The Agile Class

19/03/2023

Agile төслийн удирдлагын анхан шатны суурь мэдлэг олгох "Scrum Master" шинэхэн сургалт маань амжилттай явагдаж дууслаа. Богино хугацаанд өөрийн мэдлэг, чадвараа дээшлүүлэх үнэ цэнтэй мэдлэг, мэдээлэл олж авах боломжтой байгаа шүү.

Сургалтын талаар дэлгэрэнгүй мэдээллийг Empasoft Academy-аас авах боломжтой.

📣📣📣𝐀𝐠𝐢𝐥𝐞 𝐒𝐜𝐫𝐮𝐦 𝐌𝐚𝐬𝐭𝐞𝐫 цоо шинэ сургалтаа зарлалаа 🎊
📈Өөрчлөлтийг удирдаж, Үнэ цэнээ өсгө🤩
Сургалтаар Agile төслийн удирдлагын үндсэн суурь зарчмууд, болон түүний гол төлөөлөл болох Scrum аргачлалын талаар дэлгэрэнгүй ойлголттой болох ба Scrum аргачлалыг хэрэгжүүлснээр төслийн баг чанартай бүтээгдэхүүн, үйлчилгээ боловсруулан хөгжүүлж, хэрэглэгчиддээ хүргэх шинэлэг бөгөөд хурдтай, сэтгэл ханамжтай ажиллах арга туршлагыг олж авах юм. Төслийн эрдслийн түвшингээ боломжит хэмжээнд бууруулан, хэрэглэгчдэдээ үнэ цэнийг хурдтай хүргэж, сэтгэл ханамжтай, өндөр бүтээмжтэй баг, харилцагч бий болгохын тулд дэлхий нийтээр түгээмэл ашигладаг шилдэг арга туршлагаас суралцаарай.
🌐Дэлгэрэнгүй мэдээллийг:
📞 +976-75779393, +976-95116730 дугаараас аваарай.

06/10/2022

Мэдлэг, мэдээллээ шинэчлээд, цаашид хөгжүүлэх ур чадвараа олж мэдсэн өгөөжтэй сайхан хурал болж байна аа.

18/09/2022

Ажайл төслийн удирдлагын тулгуур ойлголт

Ажайл аргаар төсөл удирдахын тулд суурь ойлголт, тэдний сэтгэлгээний онцлогийг мэдэрч, Ажайл сэтгэлгээг суулгах хэрэгтэй болдог.

Ажайл сэтгэлгээг үр дүнтэй нутагшуулахын тулд дараах үндсэн 6 шинж чанарыг байнга баримталж байх хэрэгтэй. Үүнд:
1. Бид үнэ цэнийн тасралтгүй хүргэх урсгалд гол анхаарлаа хандуулснаар хөрөнгө оруулалтын өгөөжийг тасралтгүй нэмэгдүүлнэ.
2. Бид үйлчлүүлэгчидтэйгээ байнга харилцаж, хамтран өмчлөх замаар найдвартай үр дүн бүхий бүтээгдэхүүнийг хүргэдэг.
3. Бид тодорхой бус байдлыг хүлээн авч, давталт, хүлээлт, дасан зохицох замаар зохицуулдаг.
4. Бид хувь хүн бол үнэ цэнийг бүтээх дээд эх сурвалж гэдгийг хүлээн зөвшөөрч, өөрчлөлт хийх тухтай орчинг бүрдүүлснээр бүтээлч байдал, инновацийг бий болгодог.
5. Бид үр дүн болон багийн бүтээмжийн төлөө хариуцлагыг хуваалцах замаар гүйцэтгэлийг сайжруулдаг.
6. Бид нөхцөл байдлын хувьд тодорхой стратеги, үйл явц, туршлагыг ашиглан үр ашигтай, найдвартай байдлыг сайжруулдаг.

Эдгээр суурь 6 зарчим нь Ажайл сэтгэлгээтэй танилцахад туслах нэн чухал ойлголт бөгөөд шинэ сэтгэлгээг нэвтрүүлэх, түүнийг хүлээн авч, Ажайл байх хандлага төлөвшүүлэхэд тань чиглүүлэх болно.

