Mike's Book Club

Амьдрах жор

Look attentively
Realize divinely
Hasn't everything puzzled out?
To the extent that you have awaited?

Greater than you expected
Grace has Turned out
Grateful and
Glad should you be for infinite trials!

Those roaring predators
Threatening worldly incidents and beings
The divine powers now you see existent

Always remember this philosophy!
Never forget this poem of mine!
Mike Besud

Яг анхаарлаа төвлөрүүлж сайн хараад байваас
Амьдралын чинь бүх тохиол, хүсэл, бодол, үйлдэл чинь
Яалт ч үгүй учрах ёстой тавилан, ургах ёстой үрийн тань биелэл
Яг мөнөөсөө мөн болой

За үнэхээр бүх юм буруу эргэлээ
Бүгд миний эсрэг бослоо
Замбуулин тивд заяа минь хаялаа гэж та бодлоо ч
Байз та бодсоноосоо ч илүү тавилан, мөчид ирлээ бишүү?

Амьд гарахгүй өнгөрлөө гэж хичнээн олон шаналавдаа
Аргагүй мэт хичнээн мухардавдаа
Тэгтэл та харин илүү хүчирхэг болж өсч торнижээ
Тэнгэрлэг хүч таныг энэ өндөрлөгт авчирчээ

Хамгийн том сорилтууд нь
Хамгийн хүчирхэг бэлгүүд аж
Хан тэнгэрт сөгдөн талархая

М. Б

Тэсгэл алдуулж хашгируулан наадаж буй бүхэн
Тэвчихийн аргагүй харанхуйд шахаад
Танд харин тэвчээр заахыг хүсэж буй нь тэр

Хаяад явсан хайртай хүмүүс чинь
Хоёр хөл дээрээ хэнч үгүй үед босож алхахыг заахаар
Хурмастаас илгээгдсэн багш нар чинь бөлгөө

Уурыг чинь хүргэж, ухаан балартуулах тэр
Угаас тань дээр хувилан ирж
Уучлал заахаар томилогдсон нэгэн юм

Таниас хулгайлж, таныг эрхшээх тэр зүйлс,
Тэдгээр хорсмоор хүмүүс
Танд хүчээ тавьж өгөх ямар байдгыг сургасан юм

Үзэн ядаж буй бүхэн тань
Үнэхээр нөхцөлгүй хайрлаж өршөөж
чадахыг чинь харахаар ирсэн
Үйлийн үрийн багш тань юм

Айдас таныг цөлийн чонос шиг бүчээд
Архирч урж тасдан залгихаар ирэхдээ
Амттан минь бол эсвэл ангаа болго гэж байгаа юм, ХАР!

Яаж ч тэлчлээд хүслээрээ эргүүлж чадахгүй
Яндашгүй хүчит Тэнгэрийн жам хууль гэж бий
Явуулж сур

М. Б

Бурхан тэнгэрээс би хүч чадал өгөхийг гуйсан
Бэрхшээл сорилтуудыг тэр надад зөвшөөрлөө
Би одоо өчигдрөөс илүү хүчирхэг болжээ

Мэргэн ухаанаа өгөөч хэмээн залбирлаа
Маш олон асуудлуудыг өмнө минь талбив
Мэдлэг, авьяасаас илүү мэргэн ухааныг эрхэмлэдэг боллоо би

Баян чинээлэг болгож өгөөч хэмээн гуйлаа
Булчинг бас оюун ухааныг харин надад хайрлав
Би түүгээр нь үнэ ба цэнийг урлав

Эх тэнгэрээс би Эр зоригтой болгохыг наминчлан сүсэглэв
Эрсдэл, аюул, заналуудыг ялж сургав
Энэ ертөнцөд эмээх зүйлгүй боллоо

Хаан Эцэг тэнгэрээс Хайрыг өгөөч хэмээн гуйлаа
Хараагч, гүтгэгчдийг надад ирүүллээ
Хайрлаж, уучилж, ерөөхийг би сурлаа

