26/03/2026
2026 оны 03 дугаар сарын 27-ны өдөр СААЖЦ-ын “Энэрэл” төвд гамшгийн үед авах арга хэмжээний дадлага сургуулилтыг зохион байгууллаа. Тухайн өдөр 16 цаг 00 минутад гамшгийн зарлан мэдээлэх дуут дохио өгөгдөж, төвийн нийт ажилчид, хүүхдүүдийн оролцоотойгоор нүүлгэн шилжүүлэх ажиллагааг шуурхай эхлүүлэв. Дуут дохио дуугармагц жижүүр Б.Золбоохүү, ээлжийн багш Б.Алтантуяа нар удирдан зохион байгуулж, төвийн байрны бүх аваарын гарцуудыг нээж, хүүхдүүдийг аюулгүй байдлыг ханган зохион байгуулалттайгаар гадагш гаргасан. Тухайн үед спорт зааланд тэмцээнд оролцож байсан баг, тамирчид мөн адил зааврын дагуу нүүлгэн шилжүүлэлтэд хамрагдан, саадгүйгээр гаднах цугларах цэгт хүрэлцэн ирсэн. Объектын бүрэн шалгалтыг жижүүр Б.Золбоохүү хариуцан гүйцэтгэж, барилга дотор хүн үлдээгүй эсэхийг нягтлан шалгасны дараа хамгийн сүүлд 16 цаг 02 минут 24 секундэд байрнаас гарч, аюулгүй байдлыг бүрэн хангаж ажилласан. Нүүлгэн шилжүүлэлт зохион байгуулалттай, эмх цэгцтэй явагдаж, нийт ажилчид болон хүүхдүүд 16 цаг 02 минутын дотор гаднах цугларах цэгт бүрэн цугларч дууссан байна. Үүний дараа нийгмийн ажилтан Д.Оюунчимэг 16 цаг 07 минутад нэгдсэн тооллого хийж дуусган, гадна цугласан нийт 104 хүний бүртгэлийг баталгаажуулсан.
Тус дадлага сургуулилтаар гамшгийн үед авах арга хэмжээний бэлэн байдал, ажилтнуудын уялдаа холбоо, хүүхдүүдийн сахилга зохион байгуулалт хангалттай сайн байгааг харуулж, цаашид сайжруулах шаардлагатай зарим нарийн зохион байгуулалтын асуудлыг тодорхойлох ач холбогдолтой боллоо.
