Архангай аймгийн Математикийн холбоо

ЭЕШ-2025 өндөрлөлөө. Сэдэв хэт хүндэдвэл хичээсэн хичээгээгүй хүүхдүүдийн ялгаа харагдахгүй. Олон жилийн бэлтгэл хийсэн хүүхдүүд ч яах вэ учраа олоод гараад ирнэ.
Энэ жил архангай аймгийн хувьд дундаж оноо 503.2 авч өмнө жилийн дундажаас ахисан дүн гарлаа. Өмнө жил 484.
Багаараа 12-р байранд орж дундуур давхисан байна. Ирэх жилүүдэд улам л ахиулахын төлөө багаараа хичээцгээе.
Энэ хичээлийн жилд "12000" багийн уралдаан, багш нарын сургалтууд, 1 ба 2-р сургууль дээр стандарт олимпиад гээд олон үр өгөөжөө өгсөн ажлууд аймагт маань хэрэгжлээ. Эдгээр ажлуудыг санаачилсан, ивээн тэтгэсэн, хамтран зүтгэсэн бүх хүмүүст баярлалаа.
Хүүхдийн хөгжил багаасаа. Өмнөх 2023, 2024 онуудад Эрдэнэбулган сумын сургуулиудын дунд явагдаж ирсэн/энэ жил зогссон/ бага ангийн багш, сурагчдын дундах өгүүлбэртэй бодлого, боломж тооцох бодлогын уралдааныг үргэлжлүүлэн зохион байгуулах тал дээр сумын удирдагууд хамтран ажиллана гэж найдаж байна.
Ирэх жилүүдэд болох олимпиад, уралдааны талаар:
1. Төвийн 1, 2, 3-р сургууль дээр стандарт олимпиад
/Стандарт олимпиад нь массын сургалтыг сайжруулахад чухал ач холбогдолтой бөгөөд жилд 1 биш 3 удаа болгосноор сурагчдын бэлтгэл тогтворжино/
2. 3-р сургууль дээр ММО-II-I шат буюу аймгийн төрөлжсөн олимпиад. /МУГБ З.Бат-Эрдэнийн нэрэмжит - 5 дахь удаагаа/
3. "12000"-2 багийн уралдаан /нээлттэй болгохоор судалж байна ?/.
4. Бага ангийн бодлогын уралдаан/?/.
5. Сум дундын "Нутгаа дэмжье" стандарт уралдаан гэх мэт ...
Дээрх ажлуудаас зарим нь уламжлал болгон зохиогдож ирсэн ба бусад нэмэгдэж байгаа уралдааныг дэмжин ажиллахыг нутаг орны удирдлагууд, архангайн хүүхдүүдийн хөгжлийн төлөө хамтран ажиллах хүсэл сонирхолтой хүн бүрээс хүсэж байна.

Яагаад "12000" вэ?

