ЭЦИС - Ахлах сургууль

24/07/2026

💚💚💚 ЭРДЭНЭТ 5️⃣0️⃣ жил
Нийт сурагчид, төгсөгчид, эцэг эх - асран хамгаалагчид болон багш ажиллагсаддаа Эрдэнэт хот үүсгэн байгуулагдсаны түүхт 50 жилийн ойн мэндийг хүргэе! 💚💛💙

Эрдэнэт хот 50 жил
Түүх, бахархал, амжилтаар бүтсэн 50 жилийн ойн баярын мэндийг хүргэе

06/07/2026

ЭШ 2026 | 8️⃣0️⃣0️⃣
Элсэлтийн шалгалтад 800 оноо авсан болон Олон улсын шалгалт SAT, IELTS-ын оноог дүйцүүлсэн сурагчдыг аймгийн Засаг дарга болон ИТХ-аас шагналаа. 💚💛💙 ЭЦИС - Ахлах сургуулийн сурагчдаас:
Б.Авирмэд SAT Math 790 = ЭШ 800 | IELTS 8.0 = ЭШ 800,
М.Ану SAT Math 790 = ЭШ 800 | IELTS 7.5 = ЭШ 800,
Б.Тэнгэр SAT Math 780 = ЭШ 800 | IELTS 8.0 = ЭШ 800,
А.Орхон SAT Math 790 = ЭШ 800,
Ц.Батбадрал IELTS 8.0 = ЭШ 800,
Ц.Мөнххас IELTS 8.0 = ЭШ 800,
Э.Бямбажаргал IELTS 7.5 = ЭШ 800,
Э.Янжинлхамуу IELTS 7.5 = ЭШ 800, нар тус тус дүйцүүлж амжилтаа үнэлүүллээ. Сурагчдын маань хичээл зүтгэлийг үнэлсэн Аймгийн засаг дарга Бямбадашийн Зоригтбаяр танд болон ИТХ-д баярлалаа. 🤗

29/06/2026

🎓 ЭШ–2026 | БАХАРХАЛ 💚💛💙
2026 оны Элсэлтийн Шалгалтад ЭЦИС - Ахлах сургуулийн төгсөгчид амжилттай оролцож, хүссэн их, дээд сургуульдаа элсэн суралцах эрхээ бататгалаа.
Энэ жилийн шалгалтаар манай сурагчид Англи хэл, Математик, Физик, Хими хичээлүүдээр 700 ба түүнээс дээш оноо авсан амжилт үзүүллээ. Мөн эдгээр хичээл тус бүрийн ЭШ-ын дундаж оноо 620+ гарсан нь сурагчдын тууштай хөдөлмөр, багш нарын чанартай сургалтын үр дүн байлаа.
Бидний амжилтын ард хамтдаа хичээсэн сурагчид, мэдлэг боловсрол түгээсэн багш нар, үргэлж дэмжиж ирсэн эцэг эх, асран хамгаалагчид та бүхэндээ чин сэтгэлийн талархал илэрхийлье 💚💛💙
Нийт төгсөгчдөдөө халуун баяр хүргэж, цаашдын сурлага, ажил амьдралд нь өндөр амжилт, сайн сайхан бүхнийг хүсэн ерөөе!
#ЭШ2026 #АмжилтынЭзэд

