсний ёс заншил, онцлогийг биечлэн мэдэрсэн үр бүтээлтэй өдрүүд боллоо.🇰🇷

Мөн Монгол, Солонгос хоёр улсын соёлын харилцан ойлголцлыг нэмэгдүүлэхэд энэхүү өдрүүд онцгой ач холбогдолтой байлаа. 🌏

🇲🇳🇰🇷I’M WORLD THE K-BOLT Co.,Ltd БАЯНГОЛ ДҮҮРЭГТЭЙ ХАМТЫН АЖИЛГААНЫ САНАМЖ БИЧИГ БАЙГУУЛЛАА👏

БНСУ-ын STEAM боловсрол, хиймэл оюун ухаан, робот техникийн сургалтын хөтөлбөрийг хөгжүүлэгч THE K-BOLT Co., Ltd. I’m World” Монгол Улсын нийслэлийн Баянгол дүүрэгтэй боловсролын салбарын хамтын ажиллагааг өргөжүүлэх зорилгоор хамтын ажиллагааны санамж бичиг байгууллаа.

Санамж бичигт Баянгол дүүргийн Засаг даргын орлогч Д.Мөнхбаатар, БНСУ-ын THE K-BOLT Co., Ltd. компанийн захирал Ким Жэ Чол нар гарын үсэг зурлаа.

Энэхүү хамтын ажиллагаа нь Баянгол дүүргийн “Суралцагч Баянгол” хөтөлбөрийг олон улсын түвшинд хөгжүүлэх, хиймэл оюун ухаан (AI), STEAM боловсрол, робот техник, дижитал боловсролын шилдэг туршлага, инновацлаг технологийг нэвтрүүлэхэд чиглэж байна.

Санамж бичгийн хүрээнд талууд STEAM боловсролын сургалтын хөтөлбөрийг хамтран хөгжүүлэх, багш, суралцагчид болон боловсролын удирдах ажилтнуудын олон улсын хамтын ажиллагаа, туршлага солилцоог өргөжүүлэх, мөн XXI зууны ур чадвар, бүтээлч сэтгэлгээ, инновацыг дэмжих чиглэлээр хамтран ажиллахаар тохиролцлоо.

Түүнчлэн “Суралцагч Баянгол AI & STEAM Innovation Center” байгуулах боломжийг хамтран судалж, хиймэл оюун ухаан, кодчилол, инженерчлэл, робот техникийн мэдлэг, ур чадварыг хөгжүүлэх орчин үеийн боловсролын инновацын төвийг байгуулахаар зорьж байна.

Тус хамтын ажиллагаа нь Монгол Улсын боловсролын салбарт дэвшилтэт технологийг нутагшуулах, олон улсын хамтын ажиллагааг өргөжүүлэх, ирээдүйн ур чадвартай хүний нөөцийг бэлтгэхэд чиглэсэн чухал алхам болж байна.

🇲🇳🇰🇷 "SGG frend"компани “I’M WORLD” 18 дахь удаагийн "Бүтээлчээр хөгжүүлье” олон улсын сургалтыг амжилттай зохион байгуулж байна . Сургалт БНСУ-ын Инчеон хотод “THE K-BOLT” төв компанид 2026.06.22~2026.06.28-ны өдрүүдэд болж байна.

ЭНЭ УДААГИЙН СУРГАЛТАД:

📕Сүхбаатар дүүргийн насан туршийн суралцахуйн төв

📕Баянзүрх дүүргийн насан туршийн суралцахуйн төв

📕Өвөрхангай аймгийн насан туршийн суралцахуйн төв

📕МУБИС-ийн лицей сургууль, Орхон Хасу сургууль, Харумафүжи 3, Сант сургууль

📚 Улаанбаатар Төмөр Замын хүүхдийн сектор
📚 Төмөр замын 178,179,180, 236 дугаар цэцэрлэг
📚 Нийслэлийн хүүхдийн 11,39,62, 308 дугаар цэцэрлэг
📚 Налайх дүүргийн 208, 213 дугаар цэцэрлэг
📚 “Орчлон” Цэцэрлэг
📚Говь-Алтай аймгийн Есөнбулаг сумын 3,11 дүгээр цэцэрлэг
📚 Сүхбаатар аймгийн Сүхбаатар сумын цэцэрлэг
📚Говьсүмбэр аймгийн 5 дугаар цэцэрлэг
📚 Дархан-Уул аймгийн 26 дугаар цэцэрлэг
📚 Орхон аймгийн 25 дугаар цэцэрлэг
📚Хэнтий аймгийн 11 дүгээр цэцэрлэг, Баян-Адарга сумын цэцэрлэг
📚 Сэлэнгэ аймгийн Сант сумын 1 дүгээр цэцэрлэгүүдийн удирдлага багш нарын төлөөлөл нийт 64 хүн оролцож байна.

📕I’M WORLD”ОЛОН УЛСЫН СУРГАЛТ НЬ:

Боловсролын салбарын багш, удирдах ажилтнуудын мэргэжлийн ур чадварыг олон улсын түвшинд хөгжүүлэх, орчин үеийн STEAM боловсрол, хиймэл оюун ухаан, робот техник болон AR/VR технологид суурилсан сургалтын шинэ арга зүйтэй танилцуулах, туршлага солилцох, бүтээлч сэтгэлгээг дэмжихэд оршино.

Мөн хүүхэд бүрийг дэлхийд өрсөлдөх чадвартай, бүтээлч иргэн болгон төлөвшүүлэх боловсролын чанарыг сайжруулах, олон улсын хамтын ажиллагааг өргөжүүлэхэд чиглэж байна.

ЭНЭ УДААГИЙН СУРГАЛТААР:

👨‍🎓”The K-bolt” ХХК захирал ноён Jae Cheol Kim I’m world брэндийн STEAM сургалтын хэрэглэгдэхүүн, хиймэл оюун ухаанд суурилсан шинэ бүтээгдэхүүнүүдийн танилцуулга

👨‍🎓МУБИС, БОСС-ийн багш “SGG Frend”ХХК зөвлөх багш доктор Д.Үүрийнтуяа “STEAM боловсрол ба суралцахуй" лекц

👩‍🎓Нийслэлийн Боловсролын газрын мэргэжилтэн, “SGG Frend” ХХК-ийн зөвлөх
багш З. Болормаа “Бага насны хүүхдийн суралцахуй” лекц

👩‍🎓”AI Content ikong Studio” захирал ноён Jaeseong Lee ухаалаг дэлгэц, AR/VR технологийг СӨБ-д хэрэглэх нь дадлага ажил

👩‍🎓”Киримио” ХХК-ын захирал ноён Lee Song “Ухаалаг кодинг блог” дадлага ажил дээр суурилсан сургалт

👩‍🎓”AI Content ikong Studio” захирал ноён Jaeseong Lee ухаалаг дэлгэц, AR/VR технологийг СӨБ-д хэрэглэх нь дадлага ажил

👩‍🎓🤝Энэхүү сургалтад оролцож бидний ажлыг үргэлж дэмжин ажилладаг та бүхэндээ талархал илэрхийлж, Монголын ирээдүй болсон хүүхдүүдийг дэлхийд өрсөлдөх боловсон хүчин бэлтгэх агуу их үйлст нь амжилт хүсье! 👏👏👏