Амжилтын Өртөө

Та сайн байна уу,

Айл айлаас нэгдээд ардыгаа төлөөлөн мөсөн дээр хэвтэх дүү нар минь сайн байна уу,
Мөнх тэнгэр харж буй, магад бид маргааш босохгүй ч, улирал солигдон мөс хайлна

Илжирсэн сандалны булан горилон талбайгаар эргэн яваа цөөвөр та сайн байна уу, ахуйгаа л дээшлүүлэх гээд зүтгээд л явна уу.
Тээр жилийн идсэн талх, ах нарын шидсэн гонж нь биед нь сайхан зохижээ.
Төөрсөн ард дээр тоглолт хийхээр тонтгор толгой нь ажиллаад л байна уу?

Эрхтэн дархтаныг өдөр шөнөгүй хамгаалах төмөр нударгууд минь сайн байна уу,
Нүд нь нээлттэй ч Гар боолттой, хөл нь тушаатай ч зүрхэндээ зөврүү тэмүүлсээр л байна уу?
Эсвэл элгэн садан чинь эмтэрч унахыг ээлж дараалан харахыг хүлээвүү?

Ахуй төр маань самуурч байхад хойрголон дээрэмдүүлж сурсан иргэн та сайн байна уу,
Өдрийн ажилдаа нухлуулсаар өөрийгөө төлөөлүүлж хойрголж суусаар л, өвдөгний чинь цоорхой улам томорсоор л,
Өмд ч үгүй төрсөн нялхас чинь өөрийн гэх газар нутаггүй болоход ойрхон байна,
Өмдний чинь утсыг татах төрийн түшээд өдөн хөнжилдөө туслан хэвтсээр байна. Угаадсан дээр нь сайхан өвөлжих үү?

Тролл хийж амьдарж байгаа эрхэм та сайн байна уу, гэрт чинь ирж хоолыг чинь идээд угаадас өгсөн эрхэм гишүүндээ талархаад суух уу?
Маргаашаа зарж идсээр л байх уу?

Алсаас шатрын нүүдлийг ажин тоглон суугаа харийн хүн та сайн байна уу,
Харь улсыг дээрэмдэж авсан талхныхаа зүсмээр ардаа цатгахгүй, хоол болохгүйг хэзээ ухаарах вэ?
Артай өвдөгөөс минь эмээхгүй байна уу?
Хөх өвгөд минь үйлийн дэнсээг хийх буй зэ,

Ирээдүйд цүнх барихаар бэлтгэгдэж буй эрхэм анд та сайн байна уу,
Ах нарыгаа дагавал ам тосдовч, гар чинь сэтгэл чинь ардыгаа цуслахад бэлэн байна уу?

Ахин дахин идээд ханаж цаддаггүй эрхэм та сайн байна уу, айж эмээхээ болиод амар сайхан амьдарч байна уу, ардаа дээрэмдээд жаргаж сууна уу?
Олноосоо тасарч сайхан амьдравч, хойч үрс чинь үйлийг нь эдлэхийг хэзээ ухаарах вэ?

Ардын салхи хаашаа үлээхийг гайхшран суугаа мэдрэмжгүй гишүүн та сайн байна уу,
Хөлдүү бас гинжтэй таныг хүлээж суусаар ард иргэд нь туйлдаж дууслаа.

Ардын хүүхдүүд хойморт заларч, авсан идсэнийг тань илчлэх л болно

Ай даа та нар минь нүхээ бэлдэцгээ
Амжиж зарим нь зугтаах л байлгүй

Үйлийн үр хатуу шүү, өвөг дээдүүд чинь хилэгнэн байна.

Хөх монгол минь мандан бадраг

2022.12.22
Торгууд хүү

ТАЛЫН МОНГОЛ ХҮҮ

Талын монгол хүү
Татаж чангаалгасан ч тэсвэртэй монгол хүү

Татсан нумаа эвшээх хооронд сэтгэдэг Монгол хүү

Талын монгол хүү
Түмний сэтгэлийг, итгэлийг халуун сэтгэлээрээ, хөлс хүчээрээ хариулдаг Монгол хүү

Талын монгол хүү
Харийн хүнийг дайлж цайлаад гаргах уужим сэтгэлтэй аавын хүү

Талын монгол хүү
Түмнээ бодохдоо биеэ умартсан Монгол хүү

Талын Монгол хүү
Хүч бяраараа гайхуулдаггүй эгэл даруухан инээмсэглэн суудаг Монгол хүү

Талын Монгол хүү
Монгол хүмүүний үр шүү гэж шүдээ зуун тэсвэрлэсэн Монгол үр

Талын Монгол хүү
Хүнд цаг тулахад нутгийнхаа уулсаа бодон тайвширдаг Монгол хүү

Талын Монгол хүү
Бие биелгээгээ хийн хөгжилдөн суух эгэлхэн Монгол хүү

Талын Монгол хүү
Бусдын өв соёлыг хүндэлж, эв эеийг эрхэмлэн оршдог Монгол хүү

Талын монгол хүү
Тагштай цай хөрөх зуурт орчлонг тунгааж, уул усаа ч өмгөөлж бодох бодлоо тээдэг аавын хүү

