Өмнөговь аймгийн Боловсролын газар

Өмнөговь аймгийн Боловсролын газар Өмнөговь аймгийн
Боловсролын газар

Төлөвлөгөөт бус хяналт шалгалтыг зохион байгууллаа.📍Өмнөговь аймгийн боловсролын сургалтын байгууллагуудын 2026-2027 оны...
03/09/2026

Төлөвлөгөөт бус хяналт шалгалтыг зохион байгууллаа.

📍Өмнөговь аймгийн боловсролын сургалтын байгууллагуудын 2026-2027 оны хичээлийн шинэ жилийн бэлтгэл ажлын байдалд I шатны төлөвлөгөөт бус хамтарсан хяналт шалгалтыг зохион байгуулж, Баян-Овоо, Даланзадгад, Ханбогд сумын нийт 27 цэцэрлэг, сургуульд хүрч ажиллан, газар дээрх нөхцөл байдал, сургалт үйл ажиллагааны бэлтгэл, барилга байгууламжийн засвар үйлчилгээний явцтай танилцан, боловсролын үйлчилгээнд хамрагдах суралцагч, хүүхэд багачууд, эцэг эх, асран хамгаалагч, иргэд, ажилтан, албан хаагчдын эрүүл, аюулгүй байдлыг хангах, хоол хүнсний болон учирч болох бусад эрсдэлээс урьдчилан сэргийлэх, хичээл сургалтыг зохион байгуулах, аливаа зөрчил дутагдалтай асуудлыг арилгуулахад чиглэсэн зөвлөгөө зөвлөмж өгч, үүрэг даалгавар, албан шаардлагыг хүргүүлж байна.
📍Шалгалтын явцад хүүхдийн орчны байдалд буюу барилга байгууламжийн шинээр будгийн найрлаганд хүнд металл тодорхойлох шинжилгээ, мөн дотоод орчны агаарт дэгдэмхий чанарын шинжилгээг авч, сорьц, дээжийг холбогдох лабораторид хүргүүлээд байна.
📍Боловсролын яамнаас ирүүлсэн чиглэлийн дагуу орон нутагт II шатны хяналт шалгалтыг мөн бусад мэргэжлийн байгууллагатай хамтран хийж гүйцэтгэх бөгөөд үүнд боловсролын сургалтын байгууллагаас гадна тэдэнтэй хамтран ажилладаг аж ахуйн нэгж байгууллагуудыг хамруулах юм.

ИХ НҮҮДЭЛ ШАТРЫН ХӨТӨЛБӨРИх нүүдэл шатрын хөтөлбөр нь суралцагчдад шатрын суурь мэдлэг, тоглох чадварыг залгамж холбоото...
02/09/2026

ИХ НҮҮДЭЛ ШАТРЫН ХӨТӨЛБӨР

Их нүүдэл шатрын хөтөлбөр нь суралцагчдад шатрын суурь мэдлэг, тоглох чадварыг залгамж холбоотой эзэмшүүлэхийн зэрэгцээ бүтээлчээр болон шүүн тунгаах, асуудал шийдвэрлэх, төлөвлөх, үндэслэлтэй шийдвэр гаргах, өөрийгөө зохицуулах, шударгаар өрсөлдөх, үндэсний болон дэлхийн шатрын өв соёлыг танин мэдэх чадвар, хандлагыг хөгжүүлэхэд чиглэнэ.

Тус хөтөлбөрийг татаж авах холбоос
https://mnier.mn/curriculum?level=primary-education

БИ СУРАГЧ БОЛЛООНэгдүгээр ангид элсэх нь хүүхдийн амьдралын шинэ, онцгой үе юм. Гэр бүл болон сургуулийн өмнөх боловсрол...
02/09/2026

БИ СУРАГЧ БОЛЛОО

Нэгдүгээр ангид элсэх нь хүүхдийн амьдралын шинэ, онцгой үе юм. Гэр бүл болон сургуулийн өмнөх боловсролын танил орчноос сургууль хэмээх шинэ орчин, шинэ хүмүүс, шинэ харилцаа, өдөр тутмын шинэ дэг, суралцах үйл ажиллагаанд шилжих энэ үед суралцагч бүр өөрийн хэмнэлээр танилцаж, туршиж, оролцож, аажмаар дадлагажна.

