ЭЦИС - Ахлах сургууль

💚💛💙
"Бүх нийтийн Физикийн боловсрол"-ыг дэмжих зорилгоор 2004 оноос эхлэн улсын хэмжээнд зохион байгуулж буй Физикийн багийн олимпиадад ЭЦИС - Ахлах сургуулийн 9, 10, 11-р ангийн сурагчид амжилттай оролцож, тус бүр Хүрэл медаль 🥉🥉🥉 хүртсэн сайхан амжилтыг үзүүллээ. Хөдөлмөрч хичээнгүй хүүхдүүддээ, бэлтгэсэн багш нартаа баяр хүргэж талархал илэрхийлье! 💐

💚💛💙 ШИЛДЭГ БАГААР ШАЛГАРЛАА
Боловсролын яам, Отгонтэнгэр их сургууль/Otgontenger university, Debate Mongolia, Монголын Карл Попперын Мэтгэлцээний Нийгэмлэг хамтран, Боловсролын сайдын ивээл дор зохион байгуулсан КАРЛ ПОППЕРЫН МЭТГЭЛЦЭЭНИЙ УЛСЫН АВАРГА ШАЛГАРУУЛАХ ХI ТЭМЦЭЭН-д ЭЦИС Ахлах сургуулийн D8 клубийн Тэнгэрийн жигүүр 🪽🪽🪽 баг амжилттай оролцож Шилдэг багаар шалгарлаа.
💚💛💙 Багийн гишүүд болох 12-р ангийн сурагч Б.Энхжин, Л.Саранзаяа болон 11-р ангийн сурагч О.Элбэгсайхан нартаа баяр хүргэе! 🔥🔥🔥 Манай сурагчдыг дасгалжуулж, чиглүүлж өгдөг МУЗБ Б.Удвал багш танд талархал илэрхийлж, хамгийн сайн сайхныг хүсье! 💐💐

🇬🇧🇲🇳🇺🇳
Өнөөдөр ЭЦИС-ийн Ахлах сургууль дээр ИБУИНХУ-аас Монгол Улсад суух Онц бөгөөд Бүрэн эрхт Элчин сайд хатагтай Фиона Блайт болон НҮБ-ын Хүүхдийн сангийн суурин төлөөлөгч хатагтай Беат Дастел нар зочилж, тус сургуулийн үйл ажиллагаатай танилцлаа.
Уулзалтын үеэр манай ахлах сургуулийн сурагчид сургуулийнхаа клуб, өөрийгөө хөгжүүлэх чиглэлээр хийж буй ажлуудаа бахархалтайгаар танилцуулж, хүндэт зочидтой чөлөөт уулзалт, ярилцлага өрнүүллээ. Сурагчид маань ирээдүйн мэргэжил сонголт, боловсролын хөгжил болон олон улсын байгууллагуудын зүгээс төгсөж буй залуусыг хэрхэн дэмжиж ажилладаг талаар сонирхсон асуултдаа хариулт авч, үнэтэй зөвлөгөөг сонссон юм.
🤝 Манай сургуулийн сурагчдын дуу хоолойг сонсож, үнэт цагаа гарган зочилсон хатагтай Фиона Блайт болон хатагтай Беат Дастел нарт гүн талархал илэрхийлье! 🤗

🔔🔔🔔 GOLDEN BELL
Ахлах сургуулийн 9-10р ангийн сурагчдын дунд IGCSE түвшний 🇬🇧Англи хэл ба 🌍Дэлхийн чиг хандлага хичээлүүдийн сэдвээр 🔔 "Алтан хонх" тэмцээн явагдлаа. Тэмцээний ялагчаар 9Б ангийн сурагч А.Бишрэлт тодорч, шилдэг оролцогчоор 9А ангийн сурагч А.Сувд-Эрдэнэ, 9Б ангийн сурагч Д.Даваажаргал нар шалгарлаа. Хичээнгүйлэн суралцаж буй хүүхдүүддээ баяр хүргэж, цаашдын амжилтыг ерөөе! 🤗

💚💛💙
ЭЦИС-ийн номын сангаас Үндэсний бичиг соёлын өдрийг тохиолдуулан Ахлах сургуулийн сурагчид болон Коосэн коллежийн оюутнуудын дунд Үсэглэлийн аварга шалгаруулах тэмцээнийг зохион байгууллаа. Уг тэмцээнд нийт 10 баг өрсөлдөж, 1-р байрт Ахлах сургуулийн 11-р ангийн баг, 2-р байрт Ахлах сургуулийн 12-р ангийн баг, 3-р байрт Ахлах сургуулийн 9Б ангийн баг тус тус шалгарлаа. Эх хэлээ дээдлэн хичээнгүйлэн суралцаж буй хүүхдүүддээ, дэмжин ажиллаж буй номын сангийн хамт олондоо баярлалаа 🥰🤗

