Tugsuu s bible study

"Харах ёстойгоо харж, сонсох ёстойгоо сонсож, хүлээн авах ёстойгоо хүлээн авахгүй бол таны амьдралд харах, сонсох, хүлээн авах ёсгүй нь ирэх болно "

1-р Хаад 12:14 Тэрээр залуусын зөвлөсний дагуу тэдэнд
—Миний эцэг буулгыг чинь хүнд болгосон бол би илүү хүнд болгох болно. Эцэг минь та нарыг ташуураар сахилгажуулж байсан бол би та нарыг хилэнцэт хорхойгоор сахилгажуулах болно гэж хэлэв.

“ Эзэн Бурханыхаа ерөөлийн энэ амьдралдаа авах шийдвэрийг гаргаж, үйлдлийг хий ”
Дэд хууль 11 бүлэг:
Бидний Эзэн Өөрийн ард түмнийг Египетийн боолчлолоос гарган Өөрийн өгөх тэдний өвгүүдэд амалсан газар руу оруулахаар тэднийг амлалтын газар руу хөтөлсөн. Харин зүрхний хатуу, Бурханыг хайрладаггүй, дуулгавар болон итгэ багатай, итгэдэггүйгээсээ болж эхний үе буюу бүтэн нэг үе Мосетой хамт Бурханы амлалтын газрыг үзэлгүй, тэр ерөөлийг авалгүй цөлд үхсэн. Энэ бол тун харамсалтай түүх. Харин дэд хууль 11 бүлэгт Мосе эцэг өвөгд чинь ямар байсан тухай, тухайлбал зөрүүдэлж тэрсэлснээс болоод амлалт руу ороогүй тухай ахин тэдэнд товч өгүүлээд маш чухал хэд хэдэн ерөөл болон хараал болох үгсүүдийг хэлсэн. Үүнээс доор дурьдвал.
 Амлалтын газрыг эзлэн авахын тулд тэд юуны түрүүнд Эзэний өгсөн тушаал бүрийг нандигнан дагаж улмаар Иорданыг гатлах хэрэгтэй байсан. Эзэн надад ойлгуулсан зүйл нь Тушаалуудыг дагах нь Иорданыг гатлахад хэрэг болох ба цаашдын амьдралд нь ч тэдний хамгаалалт юм. Библи дээр улаан тэнгис болон Иорданыг гатлана гэдэг бол усаар ороод гарч байгаа буюу, ард үлдсэн амьдралаа усаар угаалган Эзэнээр цэвэрлэгдэж, (баптисмтай адилтгадаг )шинэчлэгдэж байсан гэсэн утга үргэлж дагадаг. Юуны түрүүнд тэд тушаалуудыг сахиж Иорданыг гатлах нь ийм учиртай гэж би ойлгодог. Оюун санааны хамаг л үлдэгдлээ хаяж, Эзэнээр дахин төрсөн хүн л амлалтыг хүртэх эрхтэй. Иймд л тэд Иорданыг Эзэний үгийн дагуу гатлах ёстой болсон.
 Тушаалуудыг дагаж мөрдөх нь тэднийг хүчирхэг болгох байсан. Тэд хүчирхэг буюу Бурханы мэдлэгт Бурханы итгэлд шинэчлэгдэн, өөрсдөдөө найдах бус харин итгэлээрээ Бурханд найдах энэ л алхмыг Эзэний үгэнд хүчирхэг болно гэж бичсэн гэж би боддог. Нээрээ ч Эзэний үг урам зориг ба хүчийг өгч, шийдвэр гаргахад, үертэй Иорданыг ч гатлана гэсэн итгэл болдог шүү. Үргэлжлүүлэн тэд хүчирхэг болоод газар нутгуудыг эзлэн авна, тэгээд тэндээ урт удаан амьдрах амлалтыг Бурхан өгсөн.
 Тэдний өнгөрсөнд Египетед байсан амьдрал болон ирэх ерөөлийн амьдрал хоёрыг Эзэн харьцуулэ хэлэхдээ
o Дэд хууль 11:10-12 “ Чиний эзэмшихээр очих гэж байгаа тэр газар нь та нарын нүүж ирсэн Египетийн газар нутагтай адилгүй. Египетэд та нар үр суулгаад, ногооны талбай мэт, хөлөөрөө усалдаг байсан. 11 Харин та нарын эзэмшихээр Иорданыг гатлах гэж байгаа тэр газар нь тэнгэрийн хур бороогоор ундаалдаг хөндий толгодын орон агаад 12 Бурхан ЭЗЭНий чинь асран хамгаалдаг орон юм. Бурхан ЭЗЭНий чинь мэлмий жилийн эхнээс эцэс хүртэл түүнийг үргэлж тольдон байдаг “