Энэ шилжилтийг хүүхдэд тайван, эерэг, итгэлтэй даван туулахад багшийн харилцаа, үлгэрлэл, тогтвортой дэмжлэг хамгийн чухал. Суралцагчийг богино хугацаанд ижил түвшинд хүргэхээс илүүтэй сургуульдаа ирэхдээ тайван байх, орчноо таних, бусадтай харилцах, тусламж хүсэх, өдөр тутмын үйл ажиллагаанд оролцох, “би энд байж чадна, би суралцаж чадна” гэсэн итгэлтэй болоход нь дэмжихийг эрхэмлээрэй.

Нэгдүгээр ангийн суралцагчийн сургуульд дасан зохицох үйл ажиллагааг хэрэгжүүлэх багшийн зөвлөмж татаж авах:
https://mnier.mn/recommendation/recommendation11

"Би сурагч боллоо I" дасгал ажлын дэвтэр татаж авах:
https://mnier.mn/manual/manual48

02/09/2026

⛽ ШАТАХУУНЫ НӨХЦӨЛ БАЙДАЛ ХЭВИЙН БОЛЖ БАЙНА

Өмнөговь аймаг руу шатахууны татан авалт, нийлүүлэлт эрчимтэй нэмэгдэж, шатахууны нөхцөл байдал үе шаттайгаар хэвийн болж байна.

Иймд иргэд та бүхэн шаардлагагүйгээр их хэмжээгээр шатахуун нөөцлөх, дамлан худалдаалах, шагийн үнээр шатахуун худалдан авахгүй байхыг уриалж байна.

Шатахууныг зориулалтын бус саванд хадгалах, дамлан худалдаалах нь иргэдийн аюулгүй байдалд эрсдэл учруулахаас гадна зохиомол хомсдол үүсгэх нөхцөл бүрдүүлдэг.

Мөн шагийн үнээр борлуулж буй шатахуун нь автомашины техникийн хэвийн ажиллагаанд сөргөөр нөлөөлж, эвдрэл гэмтэл, эд хөрөнгийн хохирол учруулах эрсдэлтэй тул иргэдийг сэрэмжтэй байхыг анхааруулж байна.

Хичээлийн шинэ жил эхэлж, хүүхэд багачууд, суралцагчдын сургууль, цэцэрлэгтээ зорчих хөдөлгөөн нэмэгдэж буй энэ үед хүүх...
02/09/2026

Хичээлийн шинэ жил эхэлж, хүүхэд багачууд, суралцагчдын сургууль, цэцэрлэгтээ зорчих хөдөлгөөн нэмэгдэж буй энэ үед хүүхдийн аюулгүй байдлыг хангах, замын хөдөлгөөний осол, гэмтлээс урьдчилан сэргийлэхэд хүн бүрийн анхаарал, хариуцлага чухал юм.

🚗 Иймд жолооч та цэцэрлэг сургуулийн орчимд хурдаа тохируулж, хүүхдийн болон явган хүний гарцын ойролцоо анхаарал болгоомжтой зорчиж, хүүхдэд зам тавьж хэвшээрэй.

👨‍👩‍👧 Мөн эцэг эх, асран хамгаалагч та хүүхдэдээ замын хөдөлгөөний дүрмийг зөв дадал болгон хэвшүүлж, аюулгүй зорчих мэдлэг, зөв хандлагыг төлөвшүүлэхэд анхаараарай.

Өмнөговь аймгийн Даланзадгад сумын 6 дугаар багт 200 хүүхдийн хүчин чадалтай шинэ барилга ашиглалтад орж, 34-р цэцэрлэг ...
01/09/2026

Өмнөговь аймгийн Даланзадгад сумын 6 дугаар багт 200 хүүхдийн хүчин чадалтай шинэ барилга ашиглалтад орж, 34-р цэцэрлэг үйл ажиллагаагаа явуулж байна.

2026–2027 ОНЫ ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГААГ СУРАЛЦАГЧДЫН ОРОЛЦООНД ТУЛГУУРЛАН ЗОХИОН БАЙГУУЛЛАА.✅ Аймгий...
01/09/2026

2026–2027 ОНЫ ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГААГ СУРАЛЦАГЧДЫН ОРОЛЦООНД ТУЛГУУРЛАН ЗОХИОН БАЙГУУЛЛАА.

✅ Аймгийн Боловсролын газраас удирдамж, чиглэл хүргүүлсний дагуу ерөнхий боловсролын сургуулиуд 2026–2027 оны хичээлийн шинэ жилийн нээлтийн үйл ажиллагааг суралцагч бүрийн оролцоо, хөгжил, бүтээлч байдлыг дэмжсэн, таатай, хүртээмжтэй орчинд зохион байгуулж, шинэ хичээлийн жилийг зорилго, хүсэл тэмүүлэл, эерэг хандлагаар эхлүүлэх боломжийг бүрдүүллээ.

