Бэрх Олон Улсын Сургууль - Berkh International School

26/09/2026

🎓 НЭМЭЛТ ЭЛСЭЛТ – 2026

2026–2027 оны хичээлийн жилийн Нэмэлт сонгон шалгаруулалт амжилттай зохион байгуулагдаж, 7–11 дүгээр ангийн 22 суралцагч Бэрх ОУС-д элсэн орлоо. 📚✨

🌟 Шинээр элссэн нийт суралцагчдадаа халуун баяр хүргэж, цаашдын сурах, хөгжих их үйлсэд нь өндөр амжилт хүсье!

26/09/2026

БҮСИЙН АРГА ХЭМЖЭЭГ ЗОХИОН БАЙГУУЛЛАА

Монголын багш нарын 60, Дэлхийн багш нарын 32 дахь өдрийг угтан Хэнтий аймгийн зүүн бүсийн Ерөнхий боловсролын сургуулиудын дундах бүсийн арга хэмжээг 2026.09.25-ны өдөр Бэрх ЕБС, Бэрх ОУС хамтран зохион байгуулав.

Энэхүү үйл ажиллагааны хүрээнд хүрэлцэн ирсэн нийт багш ажилчид Бэрх хотын боловсролын байгууллагуудтай танилцах, туршлага судлах, хөдөө орон нутагт Олон улсын хөтөлбөрийг амжилттай хэрэгжүүлж буй сайн туршлага, тэргүүний багш нараас суралцах, Бэрх ЕБС-ийн сургалтыг дэмжих таатай орчин бүрдүүлсэн байдал, 1 ээлжинд шилжин хичээллэж, танхимын бус цагаар багш сурагчдыг хөгжүүлж байгаа арга туршлага зэргээс суралцсан юм.

Мөн сургууль бүрээсээ шалгаран ирсэн 1-5 дахь жилдээ ажиллаж буй "Залуу багш нарын ур чадварын уралдаан"-ыг зохион байгуулахад, Хэнтий аймгийн 1-р сургуулийн Газарзүйн багш Б.Баасансүрэн, Бэрх ОУС-ийн Математикийн багш Э.Цолмон нар тэргүүн байр эзэлжээ.

Бүсийн сургуулиудын удирдах ажилтны уулзалт зохион байгуулж, энэ хичээлийн жилд багшийн хөгжлийг дэмжих чиглэлээр бүсээрээ хамтран ажиллах ажлын төлөвлөгөө гаргалаа.

Арга хэмжээний хүрээнд нийт багш ажилчдын дунд спортын 3 төрөлт нөхөрсөг тэмцээн зохион байгуулсан бөгөөд, уг тэмцээний Бадминтоны төрөлд 1-р сургуулийн баг Тэргүүн байр, Бэрх ОУС-ийн баг Дэд байр эзэлсэн бол Дартсын төрөлд Хэнтий аймаг дахь Политехникийн коллежийн баг Тэргүүн байр, Батноров сумын ЕБС-ийн баг Дэд байр эзэллээ. Харин Волейболын спортын тоглолтууд маш хүчтэй ширүүн өрсөлдөөн үзүүлснээс Эрэгтэйчүүдийн ангилалд Хэнтий аймаг дахь Политехникийн коллежийн баг тамирчид Тэргүүн байр, 1-р сургуулийн баг тамирчид Дэд байр эзэлсэн бол эмэгтэйчүүдийн ангилалд Батноров сумын ЕБС-ийн баг тамирчид Тэргүүн байр, 1-р сургуулийн баг тамирчид Дэд байрыг эзэлсэн байна. Тэмцээний шагнал гардуулах хаалтын ажиллагааны үеэр авьяаслаг багш нарын урлагийн тоглолтыг толилуулсан юм.

Ийнхүү энэ өдрийн арга хэмжээнд хамт олноороо идэвхтэй оролцож, багийн нийлбэр дүнгээр ТЭРГҮҮН байрыг Д.Баттуяа захиралтай Хэнтий аймгийн Хэрлэн 1-р сургууль эзэлж Өргөмжлөл, 500.000 төгрөгөөр шагнагдлаа. Ирэх хичээлийн жилийн бүсийн арга хэмжээг Норовлин сумын ЕБС хариуцан зохион байгуулахаар болов. Бүсийн арга хэмжээндээ идэвхтэй оролцсон нийт багш нартаа чин сэтгэлийн талархал илэрхийлье.