Хүссэн бүхнээ би авч чадаагүй
Харин хэрэгтэй бүхнээ авлаа
Гялайлаа

Би тааламжийг хүслээ
Бишээ надад боломжийг л нээлээ
Бүх залбирлийхаа хариуг авлаа, Баярлалаа

Шүлэглэсэн,
М. Б

Эрхэм хүндэт,
Найзуудаа, Залуусаа
Би Номоо хэвлүүлэхээр бэлтгэж байна.
Англи, Монгол хэл дээр хэвлэгдэх тул харьцуулж уншингаа хэл сурах боломж.
Дэлхийн бүх залууст зориулан амьдралдаа үнэ цэнэ бүхий зөв шийдвэр гаргахад нь туслах зорилгоор чин сэтгэлээ зориулан бичив.

М. Б

I mean to publish my Book soon.
This book is dedicated from my sincere heart to all young human beings on earth.
I believe my book will help millions of souls when making valuable and right decisions in their lives.

Mike Besud

Ерөөгдөг Өршөөгдөг Гэгээрэг

Хэн бүхэнд таалагдах гэж
Хэтээсээ амьдраагүй байгаа
Амьдралын минь 10хан хувийг хараад
Ам уралдан цэцэрхэгчид биш
Атга тусыг хайрлагч
Аяа Чин сэтгэлтнийг ялгах мэлмий надад бий
Хамгийн хайртай хүн чинь хаяж одсонч
Гүтгэж дайрч бахаа нэг хангавч
Хан Тэнгэр шиг бай гэдэг сургаалийг
Гүн чөмгөндөө мэдрэх өдрүүд ирдэг юм
Идсэн эрүү хувхайрч
Идүүлсэн бут цэцэглэдэг юм
Үргэлжлэх бэрхшээл сорилтыг
Үлэмж баяр хөөрөөр тосон ав
Унаад босохын хооронд ховор завшаан тохионом
Урваж хэн хаясныг
үлдэж хэн зогсосныг үзэх
Хайрт минь гэж үнсэх урвагч дайснаас
Хатууч үнэнийг хэлэх нөхрийг ялгах билэг
Хэр зоргоор заяадаггүй болой
Хоёр нүүрлэж хахтлаа баяжихыг хүсэх юм нөхөд минь
Тэр аз биш эз, сүйрлийн харгуй зам мөн
Эд хөрөнгөнд боолчлогдогсодоос
Хүсэл шуналын харанхуй хагацахгүй
Нүгэлтнүүдийн хөрөнгө зөв шударга
Нэгний төлөө хуримтлагддаг юм
Зуурдын эдэнд шунагчид өрөвдөлтэйеэ
Зөвхөн хар амиа бодогсод золгүйеэ
Хэн ч үгүй ганцаардаж үлдэх байсан ч
Харин итгэж буй үнэ цэнийхээ талд бат зогс
Зовох үедээ Би чадна гэж хэлж чадахуу
Задарч явахдаа хэн ч хэлж чаддаг юм
Хараах тусам нь Ерөөнө
Гүтгэх тусам нь
Гэрэлтэнэ
Хялалзах тусам нь
Гялалзана
Муулах тусам нь
Дуулна
Магтаж бялдуучлавч
МөнхТэнгэр шиг инээнэ
Булах тусам нь
Бултайна
Дарах тусам нь
Дардайна
Доромжлох тусам нь
Үнэнээр хэлнэ
Дайрах тусам нь
Ялна
Энэ ертөнцийн мөн чанарыг таниулж өгсөн
Ээ хэн бүхэн танар бүгд миний ачит багш нар
Ерөөгдөг, Өршөөгдөг, Гэгээрэг

Маик Бэсүд

Эс үйлдэхүй

Үйлдэхүй үйлтэй шиг, эс үйлдэхүй бас үртэй
Үхэл санаснаас хурдан ирнэ давшгүй нүгэл бүү хураа

Хотын түгжрэл, асар том зааг ялгааг өдөр бүр харахдаа
Харин би тэдний нэг байсандаа гэмшнэм...