✅ Нээлтийн үйл ажиллагааны хүрээнд суралцагчдын ном унших соёл, мэргэжлийн чиг баримжаа, бүтээлч сэтгэлгээ, авьяас чадвар, идэвх оролцоог дэмжих зорилгоор “Номоо солилцъё”, “Мэргэжил сонголтын мэдээллийн булан”, “Зураг зурах булан”, “OPEN MIC” тайз, “Загварын тайз” зэрэг үйл ажиллагааг зохион байгуулав.

✅ Түүнчлэн суралцагчдад шинэ хичээлийн жилийн зорилго, зорилтоо тодорхойлох, өөрийгөө хөгжүүлэх сэдэл, хариуцлагыг нэмэгдүүлэх боломж олгох зорилгоор “Зорилгын самбар”-ыг ажиллууллаа.

✨ Ийнхүү хичээлийн шинэ жилийн нээлтийг ёслолын үйл ажиллагаагаар хязгаарлахгүйгээр суралцагчдын оролцоонд тулгуурласан, тэдний хөгжил, авьяас чадвар, бүтээлч байдлыг дэмжсэн олон талт үйл ажиллагааг хэрэгжүүлэн зохион байгууллаа.

2026–2027 ОНЫ ХИЧЭЭЛИЙН ШИНЭ ЖИЛИЙН БАЯРЫН МЭНД ХҮРГЭЕ!Эрхэм хүндэт хүүхэд, багачууд, суралцагч, эцэг эх, асран хамгаала...
01/09/2026

2026–2027 ОНЫ ХИЧЭЭЛИЙН ШИНЭ ЖИЛИЙН БАЯРЫН МЭНД ХҮРГЭЕ!

Эрхэм хүндэт хүүхэд, багачууд, суралцагч, эцэг эх, асран хамгаалагч, боловсролын сургалтын байгууллагын багш, ажилтан, албан хаагчид аа, та бүхэндээ 2026–2027 оны хичээлийн шинэ жилийн баярын мэндийг өргөн дэвшүүлье!

📚 Хичээлийн шинэ жил бол хүүхэд бүрийн хувьд шинэ мэдлэг, шинэ боломж, шинэ хүсэл мөрөөдлийн эхлэл билээ. Эрдэм номын их өргөөндөө эргэн цуглаж, суралцах, хөгжих, бүтээх шинэ аяллаа эхлүүлж буй нийт суралцагчдадаа хичээл сурлагын өндөр амжилт гаргаж, хүсэл мөрөөдөлдөө хүрэх их үйлсэд нь амжилт хүсье.

👩‍🏫 Эрдэм мэдлэгийн замыг гэрэлтүүлэгч багш, сурган хүмүүжүүлэгч, ажилтан, албан хаагчдадаа хүүхэд бүрийн авьяас, онцлог, хэрэгцээг дэмжин хөгжүүлж, чанартай, хүртээмжтэй боловсролын төлөөх эрхэм үйлсэд нь амжилт бүтээл, эрч хүч, урам зоригийг хүсэн ерөөе.

👨‍👩‍👧‍👦 Эцэг эх, асран хамгаалагчдадаа хүүхдийнхээ сурч хөгжих үйл явцыг дэмжин, багш, боловсролын байгууллагатай нягт хамтран ажиллаж, хүүхэд бүрийн хүсэл мөрөөдөл, авьяас чадварыг нээн хөгжүүлэхэд үнэтэй хувь нэмэр оруулахыг хүсье.

✨ Хүүхэд бүрийн ирээдүй гэрэлтэй байх болтугай!

БАГШ НАРЫН БАГА ХУРАЛ БОЛЖ ӨНДӨРЛӨЛӨӨ.✅ 2026–2027 оны хичээлийн жилд Өмнөговь аймгийн боловсролын салбарын сургуулийн өм...
29/08/2026

БАГШ НАРЫН БАГА ХУРАЛ БОЛЖ ӨНДӨРЛӨЛӨӨ.

