16/09/2026
📣Жил бүр уламжлал болгон зохион байгуулагддаг “СУРГУУЛЬ ХООРОНДЫН ЯПОН ХЭЛНИЙ УРАН ИЛТГЭЛИЙН 32 ДАХЬ УДААГИЙН ТЭМЦЭЭН”✨
Япон хэл сурч буй оюутан, сурагч та бүхнийг өргөнөөр оролцохыг урьж байна.📚🤗
Япон Улсын Элчин Сайдын Яам, Монголын Япон Хэлний Багш нарын Холбоо, Монгол-Японы хүний нөөцийн хөгжлийн төв, ШУТИС-ийн Гадаад хэлний сургууль, Ази судлалын салбар, Япон сангаас хамтран “Сургууль хоорондын япон хэлний уран илтгэлийн 32 дахь удаагийн тэмцээн”-ийг А.“Их дээд сургуулийн оюутан” болон Б.“10-12 дугаар ангийн сурагч” гэсэн 2 ангиллaaр зохион байгуулна.
💌Сэдэв
Их дээд сургуулийн оюутан “私が作りたい未来での『当たり前』”
10-12 дугаар ангийн сурагч “新しい『スキル』がもらえるなら”
Энэхүү уралдаан нь сургуулиудын хооронд явагдах ба 1 дүгээр шатанд зохион бичлэгийн шалгаруулалтыг явуулж дараагийн шатанд өрсөлдөх сурагч, оюутныг шалгаруулна. 2 дугаар шатанд ярилцлагын шалгаруулалтаар ангилал тус бүрд 10 оролцогчийг шалгаруулах ба эдгээр оролцогчид сүүлийн шат буюу илтгэлийн тэмцээнд оролцох эрхтэй болно.
🎁Ангилал тус бүрд 1-3 дугаар байр, тусгай байрыг шалгаруулна. Нийт оролцогчдоос тодорхой нөхцөлүүдийг хангасан хүнд Японы Засгийн газрын JENESYS хөтөлбөрөөр Япон улсад аялах эрх, мөн Нихонго партнерс илгээх хөтөлбөрийн хүрээнд хэрэгжиж буй Япон улсад сургалтад хамрагдах эрх олгогдоно.
📣ОРОЛЦОГЧДОД ТАВИГДАХ БОЛЗОЛ
Анхаарах: Оролцогчдод тавигдах болзолд өөрчлөлт орсон тул сайтар нягтална уу.
Тавигдах нөхцөл: 2026 оны 11 дүгээр сарын 14-ний өдрийн байдлаар тооцогдоно.
① Монгол улсын иргэн байх
② Монголын их дээд сургууль, ахлах сургууль, коосэн технологийн коллежийн оюутан, сурагч байх
🔴А ангилал: Их дээд сургуулийн оюутан, Коосэн технологийн коллежийн 4,5-р ангийн оюутан
🔴Б ангилал: 10,11,12-р ангийн сурагч, Коосэн технологийн коллежийн 1,2,3-р ангийн сурагч байх
③ Харьяалагдаж буй их дээд, ахлах сургууль, коосэн технологийн коллежид япон хэл сурч байгаа болон сурч байсан. Мөн япон хэлний сургуульд япон хэл сурч байгаа бол япон хэлний сургуулиасаа оролцох боломжтой. Харин хэлний төвөөс оролцох тохиолдолд 2026.11.14 байдлаар тухайн төвдөө япон хэл сурч байгаа хүнд хамаарна.
④ Нэг удаад 30 хоногоос дээш хугацаагаар Япон улсад зорчоогүй байх
☘️Жич 1: Сургууль тус бүрээс бүртгүүлэх хүний тоо
🔹Их дээд сургуулийн ангилалд сургууль тус бүрээс хэдэн ч хүн оролцох боломжтой бөгөөд эцсийн шатанд сургууль тус бүрээс 2 хүртэлх оролцогчийг шалгаруулна. Бүртгэлээс хамаарч их дээд сургуулийн салбар тус бүрээс, коосэн технологийн коллеж бол тэнхим тус бүрээс 1-2 хүнийг сонгоно.
🔹Ахлах сургуулийн ангилалд сургууль тус бүрээс 3 хүртэлх сурагч бүртгүүлэх боломжтой бөгөөд сүүлийн шалгаруулалтад сургуулиа төлөөлөн 1 сурагч оролцоно.
☘️Жич 2: JENESYS болон Нихонго партнерс илгээх хөтөлбөрийн хүрээнд хэрэгжиж буй Япон улсад сургалтад хамрагдах эрхийн шалгуур нөхцөл нь уран илтгэлийн тэмцээнд оролцох нөхцөлөөс ялгаатай тул анхаарна уу. Тус уралдааны шагналт байранд шалгарсан хэдий ч дээрх эрх олгогдохгүй байх магадлалтай тул доорх нөхцөлийг нягтална уу.
🔴JENESYS-Япон улсад зорчиж, оршин сууж байгаагүй 30 хүртэлх насны хүн
🔴Нихонго партнерс илгээх хөтөлбөрийн хүрээнд хэрэгжиж буй Япон улсад сургалтад хамрагдах эрх-Их дээд сургуулийн 1-3-р курс эсвэл коосэн технологийн коллеж бол 4-р курсийн япон хэлний оюутан байх бөгөөд 1 удаад Япон улсад 3-н сараас дээш хугацаагаар япон хэлний сургалт, дадлагад хамрагдаж байгаагүй байх.
📚Дараах холбоосоор орж дэлгэрэнгүй мэдээлэлтэй уншиж танилцан бүртгэлийн хуудас, уралдааны удирдамжийг татаж авна уу.
https://mongoliajapancenter309-my.sharepoint.com/:f:/g/personal/bumantsetseg_japan-center_edu_mn/IgACSOR5Y_5CTLz5VQLvU1JzAQaO3i_Ps4XD995xte_V200?e=WJneje
☘️ Бүртгэлийн хугацаа:
🗓️2026.10.19 - 2026.10.22-ны өдрүүдэд 15:00-18:00 цаг
🗓️10-р сарын 23-ны өдөр 09:30-12:00 хооронд оролцогчдын материалыг хүлээж авна.
/Зохион бичлэгийг өөрийн биеэр авч ирэх юмуу шуудангаар илгээж болно. Мэйлээр хүлээн авахгүйг анхаарна уу./ ※Зохион бичлэгийг шуудангаар илгээх бол 10-р сарын 22-н хүртэл, шууд авч ирэх бол 10 сарын 23-ны өдрийн 12:00 цаг хүртэл хүлээж авна.
‼️ Шууд эхний шатны шалгаруулалт явагдах тул хоцорсон зохион бичлэгийг хүлээн авахгүйг хатуу анхаарна уу‼️
📍Бүртгэх газар:
Монгол-Японы хүний нөөцийн хөгжлийн төв, 1 давхрын хүлээлгийн танхим
☎️Холбоо барих:
8064-0879 /Б.Буманцэцэг, Э.Болорсувд/
9983-7228 /Л.Сарангэрэл/
