Эрдэнэтийн хотол олны хөгжлийн төв

Багуудын групп, чат группууд дээр шэйр хийж туслаарай.

Маргааш болох Багийн Засаг дарга, Иргэдийн Нийтийн Хуралын даргын сонгуульд оролцох гэж байгаа иргэдээс хүсэх зүйл байна.

Дараах ажиглалтын хуудсыг утсан дээрээ нээж ороод үнэн зөвөөр бөглөөд явуулахыг хичээгээрэй.
Ажиглалтын хуудаст дурдагдаагүй өөр бусад ажиглалт, зураг бичлэгээр баримтжуулсан зүйлсээ бидэнд нэрээ нууцлан битүүмжилж, эсвэл Эрдэнэтийн хотол олны хөгжлийн төв-ийн чатаар мэдэгдэх боломжтой шүү. Бид мэдээллийн нууцаллыг чандлан хадгална.

Энэхүү ажиглалтыг бид аль нэг улс төрийн хүчин, нам эвслийн эрх ашгаас ангид, иргэдийн нийтийн хурал дахь иргэдийн идэвх оролцоог нэмэгдүүлэх, хурлын дэг, журам, зохион байгуулалтыг тодорхой болгох, сайжруулах зорилгоор зөвлөмж бэлтгэхээр хийж байгаа тул та бүхнийг чадах чинээгээрээ хувь нэмэр оруулан хамтран ажиллахыг уриалж байна.

Эрдэнэтийн Хотол Олны Хөгжлийн Төв ТББ.

Орхон аймгийн Баян-Өндөр болон Жаргалант сумдын 2026 оны 1 дүгээр сарын 31-ний өдрийн Иргэдийн Нийтийн Анхдугаар Хуралдааны ажиглалтын хуу Энэхүү ажиглалтын хуудсыг Иргэдийн Нийтийн Анхдугаар Хуралдаандаа оролцсон багийн иргэд бөглөх бөгөөд ИНХ-ын зохион байгуулалтыг сайжруулах зөвлөмж боловсролуу...

Багуудын группууд дээр оруулж туслаарай 🙏

Монгол Улсын Үндсэн хуульд:
"Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ." гэж заасан байдаг.

Үндсэн хуулиар олгогдсон, АРД ТҮМЭН БИДНИЙ МЭДЭЛД БАЙГАА ЗАСГИЙН ЭРХЭЭ ХЭРЭГЖҮҮЛЭХ, ТӨРИЙН ХЭРЭГТ ШУУД ОРОЛЦОХ энэхүү ЭРХЭЭ ЭДЛЭХ Үндсэн Механизм бол Баг, Хорооны ИРГЭДИЙН НИЙТИЙН ХУРАЛ (ИНХ) юм шүү!!!

Ирэх 4 жилд иргэдийнхээ хэрэгцээ шаардлага, дуу хоолойг бүх шатны бодлого, төсөв боловсруулах, батлах, хэрэгжүүлэх, хянах, хариуцлага тооцох үе шатанд бүрэн дүүрэн хүргэж, Гүйцэтгэх Засаглал болох багийн засаг даргын ажлын албаны үйл ажиллагаанд иргэд нь хяналт тавин ажиллах боломжийг бүрдүүлж чадах, намын эрх ашгаас илүүтэйгээр Монгол Улсын хууль, ард иргэдийн эрх ашгийг дээгүүрт тавих ухамсар, итгэл үнэмшилтэй ИНХ-ын дарга, ийнхүү ИНХ-ын дарга, иргэдтэйгээ хуулиа дээдлэн хамтран ажиллах чадвартай засаг даргаа сонгож авах нь нэн чухал юм аа.

Манай Орхон аймгийн хувьд ИНХ-ын дарга, багийн засаг даргаа сонгох сонгууль маргааш буюу 2026 оны 1-р сарын 31-ний Бямба гаргийн өглөө 08 цагт аймаг даяар бүх багууд дээр (шинээр байгуулагдаад удаагүй багуудыг эс тооцвол) зохион байгуулагдах гэж байна.

