Орхон аймгийн Жаргалант сумын ЕБС

28/09/2026

28/09/2026

ЦЭЦЭРЛЭГ, ЕРӨНХИЙ БОЛОВСРОЛЫН СУРГУУЛИЙН УДИРДЛАГУУДАД АНХААРУУЛЖ БАЙНА

🐻 Баавгайн идэвхжил ажиглагдаж байгаа тул хүүхдүүдийг ойрын өдрүүдэд нэгдсэн зохион байгуулалттайгаар агаар салхинд гаргахгүй байхыг зөвлөж байна.

ЭЦЭГ ЭХ, АСРАН ХАМГААЛАГЧДАД СЭРЭМЖЛҮҮЛЖ БАЙНА

Хүүхдийг ганцааранг нь гадаа тоглуулахгүй, ой мод болон хүн багатай газраар явуулахгүй байхыг зөвлөж байна.

Шаардлагагүй бол түр хугацаанд гадаа гарахгүй байж, нөхцөл байдал намжихыг хүлээнэ үү.

Аюулгүй байдлаа нэгдүгээрт тавьж, хүүхдүүдээ хараа хяналтгүйгээр бүү явуулаарай.

25/09/2026

Хүүхдийг шалтагтай, шалтаггүй хичээлээс хоцроогоод, чөлөө аваад байвал хамгийн түрүүнд сахилга бат алдагддаг.😢😢
Ханиад хүрэхийн төдийд сургуульд явуулахгүй, жижигхэн тавгүйрхлийг том шалтаг болгож,
“Өнөөдөр яах вэ дээ” гэж хойшлуулсаар байвал:
📌 Хүүхдэд хичээлийн хоцрогдол үүснэ.
📌 Ахиц удааширна.
📌 Өөртөө тавих шаардлага суларна.
📌 Аажмаар залхуурал хэвшил болно.
Сургууль бол зөвхөн хичээл заадаг газар биш.
Тэсвэр, хариуцлага, цагийн менежмент, хамтын орчинд байх чадварыг сургадаг газар.
Мэдээж өндөр халуурсан, халдвартай үед бол амраах ёстой.
Гэхдээ “ядарсан юм шиг байна”, “унтмаар байна” гэдэг нь залхуурлын хамгийн том хэлбэр.
Өнөөдөр нэг өдөр таслах нь жижиг мэт боловч, жилийн төгсгөлд “хуримтлагдсан”хоцрогдол болдог.
Хариуцлага бол багаасаа тогтдог. 💛
#сору

25/09/2026

ӨСВӨР НАСНЫ ХҮҮХЭДТЭЙГЭЭ ХЭРХЭН ЗӨВ ХАРИЛЦАХ ВЭ?
Шилжилтийн насанд хүүхдийн тархинд болон сэтгэц-хөгжилд асар том өөрчлөлт шинэчлэлт явагддаг. Тэднийг "загнаж, захирах" болон тушаах харилцаа нь итгэлцлийг эвдэж, улам хөндийрүүлдэг тул дараах зүйлсэд анхаарай.
1. Зөвлөхөөсөө өмнө сонс
Хүүхэд асуудлаа ярихад ихэнх эцэг эхчүүд шууд шүүмжилж эсвэл шууд шийдэл зааж эхэлдэг.
❌ "Чамд би хэлээ биз дээ, тэр найзтайгаа бүү харилц гэж..."
✅ "Чамд нээрээ хэцүү байсан байх даа. Аав/ээж нь чамайг дуустал нь сонсоход бэлэн байна."
2. Мэдрэмжийг нь үгүйсгэхгүй байх
Тэдний жижигхэн асуудал (найзтайгаа муудалцах) тэдний хувьд "дэлхий сөнөж буй" мэт том санагддаг. Тэдний мэдрэмжийг хэзээ ч "зүгээр шүү дээ, юун их юм болгодог юм" гэж басамжилж болохгүй. Мэдрэмжийг нь хүлээн зөвшөөрч өгөх нь сэтгэл зүйн аюулгүй байдлыг бий болгодог.
3. Орон зай ба хил хязгаарыг хүндэтгэх
Өрөөнийх нь хаалгыг тогшихгүй орж ирэх, утсыг нь нууцаар шалгах, бусдын урд зэмлэх нь тэдний итгэлийг эвддэг.
Хувийн орон зайг нь хамгаалж, хүндэтгэж"Би чамд итгэж байна" гэдгээ үйлдэл бүрээрээ харуулаарай.

📚Эх сурвалж:
American Psychological Association (APA): Developing Adolescents
Siegel, D. J. (2013): Brainstorm: The Power and Purpose of the Teenage Brain
Gottman, J. M. (1997): Raising an Emotionally Intelligent Child

24/09/2026

Жаргалант сумын Ерөнхий боловсролын сургууль нь
✅Суралцагчдын сурлагын амжилт, хөгжил төлөвшлийг дэмжих
✅ Багшийн мэргэжлийн ур чадвар, сургалтын чанар, хүртээмжийг сайжруулахад чиглэн ажиллаж байна.