Олон улсын хөтөлбөртэй ерөнхий боловсролын Бэрх сургууль, Бэрх ерөнхий боловсролын сургуулийн захиргаа

2026.09.26
Berkh Ebs Oyungerel Geegee Хэнтий аймгийн Боловсролын газар

25/09/2026

📢 НЭМЭЛТ ЭЛСЭЛТИЙН ШАЛГАЛТАД БҮРТГҮҮЛСЭН СУРАЛЦАГЧДЫН АНХААРАЛД

24/09/2026

🔬 НЭГ ӨДӨР, ГУРВАН ШИНЖЛЭХ УХААН, ОЛОН ШИНЭ НЭЭЛТ

2026.09.19-ний өдөр Бэрх ОУС-ийн Физик, Биологи, Газарзүйн хичээлийг сонгон судалж буй 9–11 дүгээр ангийн 26 сурагч Хутаг уул орчимд хээрийн дадлага, судалгааг амжилттай хийж гүйцэтгэлээ.

Энэ өдөр Хутаг уул сурагчдын хээрийн туршилтын лаборатори, судалгааны талбар болон хувирч, сурагчид байгалийн бодит орчинд онолын мэдлэгээ бататган, хичээл бүрийн онцлогт тохирсон туршилт, судалгааны ажлуудыг багаар хийж гүйцэтгэсэн юм.

🔬 ХЭЭРИЙН СУДАЛГААНЫ АЖЛУУД
🌿 Биологийн хичээл
Трансэкт болон квадратын арга ашиглан ургамлын бүрдэл, бүтэц, тархалтын олон янз байдлыг тодорхойлов.
Цаасан хроматографийн арга ашиглан ургамлын навч дахь пигментүүд болох хлорофилл a, b, каротиноид, ксантофиллыг ялган тодорхойлж, фенологийн ажиглалт хийв.
📐 Физикийн хичээл
Налуу гадарга ба хөрсний температур: Налуу гадарга дахь нарны тусгалын өнцөг болон хөрсний температурын хэмжилт хийв.
Хүндийн хүчний хурдатгал: Уулын орой болон хормой хэсэгт хүндийн хүчний хурдатгалыг математик тооцоолол болон пүршэн маятник ашиглан тодорхойлов.
🗺️ Газарзүйн хичээл
Орон зайн баримжаа ба зураглал: Тавцант луужин, топографийн зураг ашиглан чиг баримжаа авах, азимут тодорхойлох дадлага хийв.

Уулын бичил уур амьсгал ба хөрс: 3-in-1 Soil Tester төхөөрөмжөөр хөрсний чийгшил, pH, гэрлийн эрчмийг хэмжиж, ургамалжилтын хувийг тооцон, чулуулгийн дээжид ажиглалт хийв.

🧭 ОНОЛЫГ АМЬДРАЛД
Сурагчид танхимд үзсэн онол, ойлголтоо бодит орчинд баталгаажуулахаас гадна асуулт дэвшүүлж, хариултаа эрэлхийлэх, өгөгдөл цуглуулах, мэдээлэлдээ тулгуурлан профиль зураг болон график байгуулах, үүрэг хариуцлагаа хуваарилан багаар ажиллах үнэтэй туршлага хуримтлууллаа.
Хутаг ууланд өнгөрүүлсэн энэ өдөр хэмжилтийн тоо, судалгааны тэмдэглэлээс гадна шинэ мэдлэг, нөхөрлөл, хамтын ажиллагаа, мартагдашгүй дурсамжаар дүүрэн байлаа.

🔍 Харж ажигласан бүхэн нь асуулт, эрэлхийлсэн бүхэн нь шинэ нээлт байх болтугай.

