Bat-Uyanga Baatar

Бясалгахуй

Өдрийн сайныг өнжин хүлээж сарын сайныг саатан хүлээж өнөөдрийн энэ өдөр Skool-рүүгээ нүүлээ.

Доорх линкээр дамжин Бясалгахуйн хүрээлэлдээ нэгдээрэй. Энд бид нэгнийгээ шүүдэггүй өөр өөрийн хурдаар явахыг зөвшөөрдөг нэгэн бүлгэм үүсгэн хамтдаа өсөн хөгжиж өөдөө тэмүүлэхээр боллоо.

https://www.skool.com/101-8739/about

Амар амгаланд зорь
Аахилж гүйхээ багасга
Аз жаргалыг зүгээр мэдэр
Алс хол бишээ дэргэд чинь байгаа

Өөрийн байгаад ханаад
Өрөөлд бүү атаарх
Буян заяа нь байвал
Бүгд чинийх болноо

Бүтэх бүтэхгүйг
Бүтээсэн амьдрал чинь харуулна

Тайван бай амгалан бай
Тансаг зүйлийн хойноос битгий хөөцөлд
Ер бусын амар амгалан чинь л
Ертөнцийн хамгийн том тансаглал

Аз жаргал алсад биш дэргэд бий
Амжиж мэдэр таашаа хүрт
Ахиад хэзээ ч ирэхгүй хором мөчийг
Аахилан уухилан битгий алд

Зүгээр л тайвшраад зогс
Зүйдэлгүй энэ хорвоог мэдэр
Тэгж байж амьдралыг амтална
Тэгж байж бид хүртэнэ

Хайрла, хүндэл, энхрийл өөрийгөө
Хорвоогийн хамгийн онцгой бүтээл билээ чи
Бурхан гэж байдаг түүний цучил нь чи
Битгий бухимд, битгий атаарх, битгий яар

Одоо байгаагаа мэдрэх тусам
Олон их олз тэнд л бий
Яарсан хүн сохор болдог
Давчидсан хүн тэнэг болдог

Тайван хүн бүхнийг хардаг
Тайван хүн бүхнийг хүртдэг
Бурхнаас өгөх бэлэгний хойноос гүйх биш
Алгаа тосоод байгаа газраа зогс

Аз жаргалыг гаднаас хайх биш
Яг одоо байгаагаасаа л мэдэр

Эрх чөлөө гэдэг өөрөө дээдийн жаргал
Бодлын эрх чөлөө
Хүслийн эрх чөлөө
Мэдрэмжийн эрх чөлөө
Мэдлэгийн эрх чөлөө

Энэ бүгдийг мөнгөөр орлуулж
Эдээр хүлүүлсэн хүн
Энэ дэлхийн хамгийн ядуу
Мөнгөөр бүхнийг хэмжиж
Мэдрэмжээ хүлүүлсэн хүн хамгийн ядуу

Алдхан биед атгахан газар л хэрэгтэй
Арай илүү илүү гэж шунах бүртээ
Амьдралын алтан хором
Амь эрчим юүгээ
Аймшигт шуналд тушааж байдаг

Ахиж битгий тэг
Амь эрчимээ хадгал хамгаал хайрла
Шунах бүрт бид эрчимээ алдаж
Шулаач бүхэнд байдгаа барьж

Тайвшрах тусам амиа тэтгэн
Тансаг бүхнийг мэдрэх болно
Амьсгалах цээж дүүрэн агаар
Аньсага юугаа тэтгэх байгаль

Хөх мөнх тэнгэр
Хөрст алтан дэлхий
Энэ өөрөө хамгийн дээд баялаг
Энэ өөрөө хайгаад буй эд чинь

Шунах бол эрдэмд шуна
Хүсэх бол тайвшралыг хүс
Харах бол үнэнг л хар
Хазах бол амьдралыг амтал

Зовлон гэж байхгүй
Жаргал ч гэж байхгүй
Зориг гэж байхгүй
Тэнэг ч гэж байхгүй
Ухаантан ч гэж байхгүй

Тайван болон тайван бус л гэж бий
Ер бусын тайван чамд
Ертөнцийн бүх нууцыг нээнэ

Бусдын үгэнд бухимдах хэрэггүй
Өөрийгөө ч таниагүй хүний
Үгээр үг хийж гомдоод байвал
Өөрт ирэх бүхнийг түлхдэг юм

Чи өвдөхөө больтол чи тоохоо больтол
Тэдгээр үгнүүд чамайг шалгана
Шалгалт ирэх бүрт баясан хүлээн ав
Даваад гарвал бэлэг байгаа