Тэ дээрх 11 бүлгэгт хэлэгдэж буй Эзэний үгийг сайтар уншаад өөрийнхөө амьдралтай итгэлээр холбоорой. Ямар гайхалтай амлалт вэ? Тэдний өмнөх амьдралыг болон очоод эзлэн аваад амьдрах ерөөл болсон гакао нутгийн талаар ямар гайхалтай үгсийг хэлээ вэ? Бидний Эзэнд очиход эсвэл Эзэн ахин ирэх үед бидний очих газар үүнээс ч гайхалтай газар байх болно гэж би итгэдэг. Гэхдээ энэ амлалтыг Бурхан газар дээр ч мөн өгсөн гэдэгт би итгэдэг. Бурхан Өөрийн хайртай хүүхдүүдээ яг л ийм амартайван, алив ерөөлөөр ерөөж, яг л энд дүрслэгдсэн энэ л амьдралыг хүн бүрт соёрхохоор бэлдсэн. Яагаад бид тэгвэл энд хэлэгдсэн энэ амьдралыг, энэ амлалтыг өөрийн амьдралд бүрэн дүүрнээр харахгүй, амсахгүй байна аа? Дөнгөж амсах төдийл л ирээд байна аа? Гэж бидний зарим нь магадгүй дийлэнхи нь ч боддог байж болох юм. Үүний учир шалтгааныг ч Эзэн мөн бидэнд хэлсэнд нь Эзэнд талархаж байна. Учирыг доор өгүүлэвээс
 Эзэн Бурханыхаа тушаалыг сайтар сонсож дагах тухай болон Бурхан Эзэнээ бүх зүрх, бүх сэтгэл, бүх хүч чадал, бүх нөөц бололцоогоороо хайрлах тухайд олон газар Эзэн хэлсэн. Хэрвээ ийм байвал л та нар энэ ерөөлийг амсаж, авч, энэ ерөөл дотор амьдрах болно оо л гэж Эзэн хэлсэн. Бурхан ийм л замыг тавьсан. Энэ нь ч шудрага юм. Хэрвээ дагаж мөрдвөөс хур бороо үр тариа цагтаа ирж бид төдийгүй бидний хамжлага, мал сүрэг ч ерөөгдөх талаар хэлсэн. Асуудлыг гол нь хүндээ л байдаг. Үеийн үед л тийм байсаар ирсэн нөр их үйл бидний өмнө байдаг. Харин бид Эзэний үгийг сайтар сонсдоггүйгээсээ болж, Түүний тушаал зааврыг дагадаггүйгээсээ, Түүнийг бүх зүрх, сэтгэл, оюунаараа хайрлах энэ агуу тушаалыг хэрэгжүүлдэггүй, заримдаа бүр хэрэгжүүлэх байтугай, боддог ч үгүй байгаа юм биш биз! Ийм амьдралд Эзэний ерөөл яг л цоорой сав шиг орсон ч мэдрэгдэхгүй урсаж хаягдсаар байх болно. Хайран биш гэж үү? Эзэний үйлийг Түүний бидэнд хандсан хайрыг бид ч үнэлж хүндлэх хэрэгтэй. Хийх ажилгүйдээ Эзэн үүнийг хийдэг бус амлалтынхаа дагуу, үүнээс урьтаж бидэнд хайртай учраас үүнийг буюу бидэнд хандсан энэ нөр их ажил үйлсийг хийдэг.