Энэ сонгууль бол Орон нутгийн ИТХ, УИХ, Ерөнхийлөгчийн сонгуулиас илүүтэй бидний өдөр тутмын амьдралын чанарт шууд нөлөөлөх чухал сонгууль юм. Иймд иргэд та бүхэн минь сонгуульдаа идэвхтэй, өргөнөөр оролцоорой хэмээн уриалж байна!!!

НҮБ-ын Хөгжлийн Хөтөлбөрийн дэмжлэгтэй хэрэгжиж буй Орон нутгийн Иргэдийн Нийтийн Хурлын идэвхи оролцоог сайжруулах төслийн Сайн дурын сурагч ажилтны сургалт энэ долоо хоногт 1-р сарын 7-ны өдөр 14 цагаас зохион байгуулагдана.

Сайн дурын сурагч ажилтны хөтөлбөрт өргөдлөө гаргаж тэнцсэн сурагчидтай бид өнөөдөр, маргааш дахин холбоо барих болно оо.

via All for Education Mongolia

БОЛОВСРОЛЫН ХУВИРГАН ӨӨРЧЛӨЛТ БАГШААС ЭХЛЭХ ТУХАЙД
2022 онд ТХЗ 2030-ийн хэрэгжилтийг хурдасгагч хөдөлгүүр нь БОЛОВСРОЛ хэмээн дэлхий даяар зарлан тунхагласан. Гэвч энэхүү хөдөлгүүрийн хамгийн чухал эд анги болох багшийг хувирган өөрчлөх санаачилгууд зогсонги байдалтай байсаар байна. Багш мэргэжлийг сонгон ажиллаж буй мэргэжилтнүүд илүү мэргэшиж, гүйцэтгэх үүрэг нь мэдлэгийг дамжуулагч бус мэдлэг бүтээгч болон хувирч, боловсролын (хиймэл оюун, тэгш хамруулалт, жендэрийн эрх тэгш байдал ...) болон нийгмийн (дайн, зөрчил мөргөлдөөн, уур амьсгалын өөрчлөлт, энх тайван байдал, авторитари дэглэм зэрэг) шилжилтийн үед суралцагчдадаа суралцах үйлд сургахаас гадна тэдний ялгаатай байдлыг ойлгон хүлээн авдаг хамтрагч байхад анхаарч, боловсролын бодлогыг дуулгавартай хүлээн авагч бус хамтран ажилладаг мэргэжилтэн болж хувиран өөрчлөгдөх шаардлыг онцолсон билээ.
Биднийг дэмждэг үргэлж талархая.

Сурах хүсэл эрмэлзлэл бадраасан багш нарын тухай өгүүлэх 3 кино 🎞️🔥



Өмнө долоо хоногт “Ядуурлаас гарах хамгийн сайн арга бол боловсрол” гэх бичвэр бичсэнийх энэ сэдвээ хаагаад сайн боловсролд хамгаас чухал зүйлс болох сурах урам зориг, итгэл найдварын гал асаасан багш нарын тухай 3 киног хуваалцъя.

Өмнөх бичвэр унших бол: https://www.facebook.com/share/p/17WDPSRntc/

Сайн багш байна гэдэг нь сурагчдад урам зориг төрүүлэх, цаашлаад аливаа зүйлсийн тухай гайхахад хүргэх, боловсролоор дамжуулан оюун санааны эрх чөлөөнд хүрэх боломжийг хүүхдүүдэд олгож буй явдал гэж санаад дараах бүтээлүүдийг онцолж байна.