✅ 2026–2027 оны хичээлийн жилд Өмнөговь аймгийн боловсролын салбарын сургуулийн өмнөх боловсролын 36 цэцэрлэг, ерөнхий боловсролын 24 сургууль, Политехник коллеж, ШУТИС-ийн Өмнөговь аймаг дахь Технологийн дээд сургууль, Насан туршийн суралцахуйн төв зэрэг нийт 63 байгууллагад 26934 суралцагч, 2600 багш, ажилтан сургалт, үйл ажиллагаагаа эхлүүлж байна.
✅ Бага хурлын үеэр Боловсролын яамны Төрийн нарийн бичгийн дарга Т.Ням-Очир цахимаар оролцож, 2026–2028 онд хэрэгжүүлэх боловсролын чанар, хүртээмж, төсвийн шинэчлэлийн бодлого, чиглэлийн талаар мэдээлэл хүргэн, нийт багш, ажилтанд амжилт хүсэв.
✅ Аймгийн Засаг дарга Н.Энхбат боловсролын салбарт хэрэгжүүлж буй бодлого, хөрөнгө оруулалт болон цаашид анхаарч ажиллах чиглэлүүдийн талаар танилцуулав.
✅ Мөн Боловсролын газрын дарга Д.Энхжаргал 2026–2027 оны хичээлийн жилийн зорилго, зорилт, үйл ажиллагааны чиглэлийг танилцуулж, багш, ажилтнууддаа хичээлийн шинэ жилийн мэндчилгээ дэвшүүлэн, амжилт хүслээ.
✅ Бага хурлын үеэр сургууль, цэцэрлэгүүдэд шаардлагатай сургалтын техник хэрэгсэл, зөөврийн компьютер болон “ШИМТ” хөтөлбөрийн багц хэрэглэгдэхүүнийг багш, удирдлагуудад гардуулан өглөө.
🤝 Өмнөговь нутгийнхаа ирээдүй болсон хүүхэд багачуудын эрдэм мэдлэг, хөгжил төлөвшилд үнэтэй хувь нэмэр оруулж, сурган хүмүүжүүлэх эрхэм үйлсэд хүчин зүтгэж буй нийт ажилтан, албан хаагчдадаа 2026–2027 оны хичээлийн жилд амжилт, бүтээлч үйлс, арвин их ололтыг хүсэн ерөөе!

ХООЛ ҮЙЛДВЭРЛЭЛ, ҮЙЛЧИЛГЭЭНИЙ ХООЛ ЗҮЙЧ, ТОГООЧ НАРЫГ ЧАДАВХЖУУЛАХ СУРГАЛТЫГ ЗОХИОН БАЙГУУЛЛАА. ✅ Хүүхдийн хоол үйлдвэрл...
28/08/2026

ХООЛ ҮЙЛДВЭРЛЭЛ, ҮЙЛЧИЛГЭЭНИЙ ХООЛ ЗҮЙЧ, ТОГООЧ НАРЫГ ЧАДАВХЖУУЛАХ СУРГАЛТЫГ ЗОХИОН БАЙГУУЛЛАА.

✅ Хүүхдийн хоол үйлдвэрлэл, үйлчилгээний аюулгүй байдлыг хангах, хүнсний бүтээгдэхүүний үнийн өсөлтөд нийцүүлэн өртгийн тооцоолол хийх, шим тэжээлийн тэнцвэртэй цэс боловсруулан хэрэгжүүлэх, хоол зүйч, тогооч нарын мэдлэг, ур чадварыг дээшлүүлэх зорилгоор Хоол зүй, шим судлалын Монголын нийгэмлэгтэй хамтран 2026 оны 08 дугаар сарын 25–27-ны өдрүүдэд онол, дадлага хосолсон 3 өдрийн чадавхжуулах сургалтыг зохион байгууллаа.

✅ Сургалтад нийт 80 гаруй хоол зүйч, тогооч хамрагдаж, онолын мэдлэгээ дадлагаар бататган мэргэжлийн ур чадвараа дээшлүүлсэн бөгөөд тус сургалт нь хоол үйлдвэрлэл, үйлчилгээний ажилтнуудын мэдлэг, ур чадварыг нэмэгдүүлэхийн зэрэгцээ хүүхдийн эрүүл, шим тэжээллэг, аюулгүй хооллолтын орчныг бүрдүүлэхэд чухал ач холбогдолтой арга хэмжээ боллоо.

👏 Идэвх санаачилгатай оролцсон хоол зүйч, тогооч нартаа ажлын амжилт хүсье. Мөн сургалтын онол, дадлагын үйл ажиллагааг зохион байгуулах нөхцөлөөр ханган, хамтран ажилласан Даланзадгад сумын ерөнхий боловсролын 4 дүгээр сургуулийн удирдлага, хамт олонд талархал илэрхийлье.

Address

Umnugovi
Dalandzadgad
976

Website

Alerts

Be the first to know and let us send you an email when Өмнөговь аймгийн Боловсролын газар posts news and promotions. Your email address will not be used for any other purpose, and you can unsubscribe at any time.

Contact The School

Send a message to Өмнөговь аймгийн Боловсролын газар:

Shortcuts

Share

Category