Хүүхэд, залуучуудын хөгжил хамгаалал

02/09/2026

УСАНД ХҮРЭХ ЗАМ

Улаанбаатар хотын гэр хорооллын хүүхдүүдийн ундны усны хүртээмж: Уур амьсгалын өөрчлөлт ба шударга ёс

“Усанд явахад зам нь дэгэн догонтой болохоор ядаргаатай байдаг. Их хүнд санагддаг. Худгийн хажуу талд онгорхой хашаа байдаг. Нохой гарч ирээд дайрч байсан удаа ч бий” гэж Анужин ярив.

Анужингийн усанд хүрэх замд хугацаа, хүч хөдөлмөр, аюулгүй байдлын эрсдэл дагалдана.

2024 оны мэдээллээр Улаанбаатарын нийт өрхийн 44 хувь буюу 209 мянга орчим өрх гэр хороололд амьдарч байна. Усны хэрэглээний судалгаагаар гэр хорооллын хэрэглэгчдийн 74 хувь нь хоногт нэг хүнд 20 литрээс бага ус хэрэглэдэг.

Улаанбаатарын ундны ус Туул голын сав дагуух газрын доорх эх үүсвэрээс олборлогдон хэрэглэгчдэд хүрдэг. Монгол орны жилийн дундаж температур 1940–2022 онд 2.46°C-аар нэмэгдсэн бөгөөд уур амьсгалын өөрчлөлт усны нөөц, өсөн нэмэгдэх хэрэглээнд ирэх дарамтыг нэмэгдүүлж байна. Усанд хүрэх боломж хязгаарлагдмал өрх, хүүхдүүд энэ өөрчлөлтийн эрсдэлийг илүү хүчтэй мэдэрч болзошгүй.

Нэг хотод амьдардаг хүүхдүүдийн усанд хүрэх нөхцөл ижилгүй байна. Хаана амьдарч байгаагаас нь шалтгаалан зарим хүүхэд усны сав барин хол зам туулж, цаг хугацаа, хүч хөдөлмөр зарцуулж байна.

Хүүхэд бүр цэвэр, аюулгүй усанд тэгш хүрэх боломжтой байх нь уур амьсгалын шударга ёсны нэг хэмжүүр.

Усны эх үүсвэрээ хамгаалах, тэсвэртэй дэд бүтцийг хөгжүүлэх, хүүхдийн усанд хүрэх замыг ойр, аюулгүй болгох нь ирээдүйн хотын шийдэх асуудлын нэг болж байна.

Нэг хот. Нэг хэрэгцээ. Өөр өөр зам.

🎥 “Усанд хүрэх зам” мультимедиа сурвалжилгыг үзнэ үү.

For most children, getting water is as simple as turning on a tap. ...

14/08/2026

🔴 Хүүхдийн аюулгүй байдалд бид бүгд анхааралтай байя

👉 Хүүхдээ хэнд үлдээж байгаагаа сайтар нягталж, таньж мэддэг, итгэл даах хүнтэй үлдээцгээе.
👉 Хүүхдийн хаана, хэнтэй байгааг тогтмол мэддэг байя.
👉 Хүүхэдтэйгээ нээлттэй ярилцаж, өөрт тохиолдсон зүйлээ хэлэхэд нь сонсож, итгэдэг орчныг бүрдүүлцгээе.
👉 Сэжигтэй нөхцөл байдал, аюул тулгарсан үед хүүхдийг ганцааранг нь үлдээхгүй, холбогдох байгууллагад нэн даруй мэдээлцгээе.

Хүүхдийн аюулгүй байдал нь эцэг эх асран хамгаалагчаас гадна гэр бүлийн бусад гишүүд, хөрш, сургууль, нийт нийгмийн хамтын хариуцлага.

Хүүхэд бүр аюулгүй орчинд, аз жаргалтай өсөх эрхтэй. ❤️🥹

05/08/2026

Хүүхэд, залуучуудын аюулгүй орчин, чанартай боловсрол, тэгш боломж, хүртээмжтэй оролцоог хангах нь тогтвортой хөгжлийн хамгийн чухал хөрөнгө оруулалт юм.

