Ирээдүй Академи

Ирээдүй Академи IREEDUI ACADEMY

10/09/2026

📚 БОЛОВСРОЛЫН ТОГТОЛЦООНД СУРАГЧДЫН ОРОЛЦОО

Сурагчийг зөвхөн хичээл үзэж, шалгалт өгөх хүн биш, өөрийн ирээдүйгээ тодорхойлж, хөгжүүлж чаддаг идэвхтэй оролцогч болгох нь өнөөгийн боловсролын чухал зорилго.

Сургалтын агуулгад хүүхдийн амьдралд бодитоор хэрэг болох дараах чиглэлүүдийг системтэйгээр оруулах шаардлагатай.

1. 🌱 Хувь хүний хөгжил
Өөрийгөө хөгжүүлэх, зорилго тавих, дадал хэвшил бий болгох, цагийн менежмент, хариуцлага.

2. 🪞 “БИ” — Өөрийгөө танин мэдэх
Би хэн бэ? Би юунд дуртай вэ? Миний давуу тал юу вэ? Ямар үнэт зүйлтэй хүн болох вэ?
Өөрийгөө таньж байж хүүхэд зөв сонголт хийж чадна.

3. 🎯 Мэргэжлийн чиг баримжаа
Сонирхол, авьяас, зан чанар, чадвараа мэргэжилтэйгээ холбож сурах. Ирээдүйн хөдөлмөрийн зах зээлийн талаар бодит мэдээлэл авах.

4. 🌍 Гадаадад суралцах боломж
Тэтгэлэг, их сургууль, хэлний шаардлага, элсэлт, бэлтгэл үе шат, олон улсын боловсролын боломжуудын талаар эртнээс мэдээлэлтэй болох.

5. 🧠 Сэтгэл зүйн бүтэн жилийн сургалт
Өөртөө итгэх итгэл, сэтгэл хөдлөлөө удирдах, стресс, харилцаа, дээрэлхэлт, цахим хэрэглээ, донтох эрсдэл, асуудлыг зөв шийдвэрлэх чадвар.

6. 🗣️ Гадаад хэл сурах арга зүй
Зөвхөн хэлний хичээл биш — хэлийг хэрхэн бие даан, үр дүнтэй сурах вэ?
Сонсох, ярих, унших, бичих чадварыг дадал болгон хөгжүүлэх арга.

7. 🌅 “Өглөөний гайхамшиг” ба зөв дадал
Өглөөг зөв эхлүүлэх, хөдөлгөөн, ном унших, бясалгал, төлөвлөлт, талархал зэрэг өдөр тутмын эерэг дадлыг бий болгох.

🎓 Гол санаа

Сайн боловсрол гэдэг зөвхөн мэдлэг олгох биш.
Хүүхдэд “БИ ХЭН БЭ?”, “БИ ЮУ ХҮСДЭГ ВЭ?”, “БИ ЮУ ЧАДАХ ВЭ?”, “БИ ИРЭЭДҮЙГЭЭ ХЭРХЭН БҮТЭЭХ ВЭ?” гэсэн асуултынхаа хариуг олоход нь туслах явдал.

Тиймээс сурагчдын оролцоог боловсролын тогтолцоонд нэмэгдүүлэхдээ мэдлэг + ур чадвар + сэтгэл зүй + өөрийгөө танин мэдэхүй + ирээдүйн сонголт гэсэн цогц агуулгыг системтэйгээр хэрэгжүүлэх нь зүйтэй.
Улсын Засгийн газар

🎒📚 9 САРЫН 1-НИЙ МЭНД ХҮРГЭЕ! 📚🎒ИРЭЭДҮЙ АКАДЕМИЙН нийт сурагчид, эцэг эхчүүд, багш, хамтран ажиллагч та бүхэндээ Эрдмийн...
31/08/2026

🎒📚 9 САРЫН 1-НИЙ МЭНД ХҮРГЭЕ! 📚🎒

ИРЭЭДҮЙ АКАДЕМИЙН нийт сурагчид, эцэг эхчүүд, багш, хамтран ажиллагч та бүхэндээ Эрдмийн баярын халуун мэнд хүргэе! ❤️

9 сарын 1 бол зүгээр нэг хичээл эхэлдэг өдөр биш ээ.

Энэ бол
🌱 нэг хүүхэд шинэ мөрөөдөлтэй болдог,
📖 нэг шинэ мэдлэгийн үүд нээгддэг,
✨ нэг шинэ ирээдүйн эхлэл тавигддаг өдөр.