28/06/2026

🚀 SPACEPORT MONGOLZ 2026 ТЭМЦЭЭНД МАНАЙ СУРАГЧИД ОРОЛЦОЖ БАЙНА
ЭЦИС - Ахлах сургуулийн 11-р ангийн сурагчид болох О.Элбэгсайхан, Э.Марал, С.Азжаргал, Г.Хантулга, Н.Эрдэнэ, Д.Цэлмүүн нарын бүрэлдхүүнтэй “Sagittarius A” баг шинжлэх ухаан, инженерчлэл, сансар судлалын сонирхлоор нэгдэн SPACEPORT MONGOLZ 2026 улсын тэмцээнд Физикийн багш Э.Амарбаясгалангийн удирдлаган дор оролцож байна. Энэхүү тэмцээн нь сурагчдын инженерчлэлийн мэдлэг, бүтээлч сэтгэлгээ, асуудал шийдвэрлэх чадвар, багаар ажиллах ур чадварыг хөгжүүлэх зорилготой Монголын анхны судалгааны пуужингийн тэмцээн юм.
Манай сурагчид өөрсдийн зохион бүтээсэн пуужингаа хөгжүүлэн, онолын мэдлэгээ бодит туршилттай хослуулж, инженерийн шийдэл боловсруулах, хамтран ажиллах чадвараа сорин энэхүү нэр хүндтэй тэмцээнд өрсөлдөж байна.
Суралцах хүсэл тэмүүлэл, бүтээлч сэтгэлгээ, шинжлэх ухаанд дурлах эрмэлзлээрээ нэгдсэн “Sagittarius A” багийн нийт гишүүдэд тэмцээнд нь өндөр амжилт хүсье!
🚀 Тэнгэр бол хязгаар биш, харин эхлэл!
#ШинжлэхУхаан #Инженерчлэл

18/06/2026

💚💛💙
ЭЦИС - Ахлах сургуулийн ахмад багш, "Химийн Мэндээ" буюу С.Мэнджаргал нь Ахлах сургуулиас төрөн гарсан анхны Монгол Улсын Гавьяат Багш билээ. Багшдаа сайн сайхныг хүсэн ерөөе! 💐

11/06/2026

11/06/2026

💚💛💙 БАХАРХАЛ
🎓 ЭЦИС-АС сургуулийн 12А ангийн сурагч Л.Саранзаяа нь 🇨🇳 БНХАУ-ын National University of Chung Cheng их сургуульд Олон улсын харилцаа (International Relations) мэргэжлээр суралцах 100%-ийн тэтгэлэг хүртэж, нийт 25,000 ам.доллар (90,000,000₮)-ын тэтгэлгийн эзэн боллоо.
🎤 Л.Саранзаяа нь илтгэх, мэтгэлцэх урлагаар тууштай хичээллэж, аймаг болон улсын хэмжээний тэмцээнүүдэд амжилттай оролцон нийт 1 алт, 1 мөнгө, 2 хүрэл медаль хүртсэн байна. Мөн “Шилдэг илтгэгч”, “Онцлох мэтгэлцэгч” өргөмжлөлүүдийг хүртсэн. Тэрээр IELTS-ийн 7.0 оноотой, бөгөөд Биологи болон Нийгмийн ухааны олимпиадад амжилттай оролцож, мэдлэг чадвараа тогтмол хөгжүүлж ирсэн.
🌍 Л.Саранзаяа нь 2022-2023 онд Орхон аймгийн Хүүхдийн зөвлөлийн Аюулгүй Байдлын Хорооны тэргүүнээр, ЭЦИС-Ахлах сургуулийн СӨЗ /Сурагчдын өөрөө удирдах зөвлөл/ -ийн тэргүүнээр 1 жил ажиллаж, мөн 9–10-р ангидаа ангийн даргын үүргийг нэр төртэй гүйцэтгэсэн нийгмийн оролцоо, манлайлал сайтай сурагч юм. Түүнчлэн YSC Mongolia байгууллагын оролцогч бөгөөд нийгмийн оролцоо, байгаль орчинд ээлтэй хандлагаараа үеийнхэндээ үлгэр дуурайл үзүүлдэг тэргүүний сурагч билээ.
👏 Л.Саранзаяадаа цаашдын сурлага, судалгаа болон ирээдүйн зорилго бүхэнд нь өндөр амжилт хүсье. Эрдмийн их аян нь үргэлж амжилт, боломж, өсөлтөөр дүүрэн байх болтугай.

