Аутизмд хийсэн аялал НҮ ТББ

Заримдаа хэн ч харахгүй үед ээж аавууд чимээгүй уйлдаг.

Хүүхдээ хараад хайр дүүрэн байдаг ч, зүрхнийхээ гүнд
айдастай байдаг.

“Би зөв зүйлс хийж байна уу?”
“Ирээдүй нь яах бол?”
“Би хангалттай сайн эцэг эх мөн үү?”

💔 Энэ асуултууд маш хэцүү.

Гэхдээ нэг зүйлийг санах хэрэгтэй юм шүү. Та ганцаараа биш.

Тантай адил олон ээж аав өдөр бүр хичээж, алдаж, дахин босож, дахин оролдож байдаг.

💙 Хүүхдэд тань төгс эцэг эх хайдаггүй
💙 Харин өөрийг нь ойлгох, хайрлах хүнийг л хайдаг

Та яг тэр хүн нь.

Өдөр бүр төгс байх албагүй…
Харин бууж өгөхгүй байх нь л хамгийн чухал 🌱

Та хангалттай сайн эцэг эх шүү

🌍💙 04 дүгээр сарын 02 "Аутизмыг таниулах дэлхийн өдөр"

Өнөөдөр бид зөвхөн нэг өдрийг тэмдэглэж байгаа биш бид ойлголт, хүлээн зөвшөөрөл, хайр энэрлийг түгээх аяллаа үргэлжлүүлж байна.

Бид “Аутизмд хийсэн аялал” НҮТББ-ыг үүсгэн байгуулсан цагаасаа эхлэн нэг л зорилготой явж ирсэн. Тэр нь "Монголын хүүхэд бүр тэгш боломжтой байх ёстой" гэсэн итгэл юм.

📌Сүүлийн жилүүдэд аутизмын тохиолдол нэмэгдэж байгаа нь биднээс илүү их анхаарал, илүү их мэдлэг, илүү их хамтын ажиллагааг шаардаж байна.
Бид шинжлэх ухаанд суурилсан ABA (Applied Behavior Analysis) арга зүйг Монголд нэвтрүүлж, мэргэжилтэн бэлтгэж, эцэг эхчүүдэд зөвлөгөө өгч, олон зуун хүүхдэд үнэлгээ, дэмжлэг үзүүлсээр байна.

📌 Бид:
-Олон улсын стандартад нийцсэн сургалт, арга зүйг нэвтрүүлсэн
-600+ хүүхдэд хөгжлийн үнэлгээ хийсэн
-Алслагдсан орон нутгийн хүүхдүүдэд үнэ төлбөргүй үйлчилгээ хүргэсэн
-Багш, эцэг эхчүүдийг чадавхжуулсан
-Хандлагаа өөрчлөх, ойлголт түгээх үндэсний аянуудыг хэрэгжүүлсэн.

💛Бид бүгд хамтдаа:
💙 Ялгаатай байдлыг ойлгож
💙 Хүүхэд бүрийг хүлээн зөвшөөрч
💙 Илүү хүртээмжтэй нийгмийг бүтээж чадна

Бидний аялал үргэлжилсээр…
“Аутизмд хийсэн аялал” НҮТББ
Үүсгэн байгуулагч З.Октябрь

🌷 ОЛОН УЛСЫН ЭМЭГТЭЙЧҮҮДИЙН БАЯРЫН МЭНД 🌷

Хөгжлийн ялгаатай онцлогтой хүүхдүүдийн төлөө сэтгэл зүрхээ зориулан ажилладаг
ээжүүд, эмэгтэйчүүд, багш нар, асран хамгаалагч та бүхэндээ
Олон улсын эмэгтэйчүүдийн баярын халуун мэндийг өргөн дэвшүүлье.

Таны хайр, тэвчээр, халамж, итгэл нь
хүүхэд бүрийн ирээдүйг гэрэлтүүлж байдаг хамгийн үнэт хүч билээ.

Эрүүл энх, аз жаргал, инээд баясал дүүрэн
сайхан баярыг хүсэн ерөөе!😇😍

Хөгжлийн ялгаатай онцлогтой хүүхдүүдэд зориулсан
• ABA терапи
• Спорт засал
• Хөгжлийн дэмжих сургалт, үнэлгээ, үйл ажиллагаа
явуулдаг цогц боловсрол олгох төв.

📌БИДНИЙ ЗОРИЛГО: Аутизмын хүрээний эмгэг болон хөгжлийн бэрхшээлтэй хүүхдүүдийг нийгмийн амьдралд идэвхтэй оролцох, бие даах чадварыг нэмэгдүүлэх, боловсрол-хөгжил-нийгмийн оролцоог дэмжихэд чиглэнэ.

📌ҮЙЛ АЖИЛЛАГАА
• ABA терапи сургалт
• Спортод суурилсан засал, хөдөлгөөний хөгжлийн хөтөлбөр
• Хэрэглээний зан үйлийн үнэлгээ, сургалт
• Эцэг эх, асран хамгаалагчийн зөвлөгөө
• Нийгэмшүүлэх, хамтран оролцох арга хэмжээ

📌СУРГАЛТ, ҮНЭЛГЭЭ
• Хүүхдийн хөгжлийн үнэлгээ
• Хувь хүний онцлогт тохирсон сургалтын төлөвлөгөө, ганцаарчилсан сургалт
• Нийгэмшихүй, бие даах чадвар
• Харилцаа, зан үйлийн дэмжлэг

📍ХАЯГ, ХОЛБОО БАРИХ

📧 И-мэйл: [email protected]

📍 Салбар 1: ЧД, 3-р хороо ЭТӨЧ 31, Сансар КаТв зүүн талд 99482065, 88118807
📍 Салбар 2: ХУД, 23-р хороо, Яармаг, Арцатын ам, Happy village 88930938

XVII жарны “Гал морин” жилийн сар шинийн баярын мэндийг дэвшүүлье🐎🐎🐎

Угтах жилийн өглөө нар нь алтан туяатай
Ухаан бодол тань уужим, зам мөр тань дардан байг
Учран золгосон бүхэн инээмсэглэл бэлэглэж
Урагшлах ирээдүй тань өөдрөг гэрэлтэй байг.

Элбэг хангалуун айл өрх бүр баясаж
Эрүүл энх, аз жаргал айсуй жилд дэлгэрч
Эв нэгдэл, итгэл дүүрэн алхам бүр батжиж
Энэхэн сайхан жилдээ сайхан шинэлээрэй.💙🤍