Түүх, соёлоо дэлхийд түгээнэ “The Secret History of the Mongols”? Battsengel.R works in the genre of historic art.
He has been drawing the Secret History of the Mongols for the past 28 years. He commenced work on this project 8 years ago and first volume “VOLUME-I” was published in 2014. The second volume was published in 2015 and he is currently working on the third volume. The secret History of the Mongols is primarily a script generally recording the events of the time. There is very little description with
10/12/2025
Ном бол хэзээд хамгийн хүндтэй бэлгүүдийн нэг юм. Ялангуяа өөрийн улс үндэстэн, өвөг дээдсийнхээ түүх соёлыг харуулж, түүгээрээ бахархсан ном нь хамгаас сайхан бэлэг мөн билээ.
Эрхэм хүндэт зураач Р.Батцэнгэлийн уран зураг дүрслэл бүхий, танин мэдэхүйн тайлбартай дараах бүтээлүүдийг хайртай дотны хүмүүстээ авч бэлэглээрэй. Шинэ жилийн хямдрал 20%.
Утас: 96369904, 95954144
Найруулагч Р.Батсайхан:
“Дүү минь бүтээлч амьдралаа Эзэн Богдыг таниулах, алдаршуулахад зориулсан нэгэн байсан. Тэрээр уран зураг, номын зэрэгцээ энэхүү анимейшн цувралыг бүтээсэн юм. Өөрт нь олдсон бүхий л боломжийг ашиглаад санаагаа илэрхийлэхийг хичээдэг, огт зүгээр суухгүй байх зуршилтай хүн байлаа.
Богд Эзний үйл хэрэг, үзэл санааг чадах бүхнээрээ дэлгэрүүлэн сурталчлах нь магад түүнд буулгасан тэнгэрийн бошиг байсан байх гэж санадаг. Наймхан настай байхдаа уран зургаар сурч байсан ахынхаа будаг, бийрээр Чингис хааны узуур Дээр тэнгэрээс заяат төрсөн Бөртэ чоно, Хоо марал нарыг наран зүгээс ирж байгаагаар зурж билээ. Тэр зураг одоо ч бий. Тэр цагаас хойш бүхий л уран бүтээлдээ Их хааны цадиг түүх, алдар гавъяаг дүрсэлж, дэлгэрүүлж байсан юм. Бидэнд монголчууд бидний дээд шүтээн Их Эзэн Чингис хааныгаа бахдан дуулах нь бас илүү хувийн, гэр бүлийн сэдэлтэй юм. Учир нь бид тэр аугаа хүний үргэлжлэл Тулуй сэцний шугам дор үсэрсэн цус, тасарсан мах нь болон оршдог. Бид зүрх сэтгэлдээ “Монголын дуу гэвэл моторын дуу биш” гэх найрагчийн санааг тээж, монгол хүний нандин бүхнийг дээдлэн эгшиглэхийг хичээж ирсэн, хичээх болно.
Р.Батцэнгэлийн оюун бодлоо шингээж урласан цувралыг таалан сонирхоно уу.”
21/11/2025
Монгол бахархлын өдөр, Их Эзэн Чингис Хаан мэндэлсний 863 жилийн ойн өдрийн мэндийг дэвшүүлье. Энэ нь бидний эх орон, тусгаар тогтнол, өв соёлоо үргэлж санаж, хүндлэн дээдлэх, бахархах учиртай өдөр юм.
Тиймээс бид энэхүү өдрийг тохиолдуулан зураач Р.Батцэнгэлийг санан дурсаж байна. Батцэнгэл нь өөрийн бүхий л амьдралаа Монголынхоо түүх соёл, уламжлал заншлыг дэлхий ба олон нийтэд түгээж, сурталчлах үйл хэрэгт зориулсан эх оронч, авьяаслаг уран бүтээлч байсан билээ.
15/09/2025
Бид 9 сарын 19, 20, 21 өдрүүдэд зохион байгуулагдах намрын номын баяртаа эрхэм зураач Рэнцэнгийн Батцэнгэлийн бүтээлүүдээр оролцох болно.
