Acts 29 Ministry & BEE Mongolia

Сайн байна уу? Эрүүл, хүчирхэг чуулганд библийн зөв, цогц боловсрол зайлшгүй тулгуур үндэс болдог билээ. Магадгүй таны үйлчилдэг бүс нутагт
📌библийн сургууль байдаггүй бол
📌байдаг ч суралцах боломжгүй бол
📌эсвэл илүү суралцах эрмэлзэлтэй бол
📌чуулганы удирдагчдыг дараагийн түвшинд хөгжүүлэх хараатай бол бид бүхэнтэй холбогдоорой. Бид олон улсад ялангуяа илгээлтийн талбарт хүлээн зөвшөөрөгдсөн “BEE” хөдөлгөөнт библийн сургуулийн цэгцтэй, цогц сурах бичгээр ханган, оюутан төвтэй, үйлчлэлд төвлөрсөн библийн боловсролыг олгох болно.

Дэлгэрэнгүй мэдээллийг доорхи хэсгээс харна уу.

Илүү хайлт хийхийг хүсвэл
BEE World : https://www.beeworld.org/
BEE Korea : https://www.beekorea.org/
BEE Mongolia: https://www.facebook.com/share/g/1F4Z666mg6/?mibextid=wwXIfr

ТӨЛӨВШИХ Л ХЭРЭГТЭЙ
Итгэлийн замд орж ирээд багагүй сар жилүүдийг өнгөрөөсөн итгэгчдийн хувьд анхдагч байдлаар дараах хэдэн зүйлд сахилга баттай байж, төлөвших хэрэгтэй болов уу.

1. ӨДӨР БҮР ЭЗЭНД ЦАГ ГАРГАХ
Ялангуяа өглөөг үг ба залбирлаар (чимээгүй цаг) эхлүүлэх нь Бурхан Эзэний хүслийг ухаарч, өөрийгөө эргэн харж, ажил амьдралаа зөв тийш чиглүүлэхэд тустай.

2. НЯМ ГАРАГИЙН ЦУГЛААН
Энэ бол бүтээлийн хувьд (долоо дахь өдөр амарсан), хуучин гэрээний хуулийн хувьд (амралтын өдрийг ариунаар сахь), чуулганы уламжлалын хувьд ч (Эзэний өдөр) маш чухал өдөр учир ихээхэн хүндэтгэлтэй хандаж, сахилга баттай байх нь зүйтэй. Ивээл дүүрэн хүндэтгэл мөргөл нь итгэлийн амьдралд зүрх адил амин чухал зүйл юм.

3. АРАВНЫ НЭГ ӨРГӨХ
Бүх зүйлсийг Эзэн Бурханаас хүлээн авч байдаг хүний хувьд Түүнд талархал, хүндэтгэлээ илэрхийлэн өргөдөг байх нь зүйн хэрэг. Мөн энэ нь бидний хөдөлмөр бүр хаанчлалд оролцоотой буйг харуулдаг.

4. САЙНМЭДЭЭ БА ДАГАЛДУУЛАЛТ
Энэ бол бүх итгэгчдэд өгөгдсөн ариун үүрэг. Боломжтой, чадвартай нь бус итгэгч бүр сэтгэл зүрх гарган тэмүүлэх учиртай хараа зорилго. Энэ нь эргээд бидний итгэлд томоохон өсөлт, хөгжлийг ч авчирдаг.

5. ЧУУЛГАНД ҮЙЛЧЛЭХ
Өгөгдсөн бэлгээрээ Христийн биед үйлчлэх нь төлөвшилтийн нэг чухал хүчин зүйл юм.

6. БИЧЭЭСИЙН ДАГУУ СЭТГЭХ
Аливааг Бурханы үгийн дагуу харж, сэтгэж чаддаг байх нь итгэлийн амьдралд тун чухал. Ингэснээр Түүний үг, хүслийн дагуу байхын ерөөлийг амсах болно.