Алтнаас үнэтэй машин унаад ярвагар харцаар хямсайн харах
Аяа үүлэн чөлөөний нар мэт баялгаар сохорсон нэгэн минээ
Эс үйлдэхүй хэрхэн үйлийн үр болон биелж
Энэ амьдралд чинь буудгыг өгүүлж өгье

Алдаж, ядарч, туйлдсан... арга ядаж хаймар түлэх тэр нэгэн
Аливч хамаагүй аргаар алтнаас үнэтэй тэрэг унах тэр нэгэн
Дорд үзэгдсэн түүний хорт утаа бардам чиний уушгинд хавдар болж
Эс үйлдэхүйн өрийг нэхэж энэ хорвоогоос авч оддог юм

Бүү гайхуул даруу бай, Жаргал зовлон ээлжлэх энэ ертөнцөд
Болж өгвөл бусдыг энэр, дотроон тэнгэр шиг бай

Авилгал авч даашгүй нүгэл хураах түшмэд
Аль байдгаа үр хүүхдүүддээ ёроолгүй цутгавч тэд нараас
Хулгайн хөрөнгөний хараал нь нэхэгдэж
Хар тамхи, гэмт ертөнцийн үхлийн төлөөсөнд явдаг юм

Хумхын тоос болох энэхэн ахар амьдралд
Хар санаж эдэнд шунагч нь түүнийгээ тэвэрсээр
Харин доромжлуулж үлдсэн өш санагчийг МАРТАЖ хаясанч
Хайран амиа гэнэт зам дээр алдахдаа САНАДАГ ЮМ

Үр хүүхэд, ханийн заяа, эд баялаг эдлүүлж, эрхлүүлж
Сайхан залуу насаа золиослон байж хайрласан тэр нэгэн чинь
Үнэхээр "алтан загас"ны эмгэн болж
Шар махтай чинь хатаах эрлэг чинь болон сүүдэгнэдэг юм

Хавчаад байхад хайрлаад өршөөгөөд байх нэгэн байхад
Хайрлаад байхад хараагаад бас шунаад байх нэгэнтэй яагаад учрав?

Дээрэмдүүлж дээрэлхүүлээд үхлүүт зам дээр хэвтэх тэр нэгнийг
Хүндтэй, цэмцгэрүүд хараад тойрон явах юм
Дандаа дорд үзэгдэж байсан даруухан тэр нэгэн харин үхлүүт хүнд туслаж байх юм
Хүчтэй үедээ тусалдаг биш, хүн чанар чинь тэгж шалгагддаг юм
Хоёр нүүр чинь тэгж илчлэгддэг юм

Үйлдэхүй үйлтэй шиг, эс үйлдэхүй бас үртэй
Үхэл санаснаас хурдан ирнэ давшгүй нүгэл бүү хураа

Оройтохоос нь өмнө Одоо буцаад эргэ!

М. Б

Харанхуйн хааны ертөнц \2-р хэсэг\

Энэ ертөнц миний гэр юмуу, Мөнхөд орших газар минь юмуу?
Эд баялаг амийг минь хамгаалах цайз юмуу
Эсвэл мэхлэж хүлэх шорон юмуу
Эрдэм мэдлэг, алдар нэр энэ ертөнцтэй хамт замхрана

Хамгийн дээд худлыг та мэдэхүү
Үнэнд хамгийн ойр, ялгахын аргагүй тэр зэрэглээ үгс байдаг
Харагдахгүй оршихуйг хараагаар үздэггүй юм
Үгээр тэмтэрдэг юм, Үнэнээр шүүдэг юм

Мөнгөн бортогонд хүч чадал оршдог
Мөнгө сайн эзний боол, муу нэгний эзэн болдог
Мөнх амьдрахгүй мөртөл шуналд сохрогсод
Мөн ч золгүйеэ, Тэмээ зүүний сүвэгчээр багтах нь илүү амар

Энэ ертөнц сонин юм
Үнэн мөн үлгэрт тооцогдсон байх юм
Үлгэр нь үнэн юм шиг хувирсан байх юм
Ээ энэ гариг юутай гашуудам бэ