Хүүхэд бүр өөрийн гэсэн онцгой авьяас, мөрөөдөл, ирээдүйтэй.
Бидний үүрэг бол тэднийг бусадтай харьцуулах бус, өөрийнхөө өчигдрийнхөөс илүү болоход нь дэмжих юм.

Ирээдүй Академи бидний хувьд
зөвхөн англи хэл заах газар биш,
хүүхэд өөртөө итгэж, мөрөөдөж, хөгжиж, ирээдүйгээ бүтээх орон зай байхыг зорьдог. ❤️

Хүүхэд бүрийн нүдэнд итгэл,
зүрхэнд мөрөөдөл,
сэтгэлд нь баяр,
оюунд нь эрдэм дүүрэн байг. 🌟

Харин багш бүрийн хөдөлмөр үр шимээ өгч,
эцэг эх бүрийн итгэл талаар өнгөрөхгүй,
сурагч бүрийн хичээл зүтгэл амжилтаар үргэлжлэх болтугай. 🙏

🎓 Шинэ хичээлийн жилдээ бүгдээрээ илүү ихийг сурч, илүү ихийг бүтээж, илүү сайхан ирээдүйг хамтдаа бүтээцгээе!

❤️ ИРЭЭДҮЙ АКАДЕМИ
ИРЭЭДҮЙГ ӨНӨӨДРӨӨС БҮТЭЭНЭ.

🇲🇳 ЭРДМИЙН БАЯРЫН МЭНД ХҮРГЭЕ!

Telegram-ийг үүсгэн байгуулагч Павел Дуровтой холбон түгээдэг амьдралын зарчмууд1. Сахилга бат бол булчинтай адил.Өдөр б...
25/07/2026

Telegram-ийг үүсгэн байгуулагч Павел Дуровтой холбон түгээдэг амьдралын зарчмууд

1. Сахилга бат бол булчинтай адил.
Өдөр бүр өөрийгөө бага багаар сорьж бай. Дасгал нь зөвхөн биеийг биш, зан чанарыг ч бэхжүүлдэг.

2. Хамгийн муу хувилбарыг нэг бодоод үз.
Айдас ихэвчлэн тодорхойгүй байдлаас төрдөг. Нөхцөл байдлыг бодитоор төсөөлөхөд зориг нэмэгддэг.

3. Сэтгэлийн өвдөлтийг түр дарах биш, шалтгааныг нь ол.
Архи, бусад түр зуурын тайвшрал нь асуудлыг шийдэхгүй. Жинхэнэ өөрчлөлт нь уг үндсийг ойлгохоос эхэлдэг.

4. Өөрийн зарчмаар амьдар.
Бусдад таалагдахын тулд биш, өөрийн үнэт зүйлдээ үнэнч байж сур.

5. Тархиа хамгаал.
Өглөө сэрэнгүүтээ утсаа шалгахын оронд өөртөө хэдэн минутыг зориул. Анхаарал бол хамгийн үнэт нөөц.

6. Ганцаараа бодох цаг гарга.
Чимээгүй мөчүүдээс хамгийн бүтээлч санаа төрдөг. Тасралтгүй мэдээлэл хүлээн авах нь сэтгэх чадварыг сулруулдаг.

7. Хялбар таашаал биш, урт хугацааны аз жаргалыг сонго.
Хөдөлмөр, сахилга бат эхэндээ хэцүү мэт боловч дараа нь жинхэнэ сэтгэл ханамжийг авчирдаг.

8. Оюун санаагаа ч бас “хоолло”.
Биедээ ямар хоол оруулахаа сонгодог шигээ тархиндаа ямар мэдээлэл оруулахаа ч сонгож сур.

ИТГЭМЭЭРГҮЙ БҮТЭЭМЖТЭЙ БОЛГОДОГ 7 ДАДАЛ1. Хаана ч 10 минутын өмнө очӨөртөө үргэлж жижиг “нөөц цаг” гаргаж өг. Ингэснээр ...
04/07/2026

ИТГЭМЭЭРГҮЙ БҮТЭЭМЖТЭЙ БОЛГОДОГ 7 ДАДАЛ

1. Хаана ч 10 минутын өмнө оч

Өөртөө үргэлж жижиг “нөөц цаг” гаргаж өг. Ингэснээр та яарсан, сандарсан, амьсгаадсан байдалтай биш, толгой цэгцтэй очно. Энгийн сонсогддог ч олон асуудлыг эхлэхээс нь өмнө шийддэг. Цагийн дарамт багасахад стрессийн хариу урвал намжиж, тархи шийдвэр гаргалт болон анхаарал төвлөрөлд илүү сайн ажилладаг.

