Нийслэлийн ерөнхий боловсролын Амгалан сургууль

📣
Олон Улсын Нийгмийн Ажилтнуудын Холбооноос 2026 оны 3 дугаар сарын 17-ны энэ өдрийг “Дэлхийн Нийгмийн ажилтны өдөр” болгон зарласан байна.
🌍Энэ жилийн Дэлхийн нийгмийн ажлын өдрийн уриа: Хуваагдсан нийгмийг нэгтгэхийн төлөө Найдвар хийгээд найрслыг хамтран бүтээе.
Нийгмийн ажил гэдэг нь...
нийгмийн хөгжил, өөрчлөлт, нийгмийн эв нэгдлийг дэмжих, хүний эрх, эрх чөлөөг хангах, тэднийг чадавхжуулахад чиглэсэн практик үйл ажиллагаанд суурилсан мэргэжил бөгөөд шинжлэх ухааны салбар юм.
: “Global social work definition ”, 2014
Хүүхэд нэг бүрийн хөгжил, хамгааллын төлөө ажиллаж байсан, ажиллаж байгаа нийгмийн ажилтнууддаа өдрийн мэнд хүргэе.

Хэрэв чи хэн нэгэн нь нөгөөгөө дээрэлхэж байгааг харвал:
❌ Бүү инээ. Инээвэл дээрэлхэгчид үйлдлээ дахин давтах хүсэл төрнэ.
❌ Бүү бичлэг хий. Энэ нь дээрэлхэгчийг "од" болгоно.
❌ Бүү дуугүй өнгөр. Дуугүй байх нь хүчирхийллийг зөвшөөрсөн болно.
✅ Дээрэлхүүлж буй хүүхдийн хажууд очоод зогс.
✅ "Болиоч" гэж тодорхой хэл.
✅ Багш эсвэл насанд хүрсэн хүнд мэдэгд.

Бусдыг хамгаалах нь жинхэнэ ХҮЧ юм шүү. Та ХӨГЖӨӨН ДЭМЖИГЧ биш ХАМГААЛАГЧ болоорой.

Дээрэлхэгч ганцаараа бол хүчгүй. Харин хажууд нь хараад инээж, алга ташиж, бичлэг хийж байгаа хүүхдүүд түүнийг өөгшүүлдэг. Хөгжөөн дэмжигчдийнхээ дунд өөрийгөө гол дүр, баатар мэтээр төсөөлж, энэ мэдрэмжээ байнга авахын тулд бусдыг дээрэлхэх үйлдлээ олон дахин давтдаг. Иймд бусдыг дээрэлхэж байгаа нэгнийгээ өөгшүүлэлгүй, дээрэлхүүлж байгаа найзыгаа хамгаалаарай!
ҮЗЭГЧ байхгүй бол ДЭЭРЭЛХЭГЧ зогсоно.

🏐🏆 СУРГУУЛИЙН АВАРГА ШАЛГАРУУЛАХ ВОЛЕЙБОЛЫН ТЭМЦЭЭН АМЖИЛТТАЙ ЗОХИОН БАЙГУУЛАГДЛАА! 🏆🏐

Ахлах ангийн сурагчдын дунд зохион байгуулсан сургуулийн аварга шалгаруулах "ВОЛЕЙБОЛЫН" тэмцээн өндөр зохион байгуулалттай, өрсөлдөөн дүүрэн, урам зоригтойгоор амжилттай болж өндөрлөлөө.

Тэмцээний турш сурагчид маань багаар ажиллах чадвар, хурд хүч, авхаалж самбаагаа дайчлан, спортын жинхэнэ өрсөлдөөнийг үзүүлж чадлаа. 👏

🔥 Шилжин явах цомын эзэн
🏆 Д.Энхжаргал багштай 11Г анги

🏐 Эрэгтэй ангилал
🥇 Алт – Б.Баясгалан багштай 12В анги
🥈 Мөнгө – Д.Энхжаргал багштай 11Г анги
🥉 Хүрэл – С.Хандсүрэн багштай 11Б анги
🏐 Эмэгтэй ангилал
🥇 Алт – Д.Энхжаргал багштай 11Г анги
🥈 Мөнгө – Б.Баясгалан багштай 12В анги
🥉 Хүрэл – Н.Мягмаржав багштай 11-р анги

🌟 Хувийн шагналууд
🏆 MVP
Эрэгтэй: 12В анги – Ү.Үнэболд
Эмэгтэй: 11Г анги – Э.Анужин

🏆 Шилдэг голын хаагч
Эрэгтэй: 11Б анги – С.Соёл-Эрдэнэ
Эмэгтэй: 11А анги – Ариунзаяа

🏆 Шилдэг давуулагч
Эрэгтэй: 12В анги – Г.Мөнхбаяр
Эмэгтэй: 11Г анги – Б.Мөнхзул

🏆 Шилдэг холбогч
Эрэгтэй: А.Жаргалбаяр
Эмэгтэй: 12В анги – С.Ананда

🏆 Өсөх ирээдүйтэй тамирчин
Эрэгтэй: 10Б анги –Б.Энэрэлт
Эмэгтэй: 10а Э.Энхжин нар тус тус шалгарчээ.

Нийт оролцсон баг тамирчид, анги хамт олон, дэмжигч сурагчид, багш нартаа цааш цаашдын тэмцээн уралдаанд нь өндөр амжилт хүсье.

Мөн тэмцээнийг амжилттай зохион байгуулсан Б.Баясгалан багштай 12в ангийн хамт олон, Биеийн тамирын заах аргын нэгдлийн багш нар, Сургуулийн удирдлагын багийн хамт олонд талархсанаа дэвшүүлье.