Өнөөдрийн хүүхдүүдэд өөрийгөө хөгжүүлэх, шинэ мэдлэг бүтээх боломж хэрэгтэй. STEM (Шинжлэх ухаан, Технологи, Инженерчлэл, Математик)-ийн боловсрол нь хүүхэд, залуучуудад асуудлыг бүтээлчээр шийдвэрлэх, шинийг санаачлах, дэлхийтэй өрсөлдөх ур чадварыг төлөвшүүлдэг.

💜 Бидний зорилго:

🛡️ Хүүхэд бүрийн эрхийг хамгаалах
📚 Чанартай боловсролыг дэмжих
🔬 STEM боловсрол, инновацийг түгээн дэлгэрүүлэх
🤝 Хүүхэд, залуучуудын оролцоог нэмэгдүүлэх
🌱 Аюулгүй, хүртээмжтэй хөгжлийн орчныг бүрдүүлэх
🇲🇳 Өв соёлоо дээдэлж эв нэгдэлтэй байх

Хүүхэд бүр мөрөөдлөө биелүүлэх эрхтэй.
Залуучууд бүр боломжоо хөгжүүлэх эрхтэй.
Хамтдаа тэдний ирээдүйг бүтээцгээе.

#ХүүхэдЗалуучуудынХөгжилХамгаалал #ХүүхдийнЭрх #Боловсрол #ХүүхэдХамгаалал #Залуучууд #Ирээдүй #Монгол

05/08/2026

ХЭТ ХАЛУУН ӨДРҮҮД ҮРГЭЛЖЛЭХ УЧРААС НАРШИХГҮЙ БАЙХЫГ ЗӨВЛӨЖ БАЙНА

Ойрын өдрүүдэд нийт нутгаар агаарын температур нэмэгдэж, хэт халах төлөвтэй байгаа тул нарны цохилт болон шингэний дутагдлаас урьдчилан сэргийлж, дараах арга хэмжээг авч хэрэгжүүлэхийг зөвлөж байна.

1. ☀️НАРНААС ХАМГААЛАХ БОЛОН ХУВЦАСЛАЛТ
Нарны шууд тусгалаас зайлсхийх: Өдрийн хамгийн халуун цагуудад буюу 11:00 – 16:00 цагийн хооронд шаардлагагүй бол гадуур явахаас зайлсхийх хэрэгтэй.

ЗӨВ ХУВЦАСЛАХ: Цайвар өнгийн, сул чөлөөтэй, агаар нэвтрүүлдэг байгалийн гаралтай (хөвөн даавуун) хувцас өмсөх.

ХАМГААЛАХ ХУВЦАС ХЭРЭГЛЭЛ: Гадаа гарахдаа нарны малгай, саравч, нарны шил зүүж, нарнаас хамгаалах тос (SPF 30+) түрхэх.

2. ХООЛ ХҮНС БА ШИНГЭНИЙ ХЭРЭГЛЭЭ:

БАЙНГЫН ШИНГЭН УУХ: Цангаагаа тайлагдахыг хүлээлгүйгээр өдрийн турш буцалсан бүлээн ус, цэвэр ус, хярам, аарц уух.

Хэт хүйтэн ундаа, согтууруулах ундаа, кофеин болон чихэр ихтэй ундаанаас татгалзах (эдгээр нь биеийн шингэнийг хурдан алдагдуулдаг).

ХӨНГӨН ХООЛЛОХ: Тослог, хүнд хоолноос зайлсхийж, жимс, хүнсний ногоо ихээр хэрэглэх.

3. АХУЙН БОЛОН ӨДӨР ТУТМЫН ДЭГЛЭМ:

ӨРӨӨ ТАСАЛГААГ СЭРҮҮН БАЙЛГАХ: Өрөө тасалгааг сэрүүн байлгах: Нартай талын цонхны хөшгийг хааж, өглөө болон оройн сэрүүнд агаар салхи оруулах.

ДАСГАЛ ХӨДӨЛГӨӨН : Биеийн хүчний ажил болон бэлтгэл сургуулилтыг өглөө эрт эсвэл оройн сэрүүнд төлөвлөх.