24/09/2026

🔖2026-09-24-ний ҮДИЙН ХООЛ🍽️

🖥️Дэлгэрэнгүй мэдээлэл авах эх сурвалж:
🧑🏻‍💻Захирал: Ө.Батбаяр
🕿Холбогдох утас: 99335006
🏣Өрөөний дугаар: 101 тоот
✅e-mail:[email protected]

24/09/2026

ТАЛАРХАЛ
Жаргалант сумаас Орхон аймгийн ИТХ-д сонгогдсон төлөөлөгч Бямбадашийн Зоригтбаяр санаачилга, дэмжлэгийн хүрээнд Дэзэрэт Олон Улсын Энэрлийн Байгууллагаас хэрэгжүүлж буй “Chromebook” төслийн хүрээнд манай сургуульд 20 ширхэг "Chromebook" төхөөрөмжийг гардуулан өгсөнд талархаж байна.
Эдгээр төхөөрөмж нь сурагчдын PERSON, EDUTEN зэрэг цахим хичээл, сургалтын платформыг ашиглах боломжийг нэмэгдүүлж, цахим ур чадварыг хөгжүүлэхийн зэрэгцээ боловсролын чанар, хүртээмжийг сайжруулах, суралцах таатай орчныг бүрдүүлэхэд үнэтэй хувь нэмэр оруулж байна.
Сурагчдын боловсрол, хөгжилд чиглэсэн энэхүү үнэ цэнтэй дэмжлэгийг үзүүлж, сургалтын үйл ажиллагааг дэмжин ажиллаж буй Орхон аймгийн Засаг дарга Бямбадашийн Зоригтбаяр болон Deseret International Charities Mongolia байгууллагын хамт олонд нийт багш, ажилтан, албан хаагч, суралцагчид, эцэг эх, асран хамгаалагчдынхаа өмнөөс баярласан, талархсанаа илэрхийлье. 👏👏👏

23/09/2026

📌ОРОН НУТАГ СУДЛАЛЫН ИНТЕГРАЦИ ХИЧЭЭЛ

Орхон аймгийн Төвийн бүсийн
5-р сургууль, 7-р сургууль, 20-р сургууль, Жаргалант сумын сургууль хамтран 8 дугаар ангийн сурагчдад орон нутаг судлалын интеграц хичээл зохион байгууллаа.

📚 Тус сургалтад:
▫️ Математик
▫️ Монгол хэл
▫️ Түүх
▫️ Газарзүй
▫️ Дүрслэх урлаг
▫️ Дуу хөгжим

зэрэг хичээлүүдийг уялдуулан, сурагчдад орон нутгийнхаа түүх, соёл, байгаль, газарзүйн онцлогийг танин мэдэх, мэдлэгээ бодит орчинд хэрэгжүүлэх боломж бүрдүүлэв.

📍 Сургалтын аяллын хүрээнд:
👨‍💼 Удирдах ажилтан – 11
👩‍🏫 Мэргэжлийн багш – 35
🧑‍🎓 Сурагч – 481
нийт оролцогчид 6 өртөө бүхий 78 км-ийн маршрутаар сургалт-танин мэдэхүйн аялалд хамрагдлаа.
📊 Сурагчдын ирц 95.8%-тай байж, сургалтын үйл ажиллагааг үр дүнтэй зохион байгууллаа.
🚎🚌🚎 Хичээлээс бодит орчинд, мэдлэгээс туршлага руу — хамтын ажиллагаагаар суралцъя!

23/09/2026

📣 2026-2027 ОНЫ ХИЧЭЭЛИЙН ЖИЛД ЗОХИОН БАЙГУУЛАХ УЛСЫН ОЛИМПИАДЫН ХУВААРЬ БАТЛАГДЛАА
✅️ 2026-2027 оны хичээлийн жилд зохион байгуулагдах олимпиадын хуваарийн хугацааг хэлэлцсэн.
✅️ Ерөнхий хорооны хурлын шийдвэрийг үндэслэн 2026-2027 оны хичээлийн жилд ерөнхий боловсролын сургууль, аймаг дүүрэг, нийслэл бүс, Улсын түвшинд зохион байгуулагдах олимпиадын хуваарийг эцэслэн тогтоохдоо аймаг, нийслэлийн Боловсролын газар, хэлтсүүд болон Боловсролын яамны саналыг тусган хэлэлцэж, Боловсролын сайдад танилцуулснаар баталлаа.
📌 "Улсын олимпиад зохион байгуулах журам"-тай дараах холбоосоор орж танилцана уу: https://drive.google.com/file/d/1WdpfEcpm-JhymTZxDTP07HpucG0yVeGm/view?usp=sharing

23/09/2026

🥦🥕 2026-09-23-ны ҮДИЙН ХООЛ 🍅🥒
Дэлгэрэнгүй мэдээлэл авах эх сурвалж:
Захирал: Ө.Батбаяр
🕿Холбогдох утас: 99335006
🏣Өрөөний дугаар: 101 тоот
✅e-mail:[email protected]