 Та нарын зүрх мэхлэгдэн, эргэж өөр бурхдад зарагдах вий! Гэж анхааруулсан нь ч учиртай. Би өөрсдийнхөөрөө буюу хуучин хүний дагуу, махан биеийн үйлсийг дагуу байсаар байвал өнцөг булан бүрт бидний отож байдаг муу нэгний хууралт, урхи занганд ороход үргэлж бэлэн байдаг. Ийм ч учраас Эзэний үг Дэд хууль 11:18-19 “Тиймээс та нар миний энэ үгсийг зүрх, сэтгэлдээ тогтоож, түүнийг тэмдэг болгон бугуйндаа уяж, хоёр нүднийхээ хоорондох сахиус мэт байлга. 19 Та нар түүнийг хөвгүүддээ зааж, гэртээ сууж байхдаа ч, замд явж байхдаа ч, хэвтэхдээ ч, босохдоо ч түүний тухай ярьж бай” Ийнхүү хэлсэн бус уу? Бидний зам дахь гэрэл, хөл дэх дэнлүү л болсон Үг ээр бид замчлуулахгүй л бол бид гарцаагүй аян явцад төөрөх бүдрэх, нүхэнд унах аюул ирэх л болно. Эзэн биднээс үүнийг тэр бүр хүсдэггүй ээ. Унах нь муу буруу гэж би хэлж байгаа зүйл огт биш шүү.
 Эзэн биднээс нэг зүйлсийг шууд шаарддаг нь тодорхой Дэд хууль 11:22 “Хэрэв миний та нарт тушааж буй энэ бүх тушаалыг та нар сахин үйлдэж, ЭЗЭН Бурханаа хайрлаж, Түүний бүх замаар явж, Түүнээс зуурсаар байвал” Эзэн биднээс бүх замаар яваасай гэж хүсдэг. Хагас дутуу биш, үлгэн салган ч биш, харин бидний амьдрал тэр чигтээ, орохдоо ч, гарахдаа ч, гадаа ч, дотор ч, хээр хөдөө ч, хотод ч хэвтэдээ ч босохдоо ч, гэх мэт бүх талбарт Эзэний замаар байгаасай гэж хүсдэг. Ийм л итгэмжтэй хүнд Эзэн амалсанаа биелүүлэх нь гарцаагүй бус уу! Бид хүчгүй болж заримдаа зогсонги мэт болох үеийг Эзэн мэддэг учраас, ийм үедээ ч мөн надаас “ Зуурсаар” байгаарай гэж хэлсэн Эзэндээ талархая. Ингэж амьдрагчын эсрэг хэн ч босож чадахгүй, алхсан бүрээ, хөл тавьсан газар болгон бидний болно гэж хэлжээ. Энэ амлалт өнөөдөр ч хүчинтэй шүү. Энэ амлалтыг анхны чуулгантай, Паул болон элч нарын үйлчлэлтэй жишиж харвал яг л энэ амлалт биелэж буй мэт харагддаг. Тэд явсан газар бүрээ Сайнмэдээгээр эзлэн авч, тэднийг хэн дийлсэн бэ, бас хэн зогсоосон бэ? Алхсан газар бүртээ Эзэний үнэнийг тарьж чадсан. Гайхалтай биш гэж үү? Бид ч Эзэн Бурханаа хайрлаж Түүний замуудыг мэдэн улмаар Түүний бүх замаар явах нь энэ хүчийг бидэнд авчирч, ерөөлийг буулгадаг гэж ойлгууслан Эзэндээ талархая.
“Энэ л дуулгавартай байдлын болон Бурхандаа итгэн найдахын хүч, бас ерөөлийн хөшүүргэ. Бид энэ амьдрал дээрээ ч алив Бурханы төгс ерөөлүүдээр амьдрахаар дуудагдсан шүү” гэдгийг сануулаад өндөрлөе.