💚💛💙 КЕНГУРУ 2026 ОЛИМПИАД
Олон улсын математикийн Кенгуру-2026 олимпиадад манай сургуулийн сурагчид амжилттай оролцлоо.
✨I зэрэг, алтан медаль 🥇
11-р ангийн сурагч С.Азжаргал
✨I зэрэг, хүрэл медаль 🥉
12-р ангийн сурагч Б.Тэнгэр
12-р ангийн сурагч А.Тэнүүн-Итгэл
11-р ангийн сурагч Э.Лхагваренчин
9Б ангийн сурагч А.Бишрэлт
✨II зэргийн диплом
11-р ангийн сурагч Э.Марал
11-р ангийн сурагч Д.Цэлмүүн
10-р ангийн сурагч Э.Оюунжигүүр
9А ангийн сурагч Х.Тэмүүлэн
9Б ангийн сурагч А.Маргад-Эрдэнэ
✨III зэргийн диплом
12-р ангийн сурагч А.Орхон
11-р ангийн сурагч Г.Хантулга
11-р ангийн сурагч О.Элбэгсайхан
10-р ангийн сурагч Д.Элбэг
10-р ангийн сурагч А.Эрдэм
10-р ангийн сурагч Г.Түвшинбаяр
9А ангийн сурагч Э.Аяан
9Б ангийн сурагч Г.Есүгэн
9Б ангийн сурагч О.Эрдэнэсувд
9Б ангийн сурагч Д.Даваажаргал нар шалгарлаа.
Амжилттай оролцсон нийт сурагчдадаа болон бэлтгэсэн Математикийн багш нартаа баяр хүргэж талархал илэрхийлье! 🎊

💚💛💙 ТАЛАРХАЛ
Эх хэлний боловсролын чанар, хэрэглээ, дархлааны түвшнийг тогтоох, сайжруулах зорилгоор зохион байгуулагддаг Монгол хэл бичгийн шалгалтад манай 10-12-р ангийн нийт 19 сурагч хамрагдаж 89,5 хувийн амжилттай дүгнэгдлээ. Үүнээс 10-р ангийн Т.Нандинхишиг 800 оноо, Ч.Чинболор 716 оноо авсан амжилт гаргалаа. Бэлтгэсэн Б.Туул багшдаа болон сурагчдадаа баяр хүргэж, цаашдын сурлага хөдөлмөрт өндөр амжилт хүсье! 💐

💚💛💙
Ахлах сургуулийн элсэлтийн шалгалт явагдаж дүнгээ гаргалаа. Тэнцсэн сурагчдадаа баяр хүргэе! Доорх кодтой сурагчид 2026 оны 5-р сарын 27-ны өдрийн Лхагва гараг 18:00 цагаас Лекцийн заланд болох Шинэ элсэгчдийн уулзалтад эцэг/эхийн хамт хүрэлцэн ирнэ үү. 🤗🤗🤗

💚💛💙 ШАЛГАЛТАД ОРОЛЦОХ СУРАГЧДАД ЗОРИУЛСАН САНАМЖ
Эрхэм сурагчид аа,
ЭЦИС-ийн IX ангийн элсэлтийн шалгалтад оролцож буй та бүхэнд амжилт хүсье! Шалгалт өгөхдөө дараах заавар, журмыг чанд мөрдөхийг хүсэж байна.

1. Авч ирэх зүйлс:
🟢Бичиг баримт: Төрсний гэрчилгээ
🟢Бичгийн хэрэгсэл: Хөх өнгийн бал, харандаа, баллуур, шугам.

2. Хориглох зүйлс:
Шалгалтын тэгш байдлыг хангах үүднээс дараах зүйлсийг ашиглахыг хатуу хориглоно:
❌Туузан эсвэл шингэн штрих: Хариултын хуудсан дээр засварлагч ашиглаж болохгүй тул анхнаасаа анхааралтай тэмдэглэнэ үү.
❌Тооны машин: Бүх тооцооллыг гараар бодно.
❌Ухаалаг төхөөрөмж: Гар утас, ухаалаг цаг, чихэвч зэргийг шалгалтын ангид авч орохгүй.
❌Ном, дэвтэр, гарын авлага: Шалгалттай холбоотой ямар нэгэн туслах материал ашиглахгүй.

3. Цаг баримтлах:
⏰Шалгалт эхлэхээс 20-30 минутын өмнө суудлаа эзэлсэн байх шаардлагатай. Хоцорсон тохиолдолд шалгалтад оруулах боломжгүйг анхаарна уу!

4. Бусад:
‼️Шалгалтын явцад бусадтай ярих, хуулах, хариултын хуудас солилцох зэрэг үйлдэл гаргавал шалгалтыг хүчингүйд тооцно.
Хувийн бэлтгэл: Шалгалтын үеэр сандрахгүй, тайван байж, асуултаа анхааралтай уншаарай.

💚💛💙 Та бүхэнд амжилт хүсье!

ЭЦИС - Ахлах сургууль

💚💛💙
Ахлах сургуульд элсэх шалгалтын бүртгэл өнөөдөр 18:00 цагаас хаагдана.

ЭЦИС - Ахлах сургуулийн элсэлтийн шалгалтын бүтэц:
🔸1-р шат: Математик, Физик, Хими хичээлүүдээр сонгох болон бүтээх даалгавар гүйцэтгэнэ. 2026.05.09-ний өдрийн 9:00 цагт Хичээлийн 1-р байранд явагдана. Сурагчид шалгалтад ирэхдээ төрсний гэрчилгээ эсвэл хувийн хэргээ авч ирнэ үү.
🔸2-р шат: Эхний шатнаас шалгарсан сурагчид Англи, Монгол хэлний аман болон бичгийн шалгалтад оролцоно.
🔸Дүнг эцэслэн ЭЦИС - Ахлах сургууль пэйж хуудсаар мэдэгдэнэ.
Та доорх линкийг дарж, эсвэл QR кодыг уншуулж бүртгэлээ хийлгэнэ үү.
https://forms.gle/QTpTM2wyStXWJJ9L6
🕘🕘🕘