Талын монгол хүү
Усыг нь уувал ёсыг дагах сэтгэлээр хаана очсон дасан зохицож чаддаг аавын хүү

Талын монгол хүү
Ноомой, дуугүй боловч дээрэлхүүлэхийг үздэггүй цөс ихтэй Монгол хүү

Талын монгол хүү
Доройг өмгөөлөх, ивээлтэнд талархах, эх дэлхийгээ хайрлахыг үлгэрлэн харуулж явдаг Монгол хүү

Талын монгол хүү
Харьд очоод нутгийнхаа салхийг үгүйлж, цээж дүүргэх сэнгэнэсэн агаарыг зүүдэлж сэрдэг Монгол хүү

Талын монгол хүү
Хүчтэнд бөхийлгүй шүд зуудаг ч, доройг өрөвдөж нулимс унагаж энэрэх зүрхтэй Монгол хүү

Талын монгол хүү
Морьд барианд орохыг хараад нулимс дуслуулдаг Монгол хүү

Талын монгол хүү
Өөрийн 9 цагаан хүсэлдээ орчлонг багтаасан Монгол хүү

Талын монгол хүү
Хээр хоноход ч хоолоо хийгээд иддэг, хэцээр дэр хийчихдэг ахуйгаа мэддэг ээжийн хүү

Талын монгол хүү
5 тусгаараа манасан Хөх толбот монгол өвгөдийн үрс Монгол хүү

Талын Монгол хүү
Ивээх нарны гэрэлд, сарны туяанд, эх дэлхийд талархаж мишээж амьдардаг монгол хүү

Талын Монгол хүү
Найранд нанчилддаг ч, харьтны эсрэг нэгдэж чаддаг халуун цуст Монгол хүү

Талын Монгол хүү
Сумны исгэрээн, нүүдлийн замд ч алжаалгүй өссөн авхаалжтай Монгол хүү

Талын Монгол хүү
Сайхан хоол идье гээд хэлэхэд Мах боддог Махчин Монгол хүү

Талын Монгол хүү
Илүүд шунахаас илүү ул мөргүй амьдрахыг эрхэмлэдэг Монгол хүмүн

Талын Монгол хүү
Наадамд 3 даваатай, найранд 3 дуутай, хуриманд 3 ерөөлтэй арга билгийн Монгол хүү

Талын Монгол хүү
Тэнгэрт тэтгэгдэж, Газарт ивээгдсэн, Хөх толбот монгол хөвүүн.

Хөх өвгөдийн үр хойч

2025.11.20
Жанцанноров - Монгол Аялгуу сонсож байв. Энэ үед сэтгэл сэргэж хөг орж Physical Asia-д өрсөлдсөн Монголын багийн тамирдчаа бодон бичлээ.

Хөх толбот Mонгол
Торгууд хүү

“Гурав тоолохын дотор нэг алхам хийж чадахгүй л бол тэр санаагаа хая.

Ахиж тэрийг ерөөсөө бодохгүй гэж хүлээн зөвшөөрч, ахин дахин бодогдоод байвал анхны алхам, хоёр дахь алхам, зуун алхам зорилго болгон хийж, зорилгодоо боол болж байгаад амжина шүү дээ, тэр бодлыг, тэр санааг.

Тэгэхээр амьдрал, амжилт хоёр бол тэр санаагаа дүүргэж чадах эсэхийн л тэмцэл юм. Баяжмаар байна гээд бодох юм бол яг одоо мөнгө үрнэ гэсэн бодлоосоо нэгийг хасах хэрэгтэй. Алдаршмаар байна гэх юм бол ямар салбарт гэдгээ бод.

Жишиг нь:
Хөгжим, дуу эгшиг, соёлын талбарт гэвэл бушуухан шиг бийр, бэх аваад л зураг зурж оролдоно. Нэг цэг ч болтухай зурж, зуун удаа зурсныхаа дараа юутай болохыгоо төсөөлнө.

Зуун удаа үйлдээд тэр төсөөлөлдөө хүрэх эсэхээ шалгана. Ингэж л хуумгай бодол жинхэнэ голын хүсэл хоёроо ялгачихна шүү дээ.

Харин хийх гэж байгаа зүйлдээ дараа, маргааш, тэгж байгаад гэдэг үгийг ер оруулахгүй шүү. Тийм хүсэл угаасаа биелдэггүй юм.

Дараа гэж байгаа бол дараагийнхаа амьдралд гээд л ойлгочих.”

| Тайчуудын АгаЧу баатар

"Хүмүүсийг илүү их таних тусам би өөрийн нохойндоо дуртай болж байна. "
~Mark Twain~

Эв нэгдлийн үнэ цэнийг мэддэг хүмүүстэй цагийг өнгөрөө.

#амжилтынӨртөө
#зогсолтгүйСуралцая
#эерэгээрЦэнэглэе

Өнөөдрийн онцлох Content.

Like & Share дараад өгөөрэй. 🙏🏻
Дуунд богино anime хийдэг бяцхан охины контент юм байна шүү.
🥳❤️✌️
https://www.youtube.com/

Loverboy.. #meme #art #amnewbutnottheleast #art #Amina #namuunmunkhbaatar #animememe