Худалч хуурамч хүн бүрийг
Тэрүүгээр нь үлдээ
Амьдралаараа тэд чинь төлнө
Аз жаргалаараа төлнө

Улсаа зарсан хулгайчид
Удам угсаагаараа төлнө
Унхиагүй төрийн албат ч
Үр хүүхдээрээ төлнө

Мөнгөний төлөө өгчихөөд
Мөрөөдөл гэж эндүүрч яваа
Эрлэгийн элчийн өмнө хүн ирэхэд
Энэ насаа хүн өөрөө шүүнэ

Эх дэлхийд дахин төрөх эрхгүй
Эрлэгт насаа үдэх хүмүүст
Атаархаж эрчимээ алдахаар
Өрөвдөн хайрлаж энэр

2025.05.16

Баатарын Бат-Уянга

Одоогоос 8,9 жилийн өмнө юмдагуудаа бясалгал гэсэн болгоныг шимтэн сонсож байхдаа Аниргүй төвийн Ачиймаа багш Монголын радиогийн Ари эгч хоёрын нэвтрүүлгийг YouTube хуудаснаа шимтэн сонсдог байж билээ.

Миний краш болсон Ари эгч маань сургалтанд минь суугаад ийм сэтгэгдэл үлдээсэн нисчих гээд байна шүү.

Буруу яваагүйн байна хүнд хэрэгтэй л юм хийж яваан байна. Бүх зүйлд талархлаа 🙏🙏🙏

Өөрийнхөө зүрхэн тольтноос олсон гэрлээ бусадтай хуваалцахыг хүсдэг учраас энэ хуудас, энэ сургалт оршиж байгаа. Гэхдээ гэрэл түгээх бүрд өөрөө бага багаар шатаж байдгаа ч мэднэ. Тэрийгээ би эсэргүүцдэггүй. Хүлээн зөвшөөрдөг. Хэн хүнгүй л өөрийгөө эмтлэн байж тодорхой хөдөлмөр хийн амин зуулгаа залгуулах, аз жаргалаа хайсаар байдаг билээ.

“Ядарлаа, эмтэрлээ” гэж өөрийгөө өрөвдөх тусам би улам л бөөцийлөгдөж, жинхэнэ гэрлээсээ холддогийг ойлгосон. Лаа өөрийгөө шатаан байж гэрлээ цацраадаг шиг би ч бас өөрийнхөө гэрлээр оршихыг сонгосон.

Шаталт дунд утга бий. Өвдөлт дунд
жинхэнэ амьдрал бий.

Эмэгтэй хүч

Бүсгүйчүүд минь эмэгтэй гэдгээ эсэргүүцэх бус хүлээн зөвшөөрөөрэй. Эсэргүүцэл чамайг хүчтэй болгодоггүй, зүгээр л шалтгаангүй ядраадаг.

Өөрийнх биш мэт санагдсан зүйлээ “минийх биш” гэж түлхэхэд тэр алга болдоггүй зүгээр л дотогшоо хаа нэгтээ дарагддаг. Харин тэр дарагдсан хэсэг амьдралын чинь талбаруудад чимээгүйхэн нөлөөлж эхэлдэг.

Хүлээн зөвшөөрөх гэдэг нь бууж өгөх биш, өөртэйгөө эвлэрэх ухаан. Эмэгтэй хүч гэдэг
сул дорой биш зөөлөн хэрнээ тэнцвэртэй,
урсгал шиг уян, гэвч амьдралыг тэтгэх эх булаг. Өөрийнхөө мөн чанарыг эсэргүүцэхээ болиод түүнтэйгээ нэгд. Тэндээс л жинхэнэ амар амгалан эхэлнэ.

Мэдлэг ганцаараа хангалтгүй. Мэдрэмжгүй мэдлэг хоосон хийрхэл юм байна.

Амнаас гарах авиа бүрт анхаарал хэрэгтэйг ойлголоо. Үг гэдэг үйлдлээр батлагдахгүй бол үнэ цэнэгүй.

Өнөөдөр би хэн ч биш, юу ч биш, хараахан болоогүй “түүхий” байгаагаа харлаа.

Баяр жаргал, зовлон гуниг мм хүрэхгүй зайд зэрэгцэн оршдогийг асар их үнээр ойлголоо.

Чимээгүйд л үнэн хамгийн тод сонсогддог.

Би энэ орчлонгийн жам ёсны өмнө хумхын тоосноос жижигхэн ажээ.