АВТОМАШИНД АНХААРАХ: Хаалттай автомашинд хүүхэд, ахмад настан, гэрийн тэжээвэр амьтныг хэзээ ч ганцаarr нь үлдээж болохгүй.

Хүүхэд, ахмад настан, архаг хууч өвчинтэй хүмүүс (зүрх судас, даралт ихсэх гэх мэт) хэт халуунд илүү эмзэг тул тэдний агаарын сэрүүцүүлэг, шингэний хэрэглээнд онцгой анхаарах.

🙄Наранд цохиулсан шинж тэмдэг (толгой эргэх, дотор муухайрах, судасны цохилт түргэсэх, арьс улайж халуурах) илэрвэл нэн даруй сэрүүн газарт шилжиж, хүйтэн жин тавих бөгөөд шаардлагатай бол эмнэлгийн байгууллагад (103☎️📞) хандах.

05/08/2026

ЦЭНГЭГ УСНЫ ТӨЛӨӨ ХҮҮХДИЙН ОРОЛЦООГ ДЭМЖИН ХАМТРАН АЖИЛЛАНА
2026 оны 8 дугаар сарын 5-ны өдөр “Цэнгэг усны нөөц, байгаль хамгаалах төв” УТҮГ болон Чингэлтэй дүүргийн Хүүхдийн элч хамтын ажиллагааны санамж бичиг байгууллаа.

Хамтын ажиллагааны хүрээнд хүүхэд, өсвөр үеийнхэнд усны үнэ цэнэ, экологийн боловсрол, байгаль орчны хамгаалал, тогтвортой хөгжлийн мэдлэгийг түгээн дэлгэрүүлэх, хүүхдийн оролцоонд тулгуурласан сургалт, хэлэлцүүлэг, нөлөөллийн аян, подкаст, мультимедиа контент зэрэг олон талт үйл ажиллагааг хамтран хэрэгжүүлнэ.
Хамтын ажиллагааны үндсэн чиглэл:

💧 Усны нөөцийг хамгаалах мэдлэг, зөв хэрэглээг түгээх
🌱 Экологийн боловсрол, эко дадлыг төлөвшүүлэх
👥 Хүүхэд, өсвөр үеийнхний оролцоог нэмэгдүүлэх
📚 Сургалт, мэдээлэл, нөлөөллийн ажлыг хамтран зохион байгуулах
🌍 Байгаль хамгаалал, тогтвортой хөгжлийн зорилгыг дэмжих
Цэнгэг усны нөөц, байгаль хамгаалах төв Хүүхэд, залуучуудын хөгжил хамгаалал Zolboo Fenice

20/07/2026

30/04/2026

Хүүхэд буруу үйлдэл гаргасан үед
хамгийн амар арга нь шийтгэх мэт санагддаг.

Гэхдээ шийтгэл хүүхдийг ойлгуулдаггүй,
зүгээр л айлгадаг.

Харин сонсох, тайлбарлах,
хамтдаа ойлгох нь
хүүхдэд зөв, бурууг ялгаж сурахад тусалдаг.

Хүүхэд бүр алдаа гаргах эрхтэй.
Харин бидний үүрэг тэр алдаанаас нь зөвөөр сурахад нь дэмжих.

Хүчирхийлэл хэзээ ч шийдэл биш.

#ХүүхдийнЭрх #ХүчирхийллийнЭсрэг #ХүүхдийнХөгжил

28/04/2026

Хүүхэд бүр хөгжих эрхтэй 💡

Зөв орчин, дэмжлэг, боломж олдвол
хүүхэд бүр өөрийн чадвараа нээж,
ирээдүйгээ өөрөө бүтээж чадна 🌱

STEM бол зөвхөн технологи биш —
энэ бол сэтгэх, бүтээх, хамтрах чадвар юм.

Ирээдүйн Монголыг өнөөдрийн хүүхдүүд бүтээнэ 🇲🇳

#ХүүхдийнЭрх #Хөгжил #Ирээдүй