Сурагчдадаа цаашдын суралцах, судлах их үйлсэд нь өндөр амжилт хүсье! 🌱🔬📐🗺️

23/09/2026

ХӨТӨЛБӨР_АМЖИЛТТАЙ_ЗОХИОН БАЙГУУЛАГДЛАА.
Шинэ Эрин,Бэрх ОУ-ын сургууль нь БНСУ-ын Санжү дунд сургуультай хамтран хэрэгжүүлдэг “Соёлын хөтөлбөр"-өө 8 дахь жилдээ амжилттай зохион байгууллаа.
🌎📚2026 оны 06 дугаар сарын 25-наас 07 дугаар сарын 04-ний өдрүүдэд зохион байгуулагдсан энэхүү хөтөлбөрт Шинэ Эрин ОУ-ын сургуулийн багш, ажилтан, суралцагчдаас гадна Хэнтий аймгийн Бэрх ОУ-ын сургуулийн багш, суралцагчид хамрагдсан нь энэ жилийн онцлог байлаа.
👏 Хөтөлбөрийн хүрээнд багш, суралцагчид Солонгосын Намхэ мужийн Санжү дунд сургуульд зочилж, сурагч солилцооны хөтөлбөрийн дагуу солонгос айлд байрлан амьдарснаар хоёр орны соёл, ахуй, уламжлалыг бодитоор танин мэдэж, харилцан ойлголцол, нөхөрлөлийг улам бататгасан үнэ цэнтэй өдрүүдийг өнгөрүүллээ.🏡💚
Мөн сурагчид маань олон төрлийн спортын үйл ажиллагаанд оролцож, усанд сэлэлт, далайн аялалд хамрагдсан.
Жинжү хотын Чоксокрү асарт зочлон, эх оронч баатрууд болох Нунгиэ болон Ким Ши Мин нарын эх оронч үзэл, баатарлаг үйл хэрэгтэй танилцаж, Солонгосын түүх, соёлоос үнэ цэнтэй сургамж авсан юм.
⚽🌊Үүний зэрэгцээ үзэсгэлэнт Чэжү арлаар аялж, Чонжиён хүрхрээ, Вэдолгэ хад, Жүсанжолли баганат хад, Сонсан Илчүлбун галт уулын тогоо, Акуа Планет Жэжү, Бижарим ой зэрэг байгалийн өвөрмөц тогтоц бүхий газруудаар зочиллоо. Мөн “4.3 Энхтайваны цэцэрлэгт хүрээлэн”-д очиж, түүхэн сургамж, энхтайвны үнэ цэнийг хамтдаа мэдэрч, байгалийн үзэсгэлэнт сайхныг биширсэн сайхан мөчүүдийг өнгөрүүлэв.
🌋🌲🌊🪽 Энэхүү үйл ажиллагаа нь 2017 оноос хойш тасралтгүй хэрэгжиж байгаа бөгөөд тус хөтөлбөрийн гол зорилго нь 2 улсын харилцан ойлголцол, хүндэтгэл, найрамдал нөхөрлөлийг бэхжүүлэхийн зэрэгцээ олон улсын боловсрол, соёлын хамтын ажиллагааг хөгжүүлэх чухал гүүр болсоор байна.
🤝✨🇲🇳🇰🇷 Сургуулийн бүхий л үйл ажиллагааг үргэлж дэмжиж, итгэл хүлээлгэн хамтран ажилладаг эцэг эх, асран хамгаалагчид болон хамтран ажилласан бүх байгууллага, хамт олондоо чин сэтгэлийн талархал илэрхийлье.💚

21/09/2026

📚 “ҮНДЭСНИЙ БИЧИГ СОЁЛ, НОМЫН ӨДРҮҮД – 2026”

“Нийтээр тэмдэглэх баярын болон тэмдэглэлт өдрүүдийн тухай” хууль, Монгол Улсын Ерөнхийлөгчийн 2012 оны 158 дугаар зарлигийн дагуу уламжлал болгон зохион байгуулдаг 40 дэх удаагийн “Үндэсний бичиг соёл, номын өдрүүд – 2026” намрын номын өдрүүдийн хүрээнд соёл, номын олон талт үйл ажиллагааг Хэнтий аймгийн Номын сантай хамтран амжилттай зохион байгууллаа. 📚✨