Dead poet society (1989) киноны уран зохиолын багш Robin Williams-ийн тоглосон John Keating, Freedom writers (2007) киноны англи хэл, уран зохиолын багш Hilary Swank-ийн тоглосон Erin Gruwell, Mona Lisa Smile (2003) киноны дүрслэх урлагийн багш Julia Roberts-ийн тоглосон Ann Watson нарын багшийн дүрүүд хэзээд миний сэтгэлд гэгээн мөр татуулсаар ирсэн юм.

🔥 Сайн багш байна гэдэг нь сурагчдаа сэдэлжүүлэх тухай

Дээрх бүтээлүүдийн багш нарын тавьсан асуулт ердөө л “Яагаад”. Яагаад бид үүнийг сурах хэрэгтэй вэ? Яагаад бид энд байгаа вэ? Яагаад амьдрах, сурах, орших, хүн байх, амьд байх тухай хэрэгтэй вэ тухай. Харин энэхүү асуултад өөр өөрсдийнхөөрөө хүүхэд бүр хариулж эхлэх нь сурахын хамгийн эхний процесс шиг.

Намайг 10 дугаар ангид байхад манай Физикийн багш самбарын урдаас ангийн хойд тал хүртэл аварга том пүрш сэгсэрч орхив. Тэгээд дараа нь сая энд юу болсон бэ гэж асуув. Энэ асуулт үнэхээр шинэ байсан бөгөөд би анх удаа л “нээрээ юу болчхов” гэж бодоход хүрсэн юм. Таг хөшсөн хүүхдүүд рүү багш хараад энэ бол хөдөлгөөн хүүхдүүдээ. Бас инерц, хүч, хурд гээд бүгдийг нь тайлбарлаж өгсөн. Энэ агшин бол үргэлж миний хувьд юуг, яагаад сурах гэж буйг минь сануулж өгдөг.

Dead poet society кинон дээр хөвгүүд уран зохиол тэр дундаа шүлэг яруу найрагт тийм ч дуртай байдаггүй. Үнэндээ багш нь тэдний хувьд энгийн нэгэн азгүй амьтан шиг санагддаг. Нөгөөтэйгүүр шүлэг, яруу найраг тэдний ирээдүйн амьдралд тийм ч хэрэгтэй зүйл шиг санагддаггүй. Тийм атал хүүхдүүдэд яаж энэ бүхэнд дурлах сэдлийг олж өгөв?

Багш нэг удаа ширээн дээр гараад тэдэнд үгийн шидийн тухай ингэж хэлдэг. “Бид яруу найргийг гоё болохоор нь уншаад, бичээд байдаг юм биш. Бид яруу найргийг хүн болохоороо уншаад, бичээд байдаг юм. Хүн гэдэг чинь хүсэл эрмэлзлэлээр дүүрэн амьтан. Анагаах ухаан, хууль эрхзүй, бизнес, инженерчлэл, эдгээр салбарууд бүгд маш чухал, амьдралын салшгүй зам мөрүүд. Аа гэхдээ яруу найраг, гоо үзэсгэлэн, янаг дурлал, хайр сэтгэл, энэ бүхэн чинь амьд явахын утга учир юм шүү дээ” (Орч: Д.Цогчулуун) Энэ хэсгийг үзсэн хэн ч болов үүнтэй санал нийлнэ. Бидний зам мөр хэчнээн ч салж болно, чи ямар ч мэргэжлээр сурч болно гэхдээ яг одоо амьд яваагаа, тэр мөчийг мэдрэхээ битгий мартаач гэж багш хэлдэг.