🎉 Спортын амжилт үргэлж өөдөө байх болтугай!

Бага ангийн сурагчдын гэрийн даалгаврын ачааллын талаар эцэг эх, асран хамгаалагчдаас авах санал асуулга. Та бүхэн идэвхтэй хамрагдана уу.

БАЯРЛАЛАА

Бага ангийн суралцагчдын гэрийн даалгаврын ачааллын санал асуулга

ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА

Манай сургууль Дэлхийн мөрөөдлийн сургууль ТББ -тай хамтын ажиллагааны санамж бичиг байгууллаа.

Энэхүү хамтын ажиллагааны хүрээнд:
🌍 Сургуулийн гадаад харилцааны боломжууд тэлэх
🎓 Сурагч солилцооны хөтөлбөрүүд хэрэгжих
🏅 Ерөнхийлөгчийн тэтгэлэг, илгээлтийн эзэн болох боломж нэмэгдэх
🇫🇷 Франц улсын их, дээд сургуулиудтай сурагч солилцоо хийх боломж бүрдэх зэрэг олон давуу талууд нээгдэж байна.

Ирээдүйд суралцагчдын боловсрол, хөгжил, олон улсын оролцоог дэмжих бодит алхам боллоо.

“МОНГОЛ ӨВ СОЁЛ” ГАР УРЛАЛЫН ҮЗЭСГЭЛЭН ХУДАЛДАА ЗОХИОН БАЙГУУЛАГДЛАА

Монголын уламжлалт өв соёлоо түгээн дэлгэрүүлэх, суралцагчдын урлан бүтээх авьяас чадварыг дэмжих, үндэсний соёлоороо бахархах сэтгэлгээг төлөвшүүлэх зорилготой “Монгол өв соёл” гар урлалын үзэсгэлэн худалдаа амжилттай зохион байгуулагдлаа.

Тус арга хэмжээнд Амгалан сургуулийн 6–12-р ангийн 400 гаруй сурагч, 20 гаруй багш, ажилтан үзэсгэлэнгээ гаргасан ба 3-12-р ангийн 1000 гаруй сурагч, 200 гаруй эцэг эх, асран хамгаалагч өргөнөөр хүрэлцэн ирж сурагч багш нарын урласан бүтээлүүдтэй танилцан, сонирхож худалдан авлаа.

Үзэсгэлэн худалдаа нь хүүхэд, залуусын бүтээлч сэтгэлгээг хөгжүүлэхийн зэрэгцээ үндэсний өв соёлоо хайрлан хамгаалж, түгээн дэлгэрүүлэхэд чухал ач холбогдолтой сайхан арга хэмжээ боллоо.

САР ШИНИЙН МЭНДЧИЛГЭЭ

🇲🇳🇲🇳🇲🇳 Монгол түмний төрт ёсны уламжлалт их баяр, XVII жарны “Сүрээр дарагч” хэмээх Гал морин жилийн Сар шинийн мэндийг эрхэм хүндэт багш, ажилчид, сурагчид, эцэг эх, асран хамгаалагч та бүхэндээ өргөн дэвшүүлье!

Өвөг дээдсийнхээ заншлыг эрхэмлэн, эв эеэ бэхжүүлж, айл хотлоороо элбэг хангалуун, аз хийморь өөдрөг, амар амгалан байхын өлзийтэй ерөөлийг өргөе!
Угтан золгож буй Гал морин жилдээ ажил үйлс нь арвин бүтэмжтэй, амьдрал ахуй нь өөдрөг дэлгэр, үр хүүхдийн инээд цалгисан, эрүүл энхийг эрхэмлэж, эв нэгдлээ бататган, хөгжил дэвшлийн замд хамтдаа урагшлахын бэлгэдэл дүүрэн сайхан шинэлээрэй.
САР ШИНЭДЭЭ САЙХАН ШИНЭЛЭЭРЭЙ!

Нийслэлийн боловсролын газар, Хилийн чанад дахь Монголчуудын зөвлөл НҮТББ-тай хамтран зохион байгуулж буй "Монгол өв соёл" гар урлалын үзэсгэлэн худалдаа Амгалан сургуулийн урлаг зааланд зохион байгуулагдана. Иймд нийт эцэг эх, асран хамгаалагч, багш ажилчид, сурагчид та бүхнийг Монгол өв соёл, гар урлалын үзэсгэлэн худалдаа арга хэмжээнд өргөнөөр оролцохыг урьж байна.

Хаана: Амгалан сургууль хичээлийн 3-р байр Урлаг заал
Хугацаа: 2026 оны 020 сарын 12, 13-ний өдөр 11-17 цагийн хооронд.

УЛААНБААТАР КАП-д АМЖИЛТТАЙ ОРОЛЦЛОО..

Нийслэлийн ерөнхий боловсролын Амгалан сургуулийн багш Б.Пүрэвбат, О.Одбаяр дасгалжуулагчтай Амгалан Pheonix шигшээ багийн тамирчин охидууд маань 🏆𝐔𝐥𝐚𝐚𝐧𝐛𝐚𝐚𝐭𝐚𝐫 𝐂𝐮𝐩 / 📍 #Баянзүрх 𝐃𝐢𝐯𝐢𝐬𝐢𝐨𝐧-д оролцож ХҮРЭЛ медаль хүртсэн бахархам сайхан амжилт үзүүллээ.

Нийт багш, дасгалжуулагч, тамирчин охидууддаа халуун баяр хүргэж цааш цаашдын тэмцээн уралдаанд нь өндөр амжилт хүсье!


🥉🏀