Entrepreneurship Institute

“Энтрепренершип ба Инноваци” MBA хөтөлбөрийн SMALL IDEA & BIG REACTION: Workshop #3 амжилттай зохион байгуулагдлаа.

Оюутнууд маань өдөр тутмын энгийн объект, үйлдэл, туршлагыг шинэ өнцгөөс харж, шинэ утга, мэдрэмж нэмэн, хүмүүсийн сонирхол, хандалт төрүүлэх бичил бизнес санааг боловсруулан шийдлийн prototype загвараа танилцууллаа.

IMPACT SPRINT: Workshop #3-ийн ялагч багаар Team NEXZONE (Цэрэнтогтох,Ганзаяа, Даваасүрэн) шалгарлаа.

Оюутнууддаа цаашдын сурлага, бизнесийн үйл ажиллагаанд нь өндөр амжилт хүсье! ✨

СЭЗИС-ийн Бакалаврын Энтрепренершип хөтөлбөрийн 1-р курсын оюутнууд "Өртгийн менежмент" хичээлийн зардлын ангилал болон бүтээгдэхүүний өртөг тооцох сэдвийн хүрээнд өөрсдийн гараар бүтээгдэхүүн үйлдвэрлэлээ. Даалгаврын хүрээнд бүтээгдэхүүнийг үйлдвэрлэх процесс болон орцыг тодорхой харуулж, зардлуудыг ангилж, бүтээгдэхүүний өртгийг тооцсон бөгөөд хамгийн өндөр гүйцэтгэлтэй багуудын хийсэн бүтээгдэхүүнийг танилцуулж байна.

Call now to connect with business.

СЭЗИС-ийн Бакалаврын Санхүүгийн Манлайлал хөтөлбөрийн төгсөх курсын оюутнууд “Төслийн удирдлага” хичээлийн хүрээнд “Гэрэлт Үе” төслийг амжилттай хэрэгжүүллээ.

Энэхүү төслийн хүрээнд “Цөлийн Сарнай” охидын асрамжийн төвийн өсвөр насны охидод сарын тэмдгийн үеийн эрүүл ахуй, өөрийгөө зөв арчлах талаарх мэдээлэл, сургалт хүргэж, мөн бүх охидод нь өдөр тутмын хэрэгцээнд нь зориулсан ариун цэврийн багц болон хэрэгцээт бүтээгдэхүүн гардуулсан юм.

Төслийн зорилго нь охидын эрүүл мэндийн мэдлэгийг нэмэгдүүлэх, зөв дадлыг дэмжих, өөртөө итгэх итгэлийг нь нэмэгдүүлэхэд чиглэсэн бөгөөд нэг өдрийн өдөрлөг хэлбэрээр зохион байгуулагдлаа.

Төслийг хэрэгжүүлэхэд хамтран ажиллаж, дэмжлэг үзүүлсэн байгууллага болон асрамжийн төвийн хамт олонд талархал илэрхийлье.

СЭЗИС-ийн Бакалаврын Энтрепренершип хөтөлбөрийн I, II курс, Санхүүгийн манлайлал хөтөлбөрийн I курсийн оюутнуудын төгсөлтийн төслийн хамгаалалт амжилттай зохион байгуулагдлаа.
Бакалаврын Энтрепренершип, Санхүүгийн манлайлал хөтөлбөрийн оюутнууд нь суралцаж буй курс бүртээ төслийн хамгаалалт хийж, суралцсан хичээлүүдийнхээ хүрээнд сертификат гардан авч, жил бүр төгсөлтийн үйл ажиллагаандаа оролцдогоороо онцлог юм.