2024.11-2025.05-р сарыг дуустал үргэлжилсэн "12000" багийн анхдугаар уралдааны дүнгийн хурал 2025.05.31-нд Архангай аймгийн 2-р сургууль дээр боллоо.
Тус уралдаанд 11, 12-р ангийн 500-аад сурагч бүтэн жилийн турш оюун ухаанаа сорин өрсөлдөж шилдгүүдээ тодрууллаа.
🤩Шилдэг анги 1-р байр:
1-р сургууль 12г ангийн хамт олон тодорч Цом, Өргөмжлөл, Алтан медаль, 1500000 төгрөгийн эзэд боллоо.
Тус ангийг бэлтгэн оролцуулсан А.Гантулга багшийгаа Өргөмжлөл, Алтан медаль, 1500000 төгрөгөөр урамшууллаа 👏👏👏
Удаах байруудад:
🤩Шилдэг анги 2-р байр:
Өргөмжлөл, Мөнгөн медаль, 1000000 төгрөгийн эздээр
2-р сургуулийн 11в ангийн хамт олон.
Тус ангийг бэлтгэн оролцуулсан Н.Содномдаржаа багшийгаа Өргөмжлөл, Мөнгөн медаль, 1000000 төгрөгөөр.
🤩Шилдэг анги 3-р байр:
3-р сургууль 12а ангийн хамт олон тодорч Өргөмжлөл, Хүрэл медаль, 500000 төгрөг.
Тус ангийг бэлтгэн оролцуулсан Л.Нэргүй багшийгаа Өргөмжлөл, Хүрэл медаль, 500000 төгрөгөөр урамшууллаа.
🤩Тусгай байранд 1-р сургуулийн 11б анги, 12ве ангийн хамт олон шалгарч тус бүр 200000 төгрөгөөр шагнагдлаа.
Шавь нараа бэлтгэн оролцуулсан А.Гэрэлмаа, Р.Энхтунгалаг багш нартаа баяр хүргэе.
Хувь онооны нийлбэрээр Шилдэг 10 сурагчийг тодруулан тус бүр Алтан медаль, 100000 төгрөгөөр шагналаа.
👩‍🚀1-р байранд 524 оноогоор 2-р сургуулийн 11в ангийн сурагч Чулуунбаатар овогтой Чулуун-Эрдэнэ.
👩‍🎓2-р байранд 507 оноогоор 1-р сургуулийн 12г ангийн сурагч Лхагвасүрэн овогтой Жаргалан.
👨‍⚖️3-р байранд 501 оноогоор 2-р сургуулийн 11в ангийн сурагч Лхагваа овогтой Наранбаатар.
🧑‍✈️4-р байранд 471 оноогоор 2-р сургуулийн 12а ангийн сурагч Баасандорж овогтой Алтанбагана.
👨‍⚖️5-р байранд 448 оноогоор 3-р сургуулийн 12а ангийн сурагч Вандандүгэр овогтой Булгантамир.
🧑‍✈️6-р байранд 406 оноогоор 3-р сургуулийн 12а ангийн сурагч Чулуун-Эрдэнэ овогтой Тэмүүжин.
👩‍✈️7-р байранд 376 оноогоор 2-р сургуулийн 11а ангийн сурагч Онон овогтой Доржханд.
👩‍🔬8-р байранд 374 оноогоор 3-р сургуулийн 12г ангийн сурагч Ганзориг овогтой Одонтунгалаг.
👩‍⚕️9-р байранд 372 оноогоор 3-р сургуулийн 12б ангийн сурагч Одбаяр овогтой Оюунхишиг.
👩‍🏫10-р байранд 366 оноогоор 2-р сургуулийн 11в ангийн сурагч Батбаатар овогтой Ариунсүрэн нар шалгарлаа. 👏👏
Анхдугаар уралдааны бүх сэдвийг хийж гүйцэтгэсэн Монголын математикийн олимпиадын хорооны гишүүн Т.Базар болон R3 математикийн сургалтын төвийн хамт олонд баярлалаа.
"12000" анхдугаар уралдааныг ивээн тэтгэн оролцсон ГЗОБШ ХХК хамт олонд маш их баярлалаа.
12-р ангийн сурагч нартаа удахгүй болох ЭЕШ-д амжилт хүсье.

2025.05.31-ны 17:00 цагаас 2-р сургуулийн урлаг зааланд.

Архангай аймгийн математикийн хичээлийн ЭЕШ-ын оноог нэмэгдүүлэх зорилгын хүрээнд дараах ажлыг эхлүүлж байна. Энэ удаад зөвхөн аймгийн төвийн сургуулийн 11-12-р ангийн сурагчид хамрагдах боломжтой. Ирэх хичээлийн жилээс бусад сумын сургуулийн сурагчдыг хамруулах ба 9-12-р ангийн хэмжээнд өргөжүүлэх төлөвлөгөөтэй байна.
Энэхүү уралдааныг GZOBSH LLC, Orgil cafe дэмжин ажиллахаа илэрхийлсэн бөгөөд бидэнтэй хамтран
Архангай аймгийн хүүхэд багачуудын оюунд хөрөнгө оруулалт хийх хүсэлтэй хүн бүрийг урьж байна.
Холбоо барих утасны дугаар: 99967368

Хөдөлмөрийн гавьяаны Улаан тугийн одонт, Алтан гадас одонт, АБТА, Монгол улсын зөвлөх багш Ч.Төмөрийн нэрэмжит Архангай аймгийн аварга шалгаруулах математикийн стандарт олимпиадын удирдамж.

Бага ангийн багш нартаа баяр хүргэе.

Дүнгийн хуралд медальт байранд байгаа сурагчид багш нарын шагналыг гардуулна. Тусгай байрын шагналыг ангийн багш нараар нь дамжуулан олгоно.

Бага ангийн багш нарын эцсийн дүн.
Дүнгийн хурал 15:00 цагаас
Засаг даргын тамгын газрын хурлын танхимд болно.

6-р ангийн эцсийн дүн.
Дүнгийн хурал 15:00 цагаас
Засаг даргын тамгын газрын хурлын танхимд болно.