-"Монголын Нууц Товчоо Түгээмэл Эх" зурагт нууц товчоо нь Кирилл ба Уйгаржин Монгол, Англи, Герман, Франц, Орос, Хятад, Солонгос, Казак болон Унгар хэл бичгүүдээр
-"Морин Хуурын Дууль" хэмээх хүүхэд багачуул, гэр бүлд зориулсан танин мэдэхүйн тайлбар, гайхалтай зураг дүрслэл бүхий ном нь Кирилл ба Уйгаржин Монгол болон Англи хэл бичгүүдээр
-Амьдралын эцсийн мөчүүдээ зориулан бүтээсэн Хүннү гүрний тухай эртний түүхийг өгүүлэх "Хүннү Товчоо" гэх эдгээр бүх номууд 20% хямдралтай худалдаалагдах болно.
Авьяаслаг уран бүтээлч, эрхэм хүмүүн Батцэнгэлийн үлдээсэн оюуны эх өв үеийн үедээ үл мартагдаж, түгэн дэлгэрэх болтугай.
23/06/2024
Зураач, эх зохиогч Рэнцэнгийн Батцэнгэл агсаны сүүлчийн бүтээл болох "Хүннү товчоо" номын нээлтэд хүрэлцэн ирэхийг урьж байна.
"Чингис хааны Үндэсний музейн номын сан"
2024 оны 6-р сарын 24-ний өдрийн 14 цаг.
19/05/2024
РЭНЦЭНГИЙН БАТЦЭНГЭЛ
1976-2024
Зураач, эх зохиогч, "Монголын нууц товчоог дэлхийд түгээе" сангийн тэргүүн, цуцашгүй бүтээлч эрхэм хүмүүн Рэнцэнгийн Батцэнгэл 2024 оны 5 дугаар сарын 18-ны өдөр тэнгэрт дэвшлээ.
Насан багаасаа Монголын урлаг соёл, өв соёлд шимтэн ухамсарт амьдралаа эх түүх, дээдсийн уламжлал, соёлыг дэлхийн олон үндэстэнд сурталчлах, түгээх үйлсийг манлайлан хэрэгжүүлэхэд зориулсан авьяаслаг уран бүтээлч, жинхэнэ эх оронч явсан Р.Батцэнгэлийн замнал бидний хайр талархал, бахдал бишрэл, үлгэр дуурайл болон үлдэж байна.
2014 оноос өнөөдрийг хүртэл "Монголын нууц товчоо" түгээмэл эх номыг англи, орос, франц, казах, япон, солонгос, унгар, хятад, кирилл монгол, монгол бичиг зэрэг 10 хэл, бичгээр хэвлүүлж, тун удахгүй герман хэл дээрх хувилбар нь гарах гэж байна. Энэ бүтээл нь 2022 оны "Мөнгөн мод" оны шилдэг бүтээл шалгаруулах ёслолын "Шилдэг ном хэвлэл" шагналыг хүртсэн юм.
2023 онд бүтээсэн "Морин хуурын дууль" ном нь мөн олон хэл дээр хэвлэгдэн дэлхийн монголчууд, монголын түүх соёлд хайртай хүмүүсийн хүртээл болсон юм. Тэрээр сүүлчийн амьсгаагаа таттал бүтээлч сэтгэхүйгээ хадгалан "Хүннү товчоо" ном дээрээ ажиллаж байгаад тэнгэрийн ивээлд одлоо.
Алтан ургийн хэлхээ болон мэндэлснийхээ үйл учрыг гүйцээн, өвгөдийн түүхийг дээдлэн биширч, утга учиртай, бүтээл дүүрэн, гэгээн сайхан амьдарч туурвиж, чин сэтгэлийг барьсанд тань баярлалаа. Таныг үүрд дурсаж, бахархаж явах болно, бид.
Амгалан нойрс доо. Энх хутгийг олох болтугай.
