SoloStudy

👉🏿Их Британийн тэрбумтан Ричард Брансон өөрийн цахим хуудаснаа "50 гаруй жил бизнес хийгээд миний ойлгож авсан 5 зүйл" хэмээн дараахыг бичжээ:

1. Зүгээр л эхэл. Төгс төлөвлөгөө хэрэггүй. Хэн нэгнээс зөвшөөрөл, зөвтгөл авах гэсний хэрэггүй. Миний бүтээсэн бүх л зүйлс нэг санаа олоод, түүнийхээ араас явсанд байдаг.

2. Хамгийн түрүүнд хүмүүс. Өөрийн хамтрагч, баг, харилцагч чинь хамгийн нэн түрүүнд тавигдах ёстой. Эксэл дээрх хэдэн тоо гэхээс илүү хүмүүс юмыг бүтээдэг.

3. Бүтэлгүйтэхээс бүү ай. Юм хийж байгаа хүн байсгээд л алдаа гаргаж, бүтэлгүйтдэг. Хэрэв бүтэлгүйтэхгүй байвал, чи ямар ч оролдлого хийгээгүй байна гэсэн үг. Эргээд харахад, алдаанууд маань л сургамж үлдээж, тэр бүү хэл төсөөлж байгаагүй боломжуудыг нээж өгсөн байдаг. Дэндүү олон бүтэлгүйтсэн учраас өнөөдрийн "Би" бүтсэн байх.

4. Сониуч бай. Сониуч зангаа орхисон цагаас хөгжихөө больдог. Сониуч зан яг дахин шинээр эхэлж байгаа мэт мэдрэмжийг өгдөг. Сониуч зангийн ачаар амьдралд үргэлж "Зугаатай" мэдрэмжийг мэдэрч чаддаг гэж боддог.

5. Стратеги, төлөвлөгөө гэх зэрэг чамин ойлголтууд бодлыг хязгаарладаг. Хэт нарийвчилсан төлөвлөгөө яг л "Хонгил" дундуур явж байгаа мэт харах өнцгийг хязгаарлачихдаг. Гэтэл ихэнх боломжууд тэр хонгилын гадна талд нь байх нь элбэг.
Copy

🙌IELTS шалгалтад бэлдэхэд туслах 4 вэбсайт

ELTS шалгалтад бие даан бэлдэж буй хэн бүхэнд өндөр оноо авахад туслах дараах вэбсайтуудыг санал болгож байна. Дэлхийн 140 гаруй оронд хүлээн зөвшөөрөгддөг энэхүү шалгалтын оноотой болохын тулд та яг одоогоос зорилгоо тодорхойлж, өдөр бүр тууштай, нарийн төлөвлөгөөтэй, сахилга баттайгаар бэлдэж эхлээрэй. Мөн түүнчлэн сар бүр жишиг шалгалт өгч IELTS шалгалтын ерөнхий бүтэц, цаг төлөвлөлтийг сайтар ойлгох нь зорьсон оноондоо хүрэхэд тань туслах болно.

1. IELTS Liz
Олон жилийн туршлагатай, мэргэжлийн багшийн хөтлөн явуулдаг энэхүү вэбсайтаас та IELTS шалгалтын сонсох, бичих, ярих, унших хэсэгт хэрхэн бэлдэх зөвлөгөө, хичээлүүдийг үнэ төлбөргүйгээр үзэх боломжтой. Мөн түүнчлэн хамгийн түгээмэл хэрэглэгддэг IELTS шалгалтын ахисан түвшний үгсийн сан, ярих хэсгийн асуултад хэрхэн зөв хариулах жишиг хариултууд гэхчлэн 300 гаруй хуудас мэдээллийг агуулдаг байна. Харин C1, C2 түвшин буюу IELTS шалгалтын 8-9 оноог зорьж буй сурагчдад зориулан нэмэлт төлбөр бүхий сурах бичиг, видео хичээл зэргийг санал болгодог.