Дээрээс Нигүүлсэл бүгдийг дуудсан боловч ирээгүй
Дуудагдсан нь олон ч сонгогдогсод нь цөөхөн ажээ
Үхэгсэд үхэгсэдээ оршуулах ажээ
Үнэт амиа үрэгдэх эдээр золих ажээ

Энэ ертөнцийг бүгдийг нь авсан ч амиа алдах чи золгүйеэ
Энийг ч тэрийг ч бүгдийг хүсэх шунах чи
Өнөөдөр амь чинь алдагдахыг мэдэхгүй
Өөгүй мэт гаднаасаа харагдавч, өмхөрсөн булш мэт болжээ санаа чинь

М.Б

Маик Бэсүд \2022.5\

Харанхуйн хааны ертөнц \1-р хэсэг\

Тэнгэрийн диваажин , Харанхуй тамын зааг дээр
Тэр нэгэн гариг оршихыг Дэлхий гэж нэрлэжээ
Ховор заяанд бүтээгдсэн энэ ертөнц
Хувьтай бас хувьгүй энэ Дэлхий хөөрхийеэ

Ухаан орсон цагаасаа утга учрыг эрсэнсэн
Уудам, хязгааргүй цаг хугацаанд ингээд үхлээр мартагдана гэжүү
Муйхар харанхуй сургаальд итгэж
Мухардаж энэ ертөнцөд ганцаардсансан

Энэ бие, энэ ухамсар оюун сүнсээр БИ гэдгийг мэдрээд
Гэнэт хаана сэрснийхээ учрыг олохгүй мэгдэж, төөрч
Ээ хөөрхий юу хийснээ мэдэж амжаагүйгээр
Гэм нүгэлт Ертөнцийн хүлээсэн орсноо ухаарав

Сайн хүмүүст яагаад муу тохиолдоно вэ гэж асуув
Сайн байсан бол үнэхээр энэ төрөлд төрөх байсан гэжүү
Сайн мууг ялгах чадвар заяагдсан бас сонгогдсон
Саарыг мэдэхгүй бол сайныг яаж ухаарах юм бэ?

Гэрэлт энэ ертөнцийг
Гэгээн диваажин гэж эндүүрч яагаад бодвоо би
Гэм нүгэлд живсэн хүмүүсийг
Гэрэлт Тэнгэрийн элч мэт яагаад санаваа

Ялаа батгана яагаад бузар мууд шавдаг вэ
Янадаа энэ Дэлхийн хүмүүс гоё сайхан мэтэсд хууртана
Өнгө мөнгө ертөнцийг аварна гэж бодсоор хүмүүс
Өгөөш мэт зуурдын ертөнцөд яахин мэхлэгдэж, хүлэгдэнэ вэ

Хүн төрхтэй ч адгуусны төрөлтнүүдийг
Хэрхэн танидаг юм бэ?
Үхлийн харанхуй хөндийгөөр мөлхөж байхад
Үүрээд гаргах нэгэн байх юм

Үхэн хатан хайрлаж байсан нэгэн нь
Атаатан дайсан нь байсныг харах өдөр ирдэг
Үзэн ядаж, гомдож цөхөрч, хорсовч
Үйлийн үртэй дайснаа хайрлаж, ерөөх өдөр ирдэг

Салахын аргагүй бурам мэт энэ хорвоогийн хүлээсүүд
Санаатай биднээр тоглоно
Харагдахгүй гэвч байхгүй биш харанхуйн тэр оршихуй
Хараахан устаагүй тэд.. нүдээ аньсан ч чи алга болохгүй шиг

Нэг хацрыг чинь алгадвал нөгөө хацраа яагаад тавьж өгөх гэж?
Цамцыг чинь авахыг хүсвэл дээлээ бас тайлж өг?
Надад харин энэ ертөнц мууг бүүр муугаар, цусыг цусаар гэж
Цар хорвоогийн мэргэдээр заасан нь хуурамч гэжүү?

1988 оноос хойш бичсэн шүлгүүдээ оруулж байхаар шийдлээ.
Chronicles of Mike's Poems

1988
1990
1991
1992
1994
1995
1996
1998
1999
2000
2005
2008
2013
2018
2020
2022