Гэртээ туршъя

“Аюулгүй хийн түлш – Аюулгүй ирээдүй” бүтээл, сошиал медиа богино контентийн уралдаан 2026 оны 6 дугаар сарын 5-ны өдөр Чингэлтэй дүүргийн Тусгаар тогтнолын талбайд НҮБ-ын Хүүхдийн сангийн дэмжлэгтэйгээр амжилттай зохион байгуулагдлаа.

Тус арга хэмжээнд нийт 43 багийн 148 сурагч бүртгүүлснээс 38 багийн 127 сурагч шинжлэх ухааны биет бүтээл, постер, хийн аюулгүй байдлыг сурталчилсан богино хэмжээний контентоороо оролцлоо. 149-р сургууль 11 баг, 37-р сургууль 9 баг, 28-р сургууль 8 багийн оролцоотойгоор идэвхтэй оролцсон бол оролцогч хүүхдүүдээс гадна тэдний эцэг эх, найз нөхөд болон олон нийт хүрэлцэн ирж үзэсгэлэнг сонирхлоо.

Нээлтийн үеэр НҮБ-ын Хүүхдийн сан, Нийслэлийн Засаг даргын Тамгын газар, Баянгол дүүргийн Боловсролын хэлтэс, Улаанбаатар хотын хийн хангамж, удирдлагын газрын төлөөлөл хүрэлцэн ирж хүүхдүүдэд урам өгсөн бол хаалтын үеэр Чингэлтэй дүүргийн Боловсролын хэлтсийн дарга Цолмонбаатар шүүгчидтэй хамтран шагнал, урамшууллыг гардууллаа.

Мөн Science Cafe хамт олон хүрэлцэн ирж шинжлэх ухааны сонирхолтой үзүүлбэрүүд үзүүлсэн нь хүүхдүүдийн сонирхлыг ихэд татсан. Нээлтийн үеэр Монгол Улсын Консерватурын бөмбөрийн дөрвөл, цохиур хөгжмийн сонирхолтой үзүүлбэр толилуулж, арга хэмжээний уур амьсгалыг илүү өнгөлөг, дурсамжтай болголоо.

Арга хэмжээний үеэр хүүхдүүдийн аюулгүй байдлыг хангах зорилгоор эмч, цагдаа, онцгой байдлын албаны ажилтнууд ажиллаж, зохион байгуулалтын аюулгүй байдлыг бүрэн хангасан.

Энэхүү арга хэмжээг зохион байгуулснаар хүүхдүүд зөвхөн өрсөлдөж оролцсонгүй, харин мэдлэгээ солилцож, аюулгүй хэрэглээний талаар харилцан суралцсан, бүтээлч байдлаар асуудлыг ойлгож тайлбарласан чухал талбар болж чадлаа.
Уралдааны шагналт байрууд
Бүтээлийн төрөлд
6-р анги
Тэргүүн байр – 37-р сургууль, А.Төгөлдөр
Дэд байр – 149-р сургууль, А.Марал
Гутгаар байр – 28-р сургууль, Г.Чин-Үйлс
7-р анги
Тэргүүн байр – 149-р сургууль, О.Ариунзаяа
Дэд байр – 149-р сургууль, А.Гантуяа
Гутгаар байр – 149-р сургууль, Т.Анардарь
8-р анги
Тэргүүн байр – 57-р сургууль, Э.Хос-Амирлан
Дэд байр – 28-р сургууль, А.Анхбаяр
Гутгаар байр – 28-р сургууль, Б.Гэгээнзаяа
9-р анги
Тэргүүн байр – 37-р сургууль, Г.Хэрлэн
10-р анги
Тэргүүн байр – 57-р сургууль, Б.Буян-Өлзий
Дэд байр – 28-р сургууль, Г.Тэмүүлэн
Гутгаар байр – 28-р сургууль, Х.Халиунаа
11-р анги
Тэргүүн байр – 37-р сургууль, Э.Алтан-Эрдэнэ
Дэд байр – 149-р сургууль, Э.Номинхүслэн
Гутгаар байр – 49-р сургууль, Э.Хүслэн
Богино контентийн төрөлд
10-р анги
Тэргүүн байр – 49-р сургууль, 10а ангийн Анхтуяа
11-р анги
Тэргүүн байр – 57-р сургууль, Хонгорзулийн баг
Дэд байр – 49-р сургууль, Хүслэнгийн баг
Гутгаар байр – 49-р сургууль, Гарьд, Баттулга нарын баг тус тус байр эзэллээ.

