Анхны Хятад хэл

Мөрөөдлийн замнал: Хятад хэл суралцсан аялал - 2

Хятадын гурван их сургуульд өргөдөл гаргаад хариугаа хүлээгээд л байлаа. Наадам өнгөрч сургуулийн хариу маань гарлаа, хүсэж байсан их сургуульдаа ч тэнцлээ.

Сургууль маань дэлхийд эхний 100, Хятадын 211 хөтөлбөрт багтдаг сургууль бөгөөд хурдхан шиг л очихыг туйлбн хүсэж байлаа.Галт тэрэгний вокзал дээр аав маань намайг гаргаж өгөхдөө юу ч ярихгүй, баяртай ч биш гунигтай ч биш тийм л байсан. Галт тэрэг хөдлөх дохио сонсогдох сүүлчийн мөчид мөрөн дээр тас хийтэл алгадаад “гялалзаад ирээрэй” гэдэг хоёрхон үг хэлээд л намайг үдэж өглөө.

Сургуульдаа очихдоо галт тэргээр Эрээн орж цааш онгоцоор ниссэн, их л ядарч очсон. Цаг агаар нь бүгчим халуун , чийглэг гэсэнч сэтгэлийн хүсэн хүлээсэн бүхэн биелсэн, бүх дэлхий гар дээр минь байгаа юм шиг л мэдэрч байлаа.

https://hyalbar.mn/product/hsk-book

Мөрөөдлийн замнал: Хятад хэл суралцсан аялал - 1

Анх 9-р ангид байхдаа их сургуульд тэнцчих юм бол амьдрал аандаа намайг хөтлөх юм шиг санагдаж байлаа. Ингээд л ерөөсөө ЭЕШалгалтдаа бэлдээд жилийн дотор бүх хичээлээ нөхөж үзээд ЭЕШ-ийн номоо дуусгачихсан.

Тиймдээ ч тэр үү дандаа л хими биологийн олимпиадад амжилттай ордог байлаа. Аравдугаар ангид (12-р жилийн сургалттай сургуульд сурдаг) байхдаа ямарч эргэлзээгүй химийн хичээлээр улсын олимпиапад амжилт гаргах цаашлаад олон улсын химийн олимпиадаас заавал медаль авах, АШУҮИС-т урилгаар орох гэсэн зорилго өөртөө тавьчихсан байсан юм. Ингээд дараа жил нь олимпиадын хариугаа хараад л дотор харанхуйлж хов хоосон болчихов. Медаль байтугай шагналт байранд ч орж чадаагүй. Төгсөхөд 1 жил үлдчихсэн яахаа ч мэдэхээ болиод МУИС-аас алхаад гарч байснаа санадаг.

Хэд хоног бодсоны эцэст БНХАУ-д очиж төгсөх жилээ сурахаар шийдэж Эрээн хотод ахлах ангиа төгссөн юм. Өдөр бүр өглөө 6:00 цагт өглөөний гүйлт, өглөөны давтлагаар эхэлж орой 21:30-д оройн давталгаар дуусч байлаа. Анхандаа хичээлээ ойлгохгүй, хятад хэлний дуудлага хүнд санагдаж байсанч цаашлаад ханз үзэж эхлэхэд ангийн сайн сурагчдийн нэг боллоо. Өглөө бүр 4 цагт босож шалгалтанд бэлдсээр 8 сарын дотор HSK5 оноотой болоод багш нартаа талархаад эргээд Монголруугаа явсан.

Ингээд Монголдоо ирээд ямарч байсаа хими биологийн хичээлээр ЭЕШ өглөө. Хоёр хичээлээр 800, 800 оноо авсанч яг эцсийн мөчид анагаахад оролгүй хятадад их сургууль өргөдөл гаргахаар шийдсэн. Энэ магадгүй миний амьдралын эргэлтийн цэг байсан байх ..

https://hyalbar.mn/product/hsk-book