“ Бурханыг магтан, Түүнд талархах шалтгаан ”
Библийн олон хэсэгт,( барагл бүхэлдээ гэж хэлж болох байх) Эзэнийг магтах талаар, хэрхэн магтсан, мөн яагаад магтах талаар бичигдсэн байдаг. Тэр дундаа дуулал ном юм. Дууллын 117 бүлэг библийн хамгийн богино бүлэг ном. Хамгийн богино боловч маш гүн гүнзгий утга, Бурханы ерөөлийг бидэнд илчилсэн бүлэг гэж би боддог. “ Бүх үндэстэн Эзэнийг магтантуг, Бүх ард түмэн Түүнийг өргөмжлөгтүн, учир нь бидэнд хандсан Түүний энэрэл хайр нь агуу, Эзэний үнэн үүрд мөнхөд, Эзэнийг магтагтун ” Дуулал 117.
Яагаад бид Эзэнийг магтаж Түүнд талархах учиртайг хоёр чухал санаагаар тодотгож хэлсэн.
1-р “ Бидэнд хадсан Түүний энэрэл хайр нь агуу “ Эзэний бидэнд хандсан энэрэл хайр нь агуу гэж хэлсэн? Тиймээ бид мэднэ! Гэхдээ бид үүний Эзэнийг магтах шалтгаан гэж тэр бүл боддог бил үү? Бодсоор л байдаг билүү? Миний хувьд Эзэний надад хандсан энэрэл хайр нь ямар учраас агуу юм бэ гэж маш их бодсон. Энд агуу гэж хэлэгдэж байгаа бол хүний үнэлэмжээр агуу гэж хэлээгүй, харин Бурханы хувьд агуу гэж үзсэн үг гэж би хардаг. Бурханы бидэнд хандсан энэрэл бас хайр нь агуу?
Миний хувьд их тунгаан бодсоны үр дүнд би Эзэнийг миний амьдралд алив ерөөлүүдээ буулгаагүй байсан ч миний амьдрал Эзэний хүчээр дэвжин дээшлээгүй байсан ч Эзэнийг бид магтах шалтгаанийг л энд хэлж дээ гэж ухаарсан. Яагаад? Баяртай үедээ, ерөөгдсөн үедээ хэн ч Эзэний өмнө Халлелүяа, Талархая гэж хэлж чадна. Харин хүнд хэцүү үедээ, цөлөөр туулах үедээ, үхлийн харанхуй мэт цаг хугацааг туулах үедээ Эзэнд алдар нь байг, Талархая гэж хэлэх шалтгааны л тус бүлэгт хэлж дээ гэж ойлгосон.
Би хэдий залуу хүн ч амьдралд тулгарч болох гашуун, хэцүү цагуудтай багаасаа л тулгарч амьдарч эхэлсэн. Христэд итгэсэн цагаасаа хойш Гэнэтийн осолоор аавыгаа алдсан, яг тэр үетэй зэрэгцээд хөөрхөн хүүтэй болсон. Тэр цагаас хойш 2 жилийн дараа хүнд мэдээг сонссон нь миний хүү “ Аутисмтай “ гэж (аутисмын талаар дэлгэрэнгүй бичихгүй ээ, хэрвээ та мэдэхгүй бол өөрөө олж мэдээрэй гэж танд үлдээе)оншлогдов. Аавыгаа алдсан (хүн болгонд тохиодог зүйл ч миний хувьд дэндүү хүнд байсан учраас л тодотгож бичлээ) уй гашуу, сэтгэлийн хоосрол арилаагүй байхад, бараг шахуу аавыгаа алдсан гэх мэдээнээс илүү хүнд мэдээ миний амьдралд ирсэн. Тэр мэдээг сонсоод сэтгэл дотроо тэвчсээр гэртээ ирээд хэдэн цаг ч юм бүү мэд асгартал уйлж, бүх юм аал алдчихсан мэт мэдрэмж авч, дэмий л Бурханы өмнө гомдолж суусан. Би яг үнэндээ уйлж ухаан балартсан тэр үедээ Бурханд талархаж чадаагүй ээ. Харин үүний дараа жаахан тайвшрах үедээ л Бурханы өмнөөс үгээрээ тэмцсэнээ ухаарч гэмшсэн. Ийм үе хүнд ирсэн ч Бурханд талархаж Түүнийг магтах шалтгааныг л Дууллын 117 бүлэгт бичиж дээ гэж ойлгосон. Гэхдээ энэ ойлголт маань тэр үед ирээгүй юм шүү.
Үүнээс хэцүү нөхцөл байдал дунд Бурханд талархаж чадсан Иовоор би үнэхээр бахархаж, яаж хүнээс ийм үг ийм үйлдэл гардаг байна аа гэж бараг л зог тусаж билээ. Иовын амссан зовлонг төсөөлөхөд л өр өмөрдөг. Гэхдээ ийм үед ч Иов өгсөн нь Эзэн авсан нь ч Эзэн тул Эзэний нэр алдаршиг гэж хэлж чадсан. Үнэхээр гайхалтай итгэл. Тэр Бурханыг үнэнхүү мэддэг байжээ л гэж би дүгнэдэг.
