14/04/2026
“Би өнөөдөр зөв хөл дээрээ босчихжээ. Ажил төрөл ар араасаа бүтээд үнэхээр амжилттай өдөр болж байна” гэдэг. Өглөө бүрийг зөв хөл дээрээ эхлүүлэх энгийн хэрнээ гайхамшигтай аргыг хэлж өгье.
1. Өглөө бүр ус уу. Яагаад?: Шөнө унтах үед таны бие усаа алддаг. Тархи хүртэл бага зэрэг хатаж, мэдээлэл боловсруулах хурд удааширдаг. Ус уух үед цус шингэрч, хүчилтөрөгч тархинд илүү сайн очдог. Ингэснээр та илүү сэргэг бодож, шийдвэр гаргах чадвар нэмэгдэнэ. Өглөөний нэг аяга ус бол таны тархинд өгч буй хамгийн эхний “Сэр, амжилттай ажиллаж эхэл” гэсэн дохио.
2. Амьсгалын дасгал хий. Яагаад?
Та ойрд стресстэй байгаа бол амьсгал богиносдог. Энэ нь тархинд аюул байна гэсэн буруу дохио өгдөг. Харин удаан, гүн амьсгалах үед тархи тайвширч, айдсын төв намддаг. Ингэснээр бодол цэгцэрч, анхаарал төвлөрөл нэмэгдэнэ. Амьсгалаа удирдана гэдэг бол өөрийн сэтгэлээ удирдаж эхэлж байна гэсэн үг.
Дасгал нь: Хамраараа гүнзгий амьсгаа 4 тоолж аваад 6 тоон дээр бариад, 8 тоон дээр гарга. 3 удаа л давтаад хийчих.
3. Бясалгал хий. Яагаад?: Намуухан ая тавиад нүдээ аниад өөрийгөө зоригтой, асуудлыг шийдэж байгаа хүн гэж төсөөл. Тархи бодит байдал ба төсөөллийг ялгадаггүй. Та ялж байгаа дүр зургаа давтан харах тусам тархи үүнийг бодит байдал мэт хүлээн авч, таны үйл хөдлөл, зан чанарыг өөрчилж, эрч хүчтэй болгодог. Энэ үед айдас багасч, үйлдэл хийх зориг нэмдэг.
4. Дасгал хий. Яагаад?: Хөдөлгөөн хийх үед цусны эргэлт сайжирч, тархинд илүү их хүчилтөрөгч очдог. Мөн аз жаргал, урам зориг төрүүлдэг дааврууд ялгарна. Энэ нь стрессийг багасгаж, сэтгэл санааг өргөдөг. Биеэ хөдөлгөх тусам тархи чинь илүү амьд, илүү хурдан, илүү бүтээлч болно.
Дасгал: Хөлдөө мөрнөөс арай том зай аваад, 2 гараа алдлаад зогсоно. Тэгээд үсрэнэ. Үсрэхдээ гар хөлөө хумиж үсрэнэ. Цаг тавиад 1 минут л хийчих.
5. Тэжээллэг хоол ид. Яагаад?: Тархи бол их энерги хэрэглэдэг эрхтэн. Чихэр ихтэй өглөөний унд уухад энерги огцом өсөөд бууна. Энэ нь ядрах, залхуурах, төвлөрөл алдагдах шалтгаан болдог. Харин уураг, шим тэжээлтэй хоол идэхэд тархи тогтвортой ажиллаж, анхаарал удаан хадгалагдана. Чи юу иднэ, тархи чинь түүгээр л ажиллана.
Жишээ нь: Өндөг + овьёос + самар + жимс
эсвэл Өндөг + бүхэл үрийн талх + авокадо
эсвэл Тараг + жимс + самар
Энэ 5 зүйл нийлээд чиний тархинд “Бүх зүйл хяналтанд байна. Чи чадна” гэсэн дохио илгээснээр хүмүүсийн хэлдэг “Өнөөдөр би зөв хөл дээрээ боссон байна” гэдэг мэдрэмж бий болгож бодит амьдралд нөлөөлдөг.
Үнэндээ бол чи бодит амьдрал дээрээ зөв хөл дээрээ босоогүй харин тархиа амжилт руу зөв чиглүүлж өгсөн байдаг.
Өөрийнхөө тархийг илүү таньж, дараагийн шатанд гаргах бодит өөрчлөлт хийж сурмаар байгаа бол ӨӨРИЙГӨӨ СЭРЭЭ багц сургалтанд маань 1 гэж бичээд суугаарай. Хямдралын хугацаа 4 сард дуусч байгаа шүү.
О.Минухатун
Нейропсихологич
Сору