“Бид бүгд итгэхүй ба Бурханы Хүүг мэдэхүй дор нэгдэх хүртэлээ, төлөвшсөн хүн болтлоо, Христийн дүүрэл чанарын хэмжээнд хүртэлээ ингэх ажээ.” Ефес‬ ‭4‬:‭13‬ АБ2013‬

Католиг ба Портестант урсгалын ялгаа

1. Итгэлийн хэмжүүр
П: Зөвхөн библи
К: Библи мөн чуулганы уламжлал
2. Библи
П: 66 ном
К: 73 Ном
3. Библи тайлал
П: бүх итгэгчид тэгш эрхтэй
К: Пап тайлалын онцгой эрхтэй, алдаагүй сургаал
4. Аврал ба нүглийн уучлал
П: итгэлээрээ хүлээн авснаар мөн биечлэн улайснаар
К: ариун угаал (баптисм) мөн наминчлаллаар
5. Мариа
П: жирийн нэгэн агуу итгэлийн эмэгтэй
К: язгуур нүгэлгүй ба сүсэгтнүүдийн туслагч, эх
6. Үхлийн дараа
П: Үхлийн дараа дундын газар орших газар гэж байхгүй
К: Үхлийн дараа арилгах орон гэх дундын газар бий гэж үздэг
7. Үхэгсдийн төлөө
П: залбирах боломжгүй гэж үздэг
К: залбирснаар тэдгээр нь шилжүүлэгдэх боломжтой гэж үздэг
8. Пап
П: чуулганы тэргүүн бол зөвхөн Есүс Христ
К: Пап бол Христийн итгэмжит төлөөлөгч, элч Петрийн залгамжлагч, шашны дээд хоньчин
9. Чуулган
П: зөв итгэл бишрэлтэй хамт олон бүхэн чуулган
К: Католиг чуулган нь жинхэнэ чуулган гэж үздэг
10. Ариун Ёслол
П: 2 байдаг: Баптисм, Эзэний зоог
К: 7 байдаг: Ариун угаал, бататгал, ариун Эвхарист, наминчлал, өвчтөний түрхлэг, ариун сахил санваарын хэргэм, гэрчлэлт
11. Баптисм
П: Итгэлээ харуулах бэлэгдэл бүхий ёслол
К: Нүгэл болон шийтгэлээс аврах ариун угаал бүхий ёслол
12. Эзэний зоог
П: Эзэн Сүнсээр хамт байдаг Түүнийг дурсах ёслол.
К: Эзэний бие, цус болж хувирдаг бодитоор орших ёслол.
13. Зуучлагч
П: Есүс Христээс өөр зуучлагч байхгүй
К: Мариа ба бусад гэгээнтнүүд зуучлах боломжтой гэж үздэг
14. Улс ба чуулганы харилцаа
П: Зохистой хэмжээнд тусдаа байдаг
К: Улс төр ба чуулган хамт байдаг
15. Ариун хөрөг
П: мөргөх ямар нэгэн дүрс хийх ёсгүй гэж үздэг
К: мөргөлд туслах ариун хөрөг байх ёстой гэж үздэг
16. Пастор ба санваартан
П: пастор нь аль болох гэр бүлтэй байх ёстой
К: санваартан, гэлэнмаа нь гэрлэхгүй ёсгүй
17. Шашны олон ургалч үзэл
П: Зөвхөн Есүс Христ л аврагдах цор ганц зам
К: Бусад шашинд нээлттэй ханддаг

Ашигласан эх сурвалж: https://www.youtube.com/watch?v=ZUVDdjzt91c,
http://www.catholicchurch-mongolia.mn/toli/v/472,

ИТГЭЛИЙН ЧАНАРЫН ХЭМЖҮҮР
Итгэлийн чанарыг библийн мэдлэг, чуулганы ирц, залбирлын цаг, үйлчлэлийн тоо зэргээр хэмжих боломжгүй мэт. Учир нь чуулган дотор ч бусад шашны адил зөвхөн ерөөл гэх идэвхтэнгүүд олон байх. Харин жинхэнэ итгэлийн чанар өөрийгөө хэр хэмжээнд үгүйсгэж чадаж байгаагаар харагдах юм. Хуучин хүнээ хэдийнээ Түүний хамт цовдлогдсон гэдгээ хүлээн зөвшөөрч өөрийн хүсэл, амбийцынхаа төлөө бус Түүний гайхамшигт хүсэл зорилго, дуудлагад сайн дураараа бууж өгч буй төрх нь итгэлийн чанар юм. Тэрээр сайн Нэгэн тул Өөрийнх нь хүсэл, дуудлагын дагуу яваа хүүхдээ орхидоггүй билээ.