2. How to do IELTS
IELTS шалгалтын хэсэг тус бүрд бэлдэх нарийн аргачлал болон шалгалтад зориулсан нэн чухал дүрмийн хичээлүүдийг үзэх боломжтой энэхүү вэбсайтад хуучин шалгуулагчид өөрсдийн бодит зөвлөгөө, мэдээлэл болон өндөр оноо авч байсан жишиг эсээнүүдээ байршуулсан байдаг. Тиймээс та тэрхүү эсээнүүдийг цаг гарган уншиж, ерөнхий бүтцийг ойлгож, санаа авч, түгээмэл хэрэглэгдэж буй үгсийг цээжлэх боломжтой. Гэвч өөрийн чадварыг харуулалгүйгээр цээжилсэн зүйлээ яг таг дуурайлган бичих нь шалгалтын явцад оноо алдахад хүргэдэг болохыг бүү мартаарай.

3. IELTS Online Test
Дэлхийн 120 гаруй орны 23 орчим сая онлайн сурагчидтай энэхүү вэбсайт нь 16 жилийн түүхт InterGreat боловсролын байгууллагад харьяалагддаг. Та энэхүү вэбсайтаас өгөгдсөн схемийг хэрхэн зөв тайлбарлах, урт бичвэрийг хэрхэн гүйлгэж уншин гол санааг ойлгох зэрэг IELTS шалгалтад хэрэгтэй арга техникүүдийг сурч болохоос гадна жишиг шалгалт өгч бие даан түвшнээ тодорхойлж болно. Мөн хүсвэл мэргэжлийн багш нараас уян хатан цагийн хуваарьтай, нэмэлт төлбөртэй ганцаарчилсан хичээл авах боломж ч нээлттэй байдаг.

4. Cambridge English
IELTS шалгалтыг эзэмшдэг гурван байгууллагын нэг бол Кембриджийн их сургуулийн хэлний үнэлгээний газар. Тиймдээ ч Cambridge English вэбсайтаас та бүтэн жилийн шалгалтын хуваарь, сэтгэл зүйн бэлтгэл, шалгалтын өдөрт шаардлагатай зүйлс, оноо тооцоололт, жишиг шалгалт, заавар зөвлөгөө зэрэг IELTS-тай холбоотой бүхий л мэдээллийг үнэ төлбөргүйгээр дэлгэрэнгүй авах боломжтой. Хэрэв та нэгэнт энэхүү шалгалтыг өгөхөөр зориг шулуудсан бол Cambridge English вэбсайтаар цаг гарган зочилж өөрт хэрэгтэй, чухал мэдээллүүдийг анхааралтай тэмдэглэж авахыг зөвлөж байна.

Орой 11 цаг.

10-р ангийн нэг хүү ширээний ард сууж байлаа.
Ном нь нээлттэй.
Гэхдээ гар нь утсан дээр.

Ээж нь чимээгүй орж ирээд асуув.

– Хичээлээ хийж байна уу?
– Тийм ээ… удахгүй хийнэ.

Ээж нь инээгээд ширээний хажууд суув.

– Миний хүү бизнес хийнэ гэж ярьдаг биз дээ?
– Тийм. Том бизнес хийнэ. Мөнгөтэй болно.

Ээж нь номыг нь зөөлөн хаагаад ингэж хэлэв.

– Хүү минь, 40 минут сууж хичээлээ хийж чадахгүй хүн 4 жил сууж бизнес босгодоггүй юм.

Чимээгүй болов.

– Бизнес гэдэг санаа биш.
– Бизнес гэдэг сахилга бат.
– Амжилт гэдэг аз биш.
– Өдөр бүр хийдэг жижиг зуршил.

Хичээл бол зүгээр дүн авах зүйл биш.

Энэ бол:
• өөрийгөө захирах дасгал
• төвлөрч сурах сургалт
• ирээдүйд мөнгө олдог тархи бэлтгэх процесс

Өнөөдөр номоо нээгээд сууж сурсан хүүхэд
маргааш ажлаа хийж сурна.

