ШУТИС-ийн Гадаад хэлний сургууль

ШУТИС-ийн оюутны III байранд оюутан хүлээн авах цахим бүртгэл явагдана

ШУТИС-ийн оюутны III байрны засвар, тохижилтыг олон улсын стандарт шаардлагад нийцүүлэн хийж тус байранд харьяалах бүрэлдэхүүн сургуулиудын оюутнуудыг хүлээн авахад бэлэн боллоо. Иймд оюутнууд дараах хугацаанд цахимаар бүртгүүлэхийг мэдэгдэж байна.

Бүртгэл: Оюутны веб-ээр 2026 оны 01 дүгээр сарын 19-23 ний хооронд явагдана. Бүртгэл нь баталгаажсан оюутнууд байрандаа орж болно.

Харьяалагдах сургуулиуд: БАС, МС, НХС, МХТС, ЭХИС, ГХС

Байрны төлбөр: 2 хүний өрөө сарын төлбөр 197000 төгрөг

4 хүний өрөө сарын төлбөр 167000 төгрөг

Оюутан бүр байрны барьцаа төлбөр жилийн 30000 төгрөг төлнө.

ОЮУТНЫ ҮЙЛЧИЛГЭЭНИЙ АЛБА

Шинжлэх Ухаан, Технологийн Их Сургуулийн санхүүжилттэй судалгааны төслийн санхүүжилтийн сонгон шалгаруулалтанд амжилттай оролцсон ГХС-ийн профессор, багш, судлаачиддаа амжилт хүсье.

📣✅ Эрхэм судлаач, эрдэмтэн, багш та бүхнийг "Европ судлал X" олон улсын эрдэм шинжилгээний хуралд оролцохыг урьж байна.
👉 https://fls.must.edu.mn/mn/news/1371

🇯🇵2026 оны Япон Улсын Засгийн газрын “ЯПОН ХЭЛ, ЯПОН СОЁЛ СУДЛААЧ ОЮУТАН” болон “ЕБС, СӨББ-ЫН БАГШИЙН МЭРГЭЖИЛ ДЭЭШЛҮҮЛЭГЧ ОЮУТАН”-ы тэтгэлэгт хөтөлбөр зарлагдлаа.🧑‍🏫👩‍💻🏯⛩️🎎📖📚
🇯🇵Дэлгэрэнгүй мэдээллийг доорх линкээс үзнэ үү.
https://www.mn.emb-japan.go.jp/itpr_ja/kokuhi_20251225_mgl.html

12 сарын 25-ны өдөр ГХС-ийн ХАБЭА-н зөвлөл “Хөдөлмөрийн аюулгүй байдал, эрүүл ахуйн ерөнхий зааварчилгаа” сэдэвт нийт ажилтны сургалт зохион байгууллаа.
Сургалтыг “Сэндвик монголиа” ХХК-ийн БО, ЭА, ХАБ хариуцсан менежер Б.Уламбаяр удирдан явуулав.

Боловсролын байгууллагын менежментийн тогтолцоонд дотоод аудит явуулах ажил ГХС дээр 2025.10.22-11.27-ны хооронд хийгдэж 2025.12.01-нд хаалтын хурлаа амжилттай зохион байгуулав. Байгууллагын чанарын менежментийн тогтолцоо ISO2100:2021 стандартын хэрэгжилтэд хяналт тавих, сайжруулах боломжийг тодорхойлоход хамтран ажилласан аудиторууддаа баярлалаа. Мөн аудитын явцад шаардлагатай мэдээлэл, баримт нотолгоог бүрдүүлж багийн үйл ажиллагаанд нээлттэй, идэвхтэй хамрагдсан нэгж, тэнхимийн удирдлага, профессор, багш, ажилтан та бүхэнд талархал илэрхийлье. Цаашдаа байгууллагын чанарын соёлыг бэхжүүлж, боловсролын үйлчилгээний чанарыг тасралтгүй хөгжүүлэхэд бодит хувь нэмэр оруулж, зорилго нэгтэй хамтран ажиллана гэдэгт найдаж байна.