10/06/2026

💚💛💙 БАХАРХАЛ
🎓 ЭЦИС-Ахлах сургуулийн 12А ангийн сурагч Ц.Мөнхзаяа нь 🇨🇳 БНХАУ-ын Beijing Institute of Technology Zhuhai сургуульд International Trade and Economics мэргэжлээр 100% тэтгэлэгтэй суралцах эрх авч, нийт 120,000 юань буюу 62,400,000₮-ийн тэтгэлгийн эзэн боллоо! 👏✨
📚 Мөнхзаяа нь ЭЦИС-Ахлах сургуульд суралцах хугацаандаа Англи хэл болон Дизайн-Технологийн олимпиадуудад тогтмол амжилттай оролцож, Англи хэл дээрх илтгэл, мэтгэлцээний уралдаануудаас 🥈 2 мөнгөн медаль хүртсэн, 🇬🇧 IELTS-ын 7.0 оноо, 🇨🇳 HSK 3-р түвшинтэй чадварлаг сурагч юм.
Мөн Аймгийн аварга шалгаруулах 🏋️‍♀️ Powerlifting тэмцээнээс 🥉 2 хүрэл медаль хүртсэн спортлог нэгэн бөгөөд 🎨 тосон будгаар уран зурах авьяасаа хөгжүүлж, 📖 ном унших зөв дадлыг хэвшүүлсэн үлгэр жишээ сурагч билээ.
👏 Ц.Мөнхзаяадаа халуун баяр хүргэж, цаашдын сурлага, амьдралын замналд нь өндөр амжилт хүсье! ✨

09/06/2026

💚💛💙 БАХАРХАЛ
🎓 ЭЦИС-Ахлах сургуулийн 12А ангийн сурагч А.Жавхлан нь 🇨🇳 БНХАУ-ын Harbin Institute of Technology Shenzhen сургуульд Energy and Power Engineering мэргэжлээр суралцахаар тэнцэж, нийт ¥84,000 буюу 43,680,000₮-ийн тэтгэлэг хүртлээ. 👏✨
📝 Тэрээр IELTS-ийн 7.0 оноотой бөгөөд ангийн даргын хариуцлагатай үүргийг 2 жил гүйцэтгэсэн манлайлагч юм.
🤖 Жавхлан нь Ахлах сургуульд суралцах хугацаандаа Роботиксийн багийн идэвхтэй гишүүн байж, UB Robot Challenge, MonRobot Challenge, Beijing Robot Challenge /International Championship/ зэрэг олон улсын, улсын болон аймгийн хэмжээний тэмцээнүүдэд багаараа амжилттай оролцож, нийт 🥇 5 Алт,🥈 3 Мөнгө, 🥉 4 Хүрэл медаль хүртсэн бахдам амжилттай сурагч юм.
🎯 Мөн буудлагын спортоор хичээллэж, улс болон аймгийн тэмцээнүүдээс Мөнгө, Хүрэл медаль хүртсэн шилдэг тамирчин сурагч билээ.
👏 А.Жавхландаа халуун баяр хүргэж, цаашдын сурлага, спорт болон амьдралын замналд нь өндөр амжилт хүсье! ✨

08/06/2026

💚💛💙 БАХАРХАЛ
ЭЦИС-Ахлах сургуулийн 12A ангийн сурагч Э.Янжинлхамуу нь 🇺🇸 АНУ-ын нэр хүндтэй их сургуулиудад тэнцэж, нийт $435,200 ам.доллар буюу 1,523,200,000₮-ийн тэтгэлэг хүртсэн бахдам амжилттайгаар сургуулиа төгсөж байна. 🎓✨
📝Мөн Янжинлхамуу нь АНУ-ын Лос Анжелес хотод IELTS шалгалт өгч 7.5 оноо авсан бөгөөд Англи хэлний улсын олимпиадын II давааны🥉Хүрэл медальт, сурлага хөдөлмөрөөрөө манлайлагч шилдэг сурагч юм.
🌿Тууштай байдал, зорилгодоо үнэнч хичээл зүтгэл нь амжилтын түлхүүр гэдгийн тод жишээ болсон Янжинлхамуудаа цаашдын сурлага, амьдралд нь улам их амжилт, аз жаргал хүсэн ерөөе! 💚💛💙