Харин Mona Lisa Smile дээр багш охидын сургуульд урлагийн хичээл ордог бөгөөд энэхүү хичээлээрээ дамжуулан охидын аливааг харах өнцөг, цаашлаад зүрх сэтгэлд, бүүр сонголтод хүртэл нөлөөлдөг. Харин тэрээр эхний хичээл дээрээ нэгэн уран зураг харуулаад охидоо энэ юуны тухай зураг вэ та нарт ямар мэдрэмж төрж байна вэ гэж асуудаг. Харин охид сурахын эсвэл бодохын оронд сайн гэрийн эзэгтэй болохын төлөө тэнд сууж байдаг. Багш харин охидод хандан “эрх чөлөө” гэх үгсийн утгыг тайлна Энэ бүтээл дээрх багш эхлээд сурагчдынхаа боловсрол гэх ойлголтыг өөрчлөх, дараа эрх чөлөө гэж юу болох тухай, тэдний сайн муу, сайхан муухайн хэмжүүрийг ч мөн задлахад, тогтсон нэгэн хэвийн биш өөр өөрсдийнхөөрөө аливааг тайлж унших тийм чөлөөт байдал руу оюутнуудаа аваачдаг.

Харин Freedom Writers кинон дээр багш хамгийн хэцүү гэгддэг, засрашгүй ангийнханд хичээл заах болдог бөгөөд энэ нь түүний басхүү хүүхдүүдэд ч цоо шинэ даваа болж таардаг. Харин багш тэдэнтэй чин зүрхнээсээ ярилцаж, тэдний сонирхдог зүйлсээр дамжуулж хичээлээ зааж эхэлдэг.

🔥 Сайн багш байна гэдэг нь урам зориг өгөх тухай

Харин дараагийн асуулт нь өөрийн асуултдаа хариулт олох буюу сурах үйлээ зогсоохгүйгээр, асуултаа өөрөөсөө асуусаар, гайхсаар байх явдал шиг. Ингэж чадвал бид ер хэзээ ч сурахаа зогсоохгүй.

Dead Poet Society-гийн хөвгүүд багшийнхаа хэлснээр сурах, тэр дундаа амьдрах итгэл найдвар урам зоригоор дүүрэн болдог. Багшийнх нь хэлдгээр “ Яруу найраг, гоо үзэсгэлэн, янаг дурлал, хайр сэтгэл, энэ бүхэн чинь амьд явахын утга учир юм шүү дээ” гэдгийг өөрсдийн биеэр мэдэрч, аливаа зүйлсийн гоо сайхныг олж харах нүдээ нээдэг.

Ингэж нээнэ гэдэг нь амьдралынхаа туршид аливаа бүхний охь шимийг мэдэрч чадах, хэзээ нэгтээ унасан ч хаанаас ч урам зоригоо буцаан авах боломжтой болгож буй юм. Тэд бүгд энэхүү урам зоригоос аливааг сурна гэдэг нь түүний гоо үзэсгэлэнг мэдрэх тухайг сайн ойлгож авдаг. Харин Freedom Writers-ийн ангийнханхан багшийнхаа өгсөн сэдлийн дагуу анх удаа өөрсдийгөөө сурч чадах юм байна, бусдын хэлдгээр хөгийн засаршгүй новшнууд биш юм байна гэх итгэл найдвартай болдог. Энэ бол нөгөө нэг урам зориг хэдийн хүүхдүүдийн сэтгэлд бат суусны илрэл болов уу?

🔥 Сайн багш байна гэдэг нь эрх чөлөөг таниулах тухай

Mona lisa smile дээр охидын дийлэнх нь амьдралдаа анх удаа гэрийн эзэгтэй байхаас өөр сонголтууд байж болохыг олж хардаг. Мөрөөдөж, тэр мөрөөдлийнхөө төлөө хичээж, цаашлаад амьдралынхаа эзэн байх боломжтойг ч ойлгодог. Мэдээж үнэхээр сайхан гэр бүл бүтээгээд гэрийн эзэгтэй болохыг чин сэтгэлээсээ хүсэж, тэр нь ч мөн түүний эрх чөлөө юм байна гэдгээ ойлгож байгаа охидынхоо сонголтыг ч хүндэлдэг.

