Нийслэлийн ерөнхий боловсролын 129-р сургууль

СХД-ийн Ахмадын хорооноос зохион байгуулсан "Өвөө эмээгийн хайр" сэдэвт эссэ бичлэгийн уралдаанд 5а ангийн сурагч Г.Номунгоо 2-р байр, 5а ангийн сурагч Б.Лхам тусгай байрт шалгарлаа. Сурагчдадаа баяр хүргэе

🔥👿ХҮҮХДИЙН “АЯ ТУХЫН ХАВХ” ГЭЖ ЮУ ВЭ?

Орчин үеийн эцэг эхчүүд бид хүүхдээ хайрлахдаа нэгэн том алдаа гаргаж байна. Бид тэдний амьдралын замд тааралдах бүх бэрхшээлийг урьдчилаад шүүрдэж, цэвэрлэж, ямар ч асуудалгүй, хэтэрхий ая тухтай орчныг бэлдэж өгдөг болсон. Үүнийг дэлхийн шилдэг экспертүүд "Ая тухын хавх" (Trap of total ease) гэж нэрлэж байна.

❓ Ая тухын хавх гэж юу вэ?
Хүүхдээ уйдахаас айж, хоолыг нь халбагдаж өгөх, хувцсыг нь өмсүүлэх, уурламагц нь шууд утас, таблет өгөх, хичээл даалгавраа хийж чадахгүй бага зэрэг бухимдангуут нь өмнөөс нь хийж өгдөг, тоглоомоо хураах, хувцсаа өмсөх зэрэг өөрийнх нь хийх ёстой жижиг ажлуудыг өмнөөс нь хийж өгдөг.

🛑 Үр дагавар нь юу вэ?
Хүүхэд ямар ч стрессгүй, сорилтгүй орчинд өсөхөөр тархинд нь асуудлыг шийдвэрлэх шинэ мэдрэлийн холбоосууд (синапс) үүсдэггүй. Үүний уршгаар бага зэргийн хүндрэл гарахад л шууд шантардаг, сэтгэл зүйн хувьд эмзэг хэврэг нэгэн болж хүмүүждэг байна.

💡 Хүүхдэд тун нь таарсан шахалт заавал хэрэгтэй.

1 . Уйдах боломж олго:
Хүүхэд уйдаж, хийх юмгүй болох үедээ л тархиа ажиллуулж, бүтээлчээр сэтгэж эхэлдэг. Уйдмагц нь бэлэн дэлгэцээр бүү бөмбөгд. Хүүхэд уйдахдаа гаргадаг ааш араншинг тэвчих нь чухал. Тухайлбал, юм нэхэж гонгигнох гэх мэт

2. Өөрөөр нь шийдүүл:
Алдаа хийж, түүндээ бухимдаж, буцаад гарцаа олох тэр үед хүүхдийн тархи хамгийн хүчтэй хөгждөг.

3. Хэт битгий хамгаал:
Ирээдүйд зөвхөн "Бэрхшээлийг давж сурсан" хүүхэд л амжилтад хүрнэ.

Багш боловсрол судлаач- Ц. Чанцалдулам

Ерөнхий боловсролын сургуулийн байгууллагын болон багшийн ажлын гүйцэтгэлийн үнэлгээний шалгалтад багш, суралцагч, эцэг эх, асран хамгаалагч та бүхэндээ амжилт хүсье.