18/08/2026
Нэгэн сурагчийн бичвэр чирээд ирлээ. Ийм л онцлогтой шалгалт шүү дээ.
SAT ч намайг tutor-лдог байсан үеэс өөрчөлгдөж цахимжжээ. Ковидын дараагаар SAT шалгалтыг бүр мөсөн зогсоох нь уу яах нь уу гэж горьдож байлаа.
Ямартай ч SAT Math-д бэлдэхэд 3 зүйлд суралцах хэрэгтэй. (Энэ концепцийг би Томүжин Академи-д байхдаа бичсэн бөгөөд тухайн үеийн багийнхны бодол хамтран орсныг үгүйсгэхгүй ч гол агуулга нь миний гараас гарсан тул дэлгэж буй болно.)
1. Математикийн суурь мэдлэг.
Энэ бол цэвэр математик мэдлэг юм. Миний л анзаарснаар олон хүүхдүүд суурь мэдлэгээ бүрэн ойлгоогүйгээс болж алдаа их гаргадаг. Математик нь урвуу харсан пирамид шиг санагддаг. Суурь мэдлэг дээрээ шинэ онолууд бүрэлддэг тул арифметикийн 4 үйлдэл, тоо гэж юу вэ гэх мэт үндсэн ойлголтууд их чухал. Энэ хэсэгт бэлдэхэд хэр их цаг зарцуулах нь харилцан адилгүй байдаг.
2. Тестдээ дасах.
Ямарваа тест өөрийн форматтай байдаг. Ямарваа тоглоом өөрийн дүрэмтэй байдаг. 4 үеийн турш 12 минутад багаа дасгалжуулахдаа Грег Поповичсайн зохион байгуулалт хийж чаддаг нь юуны түрүүнд энэ тоглоомоо бүрэн ойлгоод байгаагынх. Сэтгэл зүй, сэлгээ сөргөө, бөмбөг бөөрөнхий, үе хоорондийн шилжилт гэх мэт.
Тестэндээ дасах хэсэг нь харьцангуй амархан ч мэдэмхийрч болохгүй. Яг тас форматаа анзаарах хэрэгтэй. Төвлөрөөд 4 session хийхэд бүрэн тогтоох боломжтой.
3. Тест хийх техник.
За энэ бол цэвэр practice юм аа. Кросфит-д анх явж байгаа нөхдүүд уйлаад 2 сар явсан хүмүүс салахаа больдог доо. Дасдаг тал нь яг адилхан. Миний хувьд сайн багш нарын буянаар ЭЕШ 800, математикийн олимпиадуудын медал хүртэж байсан ч энэ SAT шалгалт хийх техникээ бүрэн эзэмшээгүйгээс үүдээд SAT I Math дээр 790 авч байсан. 2-3 алдсан болов уу. Энэ хэсэгт бэлдэхэд ихэнх сурагчдад 6-8 долоо хоног хангалттай байдаг.