Энэ жилийн Энтрепенершип хөтөлбөрийн I-р курсийн оюутнууд Монголын соёл, орчин, мэдрэмжийг гадаад хэрэглэгчдэд зориулан дижитал туршлага болгон загварчилж, хэрэглэгч төвтэй платформын шийдэл боловсруулсан бол II-р курсийн оюутнууд Хүүхдийн баярын үеэр парк, цэцэрлэгт хүрээлэн, эвентүүд дээр тоглуулах боломжтой carnival game-ийн шийдэл хөгжүүлсэн билээ.
Санхүүгийн Манлайлал хөтөлбөрийн I-р курсийн оюутнуудын хувьд хичээлийн агуулгуудын хүрээнд бэлтгэсэн Бизнес кейс дээр тайлан боловсруулсан бол II-р курсийн оюутнууд Ажлын байранд суурилсан дадлагажих сургалтаар тус тус төслийн хамгаалалтуудаа хийж гүйцэтгэлээ.

Энтрепренершип хөтөлбөрийн
1-р курсийн шилдэг багаар STEPPEX баг /1-38 ангийн оюутан М.Жаргалмаа, Э.Мишээл, Г.Гантөгс/
2-р курсийн шилдэг багаар ХАЙРГИЙ" баг /2-32 ангийн оюутан Б.Тэргэлсаран, Г.Оюунсувд, Ө.Суубилэг, Б.Цолмон/
Санхүүгийн Манлайлал хөтөлбөрийн
1-р курсийн шилдэг багаар БАГ #2 /А.Эгшиглэн, Энх-Ундрал, Бадамзул, Номин/

Нийт оюутнууддаа баяр хүргэж, цаашдын бизнесийн үйл ажиллагаанд нь өндөр амжилт хүсье! ✨




Хураах

СЭЗИС-ийн Бакалаврын Энтрепренершип хөтөлбөрийн EMKT115 кодтой Энтрепренерийн маркетинг хичээлийн бизнесийн зөвлөх багшийн 3 дахь оролт Сонсголонд байрлалтай Монос Хүнс ХК-н Шингэн хүнсний үйлдвэр танилцах аялал болон лекц хэлбээр зохион байгуулагдлаа.

Хичээлийг тус компанийн маркетингийн менежер Б.Номин-Эрдэнэ зохион байгуулж, Экос усны үйлдвэр, хатуу хүнсний бүтээгдэхүүн буюу үрэл, ургамлын гаралтай болон уусдаг цайны үйлдвэрлэлийн орчныг танилцуулж, компанийн түүхэн хөгжил, эрүүл мэндийн бүтээгдэхүүн шинээр хөгжүүлэх, турших, эцсийн бүтээгдэхүүн зах зээлд гаргах, маркетингийн кампанит ажил, контентын зураг авалт, маркетингийн сувгийн шийдвэр гаргалтын тухай олон сонирхолтой зүйлсийг оюутнууд шинээр мэдэж авлаа.

Berryvit тарагтай үрлийг дөнгөж савлагааны дамжлага хэсгээс цоо шинээр нь амтлуулж, Цэнэг брэнд, Экос ус, Эко уусдаг цайны бэлгийг оюутнуудад дурсгасан бизнесийн зөвлөх багш Б.Номин-Эрдэнэ болон Монос Хүнс ХК-н болон Шингэн хүнсний үйлдвэрийн хамт олонд талархал илэрхийлье.

СЭЗИС-ийн Бакалаврын Энтрепренершип болон Санхүүгийн Манлайлал хөтөлбөрийн оюутнууд РЕКТОРЫН НЭРЭМЖИТ ТЭТГЭЛЭГ хүртлээ.

Энтрепренершип хөтөлбөрийн
2-32 ангийн оюутан Г.Оюунсувд, Б.Цолмон,Б.Тэргэлсаран
2-33 ангийн оюутан Л.Энххүслэн
3-28 ангийн оюутан Б.Анаржаргал, Д.Баяржаргал, Б.Хулан
3-27 ангийн оюутан О.Төгөлдөр нартаа Ректорын нэрэмжит тэтгэлэг хүртсэнд нь баяр хүргэж, цаашдын сурлага, бизнест нь улам их амжилтыг хүсье.