06/09/2022

Яагаад төслийн Ажайл төслийн аргачлалаас суралцах хэрэгтэй вэ?

Сүүлийн жилүүдэд төслийн удирдлагын Ажайл аргалчлалыг дэлхий даяар эрчимтэй нэвтрүүлж, үйл ажиллагаандаа нутагшуулж байна. Гэвч чухам Ажайл аргачлал гэж яг юу болох, яагаад заавал үүнийг нэвтрүүлэх шаардлага үүсээд байгаа талаар хуваалцаж байна.

Бизнесийн байгууллагууд асар хурдацтай өөрчлөгдөж буй хэрэглэгчийнхээ хэрэгцээ шаардлагыг технологийн шинэчлэлттэй нэгтгэн тогтвортой өсөлтийг хангаж, өөрчлөлтийг хүлээн авч, дасан зохицож байх нь одоогийн нийгмийн гол шаардлага болоод байна.
Төслийн менежментийн уламжлалт Waterfall аргачлал нь Аж үйлдвэрийн хувьсгалын үед үүсэн бий болсон бөгөөд илүү Төлөвлөлт төвтэйгээр төслийг удирддаг ба төслийн нэг үе шат бүрэн дуусч байж, дараагийн үе шат руу шилждэг. Төслийн төгсөлд ирэхэд хэрвээ хэрэглэгчийн шаардлага өөрчлөгдөх, цаг үетэй нийцүүлэн сайжруулалт хийх хэрэгцээ үүсвэл өөрчлөлт оруулахад хүндрэлтэй бөгөөд төслийн зардал, цаг хугацаа нь дагаж өсөн нэмэгдэх үндэслэл болдог.

Харин Ажайл нь төслийн удирдлагын арга нь "Iteration" гэж нэрлэгддэг төслийн богино мөчлөг ашигладаг ба тэдгээр нь тус бүрдээ хэрэглэгч, захиалагч, оролцогч талуудын санал хүсэлтүүдийг нэгтгэсэн эцсийн бүтээгдэхүүн бий болгоход чиглэсэн процессуудтай байдаг. Энэ нь орчин үеийн Мэдлэг, мэдээллийн эрин зуунд бүх зүйлийг урьдчилан төлөвлөх боломжгүй, тодорхойгүй байдлыг үр дүнтэйгээр удирдан, өөрчлөлтөд нээлттэй, уян хатан хандаж, хэрэглэгчиддээ сэтгэл ханамжтай үйлчилгээ үзүүлэхэд дэмжлэг болохуйц чухал арга хэрэгсэл болж байна.
Мөн Ажайл аргачлалын тусламжтай хамтын ажиллагаанд анхаарлаа төвлөрүүлснээр зах зээл дээр бүтээгдэхүүн үйлчилгээгээ гаргах хугацааг хурдасгах, хэрэгцээ шаардлага өөрчлөгдөхөд уян хатан байж, оролцогч талуудын оролцоо өндөртэй, санал шүүмжийн дагуу тасралтгүй сайжруулах боломжтой.
Уламжлалт аргаар шинэ бүтээгдэхүүнээ бүтэн 6 сар зарцуулж байж гаргахын оронд Ажайл аргын тусламжтай 2 долоо хоног дотор эхний мөчлөгөөр анхны хувилбарыг боловсруулж, дараагийн 6 сарын хугацаанд өөрчлөлтөд дасан зохицсон, илүү шинэчлэгдэж сайжирсан бүтээгдэхүүн бүтээх нь илүү үр дүнтэй, ашигтай арга замаар эцсийн зорилгодоо хүрч чадна.
Ийм учраас Ажайл аргачлалыг зөвхөн мэдээллийн технологи, програм хангамж төдийгүй банк санхүү, тээвэр ложистик, эрүүл мэнд зэрэг бүхий л салбаруудад эрчимтэй нэвтрүүлж эхлээд байна.

Танд таалагдсан бол Like дарж сэтгэгдэлээ үлдээгээрэй👍

26/08/2022

Тасралтгүй өөрчлөгдөж буй бизнесийн ертөнцөд хурдаа тааруулан хамтдаа урагшлах боломжийг Ажайл аргачлал танд олгоно.