ШУТИС Гидрогеологи, инженер геологийн тэнхим

22/09/2026

МЭРГЭЖЛИЙН УДИРТГАЛ ХИЧЭЭЛ

“Бидний аяганд байгаа ус хаанаас ирдэг вэ?” гэсэн асуултаар хэлэлцүүлэг өрнүүллээ.

“Нэг аяга усны аялал”-аар дамжуулан ус эх үүсвэрээсээ хэрэглэгчийн гарт хүрэх хүртэлх шат дамжлага, энэ бүхэнд гидрогеологичийн үүрэг, оролцоо ямар байдгийг хамтдаа ярилцаж суралцлаа.

Ангийнхантайгаа танилцаж, багаар ажиллах сайхан байлаа гэсэн сэтгэгдэл онцлог байв.

Мөн #ГУУС-аас шинэ элсэгчдэдээ бэлэглэж буй оюутны дэвтрийн жилийн төлөвлөгөө бичих хэсэг охидуудад ихэд таалагдаж байна.

ШУТИС хамтдаа суралцаж, хамтдаа хөгжих орчин.

18/09/2026

ЧИГЛҮҮЛЭХ СУРГАЛТ АМЖИЛТТАЙ ЗОХИОН БАЙГУУЛАГДЛАА

ШУТИС-ийн ГУУС-ийн Гидрогеологи, инженер геологийн тэнхимийн 1-р дамжааны оюутнуудад зориулсан чиглүүлэх сургалт 2026 оны 9 дүгээр сарын 18-ны өдөр ШУТИС-ийн 1-225 танхимд амжилттай зохион байгуулагдлаа.

Саяхан дөрөвхөн оюутантай байсан бид өнөөдөр ангидаа багтахгүй олон оюутантай болжээ.

Улс эх орны ус, ул хөрс, байгаль орчны тулгамдсан асуудлыг шийдвэрлэх ирээдүйн инженерүүд маань улам олуулаа болох болтугай!

Шинэ оюутнууддаа тавтай морил!
Хамтдаа сурч, хөгжиж, бүтээцгээе!

17/09/2026

🎓 ЛЭНД ТЕСТ ХХК-ИЙН НЭРЭМЖИТ ТЭТГЭЛЭГ
2026 ИНЖЕНЕР ГЕОЛОГИ, ГЕОТЕХНИК ХӨТӨЛБӨРИЙН ШИНЭ ЭЛСЭГЧДЭД ЗОРИУЛСАН СУРГАЛТЫН ТӨЛБӨРИЙН ТЭТГЭЛЭГ

2025 онд Гидрогеологи, инженер геологийн тэнхимийн оюутнууд маань Лэнд Тест ХХК, Оюу Толгой ХХК, Экотек Проект ХХК, Монголын Барилгын Инженер Геологичдын Холбоо зэрэг байгууллагын нэрэмжит тэтгэлгүүдэд шалгарч, амжилтаа баталгаажуулсан билээ.

Ц.Отгонжаргал, Б.Гантулга, Ш.Ган-Эрдэнэ, М.Мөнгөнсолонго, А.Хулан, Ч.Цэрэнтотох, Б.Байгальмаа, Б.Нямсүрэн нартаа дахин халуун баяр хүргэж, сурлага хөдөлмөрт нь өндөр амжилт хүсье!

Та бүхний амжилт 2026 оны шинэ элсэгчдэд маань урам зориг, үлгэр дуурайл болох болтугай!

🌟 2026 ОНЫ ТЭТГЭЛГИЙН БҮРТГЭЛ ЭХЭЛЛЭЭ!

Лэнд Тест ХХК нь ШУТИС-ийн ГУУС-ийн Гидрогеологи, инженер геологийн тэнхимтэй хамтран 2026 онд Инженер геологи, геотехник хөтөлбөрт шинээр элсэн суралцаж буй 1 оюутанд сургалтын төлбөрийн тэтгэлэг олгоно.