📖 Арга хэмжээний хүрээнд:
💎 Шинэ болон шилдэг номын үзэсгэлэн
💎 “Номтой сугалаа”
💎 “Та та тунгаа” хөгжөөнт уралдаан
💎 Монгол үндэсний уламжлалт тоглоом, наадгай
зэрэг сонирхолтой үйл ажиллагааг зохион байгууллаа. 🎉

📚 Номтой нөхөрлөж, үндэсний өв соёл, бичиг үсгийн үнэ цэнийг танин мэдэх, чөлөөт цагаа зөв боловсон өнгөрүүлэхэд чиглэсэн энэхүү үйл ажиллагаанд идэвхтэй оролцсон нийт багш, ажилтан, сурагчдадаа баярлалаа.

✨ Хамтран ажилласан Хэнтий аймгийн Номын сангийн хамт олондоо талархал илэрхийлье!

#ҮндэснийБичигСоёлНомынӨдрүүд2026
#НомтойНөхөрлөе 📚
#БэрхОУС

17/09/2026

2026 оны 09 дүгээр сарын 11,12-ний өдөр
2026-2027 оны хичээлийн жилийн “Намрын спартакиад” амжилттай зохион байгуулагдлаа.

Тэмцээн: 100м, 400м, 800м, 1500м, ангийн гүйлт, буухиа, гүйлтээс уртад харайлт гэсэн 7 төрлөөр 6-7, 8-9, 10-12-р ангийн ангилалд зохион байгуулагдсан.

Тэмцээний нийлбэр дүнгээр:
6-7-р ангийн ангилалд:
🥇 1-р байр Б. Үүрцайх багштай 7Б анги
8-9-р ангийн төрөлд:
🥇 1-р байр О.Хаажидмаа багштай 9Б анги
10-12-р ангийн төрөлд:
🥇 1-р байр Ц.Лхагважамц багштай 10А анги тус тус шалгарлаа.

Цаашдын тэмцээн уралдаан, сурлага хөдөлмөрт нь өндөр амжилт хүсье! 💪✨

17/09/2026

📢 НЭМЭЛТ СОНГОН ШАЛГАРУУЛАЛТ

🎓 2026–2027 оны хичээлийн жилд Олон улсын хөтөлбөртэй ерөнхий боловсролын Бэрх сургуульд 7–12 дугаар ангид элсэн суралцах хүсэлтэй суралцагчдыг “Нэмэлт сонгон шалгаруулалт”-д урьж байна.

📌 Бүртгэл:
🗓 2026.09.18-ны 10:00 цагаас
⏰ 2026.09.23-ны 17:00 цаг хүртэл https://local.eec.mn/reg/login линкээр цахимаар явагдана.

📝 Шалгалт:
🗓 2026.09.26-ны 10:00 цагт
📍 Бэрх ОУС-д зохион байгуулагдана.

Дэлгэрэнгүй мэдээллийг:
Утас: 99938791, 88198676

14/09/2026

12/09/2026

🏆 VANDA-2026 ШИНЖЛЭХ УХААНЫ ОЛИМПИАД

6–11 дүгээр ангийн нийт 30 сурагч Vanda-2026 Шинжлэх ухааны олимпиадад амжилттай оролцож, мэдлэг, ур чадвар, хичээл зүтгэлээ сорин өрсөлдлөө.

🎉 Оролцсон сурагчдаас:

🥇 1 — Алтан медаль
🥉 8 — Хүрэл медаль
🏅 3 — Тусгай байр

нийт 12 сурагч шагналт байрт шалгарсан бахдам амжилт үзүүллээ.

Энэхүү амжилт нь сурагчдын шинжлэх ухаанч сэтгэлгээ, мэдлэгээ практикт хэрэглэх чадвар, тууштай хөдөлмөрийн үр дүн юм. 🌱🔬

👏 Амжилт гаргасан нийт сурагчдадаа халуун баяр хүргэж, цаашдын суралцах үйлсэд нь улам их амжилт хүсье!

Мөн сурагчдаа дэмжин, бэлтгэл сургуулилтад нь чиглүүлэн ажилласан байгалийн ухааны багш нартаа баярлалаа. 💐

“Их амжилт — өдөр бүрийн жижиг хичээл зүтгэлээс эхэлдэг.” ✨