2. Ажлын өдрийг хаах ёслолтой бол

Өдөр бүр ажлаа нэг ижил байдлаар дуусга: ширээгээ цэгцэл, нээлттэй tab-уудаа хаа, маргааш хийх хамгийн чухал 3 ажлаа бич. Тодорхой хаалтын үйлдэл хийх нь тархинд “ажил дууссан” гэсэн дохио өгч, дуусаагүй ажлын талаарх сэтгэл түгшээх бодлыг багасгадаг.

3. 1000 шийдвэрийг орлох нэг шийдвэр гарга

Ачаалал дүүрэн үед шинэ ажил, шинэ төсөл, шинэ амлалтанд “үгүй” гэж хэл. Нэг зөв “үгүй” таны дараа гаргах байсан олон жижиг шийдвэрийг шууд устгана. Шийдвэрийн тоо цөөрөхөд cognitive load буюу танин мэдэхүйн ачаалал багасаж, тархи үнэхээр чухал зүйлдээ илүү их нөөц зарцуулдаг.

4. 40%-ийн дүрэм

Ярихаасаа илүү сонс. Харилцан ярианд сонирхолтой асуулт асууж, нөгөө хүндээ ярианы 60%-ийг өг. Идэвхтэй сонсох нь итгэлцэл, нийгмийн холбоо, харилцан ойлголцлыг нэмэгдүүлж, хамтын ажиллагааны чанарыг сайжруулдаг.

5. Гүн ажлын дахин эхлэлт

Өглөө бүр 90 минутыг хамгийн чухал ажилдаа хааж тавь. Имэйл, чат, утас руугаа хүрэхээс өмнө гол ажлаа барьж ав. Анхаарал сарниагүй урт хугацааны төвлөрөл нь working memory буюу ажлын ой болон executive function буюу гүйцэтгэх удирдлагын системийг нэг чиглэлд ажиллуулж, бүтээмжийг огцом нэмэгдүүлдэг.

6. NSDR завсарлага

Өдөр бүр 10 минут NSDR буюу Non-Sleep Deep Rest — унтахгүйгээр гүн амрах бясалгал, тайвшруулах аудио сонс. Тэгээд эрч хүч чинь яаж өөрчлөгдөхийг ажигла. Богино хугацааны гүн амралт нь мэдрэлийн системийг parasympathetic mode буюу тайвшрал-сэргэлтийн горим руу шилжүүлж, стрессийн ачааллыг бууруулдаг.

7. 2 минутын дүрэм

2 минутаас бага хугацаанд хийх боломжтой ажил байвал шууд хий. Жижиг ажлуудыг жагсаалт руугаа нэмээд өөртөө бичил хогийн овоолго бүү үүсгэ. Жижиг даалгаврыг шууд гүйцэтгэх нь task residue буюу дуусаагүй ажлын үлдэгдэл бодлыг багасгаж, сэтгэцийн орон зайг чөлөөлдөг.

Бүтээмж гэдэг их ажил хийхдээ биш.
Хэрэггүй зүйлд тархиа бага үрж, чухал зүйлдээ хүчээ зөв хадгалахдаа байдаг.

Токсик найзын шинжүүд👍👍👍1. ​Амжилтанд нь атаархдаг. Жинхэнэ найз бол таны хүүхдийн ялалт, амжилтанд чин сэтгэлээсээ баяр...
26/06/2026

Токсик найзын шинжүүд👍👍👍
1. ​Амжилтанд нь атаархдаг. Жинхэнэ найз бол таны хүүхдийн ялалт, амжилтанд чин сэтгэлээсээ баярладаг. Харин хортой найз амжилтыг нь сонсоод "Юухан байхав" гэж үл тоомсорлох эсвэл яриаг шууд өөр дээрээ эргүүлж байвал энэ нь нөхөрлөл биш, өрсөлдөөн юм.

2. ​Зөвхөн өөрт нь ашигтай үед л харьцдаг. Тэр уйдсан эсвэл өөрт нь тусламж хэрэгтэй үед уриалгахан байдаг. Харин таны хүүхэд санал тавихад үргэлж ямар нэгэн шалтаг хэлж, завгүй гэдэг.

3. ​Нууцыг нь задруулдаг. Хүүхэд тань хэцүү үедээ түүнд итгээд нууцаа хуваалцдаг. Гэтэл удалгүй ангийнхан нь бүгд мэдчихсэн байдаг. Хортой найз хүүхдийн тань итгэмтгий, нээлттэй занг ашигладаг.