🏆 ТЭТГЭЛГИЙН МЭДЭЭЛЭЛ

📌 Тэтгэлгийн нэр: Лэнд Тест ХХК-ийн нэрэмжит тэтгэлэг
📌 Тэтгэлгийн тоо: 1 оюутан
📌 Тэтгэлгийн төрөл: Сургалтын төлбөрийн тэтгэлэг
📌 Хамрах хүрээ: 2026 оны шинэ элсэгч
📌 Хөтөлбөр: Инженер геологи, геотехник

📎 БҮРДҮҮЛЭХ МАТЕРИАЛ
ЕБС-ийн бүрэн дунд боловсролын гэрчилгээний хуулбар
ЭШ-ын батламжийн хуулбар
Сурлагын болон бусад амжилтыг нотлох гэрчилгээ, сертификат (байгаа бол)
Иргэний үнэмлэхийн хуулбар
ШУТИС-ийн Инженер геологи, геотехник хөтөлбөрт элссэн тухай батламж / нотлох баримт
Эсээ

✍️ ЭССЭНИЙ СЭДЭВ

“Миний сонголт, миний ирээдүй”
Инженер геологи, геотехникийн мэргэжлийг яагаад сонгосон, энэ сонголтод тань юу нөлөөлсөн, өөрийн сонирхол, давуу тал, хүсэл мөрөөдөл болон ирээдүйд ямар мэргэжилтэн болохыг хүсэж байгаагаа өөрийн бодит түүхтэй холбон бичнэ үү.
📌 Эсээний хэмжээ: 500–700 үг

📝 БҮРТГҮҮЛЭХ
🔗 Бүртгэлийн холбоос: https://docs.google.com/forms/d/e/1FAIpQLSfkxQdPiLf8VcQXY5xkvcaP6iAHXO0nO0T_N39_-BZawe2orQ/viewform?usp=publish-editor

Материалын бүрдүүлэлт болон эсээг үндэслэн тэтгэлгийн эзнийг сонгон шалгаруулна.

ИРЭЭДҮЙН ИНЖЕНЕРҮҮД ЭЭ!

Мэргэжил сонгоно гэдэг зөвхөн их сургуульд сурах сонголт биш.
Өөрийн ирээдүйгээ бүтээх эхний том алхам юм.
#ЛэндТестХХК #ШУТИС #ГУУС #инженергеологи #геотехник
Ирээдүйн инженерүүдийг хамтдаа дэмжинэ.

09/09/2026

ШУТИС-ийг 2022-2023, 2023-2024, 2024-2025 оны хичээлийн жилүүдэд төгсөгчдийн анхааралд

Боловсролын үнэлгээний төвөөс дээд боловсролын сургалтын байгууллагын эрэмбэ, чансаа, хөтөлбөрийн чанарын үзүүлэлтэд ашиглах асуулга, судалгааг зохион байгуулж байгаа бөгөөд энэхүү санал асуулга 2026 оны 5 дугаар сарын 25-ны өдрөөс эхлэн 2026 оны 9 дүгээр сарын 11-ний өдрийг хүртэл үргэлжилж байна.
Иймд ШУТИС-ийг 2022-2023, 2023-2024, 2024-2025 оны хичээлийн жилүүдэд төгсөгч та бүхэн Боловсролын үнэлгээний төвийн (БҮТ) https://unelgee.eec.mn/ платформоор нэвтэрч Дээд боловсролын чанарын үнэлгээ асуулга хэсэгт хандаж “Төгсөгчдийн санал асуулга”-д идэвхтэй хамрагдана уу.

04/09/2026

Гидрогеологич инженер, 2015 оны төгсөч Л.Бархас.

27/08/2026

🎓 МАГИСТР, ДОКТОРЫН ХӨТӨЛБӨРТ ЭЛСЭЛТ АВЧ БАЙНА

ШУТИС-ийн Геологи, уул уурхайн сургуулийн:
🔹 Гидрогеологи
🔹 Инженер геологи, геотехник
🔹 Геоэкологи
чиглэлээр магистр, докторын хөтөлбөрт элсэлт авч байна.

Бүртгэлийн хугацаа: 2026 оны 9 дүгээр сарын 25 хүртэл

Элсэгчид тавигдах шаардлага

- Магистрын хөтөлбөрт: бакалавр болон түүнээс дээш боловсролын зэрэгтэй байх;
- Докторын хөтөлбөрт: магистр болон түүнээс дээш боловсролын зэрэгтэй байх;
- Эзэмшсэн боловсролын дипломын мэдээлэл төрийн цахим үйлчилгээний e-Mongolia системд бүртгэлтэй байх.

Бүртгэл: elselt.edu.mn

📚 Мэргэжлээрээ ахисан түвшинд суралцаж, судалгаа шинжилгээний ажил хийх, мэргэжлийн ур чадвараа дээшлүүлэх боломж.

Мэдлэгээ ахиулж, судалгаагаа дараагийн түвшинд хүргэе!