Энэ болгоныг дүгнээд , тунгааж бодож суух зуур нээрээ л Эзэний бидэнд ханлсан хайр ямар агуу юм бэ гэдгийг Бурхан надад ойлгуулсан. Тэр бидний төлөө, хийсэн, хийж байгаа, хийх бүхнийг бодох үед, ялангуяа хийсэн буюу загалмай дээрх хайрыг (Үүний хажуугаар бидэнд бэлдсэн гэр бүл найз нөхөд, итгэлийн гэр бүл, эх орон, дэлхий олон зүйлсийг өөртөө хамаатуулж тунгаан бодсон) бодохдоо үнэхээр л Эзэний бидэнд хандсан хайр нь агуу юм даа гэж л өөрийн эрхгүй хүлээж авсан.
Паул ч Коринтод бичсэн захидалдаа “ Бид зөвхөн энэ амьдралынхаа төлөө л Христэд найдсан бол бид бүх хүмүүсээс хамгийн өрөвдөлтэй нь” гэж хэлсэн байдаг. Гэтэл бидний итгэлийн амьдрал заримдаа энэ амьдралдаа л элбэг хангалуун, амартайван, ерөөлтэй, баяр хөөртэй амьдрах амьдралаар л хязгаарлаж ойлгох гээд байдаг мэт. Паул ч мөн Иов шиг Бурханы энэрэл хайрын агууг ойлгосон нэгэн байжээ. Паулын туулсан зовлон зүдүү мөн ч их дээ. Ийм нөхцөд байлал дунд Эзэний хайр энэрэл нь агуу гэдгийг мэдсэн хүн л ингэж хэлж чадна гэж би боддог.
2-р “ Эзэний үнэн үүрд мөнх “ Эзэнийг магтах дараагын шалтгаан бол Эзэний бидэнд хандсан, хайр, энэрэл, Түүний “Үнэн” нь үүрд мөнх юм. Эзэний үүрд мөнхийн амлалтыг бодохдоо би өнөөгийн амьдралдаа сэтгэл хангалуун байж чаддаг. Хүний нүдээр харвал хэн ч намайг харсан сэтгэл хангалуун, эсвэл боломжийн амьдралтай гэж хэлэхгүй ээ. Гэхдээ л би энэ амьдралдаа талархдаг. Цэргийн алба хаах үед Бурхан надад нэгэн чухал ойлголтыг миний амьдралд өгсөнийг би хожим нь ухаарсан. Хүнд хэцүү үедээ би юу гэж бодож өөрийгөө зоригжуулдаг байсаныг одоо тантай хуваалцья. “ Дандаа ийм байхгүй шүү дээ, би удахгүй гэртээ харина, цуглаандаа явна” гэх мэтээр өөрийгөө урамшуулж зоригжуулдаг байлаа. Тэсээд л гарна даваад л гарна учир нь дандаа ийм байхгүй. Нээрээ ч тийм л байсан. Хэцүү мэт байсан хугацаа өнгөрч хугацаатай алба дууссан. Яг энэ ойлголтыг Бурхан одоо миний амьдралд үргэлж урамшуулдаг. Чиний амьдрал үргэлж ийм байхгүй(би дандаа ийм нөхцөл байдалд байдаг гэсэн үг биш шүү, ийм хүнд үеүүдэд л ямар байдаг тухайгаа бичиж байгаа нь энэ) шүү дээ. Үүний дунд Бурханы бидэнд төлөвлөсөн бүхэн үзэгдээд өнгөрөх зүйл биш харин эхлэл гэж үгүй төгсгөл ч гэж үгүй өнө мөнх, мөнхийн мөнх руу орох учраас Эзэний надад айлдсан бүхэн, Түүний үг дээр бичигдсэн амлалт бүхэн үүрд мөнх гэдгийг бодохдоо би зовлон амсах үед Эзэнд талархах талархал багасаж, Халлелүяа гэдэг үг цөөрдөг биш харин бүхийл цагт магтаал талархалын авах зохистой нь Эзэн, үүнийг хүртэх “ Агуу энэрэл хайр болон үүрд мөнхийн үнэнийг” өгсөн Эзэндээ би ямар ч үед талархах учиртайг ийнхүү дуулаач маань дуулж дээ гэдгийг ойлгосон ойлголтоо та бүхэндээ хуваалцаж байна аа.
Урам зориг болох болтугай.... Бидэнд өгсөн нүдэнд харагдах ивээл бүрээр Эзэнд талархаж Түүнийг магтдаг нэгэн бус Бидэнд өгсөн энэ хувь тавилан, өнө мөнхийн хайр энэрэл, үнэнийг харж Эзэндээ талархаж Түүнийг магтаж яваарай.