4. ​Хоржоонтой тоглоом шоглоом хийдэг. Хүүхдийн тань гадаад төрх болон бусад зүйлсээр шоглож хэлж, үүнийгээ зүгээр л тоглоом штэ гэж далдлан хэлдэг. Улмаар хүүхдийг "Надад таалагдахгүй байна" гэвэл "Чи чинь тоглоом даадаггүй юм уу?" гэж өөрийг нь буруутгадаг.

5. ​Сонголт хийхийг тулгадаг. Эсвэл би, эсвэл тэд гэх мэтээр хүүхдийг тань хясан боогдуулдаг. Бат бөх, эрүүл нөхөрлөл нь бусад хүмүүсээс тусгаарлаж, зөвхөн өөртөө үнэнч байхыг хэзээ ч шаарддаггүй.

6. ​Уулзсаны дараа сэтгэлээр унадаг. Тэдэнтэй зүгээр л хамт тоглож, цагийг өнгөрөөсөн мөртлөө хүүхэд тань гэртээ яг л хүнд шалгалт өгчихсөн мэт туйлдаж, ядарсан ирдэг. Хүний бие махбодь орчин нь таагүй байгааг мэдэрч, эрч хүч сулрах, инээмсэглэх хүсэлгүй болох зэргээр дохио өгдөг байна.

7. ​Үргэлж хүүхэд тань буруутан болдог. Ямар ч маргаан үүссэн тэр найз нь хэзээ ч түрүүлж уучлалт гуйдаггүй. Харилцаа нь зөвхөн таны хүүхдийн гэм буруугаа мэдрэх сэтгэл зүй дээр л тогтдог.

8. ​Үгүй гэдэг үгийг хүлээж авдаггүй. Хүүхэд тань "Би хүсэхгүй байна" гэж хэлэхэд өөдөөс нь ятгах, шахах эсвэл гомдоллож, тунирхаж эхэлдэг.
​
​💬 Хортой найзын талаар хүүхэдтэйгээ заавал ярилцаж байгаарай. Тэд дэргэд байдаг хэн нэгнийг, эсвэл дасал болсон харилцаагаа жинхэнэ нөхөрлөл гэж андуурдаг шүү!

Гайхалтай дадлууд 1. Эхэлсэн бол дуусга: Тууштай байдлыг суулгана.2. Буруугаа хүлээж сур: Хариуцлагатай занг өгнө.3. Одо...
11/06/2026

Гайхалтай дадлууд
1. Эхэлсэн бол дуусга: Тууштай байдлыг суулгана.
2. Буруугаа хүлээж сур: Хариуцлагатай занг өгнө.
3. Одоо хийж чадах зүйлээ бүү хойшлуул: Бүтээмжтэй занг өгнө.
4. Хэлэхээсээ өмнө бод: Хэрсүү, хянуур занг өгнө.
5. Алдсан бол дахиад оролд: Дайчин, сэтгэлийн тэнхээг өгнө.
6. Бусдын амжилтанд алга таш: Атаархлаас ангид, аз жаргалтай байж сурна.
7. Хүнд туслах боломж гарвал заавал тусал: Энэрэнгүй, дулаан сэтгэлийг өгнө.
8. Хүний ардуур бүү муул: Найдвартай түшигтэй зан чанарыг өгнө.
9. Ном унш: Ухаантай, олон талаас боддог болгоно.
10. Зорилготой бай: Энэ нь амьдралыг урсгалаараа биш, утга учиртай, тэмүүлэлтэй амьдрахад тусална.

🌱 Яавал хүүхэд өөртөө итгэлтэй болох вэ?Хүүхдийн өөртөө итгэх итгэл нь магтаалаар биш, харин өөрийгөө чадна гэж мэдэрсэн...
10/06/2026

🌱 Яавал хүүхэд өөртөө итгэлтэй болох вэ?

Хүүхдийн өөртөө итгэх итгэл нь магтаалаар биш, харин өөрийгөө чадна гэж мэдэрсэн туршлагаар бий болдог.

✅ 1. Хичээл зүтгэлийг нь магт
“Чи мундаг юм аа” гэхээс илүү
👉 “Чи үнэхээр их хичээлээ.”
👉 “Чи бууж өгөлгүй оролдлоо.”
гэж хэлээрэй.

✅ 2. Алдаа гаргах эрхийг нь өг
Алдаа бол бүтэлгүйтэл биш, суралцах үйл явц гэдгийг ойлгуул.