Ер нь боловсрол бол хүнд олгож буй хамгийн чухал зүйл нь эрх чөлөө. Эрх чөлөөтэйгөөр сэтгэн бодох, цаашлаад эрх чөлөөтэй учир хийж буй үйлдэл бүхэндээ өөрөө хариуцлага хүлээж, эрх чөлөөтэй учир хаа нэгтээ уягдан зовохгүй, эрх чөлөөтэй учир дараа дараагийн сурах хийх, бүтээх зүйлс ар араасаа ундардаг тийм зүйл шиг санагддаг. Тэгэхээр боловсрол бол бодох эрх чөлөөнд хүмүүсийг хүргэх, гайхах гайхсандаа хариулах, түүнийгээ цааш лавшруулан бодох тухай. Тиймээс ч Dead poet society-гийн хөвгүүд уран зохиолын хичээл дээр зүгээр л ном хуулж бичих биш ширээн дээрээ гарч зогсоод багшаа үдэн гаргах зориг зүрхтэй болсон байдаг.

Харин Freedom writers дээрх сурагчид өөрсдийнхөө тухай бусдын зүүж өгсөн шошгоос боловсролын цаашлаад сайн багшийн ачаар гарч чаддаг. Энэ бол тун чухал зүйл. Засаршгүй, юу ч ойлгодоггүй, ухаан муутай, хэзээ ч аятайхан хүмүүс болохгүй гэж бид хүүхдүүдийг хэлэх бүртээ зарим багш эсвэл зарим эцэг эхчүүд өөрсдөд нь тийм боломж, тийм сэтгэлийн тэнхээ байхгүйгээ мэдээд хэлдэг байх.

Харин хүүхдүүд сурах сэдэл олгогч, тэдэнд урам зориг түгээгч, эрх чөлөөний агаар тараагч багш нар бол энэ бүхэнд хүрэх сэтгэлийн тэнхээ, урам зоригтой агуу зүрхтэй байдаг болов уу?

Надтай таарсан Физикийн багш шиг тийм багш нар бидний амьдралд нэг их олон таардаггүй ч яг тийм багш нарын ачаар хүүхдүүд бодож сэтгэхэд суралцдаг байх. Dead Poet Society дээр гардагчлан тэд бүгд уран зохиолоор яваагүй. Би ч ялгаагүй Физиктэй хамааралтай ажил мэргэжлээр суралцаагүй. Гэхдээ л “яагаад” гэж “юу болчхов” гэж асуухад сурсан. Бас болоогүй сурах явцад тохиох хүндхэн мөчүүдэд тэр пүрш үргэлж нүдний минь өмнө сунаж, агшиж харагддаг. Боловсрол бол хүнд эрх чөлөө олгохоос гадна өөртөө итгэх итгэл, бусдад түгээх хүсэл эрмэлзлийг ч өгдөг гэж боддог. Сайн боловсрол эзэмшихэд олон зүйлс шаардлагатай. Гэхдээ тэдний дунд томчуудын тэр дундаа багш нарын үүрэг оролцоо тун ч их. Тиймээс манай улсын хувьд багш нарынхаа асуудалд анхаарах, энэ мэргэжлийн үнэ цэнийг өсгөж, итгэл найдвар урам зоригоор дүүрэн багш нарыг бэлтгэх цаашлаад тэдгээр багш нарынхаа урам зоригийг үл мохоох зэрэгт анхаарал хандуулах ёстой.

Одоогоор манай улсад 2024–2025 оны хичээлийн жилд ЕБС-ийн 37000 орчим багш ажиллаж бөгөөд бидний мэдэж байгаачлан маш бага цалин маш их ачаалал дор ажилласаар буй. Тиймээс багш нарынхаа цалин хангамж болоод бүхий л зүйлсээ сайжруулж чадвал бид урам зориг, итгэл найдвараар дүүрэн, эрх чөлөөт иргэдтэй болж чадна.

Тийм эрх чөлөөтэй иргэдтэй хотын гудмаар алхаж байна гэж бодоод үз дээ, хэчнээн сайхан.