"Хуучин амьдралаас нэг ч зүйл бүү үлдээ"
Бурхан Өөрийн ард түмнийг боочлолын гэрээс гарах тэр үед тушаал өгсөн. Өгөгдсөн тушаалуудад нэг утга бүхий хэллэг маш их давтагдсан. Эзлэн авсан газар нутгийн бүх зүйлсийг утга, тэр нь хүн ч бай мал адгуус ч бай, шүтээнүүд ч бай. Голлон шүтээн болон хүмүүсийг утсга гэж хэлсэн.
Яагаад? Бурхан нэг ч хүн үлдээхгүй бүгдийг утсгах тухай хэлсэн юм бол оо? энэ нь өнөөгийн бидэнд ямар хамаатай вэ?

Устгах шаардлагатай гол учир нь:

Нэгч хүн нэг гэхгүй тэдэнд урхи занга болж, тэдний бүррэх чулуу болно гэдгийг Бурхан мэдэж байсантай холбоотой. Тэдний шүтээнүүд ч яваандаа хүнийг төөрөгдүүлэх хүч нь болох байсан. Түүхээс харвал тийм ч зүйл болсон.

Шинэ гэрээний итгэгч бидэнд Иаков 1:21-д өнгөрсөн амьдралын хамаг л үлдэгдлийг хаях ёстой талаар хэлсэн. Мэдээж өөр адил утга бүхий хэлэгдсэн үгс олон бий.

Бид ч мөн Христэд итгэхээс өмнөх амьдрал нь яг л боолчлолын гэрээс гарсан Израиль гэж би боддог. Бид ч мөн өнгөрсөн амьдралынхаа бидэнд чөдөр тушаа, мэдэгдэхгүй аажмаар нөлөөлөх үйлдлийн, бодлын, ярианы түвшинд хамаг л хорон муу гэсэн болгоно оо Христтэй хамт үхүүлэх ёстой Ром ном талаар хэлдэг.

Миний л бодрол, би ч өөрөө үүнийг амссан хүний хувьд бидэнд үлдсэн амьдралдаа орхиж чадаагүй, (би өөрийнхөө амьдралд амссан учраас үүний бичиж байна) гэм нүгэл, үл уучлал, бүр мартагдсан зүйлс, илчилж чадаагүй зүйлс байсан. Энэ нь эргээд миний итгэлийн амьдралын үл мэдэхээр маш багаар, эсвэл зүгээр шдээ, энэ бол буруу зүйл биш гэсэн худал итгэл үнэмшилээр намайг эргээд л унагаж, урам зориггүй, залхуу, итгэл найдваргүй мэт, дорой сэтгэлгээ, дорой итгэл, хүчгүй байдалд хүргэж байдаг юм байна гэдгийг Бурхан миний амьдралд илчилсэн.