Хэвлэл мэдээллийн байгууллагуудаас Монгол HD, Айст Глобал, GoGo.mn болон бусад сайт, телевизүүд хүрэлцэн ирж зохион байгуулагчдаас ярилцлага авч, Нийслэлийн Засаг даргын Тамгын газрын Хэвлэлийн алба мөн мэдээ, сурвалжилга бэлтгэн ажиллалаа.

Хамтран ажилласан бүх байгууллага, багш нар, сурагчид, эцэг эхчүүд, шүүгчид, зочид төлөөлөгчдөдөө чин сэтгэлийн талархал илэрхийлье.

Аюулгүй хэрэглээний мэдлэгийг хүүхдээс өрхөд, өрхөөс нийгэмд түгээцгээе.

#АюулгүйХийнТүлшАюулгүйИрээдүй

#НогоонТитэмХХК
#ГэртээТуршья
#ХийнАюулгүйБайдал

UNICEF Mongolia
ДӨЛХӨН
Ногоон Титэм ХХК/ Green Crown LLC

"АЮУЛГҮЙ ХИЙН ТҮЛШ - АЮУЛГҮЙ ИРЭЭДҮЙ"
бүтээл, сошиал медиа богино контентын уралдаанд оролцогч бүр доорх зөвшөөрлийн хуудсыг 2026.06.05-ны өдөр 09:00 цагт Тусгаар тогтнолын талбай (Хуучнаар Ялалтын талбай)-д ирэхдээ эцэг эх, асран хамгаалагчаараа бөглүүлж, биет байдлаар хураалгах шаардлагатайг анхаарна уу.

2026.06.04-ны орой болон 2026.06.05-ны 09-15 цагийн хооронд VOLUNTEER хийх сонирхолтой бол бидэнтэй холбогдоорой. Чатаар болон 80018262 дугаараар холбогдох боломжтой шүү.

НИЙСЛЭЛИЙН ЗАСАГ ДАРГЫН ТАМГЫН ГАЗАР болон Нэгдсэн Үндэстний Байгууллагын Хүүхдийн Сан (UNICEF)-ийн Монгол дахь хөтөлбөрийн хүрээнд хэрэгжүүлж буй “Сургуульд суурилсан хийн аюулгүй хэрэглээний мэдлэг олгох, сургалт, нөлөөллийн аян”-ы зорилгын хүрээнд ерөнхий боловсролын сургуулиудыг түшиглэн хүүхэд, багш, эцэг эхчүүдийн дунд хийн аюулгүй хэрэглээ, өрхийн аюулгүй байдал, эрчим хүчний хариуцлагатай хэрэглээний талаарх ойлголтыг нэмэгдүүлэхэд чиглэсэн бүтээл, сошиал медиа богино контентийн "Аюулгүй хийн түлш - Аюулгүй ирээдүй" уралдааны БҮРТГЭЛ ХААГДЛАА.

Шалгаруулалт, шагнал гардуулах хаалтын үйл ажиллагаа 2026.06.05-ны өдөр Чингэлтэй дүүрэг Тусгаар Тогтнолын талбай (хуучнаар Ялалтын талбай буюу Тэнгис кино театрын талбай)-д 09-15 цагийн хооронд зохион байгуулагдах болно.