#ШУТИС #ГУУС #Магистр #Доктор #Гидрогеологи #ИнженерГеологи #Геотехник #Геоэкологи #Элсэлт

- Бакалавр болон түүнээс дээш боловсрол эзэмшсэн байх / Must have a Bachelor's degree or higher/

05/08/2026

#ШУТИС-д 2026-2027 оны хичээлийн жилд шинээр элсэгчдэд зориулсан мэдээлэл, оюутны вэб: https://student.must.edu.mn/

31/07/2026

🎓 ШУТИС-д тавтай морил!

Эрхэм шинэ элсэгч та бүхэнд 2026–2027 оны хичээлийн жилийн эхлэлтэй холбоотой хамгийн чухал хугацаануудыг танилцуулж байна.

📌 8-р сарын 21 – 9-р сарын 7
Хичээлийн хуваарь гарна.
Хичээл сонголтын систем нээгдэнэ.
Зөвлөх багшийн зөвлөгөө авна.

📌 8-р сарын 24 – 31
"ШУТИС-д суралцах гэрээ"-г цахимаар байгуулна.
Оюутны байрны бүртгэл хийгдэнэ.

📌 9-р сарын 1
Хичээлийн шинэ жилийн нээлтийн ажиллагаа.

📌 2026 оны 8-р сарын 31-ний 07:40
Хичээл албан ёсоор эхэлнэ.

I курс: 8-р сарын 31 – 9-р сарын 11-ний хооронд цахим сургалт.
- 9-р сарын 14-нөөс танхимын хичээл эхэлнэ.

II–V курс: 8-р сарын 31-нээс цахим,
- 9-р сарын 28-наас танхимын сургалтад шилжинэ.

⏰ Хичээлийн эхний өдрөө цагтаа нэвтэрч, хичээлийн хуваарь болон UNIMIS мэдээллээ урьдчилан шалгаарай.

Бид бүх шинэ элсэгчдэдээ амжилт хүсье! 🌟

2026–2027 оны сургалтын нэгдсэн хуанли
https://elselt.edu.mn/media/uploads/2026/07/08/2026-2027-huanli.pdf

02/07/2026

📢 ШУТИС-ийн 2026–2027 оны хичээлийн жилийн элсэлтийн үйл явц

🔄 2026.07.02 12:00 цагаас – Нээлттэй хөтөлбөр сонголт, нэмэлт бүртгэл

-Хяналтын тоо дүүрээгүй хөтөлбөрүүд нээгдэнэ
-Шинээр бүртгүүлэх боломжтой
-Эсвэл сул орон тоотой хөтөлбөрөөс сонголтоо хийх боломжтой

Энэ нь өмнөх шатанд амжаагүй элсэгчдэд дахин боломж олгоно.

🎓 2026.07.02 12:00 цагаас – Оюутны код авах
Суралцах эрхийн бичгээ авсан элсэгч:

-Элсэлтийн системд нэвтэрч
-Анкетаа бүрэн бөглөнө
-Оюутны кодоо авна

🎉 Анкетаа амжилттай бөглөж, оюутны кодоо авсан бол баяр хүргэе!

Та албан ёсоор ШУТИС-ийн оюутан боллоо. 👏

Ирээдүйн инженер, судлаач, мэргэжилтэн болох эхний том алхмаа хийсэн та бүхэнд амжилт хүсье.

📚 2026–2027 оны хичээлийн шинэ жил 2026 оны 8-р сарын 24-нд эхэлнэ.

Шинэ оюутан та бүхнийг эрдмийн өргөөндөө баяртайгаар угтан авах болно.
💙💛 ШУТИС-д тавтай морил!

01/07/2026

“Инженер” гэхээр дан эрчүүдийг төсөөлдөг үе өнгөрсөн шүү 😊

Бид усны дээж авч, талбай дээр ажиллаж, лабораторид шинжилгээ хийж, газрын доорх усны нууцыг тайлдаг. Байгалийг ажиглаж, усны өнгө, үнэр, урсгалын өчүүхэн өөрчлөлтийг ч мэдэрч ойлгох тэр торгон мэдрэмж охидод онцгой байдаг.

Гидрогеологи бол зөвхөн хөрс, чулуу биш ирээдүйн усны аюулгүй байдал, байгаль хамгаалал, хүний амьдралын чанартай шууд холбоотой шинжлэх ухаан.

Тиймээс инженер гэхээр дан эрчүүдийг бүү төсөөл.
Бид энд байна - ирээдүйн усыг хамгаалах гидрогеологич охид 💧🌍
Elselt.edu.mn нэвтрэн орж #гидрогеологи мэргэжлийг баталгаажуулаарай.
2026 оны 7 сарын 2 өдрөөс нээлттэй сонголт/нэмэлт бүртгэл эхэлнэ.