Dead Poet Society бичвэр унших бол: https://www.facebook.com/share/p/1CVy3DKBww/

Freedom writers бичвэр унших бол: https://www.facebook.com/share/p/1AsGThJe5V/

UNDP in Mongolia - НҮБ-ын Хөгжлийн хөтөлбөр-ийн дэмжлэгтэй хэрэгжиж буй Орон нутагт Иргэдийн Нийтийн Хуралын идэвх оролцоог сайжруулах төслийн хүрээнд энэ Бямба гарагт буюу 2025 оны 12 дугаар сарын 13-ны өдөр Баян-Өндөр сумын Иргэний Танхимд Иргэдийн Нийтийн Хурлын эрхзүйн орчин, сайн туршлагууд сэдэвт сургалт, хэлэлцүүлгийг зохион байгуулах гэж байна.

Олон нийтэд нээлттэй, үнэ төлбөргүй тул та бүхэн өргөнөөр оролцоорой.

Цай, кофе, хөнгөн зууштай.

#оролцоо #интегра

Үе тэнгийн дээрэлхэлтээс урьдчилан сэргийлэх кампанит ажлын хүрээнд Орхон аймгийн 7 дугаар сургуультай хамтран "Сургуультай холбоотой жендэрт суурилсан хүчирхийлэл", "Үе тэнгийн дээрэлхэлт түүнээс урьдчилан сэргийлэхэд эцэг эхийн оролцоо" сэдэвт сургалтыг зохион байгууллаа.
👉Дээрэлхэлтээс хэрхэн урьдчилан сэргийлэх вэ?
👉дээрэлэхэлтэд өртсөн тохиолдолд хаана, хэнд хандах вэ?
👉Хэвшмэл ойлголтыг хэрхэн эерэгээр өөрчилж болох вэ?
👉Хүүхэд хамгааллын багийн үүрэг оролцоог танин мэдэх хамтран ажиллах боломж гэх мэт мэдээллүүдийн талаар тодорхой ойлголттой болсон гэж найдаж байна.
👉 Идэвх санаачлагатай оролцсон хүүхэд, эцэг эхчүүддээ, хамтран зохион байгуулсан Орхон аймаг 7-р сургууль, Nyamtsadmid Bolortuya та бүхэнд талархлаа. 🥰 Bekhtsetseg Tuvsanaa Sunshine Ankh All for Education Mongolia

Улсын Их Хурлын Өргөдлийн байнгын хороо болон Бодлогод залуусын хяналт ТББ хамтран “D.Petition: Нийтийн өргөдөл хүлээн авах, нийтлэх, санал авах, шийдвэрлэлттэй холбоотой үйл ажиллагааг зохион байгуулах журам”-ын шинэчилсэн төслийн талаар нээлттэй хэлэлцүүлгийг 2025 оны 12-р сарын 2-нд амжилттай зохион байгуулагдлаа.
📝 Хэлэлцүүлгийн зорилго нь иргэд, судлаачид, төрийн бус байгууллага болон бодлогын салбарын төлөөллөөс санал авч, иргэдийн оролцооны цахим платформ болох D.Petition системийг илүү ойлгомжтой, хүртээмжтэй, үр дүнтэй болгоход чиглэсэн. Мөн УИХ-ын гишүүн, Ажлын хэсгийн ахлагч Ж.Золжаргал гишүүн нээж үг хэлсэн ба үргэлжлүүлэн “Нийтийн өргөдөл хүлээн авах, нийтлэх, санал авах, шийдвэрлэлтийн талаар өргөдөл гаргагчид мэдээлэх үйл ажиллагааг зохион байгуулах журам”-ын төслийн танилцуулгыг хэлэлцүүлсэн юм. Үүнд Эрдэнэтийн хотол олны хөгжлийн төв орон нутгийн иргэдийн санал сэтгэгдэлийг хүргэж хамтарч ажиллаа. Баярлалаа.