Гэр бүл, ах дүүс, анд нөхөд, хамтран ажиллагсад, дэмжин туслагсад түүнийг таньдаг мэддэг хэн бүхэнд гүн эмгэнэл илэрхийлье. Уран бүтээлийг нь бүх талаар дэмжиж байдаг монголын өв соёлыг хайрлан хүндэтгэдэг, дэмжин дэлгэрүүлдэг бүх хүнд талархал дэвшүүлье.
Түүний бидэнд үлдээсэн өв:
"Монголын нууц товчоо түгээмэл эх" 3 цуврал ном
"Чингис Хаан" бүрэн хэмжээний анимейшн кино
"Алтан ургийн домгийн чуулган" уран бүтээлийн үзэсгэлэн
"Ардчиллын түүчээ - МоАХ" улс төрчдийн бүлэг хөрөг
"Тусгаар тогтнолын төлөөх 70 жил" улс төрчдийн бүлэг хөрөг
"Морин хуурын дууль" ном (монгол, англи)
"Хүннү товчоо" ном (монгол, англи)
14/03/2024
Манай үзэсгэлэн үргэлжилж байгаа шүү.
Зөвлөх багш С.Цолмон, Д.Эрдэнэбаатар нарын нэрийг дурджээ.
🖼️ Exposition "L’Histoire secrète des Mongols"
Cette œuvre anonyme rédigée en langue mongole après la mort de Gengis Khan, sous son fils Ögödei Khan ou sous son petit-fils Möngke Khan, raconte les luttes internes, l’accession au pouvoir du jeune Temüjin, sa gouvernance et son habilité diplomatique et militaire.
Le récit puise visiblement dans diverses sources et constitue une
version « secrète », c’est-à-dire destinée à la famille régnante.
Redécouvert au 19e siècle, il fut traduit dans de nombreuses langues.
L’original mongol ayant été perdu, les versions connues proviennent
d’une transcription chinoise datant de la fin du 15e siècle.
Les illustrations de Battsenghel Rentsen, conseillé par l’historienne Tsolmon Sodnom et l’archéologue Erdenebaatar DimaajavI, proposent la représentation la plus précise des tenues vestimentaires et du cadre de vie des Mongols.
🗓️Du 24 février au 24 mars
🎫 Accès inclus dans le droit d’entrée à l’exposition Gengis Khan
🎨 Illustration : Battsenghel Rentsen
30/08/2023
Дэлхийн өнцөг булан бүрд өсч буй монгол хүүхдүүд өв соёлоо танин мэдэж, монгол хүн болж төлөвшиг ээ.
"МОРИН ХУУРЫН ДУУЛЬ"
Хүүхэд, гэр бүлд зориулсан, танин мэдэхүйн тайлбар бүхий ном.
Хүүхэд тань анхны харцаараа энэхүү номд татагдан дурлах болно. Анимейшн кино мэт сонирхолтой, адал явдалтай тул уншихад ямар ч хүч шаардахгүй.
Танин мэдэхүйн тайлбраас нь өв соёл, ёс уламжлалын мэдлэг авна.
Гадаадад амьдарч буй хүүхдүүдээ монгол соёл, ёс уламжлалтай нь танилцуулахыг хүсч, чармайж буй аав, ээж нарт сайн туслах шүү.
Мөн англи хэл сурах, сайжруулах зорилгоор уншаарай.
Гадаад найз нартаа бэлэглэхэд ч сайхан ном.
Монгол (худам)
Монгол (кирилл)
Англи хэлээр хүргүүлээд аваарай.
Удахгүй франц, япон, хятад гээд нэмэгдээд явна.
Утас: 88102169
Үнэ: 70000₮
Зохиолч: Р. Батцэнгэл
Англи хэлний орчуулагч: Ж.Эрдэнэцэг
Монгол бичиг рүү хөрвүүлсэн: Б.Ганбаатар
Зураач: Р. Батцэнгэл
Редактор: М. Баттөгс
Зөвлөхүүд: Г.Аким, С.Цолмон, Д.Эрдэнэбаатар, С.Пунцаг, Г.Ням-Очир, Б,Нанжид
26/11/2025