Хүндэтгэсэн,
ГХС-ийн чанарын менежер П.Бямбажав

https://www.facebook.com/share/p/1KGYnG6nwr/?mibextid=wwXIfr

✅ГАДААД ХЭЛНИЙ СУРГУУЛИЙН БАКАЛАВР ОЮУТНЫ ЭРДЭМ ШИНЖИЛГЭЭНИЙ ХУРАЛ БОЛЛОО.
Оюутны эрдэм шинжилгээ, судалгааны ажлын ур чадварыг дээшлүүлэх, дадлагажуулах, бүтээлч сэтгэлгээг дэмжих, онол практикийн уялдаа холбоог сайжруулах зорилгоор ГХС-ийн оюутны бакалавр оюутны эрдэм шинжилгээний хурлыг 2025 оны 11 сарын 03-ны өдөр зохион байгууллаа.
🔷Бакалаврын түвшинд нийт 11 оюутан илтгэл хэлэлцүүлснээс:
1-р байранд: З.Энхжин (Гадаад хэлний орчуулга - хятад хэл III курс) “Тэнгэр, од
эрхэстэй холбоотой үг орсон монгол, хятад хэлний хэлц үгийг харьцуулах нь” – удирдагч багш Ази судлалын тэнхимийн дэд профессор, доктор Ц.Эрдэнэзаяа
2-р байранд: О.Номин (Гадаад хэлний орчуулга - хятад хэл I курс) “Хятад хэлний
хэлцийг домгийн үүднээс судлах нь” – удирдагч багш Ази судлалын дэд профессор, доктор, дэд профессор Л.Чойжилмаа
3-р байранд: Э.Хоролсүрэн (Гадаад хэлний орчуулга - англи хэл IV курс) “Хүнсний
үйлдвэрийн тоног төхөөрөмжийн нэр томьёоны орчуулгын судалгаа” (Талх чихэр ХК-ний FKP K 2.1/115, SKLAD K 2x510 JSC, KRAS NC машины ашиглах заавар” гарын авлагын жишээн дээр) – удирдагч багш Хэрэглээний хэл шинжлэлийн тэнхимийн профессор, доктор, дэд
профессор Ц.Цэцэгмаа сэдвээр илтгэл хэлэлцүүлж тус тус шалгарлаа.
🔷Багш оюутны хамтын ажиллагааг хөгжүүлэх, оюутны эрдэм шинжилгээ, судалгааны ажлын ур чадварыг дээшлүүлэхэд идэвхтэй ажилласан удирдагч багш нартаа нартаа талархал илэрхийлье.

Шинжлэх ухаан, технологи, инновацын шилдэг бүтээл шалгаруулах “2IP-2025” арга хэмжээнд бүтээлээ ирүүлэхийг урьж байна.
🚩 Монгол улсын “Шинжлэх ухааны ажилтны өдөр”-ийн хүрээнд багш, судлаачдынхаа шинжлэх ухаан, технологи, инновацын бүтээлийг олон нийтэд танилцуулж, урамшуулах зорилгоор уламжлал болгон зохион байгуулдаг “2IP” арга хэмжээнд оролцохыг урьж байна.
🚩Бүртгэл: 11 сарын 7-ны өдөр хаагдана.

Бүтээл хүлээн авах төрлүүд:
🚩 Шилдэг санаа (Зохион бүтээлт): Idea & Invention
Инженер-практикийн ач холбогдолтой цаашид патент (шинэ бүтээл, ашигтай загвар)-аар хамгаалагдах боломжтой, инженер - технологийн шинэ шийдэл бүхий зохион бүтээлтийн санаа
🚩 Шилдэг патент: Patent
Оюуны өмчийн патент (аж үйлдвэр)-ын эрхээр баталгаажуулсан, үйлдвэрлэл хэрэглээнд нэвтрэх бүрэн боломжтой шинэ технологи бүхий бүтээл байна.
🚩 Олон улсад хэвлүүлсэн эрдэм шинжилгээний өгүүлэл: (Paper)
Олон улсын мэдээллийн сан (Scopus, WoS)-д бүртгэлтэй, ШУТИС-ийн нэр дээр судалгааны ажлын үр дүнгээ хэвлүүлсэн тус их сургуулийн багш, харьяа хүрээлэнгийн үндсэн багш, судлаачдын бүтээл байна.
🚩 Шилдэг санаа, патент төрөлд бүтээлээ бүртгүүлэх холбоос:
https://forms.office.com/r/jUZmfYzFHg
Жич: Олон улсын өгүүллийг бүртгүүлэх шаардлагагүй бөгөөд мэдээллийн санд бүртгэгдсэн бүтээлийг ажлын хэсэг шалгаруулна.
🚩 Бүртгэлтэй холбоотой асуулт:
Шилдэг санаа, патент төрлөөр бол Инновац, бизнес түншлэлийн алба (8-р байр 603 тоот)-нд хандах эсвэл [email protected] и-мэйл хаягаар и-мэйл бичээрэй.
🚩 Олон улсын өгүүлэлтэй холбоотой асуудлаар бол Эрдэм шинжилгээ, технологи хөгжүүлэлтийн алба (8-р байр 602)-нд хандах эсвэл [email protected] -имэйл хаягаар и-мэйл бичээрэй.
🚩 Арга хэмжээнд оролцож буй бүтээл тус бүрийг урамшуулах ба удирдамжтай танилцах холбоос:
https://research.must.edu.mn/news/283

“БАЙГАЛЬ, ЭХ ДЭЛХИЙГЭЭ ХАМГААЛЪЯ” НӨЛӨӨЛЛИЙН АЯН 2025 СУРГАЛТ БОЛЛОО.

https://www.must.edu.mn/mn/news/12085