✅ 3. Өөрөөр нь шийдвэр гаргуул
Өдөр тутмын жижиг сонголтуудыг өөрөөр нь хийлгэснээр хариуцлага, итгэл нэмэгддэг.

✅ 4. Бусадтай биш, өөртэй нь харьцуул
“Нөгөө хүүхэд шиг бай” гэж хэлэхийн оронд
👉 “Өнгөрсөн сараас илүү ахиц гаргажээ” гэж урамшуул.

✅ 5. Сонсож сур
Хүүхдийн бодол, мэдрэмжийг үнэлж сонсох нь “Миний үг үнэ цэнтэй” гэсэн мэдрэмж төрүүлдэг.

✅ 6. Жижиг амжилтыг нь тэмдэглэ
Өдөр бүрийн өчүүхэн ахиц хүртэл өөртөө итгэх итгэлийг нь аажмаар бүтээдэг.

💡 Өөртөө итгэлтэй хүүхэд гэдэг айдаггүй хүүхэд биш. Айж байсан ч гэсэн оролдож чаддаг хүүхэд юм. ❤️

🌱 Урсгалаараа ангиллын хүүхдүүдИйм хүүхдүүдийн дотор ихэвчлэн ирээдүйн том зорилгоос айх айдас, мөн “Би чадахгүй байх” г...
09/06/2026

🌱 Урсгалаараа ангиллын хүүхдүүд

Ийм хүүхдүүдийн дотор ихэвчлэн ирээдүйн том зорилгоос айх айдас, мөн “Би чадахгүй байх” гэсэн өөртөө итгэлгүй мэдрэмж нуугдаж байдаг. Тиймээс тэд идэвхгүй, зорилгогүй мэт харагдах нь бий.

🔑 Хэрхэн харилцах вэ?

❌ “Чи том болоод юу болох гэж байна?”, “Яагаад илүү хичээхгүй байгаа юм?” гэх мэт том зорилгоор бүү шахаж дарамтлаарай. Ийм асуулт хүүхдийг улам бүр айлгаж, өөртөө хаалт хийхэд хүргэдэг.

✅ Харин маш жижиг амжилтуудыг бий болгож өгөөрэй. Гэрт нь насанд нь тохирсон энгийн хариуцлага өгч, хийж чадсан үед нь чин сэтгэлээсээ магтаж урамшуул.

Жижиг ялалтууд өөртөө итгэх итгэлийг аажмаар бий болгож, айдас болон гацалтыг нь багасгана. Ингэснээр хүүхдийн амьдралын идэвх сэргэж, өөрийн боломжоо олж харах эхлэл тавигддаг.

07/06/2026

🎓 “ХӨТӨЧ IELTS 9” АНГЛИ ХЭЛНИЙ ЗУНЫ СУРГАЛТЫН ТЭТГЭЛЭГТ ХӨТӨЛБӨР ЗАРЛАГДЛАА

📢 Улсын хэмжээнд ЕБС-ийн 9–10 дугаар ангийн сурагчдаас 30 сурагч сонгон шалгаруулж, IELTS-ийн эрчимжүүлсэн зуны хөтөлбөрт хамруулна.

✅ Speaking, Listening, Reading, Writing 4 чадвар
✅ IELTS, TOEFL өндөр оноотой туршлагатай багш нар
✅ Хувь хүний хөгжил + Англи хэлний ахиц
✅ 47%-ийн тэтгэлэг

📅 Хугацаа: 2026.06.17 – 2026.08.17

🌟 Энэхүү хөтөлбөрт хамрагдсанаар:
• Өөртөө итгэлтэй болно
• Зөв хандлага төлөвшинө
• Мэргэжлийн чиг баримжаатай болно
• Зорилготой, тууштай байх чадвар эзэмшинэ

👨‍🎓 Ахлах сургуулийн 9–10 дугаар ангийн сурагчид бүртгүүлэх боломжтой.

⏳ Зөвхөн 30 сурагч шалгаруулна!

#ТэтгэлэгтХөтөлбөр #АнглиХэл #ХөтөчСурагч #ИрээдүйнМанлайлаг

Хамрагдахыг хүсвэл:
+1 гэж бичээрэй
Холбоо барих: 88061234

Address

Ulaanbaatar

Telephone

+97685887855

Website

Alerts

Be the first to know and let us send you an email when Ирээдүй Академи posts news and promotions. Your email address will not be used for any other purpose, and you can unsubscribe at any time.

Shortcuts

Share

Category