Нэгч хүнийг бүү үлдээ гэсэнтэй адил, өнөөдөр Эзэнд итгэгч та бид нэг ч далдлагдсан зүйлсийг үлдээж болохгүй. Дутуу дулимаг зүйл Эзэн ажлаа хийх болов уу? Нөгөөтэйгүүр хүсэл бас мөн. Хичнээн дуртай хүсдэг зүйлсээсээ татгалзах нь түүнийгээ орхих нь Түүнийгээ бүр үгүйсгэж яг л Паул шиг Христийн төлөө хохирол болгох нь бидний цаашдийн итгэлийн амьдралд нэн тустай гэдгийг Бурхан ойлгуулж байна. Та хүслээ орхихгүй л бол Түүнээс сайныг Эзэн танд хэрхэн өгөх вэ? Түүнээс илүү агууг та хэрхэн харах вэ? Үүнийг би таныг сайн тунгаагаад үзээсэй гэж хүсэж байна. Та үүний талаар мэддэг байж болох юм. Гэхдээ та яг мэддэг үү? мэдсэн үү?
Эзэн бидний цэвэр биед сүнслэг ерөөлүүдээ буулгах, өгөх хүсэлтэй. Шинэ дарсыг шинэ тулманд хийхтэй л адил.
Паул Тимотод хандан бичсэн захидалдаа 2-р Тимот 3:1-9. чухал үгсийг хэлсэн. 7 эшлэлд хэлсэнээр, тэд үргэлж суралцавч үнэний мэдлэгт хэзээ ч хүрч чаддаггүй гэж хэлсэн.
Та үргэлж суралцсаар байв ч үнэний мэдлэгт хэзээ ч хүрч чадахгүй байх вий! Эзэн хэлэхдээ Үнэнийг та нар ойлгох үед үнэн та нарыг чөлөөлнө гэж хэлсэн.
Энэ үнэнийг бид ойлгохгүй мэдэхгүй байх шалтгааныг Паул 1-Коринтод бичсэн захидалдаа "мах бодынхоо дагуу байсаар л байгаа учраас" ... тийм учраас л үнэнээр чөлөөлөгдөж чадахгүй байгаа юм гэж хэлээгүй ч энэ нь үнэнийг ойлгох чөлөөлөгдөхтэй шууд холбоотой гэж би итгэдэг.
Дүгнэвээс:
Эзэн биднийг арга ядсан амьдралд дуудаагүй, (махан биеийн хүсэл, эсвэл Эзэний өмнө жинхэнэ чөлөөлөтийг аваагүй, эсвэл хүсэж нуун дарсан аливаа зүйлс нь биднийг дорой амьдрал руу уруудах хүч, хөшүүрэг нь болдог )харин ялалт бас эрх чөлөө, амар тайваны амьдралд , үнэнийг мэдэж, үнэнээр чөлөөлөгдөх амьдралд дуудсан. Харин та бид үнэнээр чөлөөлөгдсөн, эсвэл чөлөөлөгдөх шаардлагатай байгаа ч бай аль алинд нь хамаатайгаар шийдвэр гаргаж " нэг ч зүйл бүү үлдээ" гэсэн (үнэн гэмшил, эргэлт , шийдвэр гаргах хэрэгтэй)тушаалыг амьдралдаа хэрэгжүүлж Эзэний өмнө суугаасай гэж уриалж байна. Ингэж гэмээн бидний итгэл сүсэг Эзэний өмнө ажиллах болно.

Үүнийг уншсан танд баярлалаа. Эзэний үгийн дагуу хуучнаас нэгийг ч бүү үлдээгээрэй.

Үйлс 4:12
Өөр хэний ч дотор аврал үгүй. Учир ньбид аврагдаж болох өөр нэр тэнгэрийн доор хүмүүнд эс өгөгдөв.

Чуулганы үүрэг: Энэ нэрийг мэдсэн хүлээж авсан бид, мэдэхгүй, хүлээж аваагүй хүмүүст мэдүүлж, хүчийг нь тунхаглах нь (Туйлын зорилго, Матай 28:18-20) л юм болов уу? гэж боддог?

Бурхан ертөнцийг үнэхээр хайрласан даа цорын ганц Хүүгээ өгсөн тул Хүү итгэдэг бүхэн мөхөхгүй, харин мөнх амьтай байх болно. Иохан 3:16

Бурхан биднийг хайрлаж Өөрийн Хүүг бидэнд илгээн, Хүүд итгэсэн болгонд мөнхийн амьдралыг өгөх нь л , энэ мэдээг тунхаглаж, хүмүүсийг мөнх амийн Эзэн болон Бурханы хүүд итгэхэд замруу хүргэх, тэгээд тэр замаар алхуулж, мөнх амийг өвлүүлэхийн нь Христийн, христитгэлийн зорилго...