Дархан-Уул аймаг 30-р Сургууль

Та архи согтууруулах ундаа хэрэглэсэн үедээ замын хөдөлгөөнд оролцохгүй байх нь зөвхөн өөрийнхөө бус, бусдын амь нас аюулгүй байдлыг хамгаалж буй хариуцлагатай сонголт юм.

“ОНЫ ШИЛДЭГ ЦАХИМ ХИЧЭЭЛ - AI ИННОВАЦИ” УРАЛДААН АМЖИЛТТАЙ ЗОХИОН БАЙГУУЛАГДЛАА.
Багш нарын сургалтын үйл ажиллагаанд хиймэл оюун ухааны (AI) дэвшилтэт хэрэгслүүдийг бүтээлчээр нэвтрүүлэх, цахим контент боловсруулах дижитал ур чадварыг дээшлүүлэх зорилготой “Оны шилдэг цахим хичээл - AI инноваци” уралдаан амжилттай болж өндөрлөлөө.
Уралдааны явцад гарсан үр дүн.
1. Багш нар хичээлийн төлөвлөлт, мультимедиа контент (зураг, видео, дуу хоолой) боловсруулахдаа AI-г цогцоор нь ашиглаж, сургалтын агуулгыг илүү сонирхолтой, ойлгомжтой болгож чадлаа.
2. Технологийн шийдлийг ашигласнаар багшийн цагийг хэмнэж, сурагч бүрт хүрч ажиллах боломжийг нэмэгдүүлсэн шилдэг туршлагууд хуримтлагдлаа.
3. Уралдааны явцад багш нар өөрсдийн ашигласан AI хэрэгслүүд болон зааварчилгаа (prompts) өгөх арга барилаа хуваалцаж, инновацыг түгээн дэлгэрүүлэв.
Энэхүү арга хэмжээ нь багш нарын технологийн чадамжийг шинэ шатанд гаргаж, орчин үеийн боловсролын чиг хандлагыг сургалтад бодитоор нэвтрүүлсэн чухал алхам боллоо.

"Нэг багш - Нэг технологи" аян амжилттай хэрэгжиж дууслаа.
Багш нарын технологи ашиглах ур чадварыг дээшлүүлэх, заах арга зүйг баяжуулах, сургалтын чанар, үр өгөөжийг нэмэгдүүлэх зорилготой "Нэг багш - Нэг технологи" туршлага солилцох аян 2025 оны 10 дугаар сараас эхлэн амжилттай явагдаж дууслаа. Энэхүү аян нь сар бүр шинэлэг технологи, сайн туршлагыг танилцуулж, багш нар хамтдаа хөгжих боломжийг бүрдүүлсэн юм.
Энэ удаагийн сургалтыг Монгол хэл, уран зохиолын багш Л.Энхзаяа удирдан явуулж, "Мультимедиа програм хангамж: Үзүүлэн, видео, интерактив контент үүсгэх хэрэгслүүд" сэдвийн хүрээнд сургалтын материалын шинэлэг шийдлүүдийг танилцуулахаас гадна Padlet.com аппликейшнийг хичээл сургалтад хэрхэн үр дүнтэй ашиглаж болох талаар өөрийн судалж, сурсан мэдлэг, туршлагаа багш нартаа түгээн дэлгэрүүллээ.
Хамтран ажиллаж, тасралтгүй суралцан хөгжсөн нийт багш нартаа цаашдын сурган хүмүүжүүлэх их үйлсэд нь өндөр амжилт хүсье.

Манлайлалд суралцацгаая.

Хүүхэд, гэр бүлийн хөгжил, хамгааллын ерөнхий газраас зохион байгуулж буй "Хүүхэд-Хайр-Ирээдүй" аяны постер мэдээллийг хүргүүлж байна.🥰

Бид энэ зуныг үр бүтээлтэйгээр өнгөрөөхөд тань туслах 14 хоногийн эрчимжүүлсэн сургалтыг зарлаж байна. Дархан хотод 30-р сургууль дээр дараах 3-н төрлийн сургалт явагдана. Та бүхэн хүүхдийнхээ амралтыг үр бүтээлтэй төлөвлөөрэй.

"Нэг багш – Нэг технологи" аяны хүрээнд багш нар дижитал ур чадвараа хөгжүүлж байна.
Багш нарын технологийн хэрэглээг нэмэгдүүлж, сургалтын чанарыг сайжруулах зорилготой "Нэг багш – Нэг технологи" аян сургууль дээр амжилттай хэрэгжиж байна. Энэхүү аян нь сар бүр шинэ технологи танилцуулж, багш нарын тасралтгүй хөгжих орчныг бүрдүүлдэг.
Энэ сарын /2026.03/ ээлжит уулзалтаар багш Т. Мөнхцэцэг "Google Jamboard" болон “Miro.com“ платформуудын практик хэрэглээ, давуу талын талаарх туршлагаа хуваалцлаа. Ялангуяа хиймэл оюун ухаанд суурилсан, үүлэн технологит "Miro.com" платформ нь танхимын болон зайн сургалтад нэн тохиромжтойг онцлов. Энэхүү платформ нь цахим самбар дээр сэтгэлгээний зураглал гаргах, багаар ажиллах зэрэг интерактив боломжуудтай нь багш нарын сонирхлыг татав.
Бусдыгаа түүчээлэн сургалт зохион байгуулсан багш Т.Мөнхцэцэгт болон хамтдаа суралцаж буй нийт багш нартаа ажлын өндөр амжилт хүсье.