Бор-Өндөр Нийтийн Номын Сан

Өдөр бүр уншиж бичье📖📖🖊🖊
#959
Бор-Өндөр Нийтийн Номын Сан

"Женни Герхардт"
1911 онд хэвлэгдсэн Женни Герхардт зохиол нь хайр дурлал, анги давхаргын ялгаа, тэдгээрийн хооронд орших, яахын ч аргагүй, үл үзэгдэгч орон зай хосын биесээ гэх сэтгэлд хэрхэн нөлөөлж буйг хөндөх зохиолчийн хамгийн эмзэг, ялдам бүтээлд тооцогддог.

Ихэмсэг бардам, идэмхий ховдог энэ ертөнц мөрөөдөгчдийг хялайн харна. Хөвөлзөн нүүх үүлсийг харж бодлогошроход нь хий дэмий мөрөөдлөө хэмээн буруушаан зэмлэнэ. Үлээх салхийг чагнаж, сэтгэлээ баясгавал хажуугаас нь атаархаж шөргөөнө. Амьгүй гэгддэг сав ертөнц энхрий уяхан дуу хоолой, өнгө зүсээрээ сэтгэлийг нь эзэмдсэнээр сүүлдээ газар дэлхий маань амьд бус, оюун ухаангүй гэхийн аргагүй болж ирэх үед мөрөөдөгч маань байгалийн яндашгүй хүчинд өөрийн эрхгүй хүлэгддэг юм. Ахуй ертөнц чухамдаа ийм хүмүүс рүү л сувьдаг араншнаа үзүүлж, эрхэндээ оруулдаг билээ. Номхон боолоо болгодог гэсэн үг. Энэхүү саарал амьдралын дунд Женни ч чухамдаа тийм л байсан юм...

"Луун шивээст охин"
Зохиолч: Стиг Ларсен
Луун шивээст охин роман гарсан даруйдаа дэлхий дахинаа бэстселлэр болсон билээ. Зохиомол хот Хедестадыг эс тооцвол үйл явдал Шведийн бодит хотуудад өрнөнө. Номд гардаг “Милленниум” сэтгүүлийн газар нь нийгэм улс төрийн сэдэв санхүүгийн хэргүүдээр нийтлэл бичдэгээрээ Ларсоны Экспо сэтгүүлийн газрыг санагдуулна. Санхүүгийн гэмт хэргийг эрэн сурвалжилсан нь бүтэлгүйтсэнээр Микаел Бломквистын сэтгүүлчийн карьер нүднийх нь өмнө нуран унах шиг болох тэр л мөчид түүний нэрийг Шведийн аж үйлдвэрийн эзэн хөгшин дуулсан байлаа. Тэрээр Бломквистод итгэн, дөчин жилийн өмнө алга болсон өөрийн зээ охины учир битүүлэг хэргийг мөрдөх санаанд оромгүй санал тавьж, хэргийг мөрдөхөд жилийн хугацаа өгнө. Бломквист уг саналыг хүлээн авахдаа тус хэргийн цаана нуугдах нууц хуйвалдаан, харгис хэрцгий явдлыг төсөөлөх ч үгүй. Түүний нэрийг дуулсан цорын ганц хүн нь өнөөх хөгшин биш байсан бөгөөд жинхэнэ чадварлаг хакер, хувийн мөрдөгч Лизбет Саландер өөрөө түүнтэй холбоо тогтооно. Улстөрчид, санхүүгийн акулуудаас эхлээд хууль хүчнийхэн хүртэл хутгалдан сүлбэлдсэн аймшигт гэмт хэргүүдийг илрүүлэхэд нэгэнтээ тэдний зам нийлжээ.

"Жинхэнэ хайр"
Зохиолч: Риверс Франсин
Нэгэн охин багаасаа эхлээд бусдад зарагдаж, хүчээр биеэ үнэлэх болсноос үүдээд эрчүүдийг үнэн голоосоо үзэн яддаг болсон. Харин Хосеа хэмээх нэгэн залуу тэр эмэгтэйг биеэ үнэлэгч гэлтгүй байгаагаар нь чин сэтгэлээсээ хайрладаг. Түүнийг тэр муухай газраас гарган авч, бүхнээ зориулах ч, манай эмэгтэй түүнд итгэхгүйгээр барахгүй буцаад нөгөө муухай газар руугаа байн байн зугтана. Тэр болгонд Хосеа дахиад л түүнийг худалдан авч,эрх чөлөөг өгдөг. Агуу.их хайр,тэвчээр, үнэнч сэтгэлийг Хосеагаас харж болно. Тэр эцсээ хүртэл өөрчлөгдөн хувираагүй. Харин Анжел буюу гол дүрийн эмэгтэй маань эцэст нь ухаарч, Хосеа руу өөрөө эргэн очиж, хүүхэд төрүүлэх боломжгүй хэдий ч гайхамшгаар хүүхэдтэй болон сайхан амьдардаг.

Энэхүү ном нь Библийн Хосеа номноос сэдэвлэн бичигдсэн бөгөөд танд хандсан Бурханы хайр ямар агуу, ямар тэвчээртэй, ямар гайхалтай зориулалттай хайр вэ гэдгийг илчлэн харуулах болно.

Өдөр бүр уншиж бичье📖📖🖊🖊
#958
Бор-Өндөр Нийтийн Номын Сан

Өдөр бүр уншиж бичье📖📖🖊🖊
#957
Бор-Өндөр Нийтийн Номын Сан

Өдөр бүр уншиж бичье📖📖🖊🖊
#956
Бор-Өндөр Нийтийн Номын Сан

Өдөр бүр уншиж бичье📖📖🖊🖊
#955
Бор-Өндөр Нийтийн Номын Сан

Өдөр бүр уншиж бичье📖📖🖊🖊
#954
Бор-Өндөр Нийтийн Номын Сан

Өдөр бүр уншиж бичье📖📖🖊🖊
#953
Бор-Өндөр Нийтийн Номын Сан