Сүмд үйлчилдэг хүнээс хүн дагалдуулалт хийдэг хүн Түүний хүсэлд илүү ойр байх магадлалтай.

СҮМИЙН ХҮН ҮҮ? ЭЗЭНИЙ ХҮН ҮҮ?
Мэдээж өнгөц байдлаар тийм ч том ялгаагүй мэт. Гэвч цаг хугацаа өнгөрөх тусам итгэлийн амьдрал нэгэн хэвийн болж өөрсдөө ч мэдэхгүйгээр зүгээр сүмдээ сайн явдаг, өргөдөг, үйлчилдэг жирийн нэг сүмийн болчихсон байх вий. Хаа ч явсан, юу ч хийсэн Түүнтэй амьд харилцаатай, Түүний удирдлага, чиглүүлэгийн авч амьдардаг Эзэний хүн байхаа битгий мартаарай.

ЗАЛУУ НОМЛОГЧ НАРТАА

1. Номлол гэдэг
- Номлол бол Бурханы үгийг заах биш тунхаглах явдал
- Номлол бол үгийн үндсэн агуулгыг өнөө цагт хэрэгжүүлэх явдал
- Номлол бол үг доторх Эзэний зүрх сэтгэлийг дамжуулах явдал
- Номлол бол мөргөлийн үндсэн чухал элемент

2. Үндсэн хандлага
- Аль болох текст төвтэй номло
- Номлолын бэлтгэлд цагийг харамгүй зар
- Номлолдоо үргэлж хайрыг шингээ
- Олон хүний номлол сонсож суралц
- Номлолоо эргэн сонсож үргэлж сайжруул
- Номлодог шигээ амьдрахыг хичээ

3. Номлолын гурван элемент

ГЭРЭЛ
(зөв тайлалтай номлох)
- Библийн текстээ хам сэдвийн хамт олон дахин уншиж, анхны уншигч нартаа (цаашлаад өнөө цагийн бидэнд) юу хэлэх гэж байгааг буюу гол мессежийг олж илрүүл
- Үүний дараа библийн бусад орчуулгатай (монгол болон гадаад) харьцуулан харж гол мессежээ баталгаажуул
- Төгсгөлд нь библийн тайлбар толь зэргийг ашиглан засаж сайжруулах зүйл байгаа эсэхийг харан дүгнэлтээ гарга.

- Текстийн гол мессежийн дагуу номлолын бүтцээ гарга
- Номлолын зорилгоо нэг өгүүлбэрт багтаан бич
- Библийн жишээ болон хувь хүний жишээг тэнцвэртэй ав
- Хэрэгжүүлэлтээ ерөнхий биш аль болох тодорхой гарга

ГАЛ
(халуун сэтгэлээр номлох)
- Номлолоо өөрийн болго
- Өөрөө ивээл авч буй номлол бусдад ивээл өгдгийг сана
- Мэддэг номлол толгойд хэрэгжүүлсэн номлол зүрхэнд хүрдэг
- Дэлхийлэг үг хэллэг болон сул үгээс татгалз
- Халуунаар номлох нь зүрх сэтгэлийг хөдөлгөдөг
- Номлол бол тайлбарлах биш тунхаглах гэдгийг сана
- Тунхаглал нь Ариун Сүнс ажиллах нөхцлийг бүрдүүлдэг
- Өмнөх өдрөө өөртөө номлож бэлд (хоосон индэр дээр)
- Индэр дээр гарвал аяндаа болчихно гэж өөрийгөө бүү хуур
- Ямар хүмүүст номлож байгаагаа мэдэр
- 8 ангийн хүүхдэд ойлгогдохоор номло
- Муу биш сайн итгэгч нарт төвлөр
- Бурханы үгийг залхмаар номлох нь бусдад бүрдүүлэг болдгийг мэд

