Баян-Өлгий аймаг дахь МСҮТөв

МЭРГЭЖЛИЙН ҮНЭМЛЭХ ГАРДУУЛАХ ЁСЛОЛ БОЛЖ ӨНДӨРЛӨЛӨӨ 📜
Баян-Өлгий аймаг дахь Магадлан итгэмжлэгдсэн Мэргэжлийн боловсролын сургуулийн 3-р курсын төгсөгчдөд мэргэжлийн үнэмлэх гардуулах ёслол, эрдмийн баярын арга хэмжээ амжилттай зохион байгуулагдлаа.
Гурван жилийн хугацаанд мэдлэг, ур чадвар эзэмшиж, хөдөлмөрийн зах зээлд өрсөлдөх чадвартай мэргэжилтэн болон бэлтгэгдсэн нийт төгсөгчдөдөө халуун баяр хүргэж, ажил амьдралын гараагаа амжилттай эхлүүлэн, эзэмшсэн мэргэжилдээ эзэн нь байж, эх орон, орон нутгийнхаа хөгжилд үнэтэй хувь нэмэр оруулахыг хүсэн ерөөе. ✨
Мөн энэхүү баярт өдөр сурлага, спорт, урлаг, олон нийтийн ажилд идэвх санаачилгатай оролцож, үе тэнгийнхнээ манлайлан, сургуулийнхаа нэр хүндийг өндөрт өргөсөн “ШИЛДЭГ СУРАЛЦАГЧИД”-аа шагнаж урамшууллаа.
Бусдыгаа манлайлсан шилдэг суралцагчиддаа болон тэднийг мэдлэг, хүмүүжлээр чиглүүлэн ажилласан эрхэм багш нартаа халуун баяр хүргэж, цаашдын ажил үйлсэд нь өндөр амжилт хүсье.

ТӨГСӨЛТИЙН ҮНЭЛГЭЭ ЯВАГДАЖ БАЙНА! 🎓
Баян-Өлгий аймаг дахь Магадлан итгэмжлэгдсэн Мэргэжлийн боловсролын сургуулийн 2025–2026 оны хичээлийн жилийн төгсөх ангийн суралцагчдын онолын болон ур чадварын үнэлгээ амжилттай үргэлжилж байна.
💼 Суралцагчид эзэмшсэн мэдлэг, мэргэжлийн ур чадвараа үнэлгээний комисс болон ажил олгогчдын өмнө бодитоор харуулан шалгуулж, ирээдүйн ажил мэргэжлийн гараагаа баталгаажуулж байна.
🎯 Энэхүү үнэлгээ нь төгсөгчдийн мэргэжлийн чадамжийг баталгаажуулах, хөдөлмөрийн зах зээлд өрсөлдөх чадварыг нь тодорхойлох чухал ач холбогдолтой юм.
✨ Төгсөлтийн үнэлгээндээ оролцож буй нийт суралцагчдадаа өндөр амжилт хүсье. Та бүхний хөдөлмөр, хичээл зүтгэл үр шимээ өгч, мэргэжлийн чадварлаг ажилтан болон төгсөх болтугай! 💐👏💪

🎓📸 УЛСЫН ШАЛГАЛТ ЭХЭЛЛЭЭ!

2025–2026 оны хичээлийн жилийн бүрэн дунд боловсролын улсын шалгалт албан ёсоор эхэлж, 8 хөтөлбөрийн 102 суралцагч эрдэм мэдлэг, ур чадвараа сорин шалгалтандаа оролцож байна.

🤝 Шалгалтын үйл ажиллагааг ил тод, шударга, зохион байгуулалттай явуулах зорилгоор шалгалтын комисс, хяналтын баг, багш, ажилтнууд хариуцлагатай ажиллаж байна.

✨ Нийт суралцагчдадаа улсын шалгалтандаа амжилттай оролцож, хүссэн үр дүндээ хүрэхийг хүсэн ерөөе.

💪 Амжилт хүсье!

2026-2027 оны хичээлийн жилийн элсэлтийн бүртгэл эхэллээ.

Сургалтын онцлог давуу тал

• Суралцах хугацаа 1 жил болон 3 жил
• Бүрэн дунд боловсролыг мэргэжлийн боловсролын хамт эзэмшинэ
• Нэг жилийн анги буюу 18-45 насны иргэд 2.000.000 сая төгрөг,
• 3 жилийн анги буюу 9-р ангиас суралцагчид 6.000.000 сая төгрөгийн тэтгэлэгтэй.
• Дотуур байр үнэ төлбөргүй, 3 удаагийн халуун хоолоор үйлчилнэ.
• Жолооны сургалтын төвтэй бөгөөд суралцагчид 30% хөнгөлөлттэй суралцна.
• Гадаад улсын ижил төстэй мэргэжлийн сургуулиудад үнэ төлбөргүй суралцах зэрэг давуу талтай.
• Оюутан цэрэг хөтөлбөрт хамрагдах боломжтой.
• Төгсөгчид 100% ажлын байраар хангагдах боломжтой
• Цалинтай дадлага хийнэ.
• Төсөл хөтөлбөрд хамрагдах боломжтой.
• ЭЕШалгалтад бэлтгэнэ.

Элсэлт авах мэргэжлүүд

1. Хоол үйлдвэрлэл
2. Цахилгаан хангамж, тоног төхөөрөмжийн ашиглалт
3. Барилгын засал чимэглэлчин
4. Барилгын сантехник, хоолой угсралт
5. Талх нарийн боов үйлчилгээний ажилтан
6. Хүлэмжийн аж ахуйн фермер
7. Хэрэглээний программ
8. Уул уурхайн ашиглалт
9. Ноос ноолуур боловсруулалтын технологийн ажилтан
10. Гагнуурчин
11. Оёмол бүтээгдэхүүний оёдолчин
12. Зоогийн газрын үйлчилгээ
13. Гоо заслын үйлчилгээ
14. Үс заслын үйлчилгээ
15. Барилгын сантехникч
16. Барилгын мужаан
17. Барилгын өрөг угсрагч
18. Фермерийн аж ахуй ГТ
19. Тээврийн хэрэгслийн засвар үйлчилгээ

Холбогдох утас: 99414011, 99732852, 77149999