Бяцхан уншигчид Little readers

Бид хамтдаа
📖 “Би Чи Бид” ном уншиж
✋ 5 хурууны дасгал хийж, ялгаатай байдлын тухай ярилцлаа.
Дараа нь
📖 “Асар том үгийн үйлдвэр” номоор
🏭 өөрсдийн үгийн үйлдвэрийг бүтээв.

“Бид бүгд үгийн үйлдвэртэй.
Ямар үгсийг сонгож ярихаа бид өөрсдөө шийддэг.”

155-р сургуулийн 3а ангийн хүүхдүүд:
– Би тань шиг өөрөө ном зохионо оо.”
–Бусад номыг нь хаанаас авч унших вэ?”
– Гоё хичээл байлаа. Баярлалаа гэх үгсээр үдэв.

Ангийн багш хичээлээ “зохиолч–зохиол–дүр” сэдэвтэй холбон, номоо дахин ашиглахаа хэлж байлаа🥰
📌 Нэг номыг ганц удаа уншаад орхих биш, дахин уншиж ярилцахад илүү гүн утга нээгддэг билээ.

Номтой холбоотой арга хэмжээнд хүүхэдтэйгээ очих 3 шалтгаан🌟

БОДРОЛ
Хүүхдүүдэд ном уншиж өгч, хамтдаа ярилцсаны дараа тэдний хандлага өөр болчихдог.
-Асууж эхэлдэг.
-Тухайн номыг сөхөж үзэхийг, дахиж уншихыг хүсдэг.
Учир нь хүүхэд ойлгосон зүйлдээ илүү дуртай байдаг.
-Ойлгосноо цааш нь мэдэхийг хүсдэг.
Харин томчууд заримдаа тэр хүслийг нь дэмждэггүй. Ганц удаа уншаад өнгөрөх номоор яах юм бэ гэх нь бий.

Номын хүртээмж, хамтдаа ярилцах орчин, туршиж үзэх боломж хаа сайгүй хангалтгүй байгаа нь үнэн. Тэгэхээр гол асуудал нь хүүхэд номд дургүйдээ биш, харин бид тэдэнд ойлгож, мэдэрч, ярилцах, уншлагаа үргэлжлүүлэх нөхцөл боломжийг хэр олгож байгаа вэ гэдэгт бий.
Дэлхийн номын өдрөөр
Зохиолч – Уншигчийн уулзалт хийсний дараах бодрол 📚

Хүү маань
👶6 сартайдаа уншуулдаг байсан номоо
👦6 настай том агаа болоод
5-хан сартай бяцхан үеэл дүүдээ уншиж өгөхөөр гаргаж иржээ.
Даанч дүү нь төдийлөн сонирхсонгүй гэнэ.
Гэхдээ уншиж өгөх гэсэн сэтгэл нь л хамгийн хөөрхөн.
Дадал ингэж л чимээгүйхэн өвлөгддөг байх нь❤️

"Уншаад сурчихсан юм чинь одоо өөрөө унших ёстой" - Энэ бол хүүхэд сургуульд орсны дараа гаргадад нийтлэг эндүүрэл.
Тэгвэл ном уншлагыг хэрхэн дэмжих вэ?

👶 1 ой 7 сартай хүүхэд Үлгэрийн цагт хэрхэн оролцсон бэ?

#1 📒
Эхлээд “Хүрэн баавгай, чи юу харж байна?” номыг дуулж уншиж өгөхөд маш их дуртай байлаа.
Босож, сууж, гүйх зуураа сонссон ч анхаарал нь тасраагүй.
Уншлагын дараа номыг өөрөө авч, зургуудыг гараараа зааж, дахин дахин үзэж байв.
Бүр гэр лүүгээ авч явна гэж уйлсан шүү 😅

#2 📒
Дараа нь “Ноён Наймалж нуугдаж тоглосон нь” номыг уншихад мөн л энэ босох, хөдлөх зуураа сонссоор байлаа.
🐙 “Ноён наймалж хаана нуугдсан бэ?” гэж асуухад,
“Энд” гээд өвсний цаана нуугдсан ногоон наймалжийг хуруугаараа зааж чадсан.
🛑 1–2 настай хүүхдүүд ном сонсохдоо заавал томоотой сууж, чимээгүй байх албагүй.
Тэд гүйж, алхаж, хөдөлж байхдаа ч сонсож, ойлгож байдаг.
Ийм оролцоо бүр нь номтой холбоотой эерэг туршлага болж, аажмаар “хэрхэн оролцох”-оо өөрсдөө сурдаг.

Хүүхэд бага балчир байсан ч номтой нөхөрлөх эхлэл нь яг ийм жижигхэн алхмуудаас эхэлдэг шүү📚

💡З-р ангийн бяцхан уншигчид:
– Яагаад Үүлэн үстийг үнэг унуулж зурсан юм бэ?
– Та яагаад зохиолч болсон бэ?
- Өвлийн өвгөний туслахыг яагаад Бөхөнг болгосон юм бэ?
– Бөхөн одоо Монголд байдаг уу?
гэх мэт сониуч, гүнзгий асуултуудаар намайг булах шиг боллоо.

📚Хүүхдүүдийн ихэнх нь миний номуудыг аль хэдийн уншчихсан байсан тул уулзалтын үеэр “Үүлэн үст”, “Цасан охины нууц” номуудаасаа хамтдаа уншиж,
таамаглаж, төсөөлж,
үйл явдлыг өөр өөрөөр ургуулан бодож ярилцлаа.

🪄Бид ялгаатай байдал, бас хүн бүрийн зүрхэнд оршдог жижигхэн ид шидийн тухай ч ярилцсан.
Уулзалт өндөрлөхөд тэдний зүрхэнд нэгэн бяцхан оч ассан мэт санагдсан нь хамгийн гоё байлаа ✨

107-р сургуулийн 3-р ангийн уншигчидтай хийсэн “Зохиолч–уншигчийн уулзалт” маань халуун дулаан уур амьсгалтай болж өндөрлөлөө 🤍

Уулзалтыг зохион байгуулсан
Нацагдоржийн нэрэмжит Сонгинохайрхан дүүргийн салбар номын сангийн хамт олонд баярлалаа🙂