САЛХИ
(Ариун Сүнсний оршихуйтай номлох)
- Ариун Сүнс номлолыг амьтай болгодог гэдгийг сана
- Өдөр бүр үг залбирлаар Эзэнтэй ойр бай
- Сүнсийг гомдоох бүхнээс татгалзаж гэмшин, ариун бай
- Номлолын бэлтгэлийн дараа залбирлын бэлтгэл хий
- Бэлтгэлээ Ариун Сүнсгүй байхгүй мэт хийж, номлохдоо бэлдээгүй мэт Ариун Сүнсэнд найд гэдэг үг бий
- Номлохын өмнө харилцаагаа хамгаал
- Зарим үед номлолынхоо төлөө мацаг барь

4. Бусад
- Аль болох хүндэтгэлтэй хувцасла
- Үргэлж алдрыг Эзэнд өргө
- Эш татсан бол эх сурвалжаа хэлж бай
- Санал, шүүмж авахаас бүү санаа зов

Удирдагч хүн үргэлж гол зүйлдээ төвлөрч байх ёстой. Итгэлийн удирдагчийн хувьд хамгийн чухал нь хүмүүсийг дагалдуулан төлөвшүүлэх явдал.

Эзэн Бурханд бүрэн дүүрэн үр жимстэй үйлчлэхийг хүсэгчдэд сүнслэг чанар, зан чанар, ур чадвар гурав хэрэгтэй. Эдгээрээс эхний хоёр нь үргэлж чухал байдаг.

НЭГ МИНУТЫН МЕНЕЖЕР
-1. Нэг минутын зорилго төлөвлөлт
- зорилгоо тодорхойл
- зорилго тус бүрийг нэг цаасан дээр 250 үгэнд багтааж бич
- зорилго тус бүрийг нэг минутад багтааж уншигдахуйц болго.
- өдөр бүр нэг минут зарцуулж ажлынхаа гүйцэтгэлийг шалга.
- таны зан байдал зорилготой чинь нийцэж байгаа эсэхийг шалга.

2. Нэг минутын урамшуулал
- тэдэнд яаж хийхийг нь урьдчилж ойлгуул.
- хүмүүсийг цаг тухайд нь урамшуул.
- юу зөв хийснийг нь тодорхой хэлж өг.
- хийсэн зөв зүйлд нь сайхан сэтгэгдэлтэй байгаагаа илэрхийлж, энэ нь байгууллагад болон хамт ажилладаг хүмүүст нь хэрхэн тус болж байдгийг хэл.
- танд ямар сайхан мэдрэмж төрж байгааг чинь мэдрэх боломжийг тэдэнд олгож хажууд нь хэсэг зуур чимээгүй зогс.
- тэднийг энэ эрчээрээ сайн ажиллахыг уриал.
- тэднийг дэмжиж байгааг гэдгээ мэдэгдэж тэдэнтэй гар барих эсвэл мөрөн дээр нь зөөлөн алгадаж нэг баг гэдгээ илэрхийлж бай.

3. Нэг минутын зэмлэл
- хүмүүст ажлаа яаж хийхийг нь урьдчилж товч бөгөөд тодорхой хэлж бай.
- хүмүүсийг шулуулхан зэмлэх.
- тэднийг юуг буруу хийснийг нь тодорхой хэлж өгөх.
- тэдний гаргасан алдааны тухай ямар мэдрэмж төрснөө товч бөгөөд тодорхой хэлэх.
- хэдэн секунд чимээгүй зогсож танд өөрт чинь төрсөн мэдрэмжийг мэдрэх хүртэл хүлээ.
- гар барих эсвэл мөрийг нь зөөлөн цохих байдлаар хүрч тэдний талд байгаа гэдгээ илэрхийл.
- тэднийг хэр үнэ цэнэтэй болохыг нь сануул.
- тэдний тухай сайнаар боддог хэдий ч энэ нөхцөлд зөвхөн гүйцэтгэлд нь сэтгэл хангалуун бус байгаагаа илэрхийл.
- зэмлэлээ энэ агшинд дуусгасан бол дахиж огт сөхөлгүйгээр энд нь дуусга.