Ажлаа хийж сурсан хүүхэд
дараа нь бизнес босгоно.

Бизнес босгосон хүүхэд
гэр бүлээ, эцэг эхээ, улсаа авч явна.

Харин хичээлээ хийж чаддаггүй хүүхэд
том мөрөөдөл ярьж л үлддэг.

Эцэг эхчүүд ээ,
хүүхдэдээ ганц зүйл л ойлгуул.

“Чи одоо хичээлээ хийж байгаа нь дүнгийн төлөө биш.
Ирээдүйд өөрийгөө ялах чадварын төлөө.”

ЕБС-ийн сурагчдаа,

Одоо л сахилга бат сурдаг нас.
Одоо л сууж сурдаг нас.
Одоо л ирээдүйгээ барьж авдаг нас.

Өнөөдөр утсаа тавь.
Номоо нээ.
40 минут төвлөр.

Маргааш чи өөр хүн болно.

SoloStudy төв нь засвар орсон тул ажиллахгүй байгаа шүү🔖

👍🏿"Хүүхэд хаан биш, Хүн байх ёстой": Японы хүмүүжлийн хатуу бөгөөд зөөлөн үнэн

Бидний монголчууд үр хүүхдээ "Миний хүү хаан, миний охин гүнж" гэж өргөмжлөн, тэдний өмнөх бүх саадыг цэвэрлэж, өмнүүр нь орж бүхнийг нь хийж, алдаа дутагдалыг нь хаацайлж өмгөөлсөөр байгаад "Сэтгэлийн дархлаагүй", бие даах чадваргүй нэгнийг бэлтгээд байгаа юм биш биз?

Япон үндэстний хүчирхэг байгаагийн нууц нь ердөө л ген эсвэл аз биш. Энэ бол ерөөсөө л ХҮМҮҮЖИЛ. Тэнд хүүхдийг зөвхөн өндөр дүн, авьяас чадвараар нь дүгнэдэггүй. Харин сахилга бат, даруу зан, уйгагүй хөдөлмөрийг өдөр бүр тархинд нь "шилбүүрдэж" суулгадаг.

1. Авьяас бол зөвхөн "түүхий эд"
Багаас нь тэдэнд ганцхан үнэнийг яс зангидтал ойлгуулдаг: "Хичээл зүтгэлгүй авьяас бол юу ч биш." Жинхэнэ амжилт зөвхөн тууштай байдал, тэвчээрээс ирдэг гэдгийг тэд мэддэг. Бид хүүхдээ "Миний хүү ухаантай юм чинь зүгээр" гэж хөөсрүүлдэг бол тэд "Миний хүү хичээсэн учраас чадлаа" гэж хөдөлмөрийг нь үнэлдэг.

2. "Бие даалгах" бол хамгийн том хайр
Японд 6 настай жаал ганцаараа замаар гарч, автобусанд суугаад сургуульдаа явахыг хараад хэн ч гайхдаггүй. Энэ нь эцэг эх нь хайргүйдээ биш, харин хүүхдээ "Амьдралд бэлтгэж" байгаа хэлбэр юм.

Тэд хүүхдийнхээ өмнөөс гэрийн даалгаврыг нь хийдэггүй.

Тэд хүүхдийнхээ алдааг бусдаас өмгөөлж, "Багш нь буруутай, найз нь буруутай" гэж хэлдэггүй.

Тэд хүүхдийнхээ хажууд байх боловч: "Энэ бол чиний амьдрал, чиний хариуцлага" гэдгийг үйлдлээрээ харуулдаг.

3. Сургууль бол "Эрдмийн өргөө" биш, "Хүмүүн болох газар"
Японы ихэнх сургуульд цэвэрлэгч үйлчлэгч байдаггүйг та мэдэх үү? Сурагчид өөрсдөө ангиа цэвэрлэж, шалаа угааж, бүр бие засах газраа ч зүлгэдэг.
Яагаад гэвэл: Боловсрол гэдэг зөвхөн математик, физик биш. Энэ бол бусдыг хүндэтгэх, хамт олонч байх, даруу зан юм. Хүүхдийг "хаан" мэт эрхлүүлэх нь түүнийг нийгмээс тусгаарладаг бол, бусдад туслах, орчноо цэвэрлэх нь түүнд дотоод сэтгэлийн асар их тэнхээ өгдөг.

Монгол эцэг эхчүүдийн анхааралд:
Хэрэв та хүүхдээ ирээдүйд хэн нэгний гар харахгүй, өөрийнхөө гэрлээр гэрэлтэх хүчирхэг нэгэн болгохыг хүсвэл:

Сахилга батыг "Зовлон" гэж бүү хараарай: Хүссэнээ хийх нь эрх чөлөө биш, хийх ёстой зүйлээ хийх чадвар бол хамгийн том эрх чөлөө юм.

Хүүхдээ бүтэлгүйтлээс бүү "авраарай": Тэр унах ёстой, тэр алдах ёстой. Алдаж байж "дархлаа" тогтоно. Бүх зүйлийг нь бэлдээд өгчихвөл тэр амьдралын шуурганд анхны алхмаараа л сөхөрнө.

Зөвхөн математик биш "Хүн чанар" заа: Тэвчээр, сониуч зан, бусдыг хүндэтгэх сэтгэлгүй "онц" сурлагатан бол ердөө л мэдээлэл хадгалах "диск" юм.

Хүүхдийн тань авсан "А" дүн, авсан сертификат гэрчилгээ хэсэгхэн зуурын бахархал. Харин хүүхдийн тань эзэмшсэн "Сахилга бат, ёс суртахуун, бие даасан байдал" бол түүний насан туршийн хамгаалалт, хэзээ ч дундаршгүй баялаг юм.

Британийн залуу үеийнхний дунд "санхүүгийн хатуу багш" гэгдээд буй Миа Рөүз Макгратын түүх бол зөвхөн хэмнэлт биш, харин "сэтгэлгээний өөрчлөлт"-ийн тухай юм. Тэрээр 24-хөн насандаа 100,000 фунт стерлинг (ойролцоогоор 430 гаруй сая төгрөг) цуглуулж чадсан нууцаа илэн далангүй хуваалцжээ.

Түүний "хэт хэмнэлттэй" амьдралын хэв маяг:

Хооллолт: Тэрээр хамгийн хямд зардлаар буюу өглөө бүр өндөг, талх идэж хоолны зардлаа маш бага түвшинд барьдаг.

Хэрэглээ: Шинэ хувцас, үнэтэй гоо сайхны бүтээгдэхүүн, тансаг хэрэглээнээс татгалзаж, олсон орлого бүрийнхээ ихэнх хэсгийг хадгаламж руу хийдэг.

Сахилга бат: Тэрээр үүнийг "түр зуурын золиос" гэж үздэг бөгөөд ирээдүйн эрх чөлөөнийхөө төлөө өнөөдрийн зугаа цэнгэлээ хойш тавьжээ.

Түүний амжилтыг шүүмжлэх хүмүүс дараах хоёр гол зүйлийг онцолж байна:

Миа эцэг эхийнхээ гэрт амьдардаг тул сар бүр төлөх ёстой хамгийн том зардал болох "байрны түрээс"-ээс чөлөөлөгдсөн нь түүний хадгаламж хурдан өсөхөд гол түлхэц болсон. Тэрээр сошиал медиа ашиглан нэмэлт орлого олдог нь жирийн цалинтай залуусаас илүү хурдан хуримтлал үүсгэх боломж олгосон гэж үзэж байна.

📌 Таны бодлоор 40 насандаа тэтгэвэрт гарахын тулд залуу насандаа "өндөг, талх" идэж хэмнэх